http://members.abunawaf.com/dukefleet/19/07.jpg
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] اللي يبا يشكر ويحمد ربّه = يسمع خطاب معمّر القذافي سكران مدري ماكل ٍ له حبّه = ماهوب صافي دم ما هو صافي [/poem]:icon_mrgreen: |
(cir5555-
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] إحبس الضيق لين آروح .. وأطلق سراحه = لا تفكّه علي يحول بينك وبيني وإن رفعك الزعل لا عاد يخفض جناحه = وأنت منت بخشير ٍ في رضا والديني دايم أعدا نجاح الشخص تكفل نجاحه = كم خدمني عدو فالوقت دينه وديني ليه أجاملك وآشيلك وطاحتك .. طاحه = ليه أحطك على راسي وخشمي وعيني ؟ يا قليل الأدب .. مانيب ناقص فصاحه = وأنت عقدة لسان السامري والهجيني لأسعد الله مسا المخطي .. ولأسعد صباحه = كل يوم ٍ وليله للقشر يحتديني أبتلشنا برجْل الحرمه المستباحه = والحسينيّه إلكم يا عيال الخميني كنت أقول الصراحه مثل ما قيل راحه = لين ذقت الشقا من مدّ راحة يميني وإن بغيت الصراحه .. ما بغيت الصراحه = آتحاشا كلام ٍ من وراها يجيني ! [/poem] :11: + :woow55: |
\ / يا اخي نزّل قصيده جديده لو سمحت : ) / \ |
أبشر بالخير يا داعم المواهب المتدفنه :11:
أعوذ بالله من تفكير بعض العقول .......................... وأعوذ بالله من فكر ٍ نزل بآهله وأعوذ بالله من شخص ٍ ما يلقى قبول .......................... الله ما يقبله .. والناس ما تقلبه لو إنها سالفة رغبة .. وشفّ .. وميول .......................... يمكن نضمّه ونلقى مدخل ٍ يدخله حنّا ترانا رياجيل ٍ نعرف الأصول .......................... عقّيل .. والله ما حنّا بـ / اسفها واجهله لو نضرب الأرض عرض .. ونضرب الأرض طول .......................... ما نترك اسلومنا والمصحف نرتله يا جامعين الدفوف وضاربين الطبول .......................... يضرب على الكايده من يجمع المرجله ما عاد نبغى مشاكل لين نلقى حلول .......................... والحل موجود للي دوّر المشكله فيما رواه البخاري من حديث الرسول .......................... كل ٍ من الناس مجزي ٍ بحسب اعمله والناس فيها حيا والناس فيها فضول .......................... والمستحي مات .. واللي به فضول قتله ما ينظف الوجه دامه من حياه مغسول .......................... لو قلب راعيه باقي له مع الله صله والله لو إنّي من الدنيا وأهلها ملول .......................... أعذرت في عمري اللي ما ذخرت أشكله من خض بحر الخليج وجاب دانه ولول .......................... ما يقتنع لو حصا مهد الذهب فـ / اجبله أفتح مواقع وأسجل لي خروج ودخول .......................... مابين محجوبه اعن العرض ومفضله من نقطة الإنطلاق أشوف خط الوصول .......................... والوقت ريّض .. وأنا يا وقت فيّ اعجله عشنا وشفنا وميزنا جمال الحمول .......................... من يوم كل ٍ على الحمله يسوق اجمله يا مطوّل السالفه يا ليتها ما تطول .......................... ما نسمع البلبله .. يا محدث البلبله ما صدّع ابراسك الاّ حبّة الباندول .......................... حسبي على دارسين الطب والصيدله بالله وش معك يالعبد الظلوم الجهول .......................... لا تطحن الحبّه اللي تنبت السنبله مال الطلوع ثمره .. لا صار بعده نزول .......................... لو تبتدي فأول المشوار بالبسمله ! الأوله ناسبت .. والثانيه ويش أقول ؟ .......................... الثانيه ما تناسب راعي الأوله واللي لسانه على قطع العلاقه عجول .......................... حبل العلاقات يقطع فيه .. لا يوصله الدار محكوم والشرّ مهَجور امعقول .......................... ما فيه هوشه .. وقطع أزرّه .. وتلتله وأنا ليا الله بلاني بالمزوح الزعول .......................... أخفف أعيارها بالحيل وآثقّله عشان تظهر علوم ٍ في ضميره تجول .......................... وإن قال آبا أقول .. قلت اللي تقوله قله مانيب خبل ٍ يزعلني كلام الخبول .......................... واللي زعل ما علي ولا أحسب لزْعله سفيفة ٍ والسفيفه ما تميّل ذلول .......................... ما غير حطّه على درب النشاما شله خلّه يجول ويصول .. ولو يجول ويصول .......................... لا بدّ لا بدّ ما يرجع على منزله صبرت والصبرْ مالي فيه قوّه وحول .......................... عقب انطلق من يدي .. والله عليّ اعقله (cir5555- |
مبدع مبدع مبدع مبدع مبدع كبييييييييييييير !
لله درررررررررك .. وآخر درّه وضعتها .. فوق الوصف ! إستمر يا صديقي .. إستمر ! |
يا مرحبا والله وهلا يا أبو فليان
نور المكان الله ينور قلبك بالإيمان يا أغلا وأعز وأبرك من يجيني يعلم الله إني سعيد بكل كلمه قلتها ولي الحق بالفخر والإعتزاز الله يسعدك يا صديقي ومتابعتك وسام |
:woow55:
اللي تداها على روس الرجال الدهاه لا يحترك راسه اللي من تحت موسنا * * إن كان ربي عطاه مْن الدهى ما عطاه ؟ ما شيّبت روسنا .. الاّ من دهى روسنا :0012: |
(hrt777- (hrt777-
يقول : ليه تحبنّي ؟ .. وأقول له : من غير ليه تراك قد حبيتني .. ما قلت : ليه تحبّني !! :wardah: :wardah: :wardah: |
\ / يا أخي عادي أقط ّ معك في ركنك ؟ يعني عادي أجي وأكتب كل ّ شوي ّ بيتين ثلاثه : ) / \ |
^
^ أنت بس بتكتب ؟! أعطيك طرف شليلي بس أكتب ..:icon_mrgreen: أبو حامد الركن وراعيه فداك وصحت راسك :11: |
سلام يا عايض
ولله ان التواجد في ركنك اصبح من ضرورات الدخول للنت بالنسبة لي ولله درك وسلمت للشعر البديع لاشك انت في غناً عن اشادتي ولكني محتاج ان ادون اعجابي بقلمك وابداعك سلام ثاني :) |
الله يعلي شانك ويرفع قدرك يا رمز
أستاذي / عبداللطيف الغامدي والله إن شهادتك ومرورك وإعجابك لها شأن ووقع وتأثير قوي يا حبني لك بس :SnipeR (69): << متلخبط ما يدري وش يقول |
..
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] يا وجودي كان باقي لي على الدنيا وجود = وجد من يتعب على شي ٍ وهو ميّس منه يدري إنه صعب لو إنه بذل كل الجهود = ويدري إنه ما يحصّل شي عقب الملعنه والحصيل أفنى شبابه لين صار اليوم عود = مار عيّا كبرياه يزود في عمره سنه السنين الجرد بانت في تجاعيد الخدود = والظروف القاسيه من بطن كفّه بيّنه دايم يشمّر عن الذرعان لى نص العضود = ما يميّز هي خبالة راس .. والاّ دندنه مشقي ٍ نفسه بشي .. وخابر ٍ ما منه فود ! = وخابر إنه لو تهيّا .. ما يسوّي له ( زنه ) بالشقا ضاري ما عنده لا سهود ولا مهود = هذي احظوظه .. وذا قسمه .. وهذا ديدنه والمصيبه كاده اللي للضعيّف ما يكود = كيف كاده كيف ؟ .. ما يدري ! هذا اللي غابنه من عزومه ما تقول الاّ ثمودي من ثمود = مار قلّ الوفق صاب المديني في مدينه لو نهض حيله على عين المعادي والحسود = طاح من عين الرفاقه في حصاد الألسنه كل ما قالوا ترى يا عود منته بـ / امحدود = قال هذا شي راجع لي ولا أنشدكم عنه ما حد ٍ منكم بمظهرني من ابطون اللحود = ولا حد ٍ منكم بمعطيني ليا مت حسنه دام راسي حي مالي غير أرقّيها سنود = لو تعوّد ميسره من عقب كانت ميمنه !! العناد أهون الرجّال من بيح السدود = والكرامه ترغم الرجّال ما تستأذنه والصداقه والمحبّه والرسايل والردود = لو تهدّي بال واحد .. بال واحد تشحنه الشفافيّه تسيّد .. والضبابيّه تسود = علّمونا حلمنا الوردي من اللي لوّنه ؟ الأمل تحت الدراسه والعلم فوق العمود = والحروف الأبجديّه مهمله ومحصّنه والليالي دايره ما بين بيض وبين سود = والثوابت مستحيل تكون سهله ممكنه قوم يا نايم وصح النوم وأصحوا يا رقود = كلنا في حكم من لا تآخذه نوم وسنه ما عليّه زود .. والاّ ما على الشعّار زود = كل شاعر حسب تفكيره وطرقه ولحنه والاّ أنا من بين خلق الله وخلق الله شهود = شاعر ٍ صح الله لسانه .. ولا صحّ بدنه [/poem] .. |
..
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] تحركي يالصوره الرمزيّه = لا تحسبين إنك مجرّد صوره أقول يالماموره المنهيّه = وأقول يالمنهيّه الماموره كم صورة ٍ حيّه .. ولا هي حيّه = تكبّ عفش الشاعر وجمهوره ما يفرق الشبهه عن الشخصيّه = الاّ غياب إبداعنا واحضوره مال الملامح خطّة ٍ خمسيّه = تكشف نظام المبدع .. ودستوره لو إن فالصوره ( 100 ) ماريّه = ما نعترف بـ ( الصوره المبتوره ) أعمالنا .. فالبنيه التحتيّه = وأحلامنا .. فـ / أعلامنا المنشوره ما كان والله عندي أيّة نيّه = أطلّع الإطار خارج طوره وأنا بما فيني من العفويّه = أكره فلاش الكيمره من نوره [/poem] : ( |
..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] الغياب أحيان ما يلغي حضور = والحضور أحيان ما يلغي غياب يا قمر ياللي تزيد النور .. نور = ليه تفتح لي على الغيّاب باب أستميحك عذْر .. والاّ أنت امعذور = محتضنك الما .. ونافرك السراب مرتفع والله مكافيك الشرور = ما تحوّل بين ضرس .. وبين ناب والاّ أنا من راس قور .. لـ / راس قور = وآتلفّت في مراويح السحاب الفضا عيّا يضيق امن الطيور = والبسيطه ما تضيق امن التراب والتكلّف فالمشاعر .. والشعور = رحمة ٍ لكنّ قافيها عذاب لو آعرْف أسرار ما تخف الصدور = أختلفت امع أقرب الناس القراب صارفين أنظار عن بعض الأمور = وأكتشفنا ثامن السبع العجاب والحقيقه كان يلحقنا قصور = ذنبنا فأرقاب ( تلعات الرقاب ) !! [/poem] (hrt777- (hrt777- |
.
. صديقي عايض عن اذنك ابي اتربع في ركنك الهادي .. :) دوّك هـ الورده عربون اعجاب ..:wardah: . . |
مرحبا والله وألف هلا يا بو عزّام
محلّك طال عمرك تكّ وتربع والشرف لي يعلم الله منور الركن والمرقاب كله يا حسين .. :wardah: < شف لها صرفه :in_love: |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
لا يطوّل سكوتك وأنت عندك كلام = كلمة ( أحبّك ) اللي قلتها .. عيدها خلّ ( أحبك ) تجي بين اللحم .. والعظام = لا تردد .. وأنا مـآ مل ترديدها أعتبرها شهاده منك .. وأغلى وسام = وأعتبرها بعد .. عيدي وأنا عيدها والله إني وأنا صادق علي الحرام = طامع آقول : زدها ( موت ) واتزيدها المشاعر تزاحم .. وأنت وسط الزحام = زحمة ( إحساس حبّ ) .. وماسكه سيدها ! الغلا / والوفا / والحب / والإحترام = جوّدتني .. و ورّتني معك جيدها ألتفت فالوجيه اللي تردّ السلام = وغير طلّتك .. طلّه غير .. مـ / أريدها أشرقت شمسك الحيّه .. وطار الحمام = يا صباح العصافير وتغاريدها دام حلّيت والله ما يحلّ الظلام = وكل عقده معك حلّيت تعقيدها أسمحوا لي بأقول ولا عليّه ملام = ساعة ٍ في هواها كيف تمديدها ؟ [/poem] :con200: |
(hrt777-
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] سولف عليّه وأكسر الرسميّه = وأخذْ البيوت بوزنها وأكسرها ما هو مهمّ الوزن والقافيّه = أهم شي تحسّ في شاعرها [/poem] :con200: |
[ALIGN=CENTER][TABLETEXT="width:100%;background-image:url('http://www.mergab.com/up/do.php?img=531');"][CELL="filter:;"][ALIGN=center]
• شاعرنآ المبدع / عآيض النفيعي أتمنى قبول إهدآئي المتوآضع لـِ هذآ " الركن المختلف " [/ALIGN][/CELL][/TABLETEXT][/ALIGN] |
اقتباس:
\ / يا ويلنا ويلاه : ( / \ |
الأخت الخلوقه والمصممه المبدعه والمستشاره المتميزه
(( النيره )) يعلم الله إنك جمّلتي الأبيات بهذا التصميم اللي فوق الوصف الكلام عن إبداعك وتعاونك وتعاملك الراقي مع الكل وأخلاقك العاليه يعطل الحروف الأبجديه مدري وش أقول والله .. شرفتي عايض بهذا الإهداء الفارق وشرفتي ركني والله الأكيد إني لو إن الشعر بيعبّر عن شي والله ما ذخرته لكن .. [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] تسلم يدينك والإهداء ( يالنيره ) = جمّل الأبيات والله يجملني كثر الله خير من عمّني خيره = طيبّه من طيب مبدأ تعاملني شكر عايض واحترامه وتقديره = تستحقينه .. والإنصاف يحملني [/poem] آسف على التأخير .. والإبداع في هذا الإهداء هو السبب في تأخري في الرد شكراً شكراً على تواضعك ولا هنتي |
فوووووووووووووق
|
| جميع الأوقات بتوقيت GMT +3. الساعة الآن 05:36 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية