لاهنتو جميعاً


انت ياخونا الشاعر

وراك ماترسل قصيدتك علينا

ايه ياضيف الله عليك به خله يرسل قصيدته


لاهنت على جهودك الطيبه التي اخجلتنا بها

اخوكم الشاعر منهو انا والا اخونا الصغير عايض

حددو لا هنتو

كان قصدكم انا فـــ أنا اخذتها صن مغطى اما عايض والله مدري وش مشتراه


سلاااااام

وزين اللي شفنا علي مبارك هنا

ابو سعود

مشكور على الجهد الرائع

وبالتوفيق للجميع

تقديري

بالتوفيق لجميع الشعراااء المشاركين

الله لايهينك يابو سعود على جهودك الطيّبه

والتغطيه الممتاااااازه .. الله الله بالصور من الموقع

الله يعطيك العافيه ياضيف الله على التغطيه


وبالتوفيق للمرقابيين

بيض الله وجهك يا ضيف الله

ولاهنت على هالتغطيه

وبالتوفيق لكل الشعار المرقابيين المشاركين

سؤال بريء لمن يعرف الاجابه ..!

متى بتكون اللجنه في جده .. وفي اي فندق بيكون مقابلة شعراء الغربيه


افتوني جزاكم الله خير

اخوكم

جابر

8
8

تتجه إلى جدّه يوم الأثنين 10-13 /8/1429هـ

شد حيلك يا جابر والله يوفقك

8
8

في اي فندق يا ابن مصوي كان عندك علم :)

الله يوفق الجميع

فيصل الجعيد


هيلتون جدة المقر في قاعة القصر

تسلم يا الرقيب ما تقصر

وان شاء الله نشوف ال 48 كلهم من المرقاب :)

وش آخر التطورات يا أبو سعود ؟؟

:)

لا هنت يا محمد

ولا انت يا عبد الله

الله يوفق الجميع ..

مكررر ...!

هذا النص الذي شارك به
شاعرنا المبدع طلال بندر
وأجازته اللجنة

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بدايـة الحـب ... هلـت طيبـات العلـوم = ونهايـة الحـب ... رجلـي منـك عنيتهـا
أرقى على النبوه القصيه ... وأخيل النجـوم = وأبكي صدى صيحتي يـوم أنـي أوحيتهـا
بعض القصايد تدوم ... وبعضهـا ماتـدوم = وبعض القصايد صعيبه ... ميـر سويتهـا
والصدر ضايق ... وضاقت بي وساع الهدوم = حديـت نفسـي ... وعينـي ماتحديتـهـا
لو أنها بالظفر ... كفي عطيب ... وخدوم ؟ = لكـن مـن غيابهـا يـوم أنـي أغليتـهـا
حسبي على الحظ الأقشر والزمـان الظلـوم = خــلا المحـبـه تسامـرنـي تناهيتـهـا
لو شلت ختم الأمـارة ... ماتفيـد الختـوم = (( الحب ضام الملوك وعاش فـي بيتهـا ))
وأنا من الحب تلعب بي ... كبـار الهمـوم = يـوم المفـارق طـوى عينـي وصديتهـا
ويوم الثلاثاء ... ترى أقشر يوم على العموم = هـز الجبـال الكبـار ... وطـار عفريتهـا
غابت لها عام مـع ستـه وعشريـن يـوم = حتـى الدقـايـق تعذبـنـي وعديتـهـا ؟
وحتى حساب الزمن دافـع عليـه الرسـوم = ومديت رجلـي علـى دربـه ... وثنيتهـا
أمر من بيتها ... وأخـذ علـى الـروم زوم = مصكـوك شباكهـا ... ومطفـيّـه ليتـهـا
تضحك مع اللي ضحك ... وتقزر الوقت نوم = وأنا ليامـن طـرى الطـاري ... تلقيتهـا
ياليتها ترجع ونصبح مـع الحـب ... تـوم = ولا عساهـا تمـوت ... وينقطـع صيتهـا [/poem]

[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جاذبت عذب الكلام وقلت مالم يٌقل = بعد اكشفت لي هنوف الشعر عن ساقها
وعن زيف الاحساس وأوهامه نهيت العقل =مادام صارت جيوب العالم أخلاقها
وقمت انتقي من مجانيها وهي تنتقل=بين المحبين عاشقها ..ومشتاقها
من غيرها يستحق البوح بدع ..ونقل=في وصف يرضي غرورالناس وأذواقها
للّي بخفّة تمايلها شوية ثقل= من ثقل ميل الغصون لخفّة أوراقها
ماكنّها ألاّرهيف السيف بعدالصقل= منها عيون الحسودتضيق باحداقها
لامرت بعين قلبي والخطاوي وقل =تقول كن الغيوم تحاول عناقها
أضمّهاداخل أعماق وأشوفه أقل=مايمكن أقدمه لاجل أسكن أعماقها
كلي فدا لابتسامتها ..وسود المقل =أموت ..وتموت مافكرت بفراقها
قلبي على حبّها الطاهرزرعته حقل ..=..ألغام دونه عذارى تنشف أرياقها
وخفّاقها لاجل حبي سوته معتقل=واللي مكذّب يروح يشوف خفّاقها !
عن غيرها ناظري فوق الغيوم استقل= ماكل غيمه تمر يخيل برّاقها
من بدّل المنّ والسلوى بفوم وبقل= ياااعنك مايعرف اللّذه ولاذاقها [/poem]

قصيده الشاعر مستور الذويبي

كانت ردة الفعل . الاشاده بالاجماع والاجازه بقوووه

بالتوفيق يبو شاهر

ابو سعود

قل آمين ..

الله يعطيك العافيه ,, وتسلم على هالمجهود

لاهنت والله يوفق اخواننا المشاركين

سلامي عليك