عودة للتحليق في الفضاء الرحب ، بعد غياب طال :)
|
قصيدة افتتاحية في ملتقى عمان الشعري الثالث
[poem=font="Simplified Arabic,5,darkblue,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black""] قال : امسيه ، قلت : الشعر مامرّ صدري من زمان = بيني وبينه شرهه وضيقة خواطر من سنه ماله مزاج يلحن همومي بلحن الزعفران = وانا بعد مالي مزاج ادوزنه وادندنه قال : السبب ! قلت : السبب مابين صار وبين كان = طال الجفا ، والصمت طاول موطني واستوطنه مقطوع خيط السبحه ومنثور حب الكهرمان = وشعوري اتراكم وهو غايب ولايدري عنه ان كان حي يهز بانفاسه غصون القحويان = وان كان مات الله يجازي من طعني وطعنه شاعر ولااتصنع لساني قلب ولقلبي لسان = وحسب اعتقادي فالحياه ان اصدق الشعر احسنه قال : امتطي ظهر الجواد اللي كسبت ابه الرهان = اللي قفزت ابه الف حاجز للقلوب المنتنه هاك السنه يوم الشعر غنى لراع الصولجان = وانته جوادك من يدك سرجه وفي يدك رسنه قلت : الصراحه مابقى للشعر طعم وعنفوان = استرخصوه وصار يجري فوق كل الالسنه من ضاع مستقبل حياته قال اسوي لي كيان = واصير شاعر واكتب احلامي وتصبح ممكنه حتى غصون الذايقه يبست ولا فيها ليان = غرّد بها العصفور الازرق لين صارت موطنه قال : امسيه ، قلت : الأماسي ماهي بدايم أمان = الا اذا زادت على محراب شعري مئذنه قال : امسيه ، قلت : اعطني الموعد وحدد لي المكان = قال : الوعد فالثامنه شعراً على ارض السلطنه قلت : الله اكبر ياشعر والسلطنه يعني عمان = في سلطنة عمان يعني ياالشعر لك سلطنه لاوالله الا يافهد جيتك على ظهر الحصان = انا وسيفي وقلمي والغايب اللي له سنه [/poem] |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مادام لك ياهاجسي بالصدر صوت = ليه القلم أبكم ؟ والاوراق صمّا ؟ إحيي الحياه الميّته ، واقتل الموت = وارجع ورى واكتب كبير المسمّى فلاحك المبخوت ماهوب مبخوت = والارض ماهي له ليا اصبح وسمّى يغالب البيدا على شجرة التوت = لانامت البيدا ولا التوت نمّا يبني وطن للناس ويموت ويموت = ولا قدر يجمع وطنه المرمّى عوّد بلاده قبل مايفوته الفوت = الفاس له هيبه ، والاغصان جمّا [/poem] |
ليه اصدّ ؟
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اغيب ، واصدّ ، واتعمّد جفاك = ماهو على شان حبك ما أبيه بالعكس ، فالقلب يامااكبر غلاك = لكنّه يخاف .. لاتضحك عليه يخاف تزهمْه .. ويروّح معاك = ويعوّد بجرح ثاني .. في يديه لاتلومه .. ان راح ماحقق رضاك = وان شككك صمت لا يمكن تعيه ياكثر ، ماشاف فـ احبابه هلاك = وياكثر ، ماطاح من عينه وجيه مرتاع من داك ، طمعان بـ دواك = ومحبوس .. مابين لاء وبين إيه وانت اسأل غصون صدرك .. عن هواك = ويجاوبك .. كل شيٍ طاح فيه لو اني هنيه ، وانت اللي هناك = انا اللي هناك ، وانت اللي هنيه احساسك يعلّمك قيمة غلاك = ويعلمك ليه اصدّ ؟ ان قلت ليه ؟ احياناً ، تصد عن شيٍ يباك = واحياناً ، تصد عن شيٍ تبيه [/poem] |
تويتر
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] شاعر قصيده ، يطربك دون استماع = وشاعر فلاش ، ويستحق متابعه الاول ، تويتر خذل موده .. وضاع = والثاني .. استثمر يديه الرابعه ومابينهم .. شواعر اكّالة رقاع = ياكثر ماتاكل .. ولاهي شابعه وبشكل عام .. اقدر اقول الانطباع = الله يردّك .. يازمان الطابعه الشعر بـ تويتر .. ضياعٍ في ضياع = اسأل مجرّب شلّ خمس اصابعه مكان ضيّق .. يجمع بتاع وبتاع = وموقع تواصل ناس ، واشيا تابعه مهم مثل الشمس .. ويمدّ الشعاع = لكن عيوبه .. خطره ومتّابعه يعيّش المبدع - ليا جاه - بصراع = ويشكك الجهال .. في منابعه ليت الحروف ارقام .. ويطيح القناع = وتتبخر بعين العرب .. زوابعه يحيي العصافير ، ويضحّي بالسباع = ولاتقبل امطار الفكر .. مرابعه والقافيه والوزن .. لو تبكي يراع = يابعد الارض اعن السماء السابعه على البحر .. لكنّ مافيها شراع = لو نلتفت فيها .. تظلي قابعه هذا " تويتر " رغم هول الارتفاع = يرفع له المبدع " علامة رابعه " طيّح عوام الشعر .. في سقط المتاع = وقربع ، وكثّر فالشعر قرابعه شوارده تسرق ، وجمهوره يباع = ومفضوح .. بعيون العقول النابعه يربك ضمير الذايقه .. قمّه وقاع = واقرب مثل على ردى طوابعه شف كم شخص ! يتابع رموز الضياع = وشوف " الحميدي " كم شخص يتابعه ![/poem] |
صوت الغلا
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياالممكنه ، ياالحلم ، ياالمستحيله = لاتقفلين .. النافذه والستاير خلّي الهوا .. يتنفسك ياجميله = والشمس تدفى ، والفراش يتطاير وهبي على الورد .. العطور العليله = وفلّي على وجه الصباح .. الظفاير ومرّي .. مراية وجهك المستطيله = ترى الندا اللي في طرفها .. عباير والما ، اغسليه بوجهك وسلسبيله = واروي ضماه .. الجمرتين الكباير الكون ماله في حلاياك .. حيله = وشلون انا ؟ مااسوق فيك البشاير يااللي جمالك فيك .. راعي طويله = ووصْلت بطولاته .. شيوخ العشاير قاطع لك الخفاق .. رحله مهيله = من الجزيره .. لين شبه الجزاير والروح للانسان ، ماهي قليله = غامرت فيك ، ولاحسبت الخساير على " أمل " ماني مدوّر بديله = يااحققه ، ولارميت الذخاير ردّي على صوت الغلا .. ياالاصيله = لاتتركيني .. للجروح الغواير روحي .. شواطي الذكريات الجميله = وارمي حجر شوقك ، وسوّي دواير وانا اجمع الدانات .. في كل ليله = وابني بها فـ بلاد شعري .. عماير [/poem] |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] يامغفل ، ماتعرف الذيب وانت الراعي ! = الغنم ، ماعلّمتك ان الذياب تعوّي ؟
كانك اعمى ! ماانت شايف مركبي وشراعي = اسمع امواج البحور السبع .. داخل جوّي وكان متعامي ! وصدرك ممتلي باوجاعي ! = مرّ لك دكتور نفساني .. يطلّع ضوّي لاتغرّك لمعة فلاشك ، ولا لك داعي = ولا تحسب انّك مسوي شي .. ماانت مسوّي ماتحجْب الشمس ، لو انّ الزمن لاواعي = حط كفك مثل ماودّك ، وهي بـ تضوّي جاك ردّ لساني ، وماانته كفو لذراعي = وحاول تحكّم ضميرك .. في سماي ونوّي لو قناتك .. ماتشرف سبحتي واصباعي = بس حبّيت انصحك .. ياالعاقل المتروّي كل شي .. الاّ الكرامه في سجل طباعي = لمّ وجهك .. من غرور احساسك المتلوّي [/poem] |
اللون الرمادي
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سولفي للريح .. ياجمرة رمادي = عن لهيب البرد ، واحساس القطاعه حيّ واتنفس .. على حسب اعتقادي = وكان موتي .. بين صدق وبين اشاعه آدمي ، واهيم شعر بكل وادي = وشاعر ، ويقرا بن آدم في صراعه كل مااتمرّد .. قناعاتي تنادي = واقنع .. لصوت الضمير ولاستماعه ان رضيت .. ارضى بشكلٍ لاإرادي = وان زعلت .. ازعل ولاعندي مناعه والرجل ، ياابيض ياأسود .. فاالمبادي = كنت فارضها على ذاتي .. قناعه لين طيّحني على وجهي .. جوادي = وانجرح .. معلوقي وكسرت ذراعه من يعلمني ! على اللون الرمادي = راح مني .. نص عمر ونص ساعه ودي اعيش الحياه .. بجو هادي = مع حبايب ، واصدقا وقت ، وجماعه مابقى لي في مداي .. الا مدادي = بحر شاعر ، قاربه عنّى شراعه الزمن ، يعزفني بريشة عبادي = والوطن ، يمسحني بريشة يراعه والتعب ، شرّد شعوري في بلادي = والحزن ، ورّط بلادي في مجاعه ليه مااصبح مثل بعض الناس .. عادي = وان برد وجهي .. تلحّفت بقناعه واتمايل ضحك .. لوجيه الاعادي = واتثعلب .. في دهاليز الطماعه وان ضحك .. وجه الزمان الاقتصادي = قلت : جود السوق ولاجود البضاعه مانفعني صدقي ، ولا اثمر عنادي = غير شخصٍ ضايع .. يبرّر ضياعه هذا انا .. وبنفس مودي فوق مادي = بارع ، وخالي من احساس البراعه سولفتني .. ريحي لجمرة رمادي = من لهيب البرد ، واحساس القطاعه [/poem] |
ركن فااخر
وأبدااع منقطع النظير يـ السواط صح لسانك متابعه,’’ |
اقتباس:
اشكرك |
حلم عابر
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الغلا .. توليفة اغراءات وآلام وأماني = لو تجمّع في خلايا الآدمي ,, يعشق عدوّه هالةٍ من نور ، تتخلل ورى عوج المحاني = غير ربي .. مايردّ احساسها فالكون قوّه ولو يمرّ النور في ليله ..على شخصٍ يعاني = من يلومه ! لاتدحرج شوق من قمة علوّه في ظلامه .. فاقد احياء ومصابيح ومعاني = وفاقد احساس .. الصداقه والمحبه والاخوّه واقفٍ مابين .. خفاقٍ كريم وعقل اناني = ومنتظر له جمرتين وعودتين .. تطيح جوّه خافقه ساعة محب ، ونبضته عقرب ثواني = وكل مايلمح ظلال انسان ماشي ، قال : هوّه اييييه ياحزم الغرام .. اللي جبر عظمة لساني = هذي ورقتي ، وكل اللي تبا تسويّه سوّه من بقايا الغيم وحروف الضما .. شكّل أماني = كنت اظن الغصن ينمو، وخاب ظني في نموّه حلم عابر .. خلّد الذكرى على الروح ونساني = لو خسر كينونة انسان ، وكسب شاعر مفوّه كان الاول في معاليقي .. لأنه شي ثاني = وكان الآخر في محطاتي ، لأنه كان توّه من جماله ! لو شربته كل ساعه مارواني = يحرج الريحان .. من ريحة سوالفه وحنوّه تشرق الشمس بزعل ، وتقول : من ماخذ مكاني = والقمر .. لاشاف تنغيمة ملامحه يتأوه وخانني قلبي ، وخلاني على هاك المواني = اتنازل عن مراقيب الأنا .. واعيش جوه ليه يقراني ! وكنه مايشوف وما قراني = وليه ينكرني ، وانا اللي شايفٍ ليته ولوّه علّموه ان الممات بعزّه .. اهون من هواني= والغلا ، ميّت بسكين الكرامه والمروّه وبلغوا قلبه .. وداع الشوق وشموع الاغاني = والله يسمّح دروب الحب .. ويسامح سموّه وقدّموا له .. كل تقديري وشكري وامتناني = وعلّموه انّ الغلا اللي من طرف واحد .. مشوّه [/poem] |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الشاعر .. انسان في صدره هموم = مثل البشر ، لايقلّ ولايزيد
وحيد ، ويعيش يومه كل يوم = وعايش مع الناس ، لكنّه وحيد تمطر هواجيسه حروف .. ويقوم = ينشر همومه .. على حبل القصيد عطاه ربّه .. مفاتيح العلوم = اللي يعبّر بها .. عن مايريد لاضاقت الارض ! بجناحه يحوم = ويحقن خيالاة حلمه .. فالوريد ويصنع .. حبيبه وعقدٍ من نجوم = ويرجع من الحلم .. باالعقد الفريد[/poem] |
طيحه بطوليّه
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] من يسمعْك من ورى الجدران !! ياضيقي = والضيق هو هوّ ، والجدران هي هيّه
يتلعثم القلب .. ويغنّي طواريقي = واحرّك الجمر .. من هذي على ذيّه واشكّل الغيم .. من دخان تحريقي = واطيح فوق الورق .. طيحه بطوليّه احروفي امطار .. تنزف من معاليقي = والعشب كذاب ، والاحلام ورديه ياليل ! ما جا علاء الدين .. فـ ابريقي = فركت الابريق .. حتى طاحت يديه مافيه واثق .. يشكك في مواثيقي = لكنّ موت الوفا .. حاجه طبيعيه يااحلامي النايمه .. صحّيني وفيقي = وسادتي في بلاد الحزن .. منفيّه الى متى !! والشموع تجيد تفريقي = اشعل وفاها سهر ، وتذوب انانيه اسقي الضوامي ، وانا اللي ناشفٍ ريقي = والشمس وش هي ! بلا نور وبلا فيّه خاويت همّي .. بتغريبي وتشريقي = ورضيت بالهمّ .. والهمّ مارضى فيّه ونجحَت جحافل متاهاتي .. بتطويقي = حتى .. تعرّت عروقي للحراميه والليل ، لازال يستوطن مواريقي = والصبح ، مابين عصفوره وقمريّه والريح ، تضحك على جنحان تحليقي = تهبّ ، لكن جنوبيه شماليه والقلب ، كنّه ملامح جايع افريقي = لاشاف .. كيس الزباله فالسعوديه[/poem] |
الحجّام
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من لمس قلبي ! وفجّرني قصايد ؟ = اشهد انّه مبدع .. الله لايضرّه كان صدري ممتلي .. زحمة فرايد = وكنت .. فاقد شاعرٍ لله درّه مرحبا بي فالبلد .. حسب العوايد = اشرب .. دلال الرزايا والمسرّه شاعرٍ موهوب .. وافكاري شرايد = ومالحقني شك .. لو مثقال ذرّه ابني ابداعي .. على انقاض الجرايد = وانطح الغيمه ، واسولف للمجرّه والتجارب + الايام + = التميّز ، والشدايد ، والمضرّه غربلت صدري .. من عيال البدايد = وطاح من صدري .. ثلاث ارباع شرّه بارك الله فيك .. ياوقت الشدايد = اشكر الله ، واشكرك مليون مرّه كثر ماعندك خساير .. لك فوايد = كل ماتاخذ على المعلوق .. فرّه كنّك الحجّام .. لاحدّ الحدايد = يخرج الدم الملوّث .. من مقرّه طلّع الرديان .. من قلبٍ محايد = واتفل بوجهه ، ليا جاك يتشرّه [/poem] |
اصحاب السعادة
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] كان طفل ، وبه براءات الطفوله = يعشق .. العابه وشارعه وبلاده
وكانت الضحكه .. تمرّه بالسهوله = ماملاه الوقت .. تعقيد وجلاده البياض اللي بقلبه .. كان حوله = بس في عيونه وفي شعره .. سواده وكان كل اللي يبا يقوله .. يقوله = وكان يلقى .. في شقاوته السعاده لاتمرجح .. بين حاجته وفضوله = يرمي اوجاعه .. على ظهر الوساده وكل صبح .. يشايل النفس الملوله = في حقيبته .. الأماني والإراده " سارعي للمجد والعليا " حموله = " وارفعي الخفاق الاخضر " إعتقاده مرّت ايامه .. مدارسه وفصوله = وكبرت احلامه .. بعد جاب الشهاده يابلاده ، فارسك جاب البطوله = شال عمره ، واعتلى صهوة جواده ليه يُصدم فيك !؟ ويكذّب ميوله = وليه ! ماهو قادر يشوفك بلاده وليه شرّدتيه !! يجمع في حلوله = وليه ذاق المرّ ، والسكر زياده ذا ولدك ، ان شفتي احزانه تطوله = افتحي له حضنك ، ولمّي وداده رجل .. يحتاج احتياجات الرجوله = مال ، واستقلال في بيت ، وقلاده لامتى ! نهرب على ايام الطفوله = كل مامال الزمن .. حزن ونكاده ولامتى ! ناكل تبن يااعزّ دوله = والسعاده فيك .. لاصحاب السعاده[/poem] |
فصل خامس
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حبيبتي ، جاك الغرام الزاجل .. يشيل الحمام = اقري من الاسراب .. مايروي غلاك ويشبعه بكره نبا نهدم جدار الصمت .. ويطيح الكلام = والشوق يسترسل دفا .. حتى تطيح الاقنعه لاتحسبيني سالي ، وقلبي عن عيونك ينام = لاوالله الاّ ..عاشق يدوّر بعينك مصرعه في كل ليله .. يرفع يدينه ويستسقي الغمام = ويخايل البرّاق - من صوت الرعود - ويتبعه ياشيخة غيوم السما ، تناثري فيني غرام = وانا اجمعك ، حتى اجمع احساسي معك ، حتى اجمعه مجنون ماني صاحي .. ولو كنت صاحي ، ياسلام = ماكان .. لعّب خافقي عقلي على راس اصبعه كان اندفاع الشوق نحوك .. اوّل فصول الغرام = ومااكذب عليك ان قلت : ماكنت امنعه ، كنت امنعه لكن غلاك .. احتلّني بسرعه وانا جيوشي نيام = وانتي جمالك مجرم ، ونظرة عيونك مقنعه والظاهر انك حلمي اللي كنت اشوفه .. كل عام = ياكثر ماصبّيته بكاسي ، ولاكنت اجرعه تعالي نفصّل امانينا .. من خيوط الهيام = ونحاصر الشك - بمحبتنا اليقين - ونقطعه قلبي دليلي ، مايورّدني على درب الملام = اشوف قلبك ، والمس احساسه واشمّه واسمعه واقرا ذكائك ، واستراق الشعر في جنح الظلام = ومحاولة .. تشويه صورة خافقك فـ المعمعه يازين جوّك .. والفصول الاربعه ماهي تمام = لنّك فصل خامس .. لغى كل الفصول الاربعه [/poem] |
عبدالله الشلواني
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ياصاحبي صوتك عظيم ، وصوت عذّالك نشاز = غنّي ، ترى صوتك تراقبه الطيور الحايمه
تشهد مقامات الصبا لك ، والبياتي والحجاز = ماانته بحاجه .. للعقول وللقلوب النايمه بيتك حديد ، ولايهمك حاسدٍ بيته قزاز = لايمكن تقوم اله مابين العوارف .. قايمه وكلمته ، لايمكن تسبب للمعاليق اهتزاز = اشرب عذوبة حنجرتك ، وخلّي اذنك صايمه ولاعد تلوم .. وجيه لقلوبٍ سوالفها افتزاز = ووجيه تُغسل بالدراهم .. ماعليها لايمه حنا نعيش بـ أزمة ابداع ، ودهاليز انحياز = ممكن تلمّع لك على الجدران .. صوره غايمه (عبدالله الشلواني) انته صوت مبدع .. بامتياز = ولو اسمك اتغيّر ، مزاياك الكثيره دايمه مبدع : وفا واخلاق واحساس ورجوله واعتزاز = ولو جيت اعدّد في مواقيفك .. تطول القايمه[/poem] |
كذبه كبيره
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
للسجن ، قفلٍ ضايعٍ مفتاحه = وانا ورى سجني ، وانا سجّاني والقلب ، دوبه ملتهي بجراحه = ماهو بناقص منك .. جرحٍ ثاني إخنق .. شموع اشواقك الفضّاحه = وامسح شريط الذاكره ، وانساني انا معاليقي كذا .. مرتاحه = أرسم سما ، واضحك على جنحاني والدفتر .. امن عروقي النضّاحه = يذوقني ، وانا استلذّ الواني هاجرت ، وطيور السما صدّاحه = وعوّدت لبلادي .. وانا وحداني ومن لايشارك خافقي .. فافراحه = مانيب حاجة دمعته .. فاحزاني لاتلومني ، والليل شفت اشباحه = والصبح .. فاقد وجهه الانساني والطعنه اللي فالظهر .. ذبّاحه = لأنها .. ماهيب من عدواني ولاتلومني ، والغصن والتفاحه = كذبه كبيره .. في جميع اوطاني عايش غريب ، وغربتي سوّاحه = ولا ودّي اعرف .. اسمي وعنواني والطير ، ماابغى اعلّقه بجناحه = ياما جرحت جناحه ، وعنّاني تعب يدوّر فالظلام .. الراحه = ويصدّني .. عن جوّي الروحاني وماني بلايم ..عينك اللمّاحه = لكنّ والله .. مالك فـ رمّاني لي غيمةٍ ، ورى جبال الباحه = اهلّ ماطرها .. عشان اقراني بـ اشعل هدبها ، واستفزّ السّاحه = وآخذ قصايد عينها .. فاحضاني وتفرّد الشاعر .. على مسباحه = وصح الله لسان الغلا ، ولساني وانا هنا سجني ، وذا مصباحه = واللي يدوّرني .. يبا يلقاني [/poem] |
عازف الناي
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] يمكن لي اسبوع ، ولاّ حول الاسبوع = اصحابي .. الليل والدخان والشاي
مابين ترغيب شعر ، ورغبة دموع = ازريت .. اسكّت بصدري عازف الناي جمّع قطيع الهموم .. وصارت جموع = وانا لي شهور .. ماني سامع عواي لا قلت ياشعر : فضفض ، قال : ممنوع = صدر الورق .. مايكفي سيل شكواي اثر القلم عن هجوس الشعر .. مرفوع = لاصار راعيه .. لارايح ولاجاي واكثر مسائل حياته .. دون مجموع = وامعادلاته .. مابين الصفر والفاي ياليل ، لاضاق صدري شوف موضوع = ولاّ .. تعال انت لك موضوع وياي للشوق ، شجرة ضما واوراق وفروع = وجذر .. يتشرّب دموع الملح فـ اقصاي ياليل ، وش تستفيد ! ان ماتت شموع = عطني أمل .. في صباح ايامي الجاي لاتسرق الشمس ، انا ميّت من الجوع = ولا تقطع الماي ، انا محتاج للماي وخلّ لجميع اغنياتي .. صوت مسموع = لاصارت .. اذن الجفا ماتسمع غناي وفجّر عروق الغلا .. ينبوع ينبوع = فـ اللي .. غرامه تسلّل في خلاياي ان كان له قلب مثل الناس ، وظلوع = ماهو مخلّي التعب .. في وجه رجواي لو انّ حبل الرجا .. ماهوب مقطوع = لكنّ حبل الرجا طوّل ، وش الراي ! وانا لو انّي من الاشواق .. مدفوع = مااطيح فوق التراب .. الاّ لمولاي[/poem] |
يافرحة امّك
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] اللي يقول انك جميله .. يذمّك = واللي يقول انّك من الناس .. مجنون
انتي بعيني الكون ، يافرحة امّك = وش لون ماتفرح ! وهي جابت الكون ضحكك صباح الخير ، والليل غمّك = ودمعك مطر هتان ، وعيونك عيون والشمس تشرق .. فيك لك منك يمّك = ووجه القمر ماخذ ملامحك ، ويمون والغيمه احساسك ، والانهار دمّك = وشلال شعرك ماي ، واطرافك غصون وانفاسك الارياح .. فيما يهمّك = يعني .. الغلا تفاح ، والكره ليمون لاضاق صدر لسانك ، وباح همّك = تنفّسي .. بالهون بالهون بالهون فمّك ، وخالٍ جاي من تحت فمّك = جمره ، تحتها عود كبريت مدفون ولا راقت اجواءك .. من احساس جمّك = تدلّعي ، وانتي الدلع فيك مضمون لكنّ .. شوفي شي على اطراف كمّك = اخاف لاتذوبين ، وابليس ملعون ولا مرّت اقدامك .. بكيفك وكمّك = على حديقة ورد من عام مسجون لا تقطفين الورد .. حتى يشمّك = الورد من دونك .. لاريحه ولا لون[/poem] |
أحسنت
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أنا بـ دوام الحال .. ماعمري آمنت = كل شي متغيّر .. سوى الدايم الحيّ الوقت علّمني خفاياه ، وايقنت = ان الذي في يديّ .. رايح من يديّ ومهما بلغ جهدي ، ومهما تمكنت = لاضامنٍ هذا ، ولا ضامنٍ ذيّ كم حيٍ ! سلّمته غلاي وتطمّنت = واليوم .. ماقدّر غلايه ولا حيّ ياما عطيت ، ومااذكر انّي تمننت = وياما اعتبرت اللي معي .. مني وفيّ وياما وفيت لكل وافي ، ولاخنت = لن الخيانه والنذاله .. ماهي ليّ ولو كنت اببكي كل غايب ! تجننت = لكنّ .. هذا العمر شمسٍ على فيّ الوقت خلّى قلوبنا .. طوب واسمنت = واللي بقى من باقي قلوبنا .. شويّ ياصاحبي ، ماني معلّمك وش كنت = لكنّ ابطوي صفحة عتابنا .. طيّ لاصرت انا مانيب انا ، وانت ماانت انت = عيش الحياه ، ولاتركز على شي إبدع بتعذيبي .. وانا اردّد : احسنت = واذبحني بغيبتك ، وتشوفني حيّ [/poem] |
اقتباس:
وابو علي يستاهل وعزالله صدقت في ماقلت فيه |
| جميع الأوقات بتوقيت GMT +3. الساعة الآن 01:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية