[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ودي يزاورني خيالك ليا نمت=وأن صار,أنام الليل مع طول يومي
مَـ .دام مابه غير ذكراك لاقمت=وطيور شوقي في سمايه تحومي
ومَـ .داام تأسرني ظروفي ومادمت=مثلي ظروفك في ضحاها نجومي
خل الخيال يْحاكي الروح في صمت=يجمع شتاتي لاتردّت عْزومي[/poem]

http://a1.sphotos.ak.fbcdn.net/hphot...1_898344_n.jpg

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في يومنا الوطني,أسمى تهانينا=للمملكه والملك,في يومنا الوطني
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
الشعـر مَنْفـس للصـدور المغاليـق=يامـا ويامـا فـرج الهـم عنـهـا
يشكي علي صدري من الحزن ويضيق=ودْموع عينـي تشكـي الخـد منهـا
يابوي ليتـك لاضـوى ليلـي تْويـق=وتشوف بنتك كيـف حزنـك دفنهـا
والله لولـى الله ثــم الطـواريـق=اللي علـى صوتـي يبكّـي لحنهـا
ليصيبنـي حالـة كآبـه,ولا أطيـق=نفسـي ولا الديـره ولامـن سكنهـا [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
بلاش نكشف خافي الروح ونروح=نطرد ورى الأحلام ماعبّرتنا
نرهق مشاعرنا على غير مصلوح=وأسرارنا وأعذارنا كبّرتنا
نرجي تزين وجاير الوقت مفضوح=يجتاحنا لو قسوته صبّرتنا
ليت الوصل دايم ميسّر ومسموح=وليت الليال بغيبها خبّرتنا[/poem]

الشاعره الرائعه شاعرة نجد

مبدعه متميزه كعادتك الله عليك

اعجابي ..

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
أربكتني مع عالي الموج وأربكت=نفسك,ونفسك يـ .الغلا ماعليها
تستحمل الفرقى وأنا ضقت وأوشكت=أغرق وروحي مابقى حيل فيها
ومن حيرتي فـ .حْبال صمتي تشربكت=مابي المشاعر تعترف لك,وأبيها[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فـ .أنقاضهم وااقف وحاله حال=شاف المصايب والشقى بدري
متْفائلٍ بالنّصر مهما طال=بطش العدو والقتل والغدري
اصْغيّر وصابر ودمعه سال=ليته عن اللي صار مايدري,[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
تنوحين مابك شيء,وأنا أنوح فيني شيء=طواني لسيس الحزن وأنتي تثيرينه
تنوحين فوق الغصن الَـ .خضر وتحتك مي=سعيده وجوّك جاا على ماتمنينه
تنوحين والاحيك من لوعتي وأبكي=حزينه,وحالي ليت حالي تشوفينه
وتغنين طربانه,وأنا طي حالي طي=شْماغٍ عقب ما ماات راعيه طاوينه
بقى فيه من عوده وريحة عرَقـْه شْوي=أشمه ولو مبطي له سْنين,يازينه
فقدته,وأبويه ينفقد ليت عاده حي=وياشين بيته عقب ما ماات ياشينه[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
تحليل وافي بس ماهـوب كافـي=تظْهر حروفي شيء وتخبي أشياء !
أرسم حروف الوجد والنور طافـي=في لوحتي ومْن الالف لين لليـاء
فيها طلاسـم فكرتـي واحترافـي=وفيها تسلّى النفس وتضيع الارياء
ياما رسمت وكان رسمي خُرافـي=وأحييت روحي من ندى نزفي إحياء
وياما غموضي سيّح ألوان قافـي=واشتد بردي وانتفض حرفي اعياء [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
نرسم من الأحلام,لوحه جميله=وش ماتمنيناه,نرسم عليها
ونطلع بها سطح القمر كل ليله=نمدح جديد أيامنا ونْهَجيها,[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
غااامر مثل ماغامر فليكس ياشوق=وهُو خوااجه وأنت شيخٍ ولد شيخ
حقق مُناتي مابقى شيء ملحوق=سجّل لنا في صفحة العمر تاريخ,[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
طلبت هاجوس قلبي لايعنيني=وأرجع على مااش والصابر فقد صبره
أنخاااه يومه على المسرى مضريني=يرووح ليلي وأنا تخنقني العبره
لـ .ناموا الناس وأرتاحوا,يسريني=وتعبت مانيب مثل أول على خبره
كاافي خلاص أنتهى مابينه وبيني=لايحطني للعيون الساهره عبره,[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
فجر أمس يضحك بـ .فجر اليوم=يافرق الأول عن الثاني
هذا صباحه مطر وغيوم=وهذاك من عجّه أعماني
ومـ .عاد ودي بكثر اللوم=سكرت فمّي على لْساني
وصارت حكايه وأنا فـ .النوم=ودق المنبه وصحاني,[/poem]

مازال للابداع تواصل في هذا الركن

كل من زار هذا الركن لابد أن يقتطف من مقتطفاته ما يجوز له

عوافي ياشاعرة نجد ع الابداع الغير مستغرب

سلمتي ياشاعرتنا وكل عام وانتٍ بخير

:wardah:

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
أيوالله أحبه ولايمكن أنساه=غلاه يجري يافهد مع عْروقي
أشوش لاطرّوه وأحيا بذكراه=ويسوقني له صادق الود سوقي
قدّاام عيني كل يومٍ وممساه=بين الضلوع العوج,دااخل خفوقي
أحكي معه وأشتاق له واتَحَفْواه=أضحك على روحي وأجدد حْروقي
وُخالقي لايمكن أحْظـَى بلقياه=الا الخيال اللي من أبسط حقوقي[/poem]

تشرفت على ركني بـ هذه الأبيات
من الشاعر:ناصر الشريف

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حضرت شاعر وفكري طير=لا شاف له حرفٍ يصيـده
ترى الذهب ما يجي قصدير=ركـنٍ نحبـه لتغـريـده
وانا متابع مساء وعصير=فرحـه وحزنـه وتنهيـده
يا صاحب الركن حث السير=لا يطفي الوجـه تجعيـده
لا بد ما تستوي لك ميـر=وحزن العمر ينطوي قيـده [/poem]

صح لسانه وشكرا جزيلا له
وأتمنى ان يصل ردي لسمو حرفه الجزل

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حضورك الركن عندي غير=ومْتابعـة مثلـك تْفـيـده
وافي ومبدع وفيك الخيـر=يارايـة الشعـر ياسيـده
حزني تمكّن ولـه تأثيـر=يطغى على الركن ويزيـده
حكم المقادير مهما يصيـر=مسكين الانسان وش بيده
ولك مني الشكر والتقديـر=وأكرر الشكـر وأعيـده,
[/poem]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
ياكثر الخلاف اللي حصل بيني وبينه=وغلانا غلانا مايغيّر غلانا شيء
سبايب ظروفٍ مامشت له على دينه=وأنا لو بغيت أعدّل الحال,وش بـ .ايدَي
سقيت بْدموعي من فرااقه شرايينه=على دمع عيني كل عرقٍ بجسمه حي
يقول أقري أشواقي,ويشّر على عينه=وترد المشاعر مثل مافي عيونك,في
يعبّر قصيدي لاتعمّدت تلحينه=على جال نهْرٍ جابني له,خرير المي
على سطحه المكتوب جاته عناوينه=عسى عقب حر الشمس نلْقـَى برااد الفي
وعتبنا وشرهتنا على ظروفنا الشينه=نبيها تزين وماحصل,للأسف هي هي[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
ياللسحاب وللمطر والبر والجو الجميل=وياللمشاعر يوم شوف البرق قام يْثيرها
هيّض قريحة نجد وألحقها مدااها والدليل=يظهر على قيفانها لو غيّره تعبيرها[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
دكتور سم الله,بالله دكتور=لك الشرف تلمس يدينك عظامه
وطهور يـ .أبونا,سلامات ماجور=تقوم يادرع الوطن بالسلامه[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
(نروح ياعيوني؟) لها واقعٍ غير=سحابةٍ طااح الحيا من مطرها
فيها شفافيه وفيها تعابير=يحيى بها الوجدان لامن ذكرها
لكن عسى فـ .المانع اللي حصل خير=وعسااه لاقصْرَت خْطاها عذرها[/poem]

صح السانك شاعرة نجد
ارويتي الذائقه بما هنا
تقديري محمل بالسلام