[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
فيك ثورة تناقض ، وارتباك = ودّك بشي .. لكن خايفه وكمّل الخوف في قلبك .. حياك = لنّك النايفه .. ياالنايفه ترهبك ..اي لحظة احتكاك = وتحذرين .. الحياه الزايفه وصدرك ..يمرّ في وضع انتهاك = وشايفه ، بس ماانتي شايفه تعشقيني ، واذا سولف غلاك = تخنقين ، الحروف الحايفه لن وضعك كبير ، ومستواك = يفتح افواه قوم ، وطايفه افهمك ، لنّي اطير بسماك = واعشقك ، يالهنوف الكايفه [/poem] |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حبٍ ، بليّا تواصل ..مالي وماله = وهرجٍ ، بليّا حصيله .. ويش اسوي به ! وعلاقةٍ ، ماتعوّض ضيقة الداله = كلام فاضي ..ولايحمل عواقيبه مرتاح ، والشوق مامرّيت في باله = والعمر ، من دون وجه العشق ..ياطيبه ولاعاد انا صايرٍ .. عمه ولاخاله = يحرم على خافقي .. يبلى بتعذيبه [/poem] |
السنابل الفارغة
تدخل جهة حكومية لتخليص بعض المعاملات المهمة والضرورية ، فتتفاجأ بموظف بسيط وعلى قد حاله ، يعاملك وكأنك جاي تطلب منه فلوس :) ، تعالي غير طبيعي ، وجه عبوس ، يصل أحياناً الى الإزدراء ولاحول ولاقوة الابالله . افكر كثيراً في هؤلاء ، أولئك الذين ماوضعوا في هذا المكان الالخدمتي انا وابناء شعبي الطيب ، ويتبادر الى ذهني سؤال ، لماذا ؟ لماذا كل هذه الزحمة ؟ ، لماذا كل هذا التعالي ؟ لماذا يعاملون المراجعين بهذه الصورة ؟ وكان الجواب دائماً لأنهم مساكين . ماوجه الشبه بين الانسان والسنبلة ؟ السنبلة التي تحمل القمح تميل الى جهةالأرض بسببب أنها ممتلئة ، لكن الفارغة تكون معتدلة ورأسها إلى السماء ، والإنسان كذلك ، فالمتواضع دائماً ليّن الجانب وقريب للناس لأنه ممتلئ من الداخل ، أما المتعالي فهو مرفوع الانف ويرى الناس عن بعد لأنه فارغ من الداخل . ألاحظ وعلى سبيل المثال لا الحصر دائماً وليس بشكل عام ، بل الأكثرية من الأفراد في القطاعات العسكرية سنابل فارغة بعكس الضباط ، مع ان الضابط اعلى من الفرد رتبة ووجاهة ومكانة اجتماعية وعملية ، والسبب أن الفارق الثقافي شاسع ، لذلك كان تعامله أرقى ، فهو لايعاني عقدة النقص التي يعانيها هؤلاء المساكين . |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] صدفة غلا .. لمّت من العالم اثنين = انا ، وحلمٍ ضايعٍ مالقيته
مخلوقةٍ ماهيب زينه ، هي الزين = واجمل غزالٍ .. في حياتي رأيته في عينها ، دمعه وورده وسكين = وفي فمّها ، حانه وتمرٍ خذيته وفي خدها ، عطر يتنفس وجرحين = وفي صدرها ، طفلٍ حلو ضاع بيته وفي قدّها ، بابل ولندن وبكّين = وفي كفها ، لذّة حرير اشتهيته ياويل حالي ، يوم قالت لي : اهلين = قلبي نفضه الماس ، واسمي نسيته قالت : تفضّل ، قلت :هالحين ! هالحين! = قالت : نعم ، من رمشها يافديته كان ارتباكي شي ..ينبي بشيين = دهشه ، وليلٍ لو سراني سريته جلست ، مدري وين انا ؟ والعرب وين ؟ = وكان الزمن يجري ، وانا ماوعيته من سبعه المغرب ..ليا الساعه اثنين = وانا اشرب .,من احساسها مارويته وكلامنا ، نظره من العين للعين = وبعض الحكي لو ينحكى ..ماحكيته[/poem] |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من ذاق قمح السنابل .. لايلوم الجراد = لاارخى عليها واكلها .. سنبله سنبله ماعاد فالارض مدّ ، اسلّمه للمداد = لو جفّت الذكريات ..بشمسي المقبله ويامدوّرين الآماني ..فالثياب الجداد = مايستر القلب ، غير ثيابه المسبله لاصار ، كل الطرق تفضي الى الابتعاد = على ايش !! كلٍ يدوّر للهنا محبله [/poem] |
نحو العشق / ---->
هي جملة وجملة اخرى بينها (واو عطف) ، والحاء والباء (حروف الجر )فيها ، تبدأ غالباً ( بالتأكيد ) ، وتمرّ بمراحلها الأربعة بالتوالي (الضمه ، الفتحه ، الكسره ، السكون )، يصعب في صراعها اللامنطقي بيان (الحال)، يحاول كل الاطراف التقصي عن (الخبر) لأن (المبتدا)غير متوقع ، فتستغرق (ما) النافيه في عملها ، وتبدأ التبريرات بـ(كان واخواتها)، فتتعب (الضمائر)، وتستنجد بـ (الأسماء الخمسة)، وغالباً ماتكون (الظروف)هي الحاجز الاسمنتي الذي تتهاوى عليه (حروف التمني )، التي ايقضتها(نون النسوة)بـ(نون التوكيد)الثقيلة . لا (صفه) قطعيّه لهذا الكائن الغريب ، لأنه (الفعل)و (الفاعل)و(المفعول به)معاً . |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ست الجهات الست ، فالاربع فصول = ماشفت منها غير .. ضحكات الربيع مسيطره على انتباهي .. عرض طول = لو ان نبضي .. لابطئ ولاسريع رسمت في جنة محياها .. القبول = واعطتني .. التحنان ، والصدر الوسيع سحابةٍ مليا .. مهمتها الهطول = خلف الحنايا ، تخلق الجو البديع ارق من عطرٍ .. على ثوب البتول = واصدق من الضحكه .. على وجه الرضيع أوعدتها ، والوعد ماحوله حلول = وقفت عقارب ساعته ، وازرى يطيع ضاعت ، وقلبي في محطات الوصول = واخاف لاتوصل بلا موعد .. واضيع [/poem] |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] عساك طيّب .. حسب ماهو يبدو = يامسلمً .. داخل حدود اسلامك
ياالبلبل اللي بالأغاني .. تشدو = عشنا على صوتك ، وعذب انغامك الله يردّك .. يا محمد عبدو = ويخفف ذنوبك ، وكل آلامك[/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
افواهنا ، لو حكت وعروقنا بلمى = ما عبّرت عن مشاعرنا .. ثقل ذرّه ياغيمة الديم ، بالله علّمي سلمى = لاعد تمر الديار المعشبه .. مرّه الورد ، والشمس ، وانفاس الهوى ، والما = ماعاد تبغى لها في عالمي .. جرّه النفس عافت ، وانا مااواطن الظلمى = والما حلو ، لو يمرّ الحنظله المرّه [/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اشره على حبر القلم ، ولاّ على القرطاس = لاجيت اسولف للخلا .. عن جمرة احساسي ماكنّ هوجاسي سوى .. عباس بن فرناس = يرفّ جنحان الورق .. ويطيح متواسي وعلى كثر ، ماتختنق بعلومي الاقواس = ازريت الاقي لي فضا .. يستأصل انفاسي وانا كذا ، مغنيني الله عن جميع الناس = والحبر دمي فالزمن ، والكون قرطاسي ولو مايصير الثلج ما .. ما ينشرب لي كاس = وانا ، يصير الجو غايم لا شرب كاسي ياذا الثرى .. ياللي تشيل غصونك اليبّاس = انفض يدينك ، واترك الباقي على فاسي[/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياطير ياللي جناحينك .. سلام ووفا = قيّدت حرّيتي ، واطلقت حريّتك سافر ، ودوّر على عشٍ يضمك دفا = يسرق من الشمس .. مايدفي شتا فيّتك مااجمل من الليل لامنّه بعينك .. غفا = واصبحت تشرب بياض الصبح .. في نيّتك [/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ما سولف الغربي .. على الخيزران = يسرق السمع عنقود ، وتطيح ثمره وكل ما تلمس الذكرى .. يدين الحنان = ينتخيني .. الورق ، والحبر ، والمحبره ويكثر الخوف حتى .. يستفزّ الامان = بين شمس ٍ تمنّيني .. وظل شجره اشهد انّ المواجع .. تقتل العنفوان = مثل ماتقتل الرجّال .. عين المره مابرت ذمّتك .. يادلة الزعفران = دام ماهزّ فنجال الغلا ، عنتره ضاع عطر الاماكن .. في محيّا الزمان = والمحبه وأدها الوقت .. فالمقبره صادق ان قال فقدك : يالله المستعان = وكاذب ان قال لك : ماهزّ فيّ شعره [/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] كل ماحرّكت ريح الصبا .. رايتي = طاح مبنى على الشارع ، وميّل عمود
ويش اسوّي ! وانا لمس السما غايتي = والمباني ، قواعدها على راس عود [/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مالك عذر ، وانتي مع الفرقا .. تخونين الوصال = وانا انتظاري .. فاتح ابواب الجهات الاربعه وان كان ودّك .. ترسمين البوح في صدر الرمال = بكره تمرّ الريح معلوق الرمال .. وتقطعه واذا اصبح الواقع .. كما الدمعه على خد الخيال = مافيه داعي .. تلبس وجيه القلوب الاقنعه زرعتي البيدا حياه ، ولااثمرت كلمة " تعال " = وملّيت انادي : مزرعه يامزرعه يامزرعه حتى ارتبك سرب العصافير ، وتملّكني سؤال = ازريت ، الاقي له على الاوراق .. اجابه مقنعه الى متى ؟ وانتي تمرّين المعاليق .. احتمال = والشك يلعب في معاليقي .. على راس اصبعه [/poem] |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ياخافقي ، ظهرك فالارض وتمدّد = خل ساقك اليمنى .. على الركبه يسار
وشبّك يدينك خلف راسك .. وردّد = مايحرق الدلّه .. سوى صالي النار ياحلْو ، كم قلت الك .. قارب وسدّد = قدّام ماتلعب بك .. يدين الاقدار اللي انتهى .. ماعاد فيه يتجدّد = لو يطلع من الباب .. مسمار ، مسمار مانيب جايك لو تموت .. اتودّد = خلّك بعيد .. ولاتقرّب على الدار حيٍّ.. يمنّ ، ويلتوي ، ويتهدّد = ماهو كفو ، يشتاق له قلبي البار ياكثر ماسويّت ، لو جيت اعدّد = يمكن كثر ماكنت احبك .. ياغدّار رح ، جعل قلبك مثل حزني مبدّد = وانسى انّي احلّلك .. لو صار ماصار [/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يمكن ان طحت من قلبي .. تعوّد له = لكن المشكله ، لن طحت من عيني[/poem]
|
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يوم السعد ، لاطحت من عين مثلك = مع السلامه ، دامني منك سالم
عيشي حياتك ياصغيره ، ووش لك = بانسان .. متكبّر ، وخاين ، وظالم[/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] استبشرت روحي .. بغيمة عطاياك = قبل يتغيّر من هقاويك .. جوّك
شوفي ملامح خافقك .. في مراياك = واقري تفاصيل الخطا .. في دنوّك وان ماعرفتي .. ويش سبّة خطاياك! = يعلّمك .. عن ماعمل فيك سوّك جدرانك الاربع .. ضحيّة زواياك = وانا ضحيّه .. من ضحايا سموّك وان كان جرح احساسي .. اوّل هداياك = طحتي ، وانا عيني تخايل علوّك[/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الكون ، ثقب ابره .. وانا ، همّي جمل = يا الله ، ولاغيرك يفرّج كربتي
فيك الأمل ياالله .. ولا غيرك أمل = يقدر ، يبشّرني بفرقا غربتي [/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياالله احفظ ماتشيل ارضي ، وبارك في سماي = من براكينٍ .. حممها عند باب الفوّهه
عالمٍ تستضحك بوجهي ، وتطعن في قفاي = والوجيه اصفى من الما .. والقلوب مشوّهه ليت مااقرا فالوجيه .. الا ملامحها وجاي = المصيبه ، لااصبحت بعض الصدور .. مفوّهه[/poem] |
يقول ناصر الأحمري :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] نطلب الله وقلنا يامسهّل = سهّل الكايدات من الصعايب ساحة الشعر تشكي من الترهّل = والسبب فالجحلّط والزلايب وانت مافيه قدامك تمهّل = تسهج الدرب بخيار الركايب كيف حالك ! ومبروك التأهل = قبل بعض السوالف والطلايب [/poem] قلت : [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] نطلب الله ، وندعي ، ونتبهّل=مرسل المصطفى ، جزل الوهايب ساحة الشعر ..ماتلغي مؤهل=لو نرى في عجايبها .. العجايب فارقين الصهيل .. عن التصهّل=ياسليل .. المثنى ، وابن ثايب بارك الله ، في من لاتزهّل=واجتهد ، مانعدّه عاد خايب[/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] مااخفيك ، مرّوا في مدينتك زوّار = لكنّ..مااخذوا من شرابك وقوتك
رحتي ..وانا ارسم في شوارعك دوّار =واقول : لايمكن حياتك تفوتك وجيتي ..وانا اجمع من ضحاياك ثوّار = يحرّرون اسرى حياتي . بموتك كان الوفا ، في نظرة الصمت ..بوّار= وكان الحزن ، يعزف عليّه سكوتك وكنت اخنق دموعي ..وانا اقول :عوّار = ماودّي اقحم دمعتي ..في بيوتك واليوم جيتي والمعاليق ..فوّار = واثبتي انّك ..داريه عن ثبوتك وطاح المطر ، وانبت ورى الصدر نوّار = وغنّت عصافيري..على غصن صوتك[/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] سرّ الحياه ، ايمانك بقوة الجذب = مابين طاقة رغبتك ..والتردّد
جذبتي عيوني ..على نهرك العذب = وآخر امانيها .. انكماش التمدّد وانا اقنع احساسي ..على انّ الغلا كذب = ماابغى ، دهاليز الهوى والتودّد[/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مااشره ، على صمت المحابر والاقلام = لاقام ، يزعجني عتاب القصيده من كثر .. صدمات الليالي والايام = قلبي على مااظن .. صاير حديده [/poem] |
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لعيون ، غيدا فوق سطح المملكه = نسحب شريط الوقت ، ونعيد القديم تقول : خلك من علوم التكتكه = حنا ، تعوّدنا نشوفك فالصميم قلت: ابشري ، وباعتبرها فبركه = وانا أنا ، فبقيق ولاّ فالقصيم [/poem] |
| جميع الأوقات بتوقيت GMT +3. الساعة الآن 09:13 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية