بابٍ يجيب الريـح سـده واستريـح ولا تهـاب
.........................وان هزت اقفاله عواصيـف العتـب لا تقربـه
المشكله لا هبت بك الريح وانـت بـدون بـاب
.........................والصدر بيت اضلاعه الجـدران والقلـب عتبـه !!

النار تاكل فا الحطب والريح تنثر فـا الزهـاب
.................................وانا الكسير اللي عيونـه مـن زهابـه لحطبـه
من سوء حظه جا يطفيهـا بحفنـه مـن تـراب
...................................طارت شراره واحرقت ثوبـه ولحقـت مزهبـه !

يا متن ابو زيد الهلالـي سولـف لشلفـا ذيـاب
...................................عن وايل وعن رمح جسـاس ومـداه ومضربـه
سولف واذا دمع السوال اغرق مناديـل الجـواب
......................................كفكف دموع الاسئله واكحـل عيـون الاجوبـه
من قال سيف الغدر ما يقطع وهو جوف الجراب
.......................................انا اشهد انه ما عـرف سيفـه ولا قـد جربـه

كم قلت لك وجه الخطا مرسوم في عين الصـواب
.........................وكم قلت لك عين الصواب اعرف خطاك وصوبه!
من كثر ما علقت في صدري من اعذارك كتـاب
....................................صارت شراييني رفوف وصـار قلبـي مكتبـه !

تذكر كان جا يوم وحبيبك من عيونك طاح
فهي طيحة ملك من فوق كرسي فوق مقصورة!

غداً يذوي جمالك بعد موت الورد والتفاح
ولا يبقى من الذكرى سوى البرواز والصورة!!

ايوه على كيفي ولا فكرت واغرف من بحـر
....................بحر ٍ شواطيه الحداثـه والقصيـد الجاهلـي



وليا طرى لي نقشة المعني نقشته فالصخـر
..........................مثل النقوش اللي على بيبـان معبـد بابلـي



لو قالوا اعوج قلت كم عود اعوج وفيه الثمر
....................اعوج مية مليون مره ميـر حظّـي معتلـي



حظي تعلّى مـا يحّـده لا نجـوم ولا قمـر
...............ماهوب ذنبي دامت ان الله رفع لـي منزلـي

ترى الصغّير في نظر عيني صغير لو كبـر
.................يبقى الصغّير في نظر عيني صغير وش علي



اما كذا والا بلاش مـن القصايـد والشعـر
...............واية قصيده تعجب القاري ترى هذيـك لـي

وشلون ما تشتـاق لـي وانتـه فـوادي منزلـك
.....................معقول فوق الارض واحـد مـا يحـن لمنزلـه !!
متى يشيـل الشـوق خنجـر فـي يديـه ويقتلـك
...................واذا قتلـك الشـوق لا تشتـاق لـي روح اقتلـه
يمكن يجي لي يوم ازورك فـي منامـك واسالـك
...............يا هل ترى طيفي ولو صدفه عبر واشتقـت لـه؟

انا واحلامي العـذرى وثالثنـا غـوى الشيطـان
.....................جنون الشهوة أغرانـي وفـض بكـارة العـذرى
وعدني با الخلود وملك لا يبلـى وانـا الغلطـان
.......................أطعته رغم أنـي قـد رايـت الايـة الكبـرى!!
بلحظة ضعف أزلتني قـدم عـن جنـة الرحمـن
..................برغم الوعد( لا تعطش ولا تضحى ولا تعـرى )

تحت كوم الرماد اللي مجـازاً سمـي (النسيـان)
................رياح الشوق هبت به وصحـت جمـرة الذكـرى
بكت عين وشرد فكر وخفق قلب ونبض شريـان
................مزيج اربع ظواهر والسبب فـا الجمـرة الحمـرا

انا بك كنت كسرى (نيروان) وقيصـر الرومـان
وانا في غيبتك اصبحت لا قيصـر ولا كسـرى

تراني في رجا بشرى رجوعك متعـب الركبـان
رجا يعقوب في ذاك القميص وراعـي البشـرى!

بوادي غير ذي زرع بضواحي قلبـك المعمـور
..............سكن قلبـي ومـن ذريتـه نبضـي وشريانـي!!!

قفار الارض والخطوه ثقيلـه والطريـق قبـور
.............اسير وفي يـدي قيـد الاسيـر وظلـم سجانـي

يا صاحبي ( أغنية يا جارة الـوادي)
...................والليل والنـاي والجيتـار واوتـاره
اخذتني البارحه من جّـوي الهـادي
...............لآخر حدود الهوى والعشق واسراره
للـورد للمسـك لليشمـوم للكـادي
.................للشط والبحـر والمركـب وبحـاره
للحب الاول وانا اللي كنت متحـادي
...............ما ودي اسمع علومه واعرف اخباره
ابيه يظما غـلاي ويشـرب بعـادي
...............ويصير ذكرى مثل ما صرت تذكاره
من قله اطلق يـداي وحـرر قيـادي
.................ما يـدري ان الليـال السـود دواره
واللي من اول مهو عادي غدى عادي
..................لو يبكي اللحن مـن نايـه وجيتـاره
وان صار موتي قبل تاريخ ميـلادي
.................مانيب مختار شـي مـا الله اختـاره
حتى انت يا صاحبي لك جاره ووادي
.................لكن صاحبـك (لا وادي ولا جـاره )!!

خلق طه حسين اعمى وعـاش مفتـح العقـاد
.................وكان الحظ مثـل الحـظ والدنيـا تساهيلـي

انا مجنون ؟ لا والله صاحي مير حلمـي زاد
.............ولا هو ذنبي ان احلامي اكبر من بني جيلـي!!
الي حلم ابني لغرناطه اكبر جسر مـن بغـداد
.................وامد اكبر قناه مـن الفـرات لضفـة النيلـي!
على تهليل موسى بن نصير وطارق بن زياد
..............سريت لقرطبه والحرف سيفي والقلـم خيلـي!

انا اللي في طريقي وقفـوا العـذال والحسـاد
.............على شان انهم عجزوا ولا وصلوا مواصيلـي!!!!

وهات ولعة يا حمادة

ولع ياحماده


وبداياتك محفوظه في قلوب محبينك ومتاابعينك

ولله درك ياكبير

وعندي شي ماجبته بعد وش رايك اخليه مفاجأه

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كل البناااات هنااااك يا لله ( شرف الحلو ووصل)=واللي ما يعجبها الكلام احسـن لا توقـف يمنـا
يا حلو يا دلـوووع يـا راع المحيـا المشتعـل=ان كان مطغيـك الحـلا والزيـن حنـا الله لنـا
ذب النقاب ارجوك خـل البـدر بـدري يكتمـل=وان كان محرج منهم اطردهم ونبقى انتـه وانـا
اثر القمر يا قـو وجهـه لا حيـاء ولا خجـل=وشلون يطلع فـي سمـاه وتـاج راسـه عندنـا
انـا نويـت ابيعهـا والعشـق منـه مـا قتـل=والموت سنه( خير يا طير) ادمـي موتـه دنـا
امـا تجـي فيـه وانـا الجمـال والا فالجمـل=والا تجي فينا سـوى ونـرووووح فيهـا كلنـا
ما دمت انا والقلب متفقين رح وش للـك دخـل=العب بعييييييد هناك يـا الله وش يجيبـك بيننـا
حنا فدى الغمازتيـن اللـي بوجهـك يـا عسـل=جبنا على كيفـك مـع بحـور الغـرام وودنـا
وارضى يا حلوك لا رضيت ازعل يجملك الزعل=وانسى وتذكر وان نسيت( احم احم) نحـن هنـا [/poem]

هههههههه الله يبو علي ذكرتنا الزمن الغابر

الحب ماهو مثل شرب المـا ولا لبـس البشـوت
.........................للحب لون وطعـم واحسـاس وشعـور ورائحـه
يا سيدي لو لا العشم فا الوصل والله مـا شكـوت
.......................صمتك وصدك وابتسامـات الوجـوه الكـا لحـه
كني نبـي الله يونـس والامانـي بطـن حـوت
.......................وانـا معلـق بيـن حبـل الضاويـه والسارحـه

والشعر ما يعمر ( لو ان الشعر عمار البخـوت؟)
......................يمديه عمر لـي مـن سنيـن الحظـوظ الطايحـه
شوف القريحه كيف جادت لك من خيـار البيـوت
................والشعر بعض احيان يخذل لـو تجـود القارحـه
والعمر فرصه وانت فرصة عمر وارجو ما تفوت
................وان فت كم فوت علـي الوقـت فرصـه سانحـه

البارحه كبلتنـي بـا الصمـت وقيـود السكـوت
...............وانا السجين اللي شكـى سطـوة قيـود البارحـه
احيا تموت.. تموت واحيا لا حيـاه بـدون مـوت
..................يعني كـذا والا كـذا شمـس الحقيقـه واضحـه
ضيعتني ما بين لـول وبيـن ورد وبيـن تـوت
..................واخذتني لاخـر تفاصيـل الغصـون الطارحـه

والعفو عند المقـدره طيـب لكنـك مـا عفـوت
.....................وش عذرك من الله ومن قلـب بصمتـك ذابحـه
ياخي جدار الحب ما يصنع صدى من غير صوت
.....................وانته تسلى بين صمـت وبيـن نظـره فاضحـه
اوهن بيوت العشق مـا يبنـى بخيـط العنكبـوت
....................واقوى بيـوت العنكبـوت اقـرا عليـه الفاتحـه

د حمد العصيمي

تجولت في بستانك الراقي واستنشقت عبير ازهاره النديه
ورتشفت من فناجيل الدلال المبهره بما يجلي عماس الراس
لاهنت على هذه الاصاله والى الامام يامبدع


على فكره انا من اشد المعجبين بما تكتب
ولايكاد يفوتني نص تطرحه الا استمتعت
به لانك فالحقيقه مبـــــــــــــدع
بالتوفيق

تقبل مرور ي
واحترامي