[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
فـ .أبها جمال الصيف غطّى على جنيف=ياا للسياحه وروعة الجو فـ .أبها
ضباب وهْضاب وطبيعه على الكيف=سبحان ربٍّ من جماله وهبها[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو أني أقدر واجبر العيـن بالنـوم=نومتها بالـذات لـ .ضـاق صـدري
نوومه عميقه مايكفي بعض يـوم=علّه يرووح الوقت من غير مدري
[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صباح تغريد الطيور,والا شذى ورد الصباح=ياحلمي اللي كُلّما,نامت عيوني جيتني
مراات تشرح خاطري وأخف من ريش الجناح=لـ .زرتني شرفتني,واسيتني,سليتني
ومراات كابوسٍ مخيف,للصدر من ثقلك صْياح=لـ .قمت,جسمي مضطرب من كثر مابكيتني
مابين سَطْوه واجتياح,وأحلام تذروها الرياح=ومابين ليت وُ كان والا ليه والا ليتني![/poem]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خبر وفاتك ياولي العهد غير=فجأه وهزتنا وهزت وطنّا
الله يعوُض المملكه والملك خير=ويجبر عزى الأسره ويجبر حَزَنّا[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قطار الموت شال مْن الحبايب فـ .الطريق وشال=من مْلوك العرب والقاده وُللحين ماسدّه
خذالي غاليٍ حزني من فْرااقه يهد جْبال=والوّح له يرده لي وقفّى به ولا ردّه[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ياهاجس الليل لاتخلف مواعيدك=لاصرت أنا بانتظارك لاتخليني
قبل أمس أكابر وأبي فرقاك مـ .أريدك=واليوم أناديك وأهدي لك عناويني
خذ روحي اللي تحرّى جيّتك بيدك=مع سكتك وين ماودك توديني
ياهاجسي جابني صوتك وترديدك=عبارةٍ من حلاها ساكنه فيني
تفيدني ياسماا دنياي وتْفيدك=فكت طلاسم وسارت مع شراييني!
وحلّقت فـ .الجو مع حسك وتغريدك=على بساطك لمست الشمس بيديني[/poem]

كنت ومازلت وسأظل متابع لك ياشاعرتنا


كوني بخير وبهذه الروح ..

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
صامت حروفي عَشْرَة أيام واليوم=تبي الفطور ومابعد فطروها
تلمح على صدر السماا برق وغيوم=تقرااه وعْيون البشر ماقروها[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فيني وله,فيني حنين,وفيني=شوقٍ سكن في مهجتي مشقيني
أضمّد جْروحي,وأحاكي روحي=وأخشى المخده ريشها يوحيني
مستوحشه من ديرتي,من ناسي=ماكن شيء بدنيتي يعنيني
أعمى عيوني شوقي المستفحل=موج البحر والورد مايغريني
وحتى النسيم العذب لامن ذعذع=كنّه على جمر الغضى صاليني
أحترت في نفسي,وأنا عن نفسي=أدري ولا أدري وش حصل,وش فيني؟
مسترهفه وأنا رهيفه خلقه=وأدنات كلمه يافهد تبكيني,[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازين الصمت فـ .المجلس ليا كثر الحديث وطال=قبل مـ .يْكون حكمه يشهد اللي جربه,رااحه[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش شعورك يـ .الحمامه كل ما مر الحمام=طايرٍ فـ .الجو وأنتي فـ .القفص داايم سجينه؟
سولفي لي,علميني,بادليني بـ .الكلام=لايغرك كوني إنسانه,وأنا مثلك حزينه
أتوجّد لك وأغني لك وحالي ياحرام=يشبه لْـ .حالك وليتك,قاف شعري تسجعينه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ربعه تشتت شملهم عقب مامات=قرمٍ لياصكت عليهم يجونه
يلجون له فـ .الكايده والمهمات=والموت وقف من ردى الحظ دونه[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يـ .أرامكو,لاجارك الله بالاحسان=والله لو أنك ياقهر,عسكريه!
في جونا من صالي الحر,دخان=وعلى الاجازه مالنا,مقدريه
العام مثل اليوم,والصيف قد زان=في ديرةٍ نسمة هواها طريه
من ماطرٍ من نصبح الصبح,ودان=وأجواء,على ريح المطر شاعريه
واليوم في سجنك على غير برهان=حكم القوي على النفوس البريه[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ياشعر لا تطري عليك السماجه=لـ .ضاااق صدري فضفض الهم بشويش
ظلام ليلي كان ولّع سْراجه=بل الكبود اللي لـ .عزفك معاطيش
وأصدح ولا لك في خفى الرووح حاجه=لاتنتهز ضعفي ولا تنفض الريش[/poem]

[poem=font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
سارت بي الأقداار من غير مـ .أختار=ورضيت لو ماحقق الوقت حلمي
زرعت من فكري بساتين وأزهار=صورت من مشوار الايام,فلمي
عشان يبقى فـ .المقابيل تذكار=يشكي له الخافق قساتي وظلمي
واجتاحني في رحلتي,عج وغبار=غيّر معالم وجهتي دون علمي,[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يماااهـ ., لو تبكين هذا قدرنا=الظلم ساد وتشهد الظلم,الامه
بشااار خذ منا كثييير,وصبرنا=الله يزووله من على الارض,يمه[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تهيضت يوم الصبح شعشع وباان النور=وقام الحمام الراعبي يسجع لحونه
تهيضت في صبحٍ سكينه وحس طيور=تثير المشاعر عقب ماهيب مسجونه
وكتبت القصيده يوم جتني بـ .عشر سطور=قصيده من الواقع جديده وموزونه
[/poem]

وطنا لو تهب الريح صوبه
,,,,,,,,,,,,,,,,,,معاصير القوايل ماتهزه
جبل,في قمته صقر العروبه
,,,,,,,,,,,,عسى الله يحفظه ويدووم عزه

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
بين شمس الحقيقه وبين ذاك الضباب=تاهت أقدام قصاص الاثر في ضحـاه
ضاع والشمس حيه مـ .أهتدأ للصواب=يحْسب أنه دليل وضايع ٍ فـي عمـاه !
كنّه الضامي اللي راح يطرد سـراب=مالقى شربةٍ لـ .تَعْـب تقطـع ضمـاه
[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
واابوي ياللي صار له عدة أعوام=فـ .القبر ماتندل رجلي طريقه
داايم على بالي ولكن لي أيام=ماغاااب عن عيني خياله دقيقه
أدعيه وأصحّيه فـ .الحلم,ماقام=وأقوم,من فرقاه لبسي مـ .أطيقه
أبكيه وأتْعَبت الجواارح والأقلام=وأحْزنت ناسي والقلوب الرقيقه[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لولى غلاتك نظمت أبيات=وخليت كل(ن)يغنيها
بالله يامخلف الهقوات=بلاش عيني تبكيها
كانت مجرد مْزوح وجات=صدفه وصااب الرهن فيها
لوكنت أدوّر على الزلات=في ذمتي اني مـ .أعديها[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أروع مرااحل حياتي عشتها طفله=أنام وأصحى وكلي شوق لـ .ألعابي
في كل الأيام مبسوطه ومحتفله=أحيا بضمّة يدين أمي وتحيابي
وأبوي غاية سروري يوم أسولف له=والا على منكبه رااح يْتمشّابي
ألعب مع الطير فـ .البستان وأعْزف له=والحزن ماهز قلبي وأحرق أعصابي
ماكنت أحَسْب القدر يااتي على غفله=والموت ماكنت أحَسْبه ياخذ أحبابي[/poem]