يا الله انك تحيي
ابن بتلاء ساعه مبروكة حضورك يالغالي الله لا يهينك.. |
بندر الهاجري
والله ان حضورك هنا يزيدني شرف يا بعدي والله يعين على كسب رضى منهم شرواك .. |
اقتباس:
هلا ومرحبا يا فيصل والله اني آسف ان تأخرت بالرد بس والله ان صدرك اوسع من تقصيري وســــؤالك : هل اليد مغسولة من هذا الإعلام؟ شبه مغسولة ..!! وشهد الله انك شرفتني .. |
كل الحب لأخي- سعد البراك
وكل الحب لثاني الدهمشي... لاتقول هذا مايمديه سجل :) وجاء يسأل الدعوى حريه 1- ثاني الدهمشي طالب لايزال على مقاعد الدراسه في أحد الكليات بالسعوديه لم يرتكب الفوضى يوماً ما محبوب للكثير ولمن يحيطون حوله ...الا انه لايكف عن العبث بقلوب الأخرين بقصائده التي تربك المتلقي من قوتها ماهو سر هذا التناقض ؟ 2- ثاني الدهمشي شاعراً يكتب قصائده على الطرق العامه في ساعات متأخره من الليل ماهو السر؟ 3- ثاني الدهمشي شاعر المختلف المتفرد هل نشكر المختلف عليه ام نشكره على المختلف ام الأثنان يمكنك أخذ مساحه كافيه هنا للرد؟ 4- احبك |
اسف عن انقطاعي عنك..سمعياً ومرئياً
لضروف لايعلمها الا الله وان شاء الله تعذرني اول شئ انا تلفون بيتنا مفصول صارله شهرين واليوم رديته عشان تعرف اني ما عندي خبر ماعندي سؤال .. عندي كلمتنين ( اشتقت لك ) ووين سلطان ويــــــــنه..؟ |
عبد المحسن مزنوت
يا جعلي افداك الله يسلمك والله انك شرفت بسؤال وبغير سؤال .. أخوك .. |
مشعان
يا حبني لك وربي ولكن على فكرة ترى مطلق اتصل علي ذاك اليوم وطاح فيك حش ..!! اللهم اني بلغت .. |
اقتباس:
أقول خل عنك السوالف ,, شـ سويت بالاختبارات عساك بدّعت مثلي ..<<<< مداح نفسه يبيله رفسه سلملم .. |
اقتباس:
سعد الجميعي الله يحييك يا بعدي .. (( ثاني ابي اسألك سؤال واحد فقط مع اني اختلفت معك في اشياء الا انك جيد لا ممتاز في اجاباتك الحين تقول سعد علوش مايدري عن نفسه وش قصدك؟ لاتقول انه مايدري انه مبدع لان ذي مسلم بها؟؟ )) شوف يا سعد : أحسن سؤال الى الآن .. تدري ليش ما يدري عن نفسه ؟؟ أنا اقول لك : لأن سعد علوش شاعر حرام انه يكون له مسمى شاعر وبس .. سعد علوش من وجهة نظري انه أخطر شاعر مرّ على الساحه كـ" فكـر" وأنا والله يشهد علي اني من معجبينه من زماااااااااااااااااااااان , وانا يوم اقول مايدري عن نفسه لا يكون المعنى كاملاً من الجهتين اي القاصد والمقصود بل القاصد فقط .. اما المقصود واللي هو سعد علوش انا متأكد من انه واثق من نفسه بشكل صحيح لأن الكبير كبير وللمعلومية فقط .. انا اشعر ومن خلال متابعتي للساحه ان سعد علوش منذ اول ظهور له كان مصدر ازعاج الكثير من الشعراء المعروفين واللي كانوا سابقينه بالاعلام .. ومن وجهة نظري وما اتوقعه انا .. ان سعد علوش سوف يكون بعد (( 15-20 )) سنه سيكون مدرسة شعر وانا متأكد من هذا الكلام .. وانتظر وسترى.. اذا الله امهلنا بأعمارنا ,, ياخي سعد علوش ما يكتب اي شي وهذي هي الدليل القاطع على ما اقول .. وعندي كلام كثير بخصوص هذا الـ(( الكــارثة الشعرية )) .. وأسأل الله له التوفيق .. ولك .. وشكراً يا الجميعي .. |
فهد ابن عبدان
والله اني انا اللي تشرفت بمتابعتك لهالمتصفح فهد ورب البيت اني من المعجبين بما تكتب .. سلاااااام .. |
فهد ابن عبدان
والله اني انا اللي تشرفت بمتابعتك لهالمتصفح فهد ورب البيت اني من المعجبين بما تكتب .. سلاااااام .. |
سعود الفرحان
سعود الفرحان
هلابك ومليون مرحبا ورب البيت انك تخجلني كل ما طليت .. خلنا نبلّـش عـطول .. س1- الشاعر سعد علوش ليه مايدري عن نفسه ..؟ وحنّا نشوفه شاعر الجيل ؟ وش قصدك مِن هالكلمه اتمنى التوضيح العاجل ؟! هذا السؤال علشان ما اتعبك واقول لك وين موقع اجابتي عليه .. نسخته لك من اجابتي على الجميعي .. وهذا الجواب : تدري ليش ما يدري عن نفسه ؟؟ أنا اقول لك : لأن سعد علوش شاعر حرام انه يكون له مسمى شاعر وبس .. سعد علوش من وجهة نظري انه أخطر شاعر مرّ على الساحه كـ" فكـر" وأنا والله يشهد علي اني من معجبينه من زماااااااااااااااااااااان , وانا يوم اقول مايدري عن نفسه لا يكون المعنى كاملاً من الجهتين اي القاصد والمقصود بل القاصد فقط .. اما المقصود واللي هو سعد علوش انا متأكد من انه واثق من نفسه بشكل صحيح لأن الكبير كبير وللمعلومية فقط .. انا اشعر ومن خلال متابعتي للساحه ان سعد علوش منذ اول ظهور له كان مصدر ازعاج الكثير من الشعراء المعروفين واللي كانوا سابقينه بالاعلام .. ومن وجهة نظري وما اتوقعه انا .. ان سعد علوش سوف يكون بعد (( 15-20 )) سنه سيكون مدرسة شعر وانا متأكد من هذا الكلام .. وانتظر وسترى.. اذا الله امهلنا بأعمارنا ,, ياخي سعد علوش ما يكتب اي شي وهذي هي الدليل القاطع على ما اقول .. وعندي كلام كثير بخصوص هذا الـ(( الكــارثة الشعرية )) .. وأسأل الله له التوفيق .. ولك .. .. س2- ليه توهق نفسك وتحط مانشيتاتك عن نايف صقر ؟ قلت لك هالشاعر كلنا متفقين على عشقه ..؟ قول معي : حسبي الله ونعم الوكيل على صاحب فكرة المانشيت .. ليتني ما سولفت له الموقف ..!! .. س3- مَن مِن الشُعراء الذي كلّ ماتقرأ له تشعر انك تقرأ شخص ثاني الدهمشي وذواته ..؟؟ ماني بقايل ( انت ) !! لكنهم ماهم بـ واجد .. لكن والله يا سعود انا حسب الكلام اللي يجيني اني خليط من كم شاعر .. والله العالم .. .. س4- همزات القطع في ابيات قصائد ثاني الدهمشي تُملل القارئ والمُتلقي .. الى أن تصل بِنا مرحلة (النشاز) .. هل اللغويّةالزائده لدى ثاني الدهمشي تجبرهُ على هذا الشئ ؟؟ ماهي لغوية زايدة ولاهم يحزنون .. ووالله يا سعود مدري وش لقول لك .. لكن اعتقد اني انا معك سولفنا بالموضوع وانت راسك يابس.. تبيني اشرحه هنا وابلش بشرك بعد ..؟؟ لا ياخوي انا ماني ناقص دوخه بالذات منك يا سعود .!!:m11: تسمع والا لا ؟؟ وبس .. .. س5- فرضا ً مجلة المُختلف نشرت لك نص آخر هل تعترف بمعرفة سعود ؟ هههههههههه خلّها للوقت ونشوف شـ يصير .... ................... يمكن اطلع عكس شيٍ قلت لك .. س7- لماذا ثاني الدهمشي في أغلب أبياته يتصف بغروره وانحيازه لشاعريّته .. هل هذا يُعتبر حق شخصي ؟ أولاً الله يكفينا شر الغرور .. ثاني شي يا سعود انت اكثر شخص يمكن يعرف ثاني , ومسألة الانحياز للشاعرية هذا باب مختلف .. شوف يا سعود من ناحية انه يعتبر حق شخصي فهو حق شخصي وهو بمثابة (( المشروع المكروهـ)) من وجهة نظري لدى اغلب الناس .. ولكن ما يجعل احقيّـته جميلة في اعين من يرونه في شخص معين هو ان يكون هذا الشخص مستحق لما ذكره في حق نفسه .. وانا هنا لا اقصد ثاني بل على العموم .. اما انا فأسأل الله ان يجملني فـ عيون من يحبّوني .. وسلامة عمرك يالحقنة :) .. . . س8 - ضايقني الوقت وانت الوقت ماهمّــك .. هذا الشطر يساوي دواوين شُعراء نُجوم .. (وجهة نظري الخاصه) لماذا لا يعترف ثاني الدهمشي بهذهِ القصيده مع انها هيَ الأروع من قصائده ؟؟ تجي متى مابغيت استح على دمّك .. لو آتحمّلك نفسي مااتّحملني .. هذا البيت الذي تمنيت اني كاتبه ( أشهُد الله على ذلك ) ماهيَ المُناسبة التي جعلتْك تكتب هذا الإبداع الكبير ؟ من قال يا سعود اني لا اعترف بهذه القصيدة ..؟؟ بالعكس والله بس انا يمكن اذكر اني قلت لك بيوم من الايام انها ماترضي غروري بعد ان اكتملت .. وبالنسبة للبيت اللي تمنيته .. مانيب قايل جاك ..!! ومناسبة هالقصيدة انت تعرفها وما لها داعي هالحركات .. يا مفتري .. .. س9- الدهمشي انت مُتهَم بالذائقه التعيسه .. والدليل انك تعشق كتابات شُعراء تعيسين .. (وجهة نظر) بدون ذكر اسماء .. لماذا ثاني الدهمشي لايقرأ الاّ لأشخاص محدّدين ؟؟ انا متهم؟؟:shudder: طيب كم مدة السجن .. سعود انت شكلك ناويني على هالاسئلة .. انا ادري ليه انت تقول هالكلام وراح افسره لك تفسير نفسي نوعاً ما .. (( انت ما قلت هالكلام الا من خلال اعتراضي على ذوقك من ناحية القراءات اللي انت تقراها فتحاول انك تجابه بنفس السلاح وهذا يسمى في علم النفس بمرض الـ" اسبقه تتهمه " ههههههههه هذا من قاموسي الخاص .. فديتك انا .. ولماذا انا لا اقرأ الا لأناس محددين ؟؟ والله مدري منين تجيب هالكلام يا سعود الإكّـيل <<<<< حـاقد مرّهـ بالعكس انا عكس ما ذكرت تماماً .. .. س11- قلت بتجي يوم الخميس ..؟ ورى ماجيت يالمغرووووووووور (والله ان ثاني ماعرف طريق للغرور) تدري ليش ماجيت ؟؟ لأني ما قدرت اجي .. الدليل على هذا : اني ماجيت..<<<<< الا عندك غير هالسالفة .. .. النقي /الأبيض / الإنسان / الخلوق / الحبوب / الغالي / هالرجل اعشقه / انسان مُتواضع / وينه والله له وحشه / اعشق الديره الي يسكنها من عشقي له .. هذهِ الجُمل أجدها من كلّ شخص التقي به واسأله عنك .. أو يسألني .. هُنا سؤال / ثاني الدهمشي يستعطف الناس لماذا ؟ هلْ لشئ معيّن امْ ماذا ؟ ياخي الله يسمع منك واكون محبوب .. سعود تدري وانا قاعد اقرى هالكلام الحلو جا على بالي اسفر للكويت واحب خشمك وارجع اي والله العظيم.. ياخي الله يرفع مقدارك .. وبالنسبة لـ استعطاف الناس يمكن تكون لا ارادية او انت تشعر بها من خلال حبك لـ ثاني , لكن لو ابفترض ان هالصفة موجودة بي كان استخدمتها لأمتلاك قلوب الناس اللي حولي وانت آخرهم !!!!! .. س13- لو خيّروك بإقامة أمسية في الجنادرية أم في صالة التزلج (هلا فبراير) مع اني ادري منت وجهن لهن؟؟ ايُهما تختار ؟ سؤال صحفي محترف ... بس لا تطير بالعجه .. هههههههه أنا أقول لك أولاً مستحيل انهن يقامن بوقت واحد .. ثانياً : اسأل اسأله متسنّعه وتعال ..ههههههههه .. .. سعود والله اني احبك دبل حبك لي .. |
مجرد مرور .
لأتشرب النقاء. لك البياض يا ثاني. اتمنى لك التوفيق. اخوك سعــد المطــرفي |
ساير النزال
هلا وغلا وربي ان ما ذكرته يا ساير يخجل .. وخلنا نبدا بالإجااااااااابه . 1- ثاني الدهمشي طالب لايزال على مقاعد الدراسه في أحد الكليات بالسعوديه لم يرتكب الفوضى يوماً ما محبوب للكثير ولمن يحيطون حوله ...الا انه لايكف عن العبث بقلوب الأخرين بقصائده التي تربك المتلقي من قوتها ماهو سر هذا التناقض ؟ سؤال خلاني اعيد ترتيبي مع نفسي الله عليك اي والله ياسر .. لكن اتمنى من الله ان اكون مثل ما قلت بالذات بـ"محبوب " .. والله اني صادق . 2- ثاني الدهمشي شاعراً يكتب قصائده على الطرق العامه في ساعات متأخره من الليل ماهو السر؟ هههههههههههههههههههه الله يقطع شيطانك يا ساير , تقصد يوم ادق عليك وانا طالعذاك اليوم .. فعلاً كان جو غير طبيعي وكان الشعر مجتاحني مع ان علي دروس بس قلت ما ابفوّت هالفرصة وهالجو العليل وطلعت وكان ايضاً هروب من الضوضاء اللي انا كنت اعيشها بذاك اليوم .. تدري وش اللي انا مستغرب منه ؟؟ شلون ذكرت هالسالفة ذي وشلون طرى على بالك نسجها بسؤال ؟؟ ههههههههههههه .. 3- ثاني الدهمشي شاعر المختلف المتفرد هل نشكر المختلف عليه ام نشكره على المختلف ام الأثنان يمكنك أخذ مساحه كافيه هنا للرد؟ ساير تأكد ان مجلة بحجم المختلف بأنها تشرف كل شاعر واياً كان هذا الشاعر .. وانا عن نفسي اتشرف بأن ينشر لي بالمختلف .. وأسأل الله التوفيق .. وقول آمــين .. عساك تحبني وتموت فيني .. |
سعد صالح المطرفي
الشاعر الشهم البناخي الكريم الرجل الخلوق ياهلا والله بهالطلة .. أقسم بالله مجرد مرورك شرفني .. |
| جميع الأوقات بتوقيت GMT +3. الساعة الآن 12:59 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية