مبدع مبدع مبدع
يـ عبدالرحمن أحترامي |
ألف شكر ياسليم ..
تواجدك شرف .. |
[align=center]
صوتك طرب وأنفاس فمّك دهن عود وإذا ركضتي صار صدرك مصيبة ! وشعرك وصل لين أسفل الظهر ويزود وقلبك يابنت الناس مليان طيبة ! وطبيعي إن عيونك الناعسة سود لكن بعد ركبتك سوداء ! غريبة ..! [/align] |
[align=center]
إن كان خنتك عسى الله لايسامحني بس أنت خنت الوفاء والجرح ياكبره ..! كلامهم عنك طول الوقت يذبحني لكن وربّ الغلا والزاد والعشرة من كثر مابيك حتى وانت جارحني : أصبحت أردّد ترى الخاين معه عذره ! [/align] |
[align=center]
ماعاد عندي حل , وش في يديني ؟ لاقادر آشوفك ولا قادر أسمعك إن قلت لك بأخطفك ! لاتكرهيني مشتاق لك ودي أبوسك وأرجّعك ..! [/align] |
[align=center]
رغم إنك قاسي ولا لك أمان ورغم إنك كلما احتجتك تغيب : الخفوق اللي يحبك من زمان ماطلب للحين إسقاط الحبيب ..! [/align] |
ياخي انت مبدع
ماشاء الله عليك |
سعد منير
مرورك أجمل من كل شيء .. |
[align=center]
سيّد جروحي لو بقلبك بياض كان مادوّختني وصل وغياب والله إن حبّك مثل جوّ الرياض يوم شمس ويوم بسم الله سحاب ..! [/align] |
[align=center]
ليت دايم يديك تدق وتسكّر وليت عندي طريقة وأقدر أسيّر لو تغيبين صار الجو متعكّر وإن لقيتك أحس الكون متغيّر ياحبيبة حبيبك دايم آفكّر : ليه وأنتي طويلة لبسك قصيّر ..! [/align] |
[align=center]
أشوف طير المفارق من زمن حايم وأدوّرك وأنت لاهي في مشاويرك كم لي وأنا أحتاج شخص يضمّني دايم لاتعطي القلب فرصة ينبض لغيرك ..! [/align] |
[align=center]
تطيح كل النجوم فـ راحة يديني لاشفت بعض الأماني فوق طاقتنا مادمت أحبك وأحسّ أنك تحبيني المجتمع ليه مايفهم علاقتنا ..! [/align] |
[align=center]
كنت تتمنى أسولف معك ساعة كان صوتي حلم وأصبح لك حقيقة كنت ترسم كل الأوهام ببراعة وكل ظرف يمرّ تلقى له طريقة ليه أجل يوم الغلا زاد إتساعه صرت ماتقدر تكلمني دقيقة ..! [/align] |
[align=center]
مدري أهلها لاكبرت وش يسووّن دلوعة ٍ فيها من الحسن آيات ..! الطالبات إن قابلوها يذوبون وشلون أنا ماذوب لاشفتها جات من سجّلت فالجامعة حاست الكون صاروا بنات الجامعة بس بويات ..! [/align] |
[align=center]
نويت أفارقك لكن ماقدر جفني كلما نويت أبتعد عنّك تمنّيتك ..! مو كل شي ٍ يجي بإرادتي شفني : ماكنت ناوي أحبّك بس حبّيتك ..! [/align] |
[align=center]
ودّي أشوفك ودي أسهر معك يوم بالحب نقدر نقلب الموج مرسى لاتتركيني بين [ ظامي و محروم ] كلما طلبتك شي قلتي لي إنسى ..! [/align] |
[align=center]
الدمع ماينزل من عيونك بـ طوعك كاتبه ربي مثل ضعفك وتقصيرك لاتحاول تقاومه ! أعلن له خضوعك مو كل الأقدار تمشي حسب تفكيرك تدري متى تهلّ عينك أصعب دموعك ؟ لاشفت من قد حضنته ! في حضن غيرك ..! [/align] |
[align=center]
لاشفت وجه الظلم وجروح الأيام وأصحابي اللي حقدهم صار يظهر أخبّي أحزاني من العام للعام وأتعب وأحس إني أحب أمي أكثر ..! [/align] |
[align=center]
تسوق عادي دربها مابه أشواك لاتحصرون أقدارهم في زجاجة العاقلة بتصدّ هذا وهذاك والفاسدة فالبيت تقدر تواجه ! يامجتمعنا فكّر شوي تلقاك مانع مية حاجة على شان حاجة ..! [/align] |
,
عبدالرحمن الرويس .. تكتب بإحساس رائع ,, وبفكر قد يختلف معك عليه الآخرون ,, لكن نتفق جميعا انك مبدع وراقي سجلني احد متابعين هذا المتصفح ..:wardah: , |
اقتباس:
هذا الثناء أوصلني إلى قمة السعادة , ألف شكر يانادر ومتابعتك شرف :wardah: |
[align=center]
قل للمساء لايلمّح لي أبيّن غلاك وقل للخلايق أبي شمسك ولا ظلّهم مابي سوى صوتك الدافي وضحكة شفاك لو أنت عندي ! وش أبغى فالبشر كلّهم ! [/align] |
| جميع الأوقات بتوقيت GMT +3. الساعة الآن 02:40 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية