8
8 اسمه وعنوانه احس انه مشارك في نكبة حزيران 67 . |
اقتباس:
هههههههههههههههههههههههههه هذي صورة ضيف الله الغنامي .. الا ان كاني ما اجيب العلم .. !! teeth: |
^
^ ^ ^ وانت راع العلوم الغانمه كلها .. :) >>> دخل عرض فالسالفه وقام يهايط .. :) الوكاد انها طخة ضيف الله .. ونرجع للموضوع ..!! مره من المرات .. >> وش عنده الأخ كنت جالس في مكتبي .. >> بيسوي دعايه للمكتب وكنت جالس على الكرسي وبيدي معاملات وحايس وعندي عملاءجالسين وفجأه دخل رجال وبيده معامله وقال للسكرتير وين تركي قال تفضل وانا كنت مشغول مره المهم الرجال دخل وسلم ورحبت به وقلت اجلس قال انا عندي معامله قلت ياهلا واخذت منه الاوراق بسرعه ابغى اخلصه وراي شغل المهم قلت هات بطاقتك باخذ نسخه منها وفجأه لقيت اسمه مختلف عن اسم صاحب المعامله المكتوب فالورقه وكان الأسم المكتوب فالورقه ( .....) قلت له اسف لازم يحضر صاحب المعامله واشوفه واستلمها منه شخصياُ المهم الرجال حسيت انه انحرج مره قال طيب ابشر وسكت وكان في باله انه يبغى الناس اللي عندي يروحون وبعدين يعلمني السالفه كلها .. وانا مافهمتها .. ورجعت وقلت له اسف لاتنتظر على الفاضي ماراح اقدر استلم المعامله لين يجي شخصيا .. المهم الرجال عصب وعيونه طلعت ودمه فار .. :) قال ياخي هذا المعامله بأسم وحده من قريباتي وانا وكيلها الشرعي يعني الأسم اسم حرمه مو رجال .. :) المهم انا انحرجت و ناديت على الموظف اللي عندي وجاء وقلت وش تشرب .. يعنني صرفت الهرجه هههههههههههه بس صراحه الأسم الفرق بينه وبين اسم الرجل كانت علامه ( الشده) فوق احد الحروف .. :) المهم اخذت المعامله منه وانجزتها في نفس اليوم وبدون مقابل عشان الموقف اللي حصل .. ومن بعدها صرنا انا وياه اصدقاء وصار بيننا تعاون استثماري .. :) وسلامتكم .. وصحت ابدانكم .. >>>> :) |
اقتباس:
اقتباس:
اقتباس:
نادر لاهنت على المرور والتعليق |
اقتباس:
كنت فالمكتب وكنت جالس على الكرسي وكنت طالع من البيت وكنت وكنا وانا وانته وانته وانا teeth: |
يسعد أوقاتكم
جميل أن تُحرّض أفكار الآخرين وذاكرتهم على التداعي والتواصل سأُحاول أن أتذكّرني بمواقفي واُمنياتي, وتطلّعاتي لي عوده بحجم قلب صاحب الموضوع |
:
: (( أم الحمام )) .. !! أم الحمام .. (( حي )) ليس كبقية الأحياء .. على الأقل في وجهة نظري .. له من اسمه الشي الكثير .. فهو تمازج جميل بين الحنان والسلام .. في أم الحمام لا أبدو غريباً .. اتعايش بسعادة غامره .. مع البشر .. والحجر .. والشجر .. في أم الحمام خزّنت ذكرياتي التي نحتها في قلب البشر .. وعلى وجه الحجر .. فغدت حقيبة الذكريات أثمن ما أملك .. هناك أخنق (( الضيقة )) .. بحبل السعة .. لا أدري لماذا تنفرج اساريري بمجرد ولوجي الى هذا الحي .. اليوم كنت محظوظاً بمروري من هناك .. وكأني كنت (( محتاج )) للذهاب هناك .. جبت الشوارع .. وقرأت ملامح الجدران من جديد كقارئ نهم .. وتنفست بأرواح الناس هناك .. !! وخرجت وقد (( دفنت )) فيه الكثير من ضجري .. وكأنه يستحي أن أخرج منه بشي من ذلك الضجر .. اغتسلت من ضجري هناك .. وخرجت أكثر اشراقاً ورضى .. !! :) |
والله ماعندي شي اقوله اكثر من اني محرم روحي من هذا الموضوع الرائع
يبغالي يومين اجلس هنا تكفير لذنبي >>> وهاي قعده |
لما حطيت هالصوره ماهو شوق للمدرسه لا << ماتحب المدرسه :11: بس هالصوره اتذكرني بايامي الحلوه مع صديقاتي واتذكرني بحصة اللغه العربيه .. كنت احب حصة اللغه العربيه وخاصه تخصص النصوص .,وكنت دايمآ اترجا الابله انها اتخليني اقرا قصائد ., :) وقبل لاتنتهي الحصه اكون حافظتها من كثر حبي للماده وللشعر خصوصآ ., ومن كثرتعلّقي في الشعر كنت واثقه انى لما اكبر بصير شاعره :) لانى كنت احب الشعر ولان كل من حولي شاعر واحسب انه هالاسباب كافيه :( بس للاسف الحلم مثل ماهو ولا تحقق .. واخيرآ قدرت اقنع نفسي انى اقرا القصايد واتذوقها وان حبيتها حفظتها ولاافكر اكتب قصيده .. وواجد علي ان كتبت 3 ابيات :( :wardah: |
اقتباس:
|
الله الله الله
ياخي موضوع يفتح النفس للمشاركه غصبٍ على الواحد <<<<< اخلص اخلص :) اثناء الدراسه في المرحله المتوسطه في السنه الاخيره يبدأ الطالب بتخيل وضعه في المرحله القادمه ويحس بشئ من الانتعاش<<<<< شارب فيمتو :) يشعر ان الرجوله الحقيقيه قاب قوسين او ادنى وينتظر فقط اكتمال (( الشارب )) وينتظره انتظار الحبه الغياب ويردد بينه وبين نفسه كلما صدف وان شاهد وججه في مرايه (( الغالي الله يجيبه )) المهم احد صباحات الترم الثاني وصلت الى مواقف المدرسه ((توصيله على ددسن ابراهيم ولد عمي الله يرجّه )) نطلت العقال الممنوع لبسه في السياره لافقد شي من الانتعاش وتوجهت للداخل وكان ذلك قبل الاختبارات النهائيه بايام لم ادرك ان الوقت سرقني عندما مررنا احدى البوفيات اخذنا المقسوم :) وتوجهت للداخل وذا بالمدير واقف وكل ما مرّ عليه احد الطلاب قال (( على جنب )) المهم حوالي 10 طلاب كنت اخرهم وبدأ بجلدهم الاول فالثاني فالثالث جلد مبرح وكأنهم مرتكبين جريمه تداركت الموقف قبل ان يصل دوري .. راقبت الباب وجدته ما زال مفتوح شليت نعولي اكرمكم الله وحطيت رجلي من امام والمدرسه كلها تتفرج :) حدّه ردّه ما فيه فايده .. حاط رجلي صح :) حتى مدرس الرياضه طلع ما عنده سالفه في الجري :) تفاجأت بان المدير مكلم الوالد دايركت .. طبعا الوالد بعد ما شرحت له تفهم موقفي وخربها مع المدير :) قال هذي مهي طريقه للتربيه .. وبغى يعطيه المشعاب الا شوي ونتيجه لذلك الموقف سحب ملفي لاداء الاختبارات في مدرسه ثانيه وعدّت على خير انتهى ثنكيو ابو حمد |
اقتباس:
ههههههههههههههههههههههههههههههه ههههههههههههههههههههههههههههههه <<< كاد ان يهلك ضحكاً.. :) و الله انك فصله يا ابو راكان ... اجل حاط رجلك صح؟؟ ههههههههههههههههههههه ههههههههههههههههههههه منسـّم نسيل الله السلامه |
في عام 1409 تم تعييني في مصلحة المعاشات و التقاعد في حي الوشم في الرياض...
و ذلك بعد تخرجي من معهد الإداره العامه عام 1408 << تراها بالهجري .. المهم كان فيه واحد اسمه عشق الشيباني ( الله يذكره بالخير ) و كان رئيس قسم العسكريين ... عاد انتم تخبرون البدو و واسطاتهم و خاصه المتقاعدين بلشه .. ما يعذرون احد.. و كل مره جايني بدوي و تكفى معاملتي و معاملتي... و البدو شيبان و متقاعدين وين ظنكم بيكونون فيه؟؟ اكيد عسكر... يعني معاملاتهم بتروح قسم العسكريين.. المهم المرّه الاولى جبت معامله مناوله :) لعشق الشيباني و قلت هذا رفيدز و ابن عم و معاملته تبي تطوّل و ابيك تعطيني توصيه للموظفين نخلصها من عندهم اليوم.. قال ابشر :).. << البدوي ما ينعطى وجه teeth: المره الثانيه جيته بعدها باسبوع و قلت مثل المره الاولى.. قال ابشر و اشـّر على المعامله و رحت و خلصتها.. المره الثالثه .. المره الرابعه .. المره الخامسه.. كان يمسكني هاك النهار.. قال شفق انت موظف معنا و الا معقب معاملات تشتغل في مكتب..؟؟ teeth: قلت يا ابن الحلال وش نسوي وجيهنا تسوقنا على السواه هذي.. قال انا لي عشرين سنه على الكرسي هذا و وجهي يسوقني .. بس ماهوب كل ما جاني واحد و زندني معاملته رحت اركض بها... اركد لا و الله لاخلي المعاملات اللي تجيبها تقعد بدال الشهر ثلاث شهور.. و من بعدها و انا قاضب ٍ الباب ما عتبت علاه.. <<< انتفخت من الزعل.. :) المهم فقدني شهر ما مريته بمعامله.. الا و هو جايني هاك النهار قال ما عاد اشوفك تمر علانا فوق بمعاملاتك.. قلت لديت بابها يا بو فلان<< نسيت اسم ولده هالحين... قال الله يقلعك خلاص متى ما بغيت معامله تعال و ابشر و من بعدها لين فصلت من الوظيفه هذي بعد اربع سنوات و انا مبلشه و كل ما جيته ضحك قبل اهرج .. و قال ابشر رفيدز و ابن عم و احواله تعبانه ها هذاه توقيعي..<<< حفظ العذر من كثر ما اقوله له.. teeth: الله يستر عليه ما عاد ادري وين الدنيا ودته.. لكن الوكاد انه تقاعد.. و اللي يعرفه يا اهل الرياض يسلم لي علاه... من فصلت من عندهم لي ثمانطعش سنه.. فصلت عام 1412 بعد حرب العراق مع العالم بسنه.. :) و السلام عليكم |
اقتباس:
ابو راكان كلمة الله يرجه محذور شرعي يقع فيه الكثيرين نويت اعدل لكن من باب الفائده للجميع وسبق ان نوه عنها اخونا / عبدربه على ما اظن . , |
اقتباس:
تدري ان فيه مرقابي غالي علينا ضيقت صدره بها الطاري teeth: |
اقتباس:
اثر مالك قرنا يابو مهنا :sniper56: الله يطول عمرك على عز وعلى عباده :) |
((حديث العائر)) موضوع جميل ومميز بكل ما فيه من ذكريات وأحلام وصور ألف شكر لك يابو حمد والشكر لجميع الأخوة والأخوات الذين أثروا الموضوع بمساهماتهم تحياتي |
اقتباس:
^ اكيد تقصدي هيّن <---- اذكرها يا عفاس :Icon29: |
اقتباس:
ياخي حنا اللي اسسنا الدوله السعوديه ما بعد الطفره teeth: حنا بنيناها لكم و الآن انتم تقطفون ثمرات تعبنا <<< عشان يحس انه شايب بس على عز teeth: |
اقتباس:
الا تدري كلامك عين العقل .. وما انساني الا الشيطان الله يجزاك بالخير انت واخينا ابو عتيق الا ابو عتيق وينه يالربع ماصارت غيبه يا رمزنا المحبوب .. |
اقتباس:
ضيف الله انكر ما اذا كانت الصورة تمت له بصلة إطلاقاً .. !! |
فكرة الموضوع جميله ومميزه اتمنى بقاء الموضوع كما هو جميل ومميز .. وسـ تتم إدارته بـ الشكل المطلوب ومن الآن ستتم المراقبه له لكي لا يخرج عن الهدف المرجو ويدور الموضوع بـ الشكل الصحيح .. :) ابوحمد.. شكراً لك على سلسلة افكارك الرائعه يا رائع .. : دمتم .. بـ حفظ الرحمن |
| جميع الأوقات بتوقيت GMT +3. الساعة الآن 01:14 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية