الله يوفق الجميع

فيصل الجعيد


هيلتون جدة المقر في قاعة القصر

تسلم يا الرقيب ما تقصر

وان شاء الله نشوف ال 48 كلهم من المرقاب :)

وش آخر التطورات يا أبو سعود ؟؟

:)

لا هنت يا محمد

ولا انت يا عبد الله

الله يوفق الجميع ..

مكررر ...!

هذا النص الذي شارك به
شاعرنا المبدع طلال بندر
وأجازته اللجنة

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بدايـة الحـب ... هلـت طيبـات العلـوم = ونهايـة الحـب ... رجلـي منـك عنيتهـا
أرقى على النبوه القصيه ... وأخيل النجـوم = وأبكي صدى صيحتي يـوم أنـي أوحيتهـا
بعض القصايد تدوم ... وبعضهـا ماتـدوم = وبعض القصايد صعيبه ... ميـر سويتهـا
والصدر ضايق ... وضاقت بي وساع الهدوم = حديـت نفسـي ... وعينـي ماتحديتـهـا
لو أنها بالظفر ... كفي عطيب ... وخدوم ؟ = لكـن مـن غيابهـا يـوم أنـي أغليتـهـا
حسبي على الحظ الأقشر والزمـان الظلـوم = خــلا المحـبـه تسامـرنـي تناهيتـهـا
لو شلت ختم الأمـارة ... ماتفيـد الختـوم = (( الحب ضام الملوك وعاش فـي بيتهـا ))
وأنا من الحب تلعب بي ... كبـار الهمـوم = يـوم المفـارق طـوى عينـي وصديتهـا
ويوم الثلاثاء ... ترى أقشر يوم على العموم = هـز الجبـال الكبـار ... وطـار عفريتهـا
غابت لها عام مـع ستـه وعشريـن يـوم = حتـى الدقـايـق تعذبـنـي وعديتـهـا ؟
وحتى حساب الزمن دافـع عليـه الرسـوم = ومديت رجلـي علـى دربـه ... وثنيتهـا
أمر من بيتها ... وأخـذ علـى الـروم زوم = مصكـوك شباكهـا ... ومطفـيّـه ليتـهـا
تضحك مع اللي ضحك ... وتقزر الوقت نوم = وأنا ليامـن طـرى الطـاري ... تلقيتهـا
ياليتها ترجع ونصبح مـع الحـب ... تـوم = ولا عساهـا تمـوت ... وينقطـع صيتهـا [/poem]

[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جاذبت عذب الكلام وقلت مالم يٌقل = بعد اكشفت لي هنوف الشعر عن ساقها
وعن زيف الاحساس وأوهامه نهيت العقل =مادام صارت جيوب العالم أخلاقها
وقمت انتقي من مجانيها وهي تنتقل=بين المحبين عاشقها ..ومشتاقها
من غيرها يستحق البوح بدع ..ونقل=في وصف يرضي غرورالناس وأذواقها
للّي بخفّة تمايلها شوية ثقل= من ثقل ميل الغصون لخفّة أوراقها
ماكنّها ألاّرهيف السيف بعدالصقل= منها عيون الحسودتضيق باحداقها
لامرت بعين قلبي والخطاوي وقل =تقول كن الغيوم تحاول عناقها
أضمّهاداخل أعماق وأشوفه أقل=مايمكن أقدمه لاجل أسكن أعماقها
كلي فدا لابتسامتها ..وسود المقل =أموت ..وتموت مافكرت بفراقها
قلبي على حبّها الطاهرزرعته حقل ..=..ألغام دونه عذارى تنشف أرياقها
وخفّاقها لاجل حبي سوته معتقل=واللي مكذّب يروح يشوف خفّاقها !
عن غيرها ناظري فوق الغيوم استقل= ماكل غيمه تمر يخيل برّاقها
من بدّل المنّ والسلوى بفوم وبقل= ياااعنك مايعرف اللّذه ولاذاقها [/poem]

قصيده الشاعر مستور الذويبي

كانت ردة الفعل . الاشاده بالاجماع والاجازه بقوووه

بالتوفيق يبو شاهر

ابو سعود

قل آمين ..

الله يعطيك العافيه ,, وتسلم على هالمجهود

لاهنت والله يوفق اخواننا المشاركين

سلامي عليك

غازي المغيليث

شارك بقصيدة رائعه

...
.
.
.




الله يعطيك طولة العمر ياضيف الله الغنامي :)
مجهود واضح ..


.
.
.
...

[align=center]قصيدتي أمام لجنة شاعر المليون التي أجازوها وبقوة وبالأجماع أسأل الله التوفيق لأخواني ولي ,,,

أليكم القصيده ,,,



( آآآه يا وجد السمين)

[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مل قلبٍ لا تجرًد مـن غثـاة وخوفـه= صيد دنياً في زخمها بطشـت السيافـي
ومل عينٍ في طرفها من صراع الكوفـه=كل ما أغضت للمنام يتلهـا خطافـي
وبري حالي كيف أسلي خاطري بشفوفه=والزمان أمحق وعيبه بالغرض مـا يافـي
ما يهد من الزمـان الأ قبـال سيوفـه=ولا يهين الخاطر الأ مقابـل الطفطافـي
والزمان اللي علينا ما تروف ضروفـه=أن سمح يا طيب جوده وأن زعل يا كافي
ينكفون شيوخ قوم ٍ ما خبرت نكوفـه=مقبل ٍ بسيوفه اللـي بالعـرب سرٌافـي
ويش أسوي بحظي اللي ما يدق دفوفـه=للسعـاده والليالـي شرهـا متقافـي
آآه يا وجد السمين لفرحـةٍ مخطوفـه=وأح من كبتي لجرح ٍ ما نفعـهْ أسعافـي
يطمح الرجال والدنيا محيـط شفوفـه=والزمن عاري وجهه ما يعرًف الأنصافي
ولو نبى نسمع كلام العالـم المخفوفـه=كان صرنا عرضـةٍ للناقـد العرافـي
الخـلا ثـم الخـلا يالعالـم الملقوفـه=لا سلمت من الملقٌف ما علي خلافـي
ولا يسرٌك باللوازم من يـده مكتوفـه=مثل من يبغى يقضْ البحـر ْ بالمغرافـي
ولا يدينك كود رجلٍ سابقك معروفـه=وحاجةٍ شوف المذلـه دونهـا تنعافـي
والبحر مالح طعم مير الدرر في جوفـه=والليالي لا تهمـك يظهـرن الصافـي
والحقيقه يا زمنا مـا عليـك حسوفـه=لو وقفت بوجه جورك ما نفع ميقافـي
[/poem][/align]

[poem= font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هلا يامرحبابك ياهجوسي وابرك الساعات = ليامنا تعاهدنا على الطيب وتصافينا
غيابك كل ماطوّل يزيد الشوق والاهات = وحضورك يبعد احزان ٍ تربّت في محانينا
تمرّ ايامنا عجله..وتتثاقل بنا الخطوات= ويطول ابنا الطريق اللي نعنّيه ويعنّينا
وتسير اقدامنا دايم على ذكرى زمان ٍ فات = نعيش الواقع اللي بين حاضرنا وماضينا
تعبنا ،،والتعب يجتاحنا مابين ودّ وهات= هذا حض ٍ يعاندنا ،، وذا طيف ٍ يسرينا
صبرنا لين ملّ الصبر منّا واغلب الاوقات=مشاعرنا تذكرنا ،،ودنيانا تنسينا !!
تعب حرف القصيد ،، وملّت الفكره من الابيات = وحنا ،،كنّنا في تالي الايام ملينا !!
تقول ان الشعور احيان يفتر والهجوس اتبات !!=تقول ،،انّا تغيّرنا وضاعت كل امانينا !!
تقول ،،انّا عطاشا مالقينا فالحياه افرات = ليامنا ضمينا منه نشرب لين يروينا
يموت الشعر في صدر الغريب وكل حرف ٍ مات = على قبره يضحكنا شطر مدري يبكينا
تخيّر فالدروب ولاعرف خير الدروب ايات = مايدري انّا نعوم ولالقينا ساحل ومينا !!
نعيش ومشكلتنا مثل حرب الصرب للكروات = ياكبر المشكله لن صار حامينا حرامينا!![/poem]





ابرك الساعات
قصيدة الشاعر محمد بن رشيد امام اللجنه

الله يوفق الجميع

لاهنت يابو سعود

[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إليك الكتاب... يزيّنه بالحلا طرياك =وقبل ابتدي متصدّره فيه "بسم الله "
يجيببه غلاي مضمّنه خافقٍ يفداك =لك لحالك انت ...وكل مامنه لك كلّه
حلالك ومالك كل مابي هنا واهناك=تخيّر على كيفك واخذ دقّه وجلّه
ياروح الوقار وهيبته مالحقت ارضاك=مع اني ذهين وسالك الدرب وادلّه
لأن الرضى يسبق تباشير وقع خطاك=وعليها يسيّر من بغى المجد ياصلّه
ياكيف اتعدّى كل هذا وانا يمناك =وانا ماتعدّى خطوتك يوم ..لا..للّـه
لو البعد يقسمني تراني معك ولياك =لاتحسب عليّ البعد ياسيّدي زلّه
ولاتاخذ بخاطرك خل العتاب ارجاك =لعوِّد على قلبي واعلله وآعلّه
واجرّه رهينه في جنابك وبين يداك=عزيز المقام وتاج راسه من الذلّه
نسيتك ..؟لاوالله مانسيتك وكيف انساك.!=وانافي عروقي سيرة الحب مبتلّه
الا يالكريم اهلاً هلابك هلا حياك =تعلّل وعدّْ بداخلي واشرب الدلّه
تربّع على قلبي وخل الحشا مركاك =مكانك هنا محفوظ في الشرع والملّه
يعذرك منّي ..؟ صادق الود يوم القاك =يعانق ثرى صدرك وينساب في حلّه
يعذرك منّي ..؟ قسوة الشوق من فرقاك=تدشّ الضلوع وتخطف القلب واتلّه
يعذرك منّي..؟ عزةٍ ترتوي من ماك=ونفسٍ تجود بصافي الخير وتهلّه
ويسعدك لاقالو لي ..ايعيش من ربّاك =وان اقبلت صاح الناس..! "ياحي ذا الطلّه"
ياراس الكلام وهامته باعتراف اعداك=ترى كل حاسد ينهزم فيك من غلّه
مادام السنع يحميك ويعيش وسط حماك =كثير الردى لامر بك قال..! "خطالله"
ودام الصفات الطيّبه تحتري شرواك =وعذب الحنان متيّمٍ فيك ياخلّه
لاجاك الكتاب وساقته مهجتي فدواك=لاتترك بقلبي شبر ياغير تحتلّه
وتملك به العالم ..ويحيا على ذكراك =ويفخر بصوتك ويتمناه ويجلّه
مايكفيني اني عايشٍ في طرف دنياك =يضللني اسمك مع كثيرين في ظلّه
ينادون ابوعيضه ..! واسمّي لمن سمّاك =ياجعلك ذخر وتعيش دايم..!" بحفظ الله[/poem]

وهذه ايضا قصيدة شاعرنا الجميل محمد السواط
في والده التي من المفترض ان يشارك بها في جولة جده يوم الاربعاء الماضي

[poem= font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تجمع الوحدة صناديد الحزن وسط الفواد = وتشعل الظلمة مسائي بالجروح وتقلقه
المسا لـ اسكب ضلامه وارتوت منه البلاد = ربعت ريضان قلبي بالجروح المورقه
وامتلي ضيق وحزن واصنع من احلامي شداد = واركب ذلول الامل وانصى طموحي واطرقه
باب باب وبيت بيت وصرح صرح وواد واد =كلبوها جيتها مير الجروح موثقه
واشكي الضيقة وانا الضيقة تحسبني جماد = غرها الضحك الصناعي مادرت عن مصدقه
مايسلي خاطري غير الدفاتر والمداد = اكتم احساسي وسط صدري وحزني يطلقه
واكتب احساسي مع احلامي وحزني والحصاد = قوم حطت من قصيدي في مخابيها ورقه
والبشر من هرجها تجرح قلوب اهل الوداد = من عناها شرعت بيبان كانت مغلقه
ليتها ياصاحبي وحده مشاعر هالعباد = كان مايجرح بنادم آدمي من منطقه
وانت ياللي فالحسن كنك عبارة والمراد = غبت واضميت الحشا من غيبتك لين افلقه
ياسعادة رغبتي مليت من طول البعاد = شوف قلبي من غيابك كل شئيا يقلقه
ذا غيابك طوق الخاطر ومعلن له حداد = لا يطول وانشر الفرحة على الروح صدقه[/poem]

قصيدة شاعرنا الجميل عبدالله الرقيب
القاها امام اللجنه ولاقت الاستحسان والاجازه بالتوفيق ياعبدالله

[poem= font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مابيـن زفـرات الوجـع والتـأوّه = أصبحت معطى في حياتي ومحروم .
الله عطاني صبـر واعـزوم قـوه = واحتاج لكني من الشيمـه أشـوم .
تعبت أجمّـل وجـه حـظ متشـوه = ماعاد لي شرهه ولا عاد له لـوم .
واللـي تنكّـر للـوفـا والاخــوّه = لايحسب إني من سواياه مصـدوم .
كم واحدٍ من ضـويّ يشـب ضـوّه = والحر مايحسد على سوره البـوم .
المال ماهو مـن شـروط المـروّه = ومن دام له ماله على ماله يـدوم .
والفقر نسى الابـن معنـى الابـوّه = ياقوم ياذيب الريـا جيـل ياقـوم .
حرفي عن اللي قد مضالـي مفـوّه = لااني بمعصومٍ ولاهـو بمعصـوم .
والحيـن تهنـا فالطريـق المتـوّه = حتى السماء ياتايهه دونها غيـوم.
بلوى الفتـاه اللـي تسـوي فتـوّه = على الذي عينه جفت لذة النوم .
غيـر القرابـه والمـوده عـنـوّه = لكنها ترسل من عيونهـا سهـوم .
يحتـر دمـي ماتضيـع الحـمـوّه = وارجع واسل السيف واطيح واقوم .
وتقول لي سو الـذي معـك سـوّه = قبلك تعلق بي سلاطيـن وقـروم [/poem]

قصيدة شاعرنا الجميل غلاب عايض
التي القاها امام اللجنه ولاقت الاستحسان والاجازه بالتوفيق ياغلاب