المشاركة الأصلية كتبت بواسطة محمد الدهيمي (المشاركة 340829)

[poem=font="Simplified Arabic,4,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]

اخواني واخواتي اعضاء وزوار منتدى المرقاب
يسعدني ان اعرض على انظاركم وعقولكم هذه القصيده
راجياً ان تنال ولو بعض رضاكم


ياليال العيد كنت انتظر لي ساعه= عقب ماشفت الهلال ولبست الثّوبي
ساعةٍ لااعصى بها الله ولاهي طاعه= ماتغيّر بحسناتي ولابذنوبي
مع وليفٍ حاف قلبي وخذه طماعه= مامنعته عن مراده عظام جنوبي
تل خفاقي وقفّى وانا تبّاعه= يوم وجهه صوب دينه وقلبه صوبي
اتبعه والله قديرٍ على مرجاعه= ابي قلبي ياعواذل وابي محبوبي
صار حالي ماتسر الصديق اوضاعه= ماتسرّ اللا هل الحكي بالمقلوبي
فرصتك يابو لسانٍ كما القطّاعه= حدّ نابك لجل يشبعك من عرقوبي
مركبي رّزيت وسط المحيط شراعه= والهوا ماجا مهبّه على مطلوبي
واشهد انّي في محيطٍ بعيدٍ قاعه= ضعت كان اهل أريش العين ماشحّوبي
كم لي اقاوم جنون الهوى وصراعه= بس ابا ادرك غايتي فالهوى واتوبي
غايةٍ باسبابها القلب زاد اقراعه= والله اعلم وين يرمي بها المكتوبي
كل ماغيّر سنعها الهوى بأسناعه = ارسلت من يذبحون الحجيج وجوبي
وطلعت من بين الاضلاع كل وداعه= لاسهم شاذب ولاهمهمة مشذوبي
هرجةٍ بالعز شرّايةٍ بيّاعه= زيفها مسلوب واحساسها محسوبي
تطفي اللوعه عن الانفس الملتاعه=والفراق وجمره الموقد المشبوبي
علموا خلّي ترى الساعه الجمّاعه= زيد رجّعت النظر للنبي يعقوبي
لايخليني لشهب الهموم قلاعه = لو يطرّش لي سلامه مع مندوبي
ماورى فرقى المواليف غير الضاعه= والهموم اللي تجمّع بلا ماجوبي
وسلامتكم جميع

محمد الدهيمي [/poem]