الضيق والوسـواس والهـم واليـاس
تزاحمـن ياخـوي وسـط الشراييـن
مرات اشوف الناس حولـي وجـلاس
ومرات احس إني وحيدن مـن سنيـن
من ضيقتي قمة اضرب اخماس بسداس
ونفسي تصبرني بـلا بـاس ياحسيـن
يالله يامجلـي عمـس كـل وسـواس
ياخالقن عبدك مـن خلاصـة الطيـن
يالفـرد يالقيـوم ياخـالـق الـنـاس
يالـي لإمـرك كـل خلقـك ملبـيـن
ويالي بأمرك ينجلـي هـم الاتعـاس
ويالي لعفوك جيت خاضـع ومسكيـن
زابنك ياربـي وحالـي بـه اعمـاس
ولا خاب من يشكي لك الهـم والبيـن
اعوذ بـك يـارب مـن كـل خنـاس
واعوذ بك ايضا من الضعـف والديـن







الله الله الله



لــ .. حسين عزام

^
^
والله اني جايٍ بها يافراج

سبقتني وانت سباق للطيب:)

اكتم شعوري ويفضحني هوى الغربي
واصد لامن نطحني واكتـم شعـوري
واوقّف شوي .. وعيوني على دربي
واشاور النفس لين ارجع على شوري
اللي كذا صـرّح انـه مايبـي قربـي
بعدين لايحسب ان تردنـي" Sorry"
لو ان صده حرمنـي زادي وشربـي
لكن بدونه بعـرف امشّـي امـوري

لـ نايف احمد :)

^
^
^


هههههههههههههههه


والله اني جاي بها يافالح
علومك غانمة
ماتجيب الا الجزل

وانا بعد :(

.

.

ليه ضايق ؟! يا بعد عين المواجع والجروح ؟
وش علامك؟ ليه ساكت خاطرك من كـدّره ؟


والله إنـي ياحبيبـي فـدوه لْعيـنـك أروح
يابعد قلبٍ فـي بعـدك دمْـع عينـه حـدّره

.

.


(للغلا ) وجد

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

عطني مجال أرتاح من حمل المحبّه والغـرام=أشقيتني و أسقيتني وأرويتني .. حبّ وغلا !
أبعد خلاص أرجوك يكفي عشق وأشواق وهيام=فليّت في قلبي ثمان سنيـن يـا ريـم الفـلا
تعبت من حب ٍ على نفس الوتيـره والنظـام=مليّت أهيم وغاض صدري بالمحبّـه وأمتـلا
علاقتي بك مـن بدايتهـا توافـق وإنسجـام=يا حلوها وأن طوّلت تصيـر مـا فيهـا حـلا
حاول تبادر بالزعل قبل أفتعل معـك الخصـام=بليتني يـا صحابـي .. والله يكافيـك البـلا
ترا حبيبك فوضـوي مـا يعتـرف بالإلتـزام=يرفض قيود العاطفه من بـاب تجديـد الـولا
يحتاج مع حرب الغرام الطاحنه هدنـة سـلام=أطلق يـده لا تسحبـه بالقيـد قـدّام المـلا
كم له يحاول ينطلق ويطير مع سرب الحمـام=و إليا بديت تحاصره عن نظرة عيونـك جـلا
خله يعيش بـلا وصـال ولا جـدال ولا مـلام=لا تجبره حتى ولو يمسـي ويصبـح بالخـلا
وإليا كبر شوقه وجاك يشيل في صـدره كـلام=أزهم دليم وبلّغه .. قلّه هلا .. قلّـه هـلا[/poem]

توقيع الشاعر القدير المبدع سداح

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا شهيد الشيخه المجهوله=حبيتها قبل ادري بشيختها
التاج والكرسي ونفط الدوله=ابيعها واشري بها ضمتها [/poem]


توقيع للمجرم .. غلاب بن عايض ..:)

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

قريـت فالتوقيـع مايفتـح مغاليـق الصـدور=وغنيـت لـي منظومتـن تلحينهـا تلحينـهـا
اتعب عليها الفكر وانحت من جلاميد الصخـور=وان راده الله تـ/ تقف معـي علـى رجلينهـا
فيها ومنها يصعب التوصيف وشعوري شعـور=لاقيل ( ابو عتيق جاله بنت ماجـاء زينهـا )
وانا هنا من منطلق ( ازف باقه مـن زهـور )=بإسمي وبإسم اعضاء ( مرقاب الادب ) مهدينها
ياجعل ابوها العود يبطي حي وايامـه سـرور=عـزالله إنـا مـن غـلاه بنيـتـه مغلينـهـا
وختامها ماقـول غيـر الله يكافيهـا الشـرور=وتعيش طول العمر (حواء ) في كنف غالينهـا [/poem]

اللهم آآمين

توقيع الشاعر القدير تركي البرقاوي

همزة وصل بين حال وحـال
حطّت على صـدري مطمّـه
الحـبّ فالحـلّ والتـرحـال
ماعـاد تبـرا بـه الـذمّـه
العـام فـي قمّتـه نختـال
واليوم طحنا مـن القمّـه !
وراك يـا صاحبـي تغتـال
قلبي بعد ساق لـك همّـه ؟
ما تدري أنيّ على مـا قـال
سقاني الهجـر مـن سمّـه
أصنع من السلسله سلسـال
وأقـول تـمّ الوصـل تمّـه
وش جاك فآخر ثـلاث ليـال
ليت الغلا مـا ثقـل دمّـه !
ماعاد تحرص على الجـوّال
يـرنّ مـا تلتفـت يـمّـه
وأنته منـوّل بـدون جـدال
يخمّـك الشـوق وتخـمّـه
تخدش حياء هيبـة الرجـال
ويدسّها من تحـت كمّـه ؟
لكـنّ رغـم الجفـاء لازال
جوارحـه فـيـك مهتـمّـه
عسى العوض في شهر شوّال
تنزاح عـن جـوّه الغمّـه !



للمبدع الرائع ___ سداح

ماعاد باقي غير تمشي علـى يديـك
وتّشر برجلينك على شان تنشاف ...!



للمجرم ___عفاس بن حرباش ..:vb_awink:

حنا ماعاد نميز الزين والشيـن
صرنا نطالع بس فاشكال الاشيا
ماعاد نعشق غير ماتهتوي العين
ولانفكـر فالبواطـن والاريـا

لـ ياسر العتيبي

صدقت يابو مروي:)


ابداااع

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا طيّب القلب لا تزعل وصدرك يضيق=أطلق حجاجك على الدنيـا وصكاتهـا
ما دمت بالعافيه عايش و وجهك طليق=تحمّد اللـي عطـا نفسـك معافاتهـا
الروح مثل البحر والهمّ مثل المضيـق=ولو يلتطم موجها يا سـرع ضيقاتهـا
أنته بشر .. والبشر فيهم عدوّ وصديق=والنـاس بالنـاس مبنيّـه علاقاتهـا
لا تترك العاطفه من نومهـا تستفيـق=ألا مع اللي تصون الحب فـي ذاتهـا[/poem]

توقيع الشاعر المبدع سداح

بنـدق ٍ ثـارت بــلا زنــد .. وذخـيـره
كيـف وصُلـت للهدف مـن غيـر رامــي
وأشغلـت سيـف المهـنـد فــي جفـيـره
وأرتمـى الطـاروق فـ.. الميـدان دامــي
هيـه .. ياللـي دق ّ فـالمـشـراف زيــره
وأعتلى ( المرقاب ) و ( المرقاب ) حامي .. !
لا تجـي وسـط.. الـرحـاة المستـديـرة ؟
وأنـت مالـك .. أسـم مـن بيـن الأسامـي
دون ( روق ) أشــن ّ يالـغـاوي مغـيـره
وأحتـزم فـ.. عصابتـي ( برقـا ) وأحامـي
وأشـعـل الـمـيـدان .. وأزوّد سـعـيـره
وآرد العـد ّ الـرهـاوي وأنــت ضـامـي
والسنـافـي بينـنـا يشـعـب بعـيـره .. !
وأن كسبهـا ماقفـه .. لا شــك ّ سـامـي
ميـر أنـا خابـر هـل ُ النـفـس الحقـيـره
مـا تبـا الا ّ ميسـم ٍ .. فالـوجـه حـامـي


لـــ / طلال السيحاني

8
8
8
8



عندي خبر عادي ولا هو ب/عاجل
ان الشعر على قفا من يبا يشيـل
والورع جا له مع خويّه مساجـل
ما بين شيلات ولحون ومواويـل
الشعر لو انـه يجيـب المراجـل
كان الحريم اللي اكتبنـه رياجيـل
شعر العرب لحق الحمام الزواجـل
لا عاد يجيب ولا يودي مراسيـل




صح لسانك يابو هايف :)

عزالله العزيز اني مبطي عن هالموضوع
لكن رجعت ولارجعت الا بسمين للشاعر عبدالرحمن السمين

لا خير في نفس ٍ تدور ضياعها
ولا خير في رجلٍ يجنب عوايده
لا صار ما هي بالطويله مرامعه
وش عاد مصلوحك تدور فوايده
الغاليه بالسوق تفرق بسومهـا
وكلمة نعم بين الريااجيل كايده

الله يعافيك أخي فالح

والله يجزاك خير

لاهنت

الشوق لو هو يستحي ما جابني يم النسيم
وكل الدروب اللّي تنادي لك (هلا) مرّيتها


(( للغلا ))


بنت وايل