الأخ العزيز محمد المغيره
الشرف لي لاعدمتك وصح بدنك والف شكر لحضورك ،، |
اقتباس:
الدكتوووور سداح بيض الله وجهك كفيييت ووفيييييت لا فض فوك ولا انلجم لسانك لاشلّت يمينك ولا انثلم قلمك عساك تبطي حي ايوا الله احترامي وتقديري لك اخووك . |
يا هاجسي ضاقت صدور الدواوين
والشعر بين الصادقـه والكذوبـه لاعاد تزهمني من الحيـن للحيـن كم دافع ٍ حطيـت دوبـي ودوبـه قريحتـي شمّـت ورود البساتيـن وأمست من أحداث الزمان أمعطوبه أزريت أجملّها بزيـن المضاميـن تقول عن بدع القريض محجوبـه لكنّ يا فارض صـلاة المصليّـن ويا مستمع لدعاهم اللي دعوا بـه فـصدورهـم تفجـرّن البراكيـن وفـقلوبهم هم ٍ لوجهـك لجوبـه يا ربّ ما يخفاك سطو الملاعيـن وأنت الوحيد اللي عليـك المثوبـه بأمرك تسلّط فوق بعض السلاطين تسلطنـوا والشـرّ هبـت هبوبـه كل ٍ يقول أنه رفـع رايـة الديـن والدين طاهر والدنس ما يشوبـه كانت عروبتنا على الراس والعين لين اصبحت يا لعنبوهـا عروبـه القدس مسلوبه ولبنـان مسكيـن يدفع ضرايب سلبهـا كـل نوبـه يرقص شماله في حلوق المغنيـن ومدافع إسرائيل تقصـف جنوبـه وحكومته والله مافيهـا مواميـن وزيرها يشرى بدبلـة خطوبـه ! دمار شامل في جميـع المياديـن والقصف حامي والجروح محسوبه تمزّع أوصالـه بشلفـا وسكيّـن والشيخ نصر الله نفض كمّ ثوبـه منتم بحزب الله .. حزب الشياطين يا اللي تحزّبكـم علينـا عقوبـه ولعتوا النيره ورحتوا علـى ويـن كل ٍ في قبوه راح يحسـب ذنوبـه يظهر غباكم عند سـنّ القوانيـن دايم تزيـدون الحـراره رطوبـه من عاد يآخـذ ثـار دم البرييـن يا ناطق ٍ بالحرب ومعلن نشوبـه يشهد لنا التاريخ من حرب تشرين ماغير نهتف بالنصر وابشرو بـه والله لنبطي مـا نحـرر فلسطيـن والشعب جاهل والحكومه كذوبه ! د / سداح الدكتور سداح عاد وانا اخوك تدري بوضعي هاليومين معرس ومبطي مادخلت على النت وعلى المرقاب بس اني اشوف الأحداث على التلفزيون واقول في خاطري اكيد شاعرنا الدكتور سداح في هالحدث ابدعله قصيده وكنت متأكد مليون بالميه وفعلاً دخلت على النت وحصلته القصيدة ابدعت فيها مار عسى الله يزينها وانا اخوك العروبه نازل سوقها هاليومين بس عسى الله يستر من تواليها . صح لسانك صح لسانك صح لسانك دمت ودام ابداعك اخوك ومودك / محمد بن قطن المورقي |
كانت عروبتنا على الراس والعين لين اصبحت يا لعنبوهـا عروبـه القدس مسلوبه ولبنـان مسكيـن يدفع ضرايب سلبهـا كـل نوبـه يرقص شماله في حلوق المغنيـن ومدافع إسرائيل تقصـف جنوبـه وحكومته والله مافيهـا مواميـن وزيرها يشرى بدبلـة خطوبـه سداح كتبه الشعر فأرهقه بقضاياه لله درك ودام بدعك تقبل تقديري واحترامي لك |
سداح
صح لسانك |
استاذي العزيز سداح شهادتي فيك مجروحه وقصيدتك هاذي ضمن قصائد لك احتفظ بها في مذكراتي الخاصه لانها مدرسه بحد ذاتها
تقبل تحياتي الحاره |
الغالي كديميس السيحاني
مرحبا مليون ، |
الشاعر ( الشاعر ) \ سداح
من العنوان تبادر لذهني شئ ووجدت شيئاً آخر !!!!!! لله درك ياسداح تختلف عن الكل بالكل قصيدة صادقة شرحت واقع مرير الشكوى لله وانا اخوك الله لايحرمني وجودك وجودة شعرك تقبل تحياتي . |
الغالي والشاعر المبدع مشعان البراق
تسلم ولاعدمتك حضورك يزيدني شرف لاعدمتك ، |
كانت عروبتنا على الراس والعيـن
لين اصبحت يا لعنبوهـا عروبـه القدس مسلوبه ولبنـان مسكيـن يدفع ضرايب سلبهـا كـل نوبـه الله الله الله الله يادكتور وصح الله السانك ولله درك ويعلم الله انك اتكلم بلسان الكثير من الناس والله يطول عمرك وعساك تبطي حي ياسداح وشاعر الحدث الاول وصدقني انه يطول الكلام ولااقدر اوفيك حقك فيه واكتفي بسلاااااااااااااااااااااام خذ ياشيخ :) وسلام الله عليك وعلى شعرك وكلي احترام وتقدير لك ومعزه لشخصك الكريم اخوك |
القدس مسلوبه ولبنـان مسكيـن
يدفع ضرايب سلبهـا كـل نوبـه صح السانك ياسداح تقبل تحياتي |
مايحتاج ياسداح...الشهاده يقطر دمها.والقصيده لعنبو من ذمها
اكيد كل جديد يعني سداح وكل سداح جديد قصيده كايفه وشاعر شاعر بمعنى الكلمه لله درك والله لايضرك وصح لسانك مليار وسلم بنانك ..ياشاعر العرب |
الشاعره نوض
سلمتي وشكرا لحضورك وصح بدنك ، |
د.سداح ...شاعر الوطن العربي الكبير ..شاعر القضايا الساخنه..
لازال الغيث ينهمر إبداعات متواليه...تروي الباحث عن الشعر المعبر.. . الف شكر على ما تقدمه . فخري واعتزازي ومتابعتي . . تحياتي وتقديراتي.. |
أخي المكرم فايز ابو رجيله
شكرا لكل حرف تفضلت به ولا عليك زود يشرفني رايك وصح بدنك ولاعدمتك ، |
يظهر غباكم عند سـنّ القوانيـن
دايم تزيـدون الحـراره رطوبـه المبدع سداح لا جديد الا الجزاله والطرق الجميل دمت ودام ابداااعك وتجديد الاعجاب مازال ساري المفعوول |
الله عليك ياسداح والله لا يضرك
صح صح صح صح لسانك وسلم راسك ودام ابداعك ولك تقديري |
سداح
ترضينا بعد غيابك قصيده فااخره وتحكي عن الوضع المؤلم صح لسانك ولاهنت |
يشهد لنا التاريخ من حرب تشرين
ماغير نهتف بالنصر وابشرو بـه والله لنبطي مـا نحـرر فلسطيـن والشعب جاهل والحكومه كذوبه ! لله درك |
يجــب أن لا تكون هذه القصيدة إلاّ في الأعلىىىىىى
|
منتم بحزب الله .. حزب الشياطين
يا اللي تحزّبكـم علينـا عقوبـه ابا اوديها واحدينٍ عندي هنيّاه دبلوا تسبدي :(:( والله يبارتس فيك ياشاعر الحدث .. سلم لي على نفسك وعلى من يعز علاك من كلاّ اخوووكم |
صح لسانك مدد بلا عدد
|
| جميع الأوقات بتوقيت GMT +3. الساعة الآن 04:01 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية