اقتباس:
اشكرك |
صمتك غريب
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
( سر ياقلم .. واكتب على بيض الاوراق ) = مطلع مكرّر ، ياكثر ماسمعناه ليه القلم ! دايم وهو يتعب الساق = وليه الورق ! مايشرب بكف يمناه قم ياورق ، شوف القلم ينزف اشواق = احفظ كرامة عينه ، وشمّ معناه افتح له احضانك .. الى حدّ الإغراق = ياماغرق في بحر عينك .. وميناه طال انتظاره .. بين راعد وبرّاق = والشوق لاعب فيه ، والبعد عنّاه إلى متى ! يستنزف الضيقه آفاق = والى متى ! واقصاه مستعمر ادناه غايب على رشفة حنينك ، ولافاق = يبني أمل ، وسكوتك يهدّ مبناه ويرسم خياله .. واقع اثنين عشاق = لا الاوّل استغنى ، ولا الثاني اغناه ومن حب ، حبّيناه والحب ميثاق = ومن عاف ، لو ماادري من يكون .. عفناه يادفتر اوراقي ، ترى خاطري ضاق = وش فايدة حبر الغلا ! ان ما شربناه صمتك غريب ، وطايحٍ بين الاعماق = وانا وقلبي نفهم ، ولافهمناه سؤال ، واقف بين قلبي والاحداق = امّا يروّح ملح ! ولاّ سكرناه صمتك ثقل ! ولاّ معاذير وفراق ؟ = لا تدفنه تحت ابتسامتك .. عطناه كانه غلا ، والثقل قافيه عملاق = انا وصبري والمعاليق .. شلناه وكانه فراق ! يعوّض الله الاشواق = ماني محقق كل شي اتمناه [/poem] |
عندليبك
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسفينه ، علّمتك البوصله درب المرافي = والبحر غدّار ، واحساسك يعلّمك بنصيبك لاتفلّين الشراع .. ويحرمك لذّة ضفافي = اتركي حريّة التعبير للريح .. وتجيبك رغبة التفيكر بالاحساس .. ضرب امن التنافي = كنّي اقول : انتي اشراقك يعبّر عن مغيبك ياأماني ، شرّفي برّ الامان ولا تخافي = والله انّ الخوف مايستوقفك .. وانا حبيبك لاتعدّيني غريب احباب ، وعيونك منافي = عاشقك يابلادي الحلوه ، وانا ماني غريبك من بعد ( وافي وشيمه ) ، لي بعد شيمه ووافي = كيف بالله بـ اتجرّى واجرحك ! وانا طبيبك ماتركت الليل يسهر لك غلا ، والصبح غافي = لين سولف لي الهوى الثرثار .. عن طيبك وطيبك ياملامح غيمة الاحلام .. في وجه الفيافي = كيف بالله ! مااستلذ بلذة امطارك ، واغيبك وانتي البرد يتدفّى في يدك .. ويروح دافي = وانتي انفاسك .. تجي سكر بـ شاهيك وحليبك فوق صمّانك .. صحى قلبي وصحّيت القوافي = وفوق مسرح قاهرة مغليك ..غنى عندليبك كل طرقٍ طاولك ياالنايفه .. ماهوب كافي = وكل عرقٍ صار لك .. عبدالمجيد وكيف اسيبك ! وكل غيمة شعر تنثرني ، وتعلن عن جفافي = ياعساها تدوش عروقك غلا ، لو ماتصيبك [/poem] |
فرقا ونص
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ايه انا الظالم ، وانا اللي في ملامحك انظلمت = بين حبٍ مالي الدنيا ، ودنيا فانيه
للرحيل ظروف ، وانتي فاهمه وانا فهمت = لاانتي المجني على ماها ، ولاانتي الجانيه رحت احارب نفسي بنفسي لعينك ، وانهزمت = وقبل اذوق البير ، خانتني حبال السانيه لا اقدر ابرّر خطاي لقلبك ، ان قال : انصدمت = ولا اقدر .. اعبّي فراغات اليدين الحانيه ليتني يابنت عم الغيم .. مارحت وندمت = وماحرمت الارض .. من طعم الثمار الدانيه وانتي اجمل حلم حققني .. وبعده ماحلمت = كنت اظن الحزن ميّت ، والليالي هانيه مرّ عام ، وبيتك اللي فالصدر مليان صمت = والغبار .. اعلى الكراسي والأنا والآنيه والزمن واقف - على حطة يدك - يوم ابتسمت = وعقرب الساعه .. على فرقا ونص وثانيه كل مامريت جدرانك وصورتك .. انهدمت = وابني المهدوم في نفسي ، واهدّ البانيه والغواني ، كل ماضقت بفراقك وازدحمت = تطلع الاولى .. وتدخل فالعروق الثانيه ماملى غيرك مكانك .. كثر مالنت وعزمت = وكل يوم .. يطيح من صدر المحبه غانيه هذا انا واقف بقايا .. لازهمت ولا انزهمت = وساعتي فرقا ونص وثانيه .. بالثانيه[/poem] |
ليه الازعاج ؟
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] أصبح الملك لله ، وبدينا الصباح = توّنا فاتحين الركن .. والله كريم
ليه الازعاج والزحمه كذا ! .. ياجراح = خير الايام واجد ، والهواجيس ديم وقّفوا كلكم طابور .. فوق الرياح = وكل جرحٍ .. بياخذ قسمته فالصميم ماذخرت القصايد .. غير للارتياح = وشاعرٍ مايعبّر عن شعوره .. غشيم كل ماطاح جرح ، يزيد صدري براح = والسنابل ، يرقّصها هبوب النسيم ياطيور السما .. رفّي جناح وجناح = وغرّديني .. شعر باقي وشاعر عظيم القوافل ، ركايبها تدوس النباح = والمراجل ، فعايلها تدوس الحريم ما نطق شهريار .. الاّ الكلام المباح = ولو ثيابي عليّ جداد ، قلبي قديم اتنقّى عباراتي .. بروس الرماح = واتنفس خيالي شعر ، واعشق واهيم واتلذّذ وانا اعبّر .. وجمّي قراح = والشعر ( ميم - ياء ) ، وهاجسي ( ياء - ميم ) وماعد يهمّني .. من جا عليّه وراح = بـ اتكرّم على نفسي ، وربي كريم[/poem] |
موعد البوح
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تعال ، ولاّ اقول ياخافقي : روح = واكسر على راس الفراق .. الربابه لاحزن ، لا آهات ، لاضيق ، لاجروح = ودِّع - على صوت الغرام - الكآبه ابشّرك طاح المطر ، واغرق الروح = وذابت على نار المحبه .. سحابه هلّت خمر ، والورد مخمور ويفوح = والصدر .. شاربها جنون ورحابه والعطر فيها .. مثل الاشواق مفضوح = والشوق فيني .. عطر كلٍ درى به ياشعر ، سولفني ليا كنت مذبوح = تخونني فيها .. حروف الكتابه من وين اببداها ؟ ومن وين ابروح ؟ = وقصة هوانا .. كل ابوها غرابه نعرف بعضنا ، قبل ما ينخلق نوح = وقبل الوجيه تجيبنا .. وانتجابه مرّ اللقا صدفه .. على موعد البوح = ومرّ الرحيل .. اصوات ليل وذيابه وكنا غريبين .. ووطنا له صروح = وعيوننا تنهب بعضنا .. نهابه ورغبة مشاعرنا .. لها صوت مبحوح = والصمت .. كان يقولنا بالنيابه سبحانه .. اللي يربط الروح فالروح = ولاّ ترى الاجساد .. شبه اتّشابه لعيونها ، وعيونها درس مشروح = ليل ، ونهار ، وروح طفله ، وغابه تركت باب القلب - للريح - مفتوح = ومن عادتي .. ماافك للريح بابه لكنّ ذي ، لو تاكل القلب .. مسموح = جمال ، واحساس ، وسمو ، ومهابه [/poem] |
شطر بيت
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الله يسامح موجة اليمّ ، فاليمّ = حطّت بجرحي ملح ، وانا تشافيت
بعض الكلام ، يمرّك اكبر من الهم = ويحيّرك ، وتقول : انا ويش سوّيت ! مرّيت ضامي .. يلتمس موية الجم = وياليتني مت بضماي ، وتعدّيت ياغايتي ، ياسيّد الكيف والكم = ليتك قبل تنطق كلامك .. تحرّيت والله ، مالك حرف واحد من الذم = فكره .. توضيت بمطرها وصلّيت ماهوب انا اللي ينثرك .. لجل يلتم = ياما على شان ابتسامتك ..عانيت كم قلت : لعيونك ولايهمك ، وكم = عرّضتني لاخطارك .. ولا تخلّيت انت الوحيد .. اللي الغلا يحفظك صمّ = وانا الوحيد .. اللي معك ماتسلّيت لامرّني وجهك سما ، قلت له : سَمّ = وان قال : انا بـ اضيّعك ، قلت : ياليت وان شفت خالك ، قلت : ياعمّ ياعمّ = تمنّ - لو روحي - ولك ماتمنّيت وحرفينك .. اللي ولّعت جمرة الفم = من كثر مااتخيّل دفاها .. تدفّيت قلبي طلب قلبك .. وانا قلت له : تمّ = وجيتك على بعضي مهر ، ماتعاليت وماكنت بهروج المخاليق .. مهتمّ = على كثر .. مااوحيت واوحيت واوحيت ولو ماانت قد الناس عندي ، ولااهتم = غسلت قلبي منك مرّه ، وصديت لكن خساره ، جيتني ياالعسل سمّ = هذا ، وانا ماعمري بحقك اخطيت بنيت لك في داخلي .. بيت من دم = وانته ، تحاسبني خطا في شطر بيت [/poem] |
مبارك ياسلطان
بمناسبة زواج الأخ / سلطان بن حمدان الحارثي
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] لي طير .. عنده فالظهر عشر جنحان = واليا نوى .. يقدر يشيل المباني له خفة الجني ، وله روح الانسان = ويقدر يلف المملكه .. في ثواني في مخلبه سبحه ، وفي فمّه لسان = ومزهّبه للصيد ,, خلف المحاني لا همهم الهاجس على .. عذب الالحان = يلبّس ثياب الحروف .. المعاني واليوم انا .. ناديت طيري على شان = يوقف على منبر مكاني .. مكاني وانا مجمّل .. مع طويليلن الايمان = والعشر معهم .. ماتعوّد ثماني لكنّ ضيق الوقت ، وظروف الازمان = تشيل قلبي .. فوق عظمة لساني والعذر .. لمحمد وساعد وسلطان = والعذر ، يرضي طيّبين المجاني اخوان ، لا قالوا لنا : وين الاخوان = واعوان ، لا قلنا لهم : ياعواني وافين معنا ، والمواقيف برهان = وامواجهم ، على جميع المواني بالطيب ، وعلوم المراجل ، والاحسان = يشهد لهم فالناس .. قاصي وداني ورثٍ من ابوهم ، وابوهم كحيلان = والجمّ ، تشهد له حبال السواني ياالله ترحم شايبٍ .. قبلهم كان = رمز الشهامه والكرم والتفاني معروف في قوّ العزيمه و الايمان = سبعٍ ، قرا لله سبع المثاني فاللازم بعير ، ومع الفزعه حصان = وكاسب على كل الجهات الرهاني فقيدةٍ ، في عالم اشكال والوان = ماهو معوّض لو يطول الزماني ولو كل حمدانٍ يعوّض .. بحمدان = جاب الزمن للناس .. حمدان ثاني ولاهانوا الفرّيس .. حرث وعتبان = كلٍ يقول : الاوّله ياحصاني هذا وصلى الله .. على أفضل انسان = عداد .. ماصلت عليه الثواني حبيت ابارك لك زواجك .. ياسلطان = والله ، يديم الك الفرح والتهاني [/poem] |
منال الشريف
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] سلموا لي ..على استاذه منال الشريف = وقـولـوا الله يـزيـدك يالشريـفـه ..شـــرف
بنت روس المراجـل ، والحسـام الرهيـف = لابــــةٍ ، مــاخــذ الـتـاريــخ مـنـهــا طــــرف ماتمـثـل ، هــل الـديــن الـقـويـم الحـنـيـف = غــاويــه ، دفّــهــا شـيـطـانـهـا وانــصـــرف فـعـلـك يمـثـلـك ، ويـمـثـل اهـــل القـطـيـف = يـوم لعبـوا علـى عقـلـك كــذا ، وانـحـرف تقـنـع المسـلـمـه ..لـــو مابـيـدهـا رغـيــف = وانـتـي اســوأ مـثـال ..لمخـرجـات الـتـرف ومجتمعنا ، ماهو رجعي ولاهـو ضعيـف = مجتمـع مسلـم محافـظ ، وشـاف وعـرف ان درء المـفـاسـد ، فـالـزمــان الـمـخـيـف = قبل جلـب المصالـح ، يـوم سيلـه جـرف والـمــره ، مانعـرّضـهـا هـبــوب الـخـريــف = مـــن بـدايــة ولادتــهــا ..لـعـمــر الــخــرف جوهـره ، صانهـا الله فالحجـاب المريـف = لو تسوق ،انكشف وجه الحيـا وانعـرف وانتي آداه ..فـي كـف الضميـر الكفيـف = علـمـنـوك ، وتعلـمـتـي الــغــوى والــقــرف سوقي ، وشوّهـي الوجـه البـرئ العفيـف = وافتحي مصرع الباب ..لقضايا الشـرف [/poem] |
دانه وبحّار
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
نموت ، والاحباب .. دانه وبحّار = ماحولهم .. بحر وسفينه ومينا نحلم ، ونستغفل تهاويل الاقدار= واحلامنا ياوقت .. منا وفينا ياليتنا .. في وجيه الايام نختار = ماكان لارحنا ، ولاكان جينا مرّيتنا .. ياحلم وافي وغدار = وندري بـ أنك حلم .. ياابن اللذينا لكنّ ، لاسوّى الزمن حولنا جدار = نرسم عليه .. اللي نبيه ويبينا كانت فرس .. واعطيتها الصدر مضمار = وقلت : اركضي فوق الغلا واطربينا ومع كل ضربة حافر .. اتنفس اشعار = واقول : ياكف الحياه اكتبينا الوقت ، مااعطانا من الواقع ثمار = وعلى سحاب الامنيات .. التقينا الصبح ماهو فيه ، والليل محتار = يدوّره .. ولاّ يدوّر علينا كان الهوا .. يلعب بنا يمين ويسار = وعلى كثر .. كثر الحكي ماحكينا بعيوننا .. نتبادل آلاف الافكار = ويبان في نظراتنا .. مانوينا كنا نشوف الشمس ، ونشم الازهار = وننسى ، ونذكر بعضنا لانسينا اذا بدينا .. ننتهي مثل الامطار = واذا انتهينا .. كنّنا ما بدينا والشوق ساحر ، والمعاليق سمّار = ونشرب لهيب احساسنا .. ماروينا وكنّ الشموع تذوب ، وتقول : يانار = والنار طفّتها .. وجات بيدينا مايدري الاّ عقرب الساعه .. اش صار ! = وحنا .. ولو مرّت سنه مادرينا هنا انقطع حلمي ..على حبل الافكار = ياالله على الواقع .. سرينا سرينا [/poem] |
مية فُلّ
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شجْرة حياه ، وفايدتك اربع .. ولا تقِلّ = طالبك وحده من ثلاث ، ووحده فداك ياالاوكسجين بداخلك ؟ ياالتوت ؟ ياالظلّ ؟ = وانا لو ابرد .. مااحطبك للنار وادفاك ياواحده ، ياست عن عشر ، ومية فُلّ = يااللي تعبت اضيع في عينك ، ولا القاك يااللي ملامحك استحاله .. مالها حلّ = من ساحل عيونك .. الى جنة شفاياك شوفي صبايا الحي ماتوا .. غيره وغلّ = من يوم صرت اسيّلك حرفين ، واقراك وانا لو اني كنت .. ابي بعض وماابي كلّ = مارحت شايل نهرك بعيني .. وانا اضماك الريح خلّتني شتات ، وعينك تطلّ = وماحاوَلت .. تجمع بقايا انسان يهواك شوفي عقارب ساعة اشواقي .. وهي تهلّ = طاحت ثوانيها تعب ، من يوم فرقاك اخاف ، لا اروى من سرابك يوم واملّ = واروح ، وابقى صورة الحايط بذكراك تغانميني .. قبل مااحرّرك وافلّ = بعدين انا اللي في وصالي .. بتحدّاك صحيح طاير في سماي العاليه .. خِلّ = لكنّ .. ماارضى اكون واحد من ضحاياك لا جيت ! اجي مرّه - فقط - لو كنت ماادلّ = وان رحت لاتقولين مابنساك .. بنساك [/poem] |
سبق/ ابيات (1) : [frame="7 50"] علمت "سبق" أن هيئة التحقيق والادعاء العام بالرياض تواصل التحقيق في قضية غسيل أموال، متهم فيها رجل أعمال وشاعر محاورة مشهوران. وتشير المعلومات إلى أن القضية عبارة عن "دعوى عامة"، وتنظرها دائرة التحقيق في قضايا المال التابعة لهيئة التحقيق والادعاء العام بالرياض، ولم تثبت حتى الآن؛ إذ تتواصل فيها التحقيقات. وتبيّن المعلومات أن التهمة مصدرها شخص، ضُبط بحوزته كمية من المخدرات ومبلغ مالي مجهول المصدر، وأفاد في التحقيقات بأن المبلغ أمانة لديه، ويخص رجل الأعمال والشاعر؛ ما تسبب في رفع قضية غسيل الأموال عليهما. .[/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] يسعد صباحك ياوطن ، كيف الاحوال ! = عسى النخل مليان .. عرجون عرجون ! الله يزيدك خير ، ويزيدك افضال = ويبان خيرك .. في ثلاثين مليون والله يسامح .. من غسل فيك الاموال = وانته بحاجه كلك .. لـ ما وصابون لكنّ ، لاتزعل ولاتشغل البال= ولايهمك في .. وكالة يقولون شعبك تغنّيه المواويل .. يامال = ومرتاح من فضلك ، ولاعنده ديون ( الفول بريالين ، والخبز بريال ) = ويشوف خير المملكه .. فـ التلفزون [/poem] |
سبق/ ابيات (2) : [frame="7 50"] قالت محللة سياسية متخصصة بالشؤون الدولية: إن السعودية تبتعد عن الولايات المتحدة التي باتت بالنسبة لها "دولة جبانة"، مضيفة أن السعوديين يلعبون دوراً قد يكون الأخطر في تاريخهم، مشبهة دورهم في سوريا بمن "وضع قدمه على رأس أفعى مميتة، هي النظام، دون أن يتمكن من سحقها ودون أن تتدخل أمريكا لمساعدتهم". وقالت المحللة والمراسلة المتخصصة في الشؤون الدولية بصحيفة وول ستريت جورنال، كارين إيليوت هاوس، رداً على سؤال حول حقيقة الموقف السعودي: "أظن أن السعوديين هم من قرر التخلي عنا، فبالنسبة للسعودية -باعتبارها مجتمعاً قبلياً- فالمظهر الضعيف قد يشجع الآخرين على ارتكاب أعمال عدائية.. السعوديون لا يرغبون في السير يداً بيد في منطقة الشرق الأوسط المضطربة مع أمريكا الجبانة.. هذه هي وجهة نظرهم"..... الخ .[/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] هذا يُسمّى بـ ( الهياط السياسي ) = اللي على وجه الحقيقه بـ وجهين والمملكه في عيني ، وفوق راسي = لكن وين تروح ! من فيتو الصين مع احترامي .. للعرب والكراسي = في نظرة امريكا ، مجرّد .. عناوين ولو كان .. ينفعنا الكلام الحماسي = ماكان راحت من يدينا .. فلسطين وين العشا ؟ هاتوا كبار التباسي = وخلوا سواليف السعه ذي .. بعدين [/poem] |
سبق/ ابيات (3) : [frame="7 50"] أشارت مصادر مؤكّدة إلى أن الإفراج عن "حمزة كشغري" - المتَّهم بالتطاول على الله - عزّ وجلّ - ورسوله الكريم تمّ فجر اليوم. وقال المحامي عبد الرحمن اللاحم الذي كان مهتماً بالقضية، عبر حسابه في "تويتر": "اللهم لك الحمد.. الإفراج عن حمزه كشغري.. مبروك لأهله وأصدقائه وأحبائه". فيما قال الإعلامي عبد العزيز قاسم "تلقيت اتصالاً من والدة حمزة كشغري؛ تفيد بالإفراج عن ابنها حمزة، ولله الحمد.. أسأل الله أن يتقبّل توبته والواجب علينا مساعدته على الثبات؛ لا تنفيره". من جهته، غرّد حمزة كشغري، عبر حسابه السابق في "تويتر" – اليوم - بعد الإفراج عنه قائلاً "صباحات الأمل .. والأرواح التي لا تموت .. الحمد لله قديم اللطف". .[/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] عيش الحياه الفانيه .. ياكشغري بيه = من يقدر يحاسبك ؟ دام انّك بدوله سولف على كيفك ، وسوّ اللي تسويّه = حتى ، لو تسب الله وتلعن رسوله ما نقدر نقول لقضاة المحكمه : ليه ؟ = وفالآخره .. كلٍ يقول اللي يقوله ياليت ذنبه كان عادي ؟ كان امشّيه = المشكله .. في منهج الدين وأصوله وحتى لو انّه تاب ! يااهل الراي وش فيه = وش لون ؟ يطلع مذنب بهذي السهوله ؟ كم فالسجن تايب ! قضى وقته ويقضيه = واطفاله بدون ابّ ..ماعاشوا الطفوله لو كل مذنب قال : انا تايب ، نخليه = على ايش نبني السجن ! ونكثر قفوله [/poem] |
سبق/ ابيات (4) : [frame="7 50"] حددت وزارة المالية نهاية دوام يوم الخميس الموافق 16/ 2/ 1435هـ لإيقاف الصرف من اعتمادات ميزانية السنة المالية الحالية، والحسابات الأخرى. وشددت على إيقاف استقبال أوامر الدفع من الأجهزة الحكومية المرتبطة بالميزانية بعد هذا التاريخ، باستثناء أوامر الدفع الخاصة بمرتبات شهر صفر، وأوامر الدفع الخاصة بالحسميات التقاعدية، والتأمينات الاجتماعية التي سيجري قبولها حتى نهاية السنة المالية الحالية ، وصدرت هذه التعليمات من وزارة المالية للأجهزة الحكومية، من أجل إقفال الحسابات الختامية والاستعداد للميزانية الجديدة :) [/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] هذي الوزاره ، تستحق الاحترام = تحفظ لنا .. اللي زاد فـ / المال الوفير تقدم الخدمه .. على ريش النعام = والحمدلله ,, النعامه ماتطير واكبر دليل : ان البلد ماشي تمام = ومافي السعوديه ولا واحد .. فقير جهد وأمانه ، ياسلام وياسلام = من شبشب الفراش .. لابشت الوزير والشاهد الله .. ثم في مسك الختام = فـ / آخر سبع كلمات .. فالسطر الأخير [/poem] |
سبق/ ابيات (5) : [frame="7 50"] أكد الناطق الإعلامي بـ"صحة الطائف" سراج الحميدان، وقوع تشابك بين طبيب أسنان وأحد المراجعين لمستوصف عشيرة مكتن، شمال محافظة الطائف اليوم، مما نتج عنه إصابة بسيطة للطبيب في يده اليمنى. وأضاف "الحميدان" أنه تم إنهاء الموضوع بين الطبيب والمراجع داخل المركز عن طريق مدير المركز رفاع العتيبي. وكان مواطن مُراجع لمستوصف عشيرة مكتن شمال محافظة الطائف، قد اعتدى على طبيب عيادة الأسنان (مصري الجنسية)، بضربه داخل العيادة، فيما تقدَّم الطبيب بشكواه عاجلاً لدى الشرطة، والتي باشرت الحالة بعد هروب المعتدي المعروف لديهم. [/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] خفّوا علينا شوي .. يالطايفيين = هججتوا العالم ، وكسّرتوا الناس والنعم فيكم ، بس بالحيل صلفين = تعوذوا بالله .. من كل وسواس ان كان ناقصكم هوا .. يامجانين = جبنا الهوا لو كان تبغون .. فـ اكياس شوفوا هل الدمام .. وشلون هادين ! = واتعلموا منهم .. تفاصيل الاحساس [/poem] :woow55: |
سبق/ ابيات (6) : [frame="7 50"] ( عزيزي المواطن ) حقوقك في التعليم الجيد، وحقوقك في توفير جودة الخدمة الصحية، وحقوقك في تعزيز الاقتصاد والدخل الوطني، وحقوقك في توفير فرص عمل مناسبة، وحقوقك في الأمن، ولك حقوقك الإنسانية، والشرعية التي تعترف بها الدولة وتكفلها، ولكن عزيزي المواطن أين مسؤولياتك والتزاماتك؟ وإن كان هناك قصور فأنت من أضاع حقوقه، وفرطت في مكتسباتك لتساهلك في معطيات حياتك بشكل عام، وعدم سعيك لتغيير واقعك إلى الأحسن، ورغبتك في أن تعمل لك الدولة كل شيء حتى غدوت سلبياً تتجاوز الأنظمة عمداً، وتبحث عن وساطة ومن يمرر معاملاتك غير "النظامية" بطرق منحرفة، وتضيع أموالك في البضائع الاستهلاكية، وشراء الكماليات ثم تحتج من قلة الراتب، وتريد "الفلوس" وأنت لا تعمل، وإن عملت لا تجتهد، ولا تسعى لتطوير قدراتك، وتريد أن تصبح مديراً على الأجنبي المؤهل، وتعيش ليومك فقط بلا تخطيط. [/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] عزيزي الوطن ، ليتك تمرّ اكثر الاوطان = ولاتروح شرق وغرب ، خلك حوالينا وشوف انت وش هي عندهم ! قيمة الانسان = وتدري بأنك معولٍ .. في معالينا وشوف .. الشوارع والاشارات والاسكان = وشوف النظافه .. والنظام اش وحى لينا ! نحبك ، ونصدم فيك ونعاني الحرمان = لحقنا صباحك .. لين تعبت ليالينا غني .. بس ثوبك رث ، وان مرّك الجيران = يشوفون شكلك بالغلط ، وانت غالينا عزيزي الوطن ، من خش في جيبك المليان ! = وملّى جيوب اهله .. من حقوق اهالينا عزيزي الوطن ، من حط للواسطه عنوان ! = وخلّى أسافلنا .. على روس اعالينا عزيزي الوطن ، ليه الرشاوي ورى الجدران ! = توقّف مصالحنا ، وتاكل توالينا عزيزي الوطن ، ساهر على كيس من ! سهران = وهو ياكل اوّلنا .. ويلحق بتالينا عزيزي الوطن ، دام الحقيقه بدون لسان = ليا جبت مرّك .. لا تدوّر لحالينا لو انّ الك قانونٍ .. يطبّق على من كان = ماكان الزعل والغبن واللوم .. مالينا عزيزي الوطن ، عوّد لنا يااجمل الاوطان = تعبنا ننادي لك ، ولاانت بحوالينا [/poem] |
سبق/ ابيات (7) : [frame="7 50"] وقّع وزير الخمة المدنية الدكتور عبدالرحمن بن عبدالله البراك، والسيد محمد مبديع الوزير المنتدب لدى رئيس الحكومة المغربية المكلف بالوظيفة العامة وتحديث الإدارة، مذكرة تفاهم في مجال الخدمة المدنية بين حكومتي السعودية والمغرب بالعاصمة الرباط. وتشمل المذكرة التعاون في تطوير أنظمة ولوائح الخدمة المدنية من خلال مجالات تصنيف الوظائف والتأهيل والتدريب والتوظيف، وقواعد وطرق الاختيار وتطوير القيادات الإدارية وتنمية الجيل الثاني ومهمات ومسؤوليات الجهاز المركزي للخدمة المدنية. ولفت "البراك" إلى أن المشاركة في المؤتمرات والندوات وورش العمل وأنشطة التدريب (التكوين) والتطوير المناسبة التي ينفذها الطرفان، ستكون من أهداف مذكرة التفاهم التي تم توقيعها، إلى جانب إجراء دراسات مشتركة ذات العلاقة بالوظيفة العامة وتبادل الزيارات بين الخبراء والمختصين ذوي الكفاية في مجال الخدمة المدنية، وتنظيم عملية تبادل المعلومات والأنظمة والتطوير والتنظيم الإداري. [/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الصراحه ، خير ماسويّت ياالبراك = التفاهم والتعاون حلو .. فالمغرب ذا بلد .. نحتاج خبراته بدون ادراك = والله يلوم اللي يلومك ، ويستغرب طيب الله يحفظك ، شف لي وظيفه هناك = واوعدك .. لاداوم امن الصبح للمغرب [/poem] :icon_mrgreen: |
وتغيب
: : وتغيب .. والحزنُ فأسٌ يكسرُ الأغصان ويطيرُ عصفورٌ صغيرٌ كان .. يتنفسُ الألحان ويذوبُ في الأوراقِ شوقاً .. ويلوّنُ الألوان ويناقشُ الأشياءَ عن ماهيةِ الطيران وتغيب .. وتضيقُ آفاقُ الحياةِ .. وتختنقُ الجنحان للآن : : |
سبق/ ابيات (8) : [frame="7 50"] أكد وزير التجارة الصناعة، الدكتور توفيق الربيعة، اهتمام الوزارة بالشركات الوقفية، وحرصها على وضع أنظمة لهذه الشركات، كاشفاً عن بدء الوزارة في تنفيذ مشروعَين، أحدهما لتطوير الشركات الوقفية، والآخر لتطوير الشركات غير الهادفة للربح. وأوضح الوزير أن هذه الجهود تُبذل بمساعدة شركة استشارية، تعمل على تطوير النظام ومجموعة مستشارين متخصصين في الوزارة، يتابعون تطوير هذين النظامين، ونقل الوقف نقلة نوعية. وفي مداخلة له بالحلقة الخامسة من برنامج "النهر الجاري" على قناة "المجد"، قال "الربيعة": "نأمل بمشيئة الله تعالى أن يقدَّم المشروعان خلال الأشهر الأربعة القادمة للمراجعة وإضافة التعديلات المتعلقة بهما، قبل رفعهما إلى مجلس الشورى، ثم هيئة الخبراء للمراجعة". وأضاف: "بعد ذلك سيتم رفع المشروعين إلى المقام السامي للمراجعة والتدقيق والاعتماد، وأؤكد أن الوزارة حريصة على تطوير الأوقاف في السعودية". [/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ياالله عسى التوفيق .. للشيخ توفيق = وعسى الوطن يلقى ربيعه .. ربيعه راقب لنا الاسواق ، واهل الصناديق = وخلّ .. المشاريع الكبار المنيعه الناس ذابحها الغلا .. دون تحقيق = تحمّلوا .. ما لا شعب يستطيعه شوف الهنود .. اهل الوجيه المطاليق = مكوّشين ، ومااوقفتهم شريعه واسعارهم ، تلفيق من فوق تلفيق = كلٍ يسعّر للزبون .. ويبيعه صار المواطن والوطن .. دون تفرق = في نظرة العمّال .. وجبه سريعه [/poem] |
سبق/ ابيات (9) : [frame="7 50"] قال المواطن عبدالرحمن محمد الحازمي: إنه حصل على حكم نهائي من قبل محكمة الاستئناف الإدارية بديوان المظالم بالرياض ضد الشؤون الصحية بالقنفذة يقضي بإلزامها بدفع 270 ألف ريال، بعدما تسبب أحد أطباء النساء والولادة في إصابة ابنته بشلل رباعي دماغي أفقدها حركتها وبصرها وسمعها، وجعلها لا تتغذى إلا عن طريق جهاز وثقب في المعدة؛ مما اضطره للانتقال لجدة لمتابعة علاجها بمستشفياتها، إلا أنها توفيت بعد تسع سنوات من المراجعات والمعاناة وتكبد الجهد المادي والبدني. وتابع "الحازمي": "تقدمت وقتها- وكان في نهاية عام 1424- بشكوى ضد المستشفى للهيئة الطبية، وقاموا بالتحقيق وإحالة القضية لمحكمة الاستئناف الإدارية بديوان المظالم بالرياض وأصدرت حكماً واجب التنفيذ كحكم نهائي لصالحي ضد صحة القنفذة، وإلزامهم بدفع 270 ألف ريال بعد تسببهم في عجز كلي بنسبة 90٪ يتحمل الطبيب منها 25٪، والممرضة 5٪، وباقي النسبة تتحملها إدارة الشؤون الصحية بالقنفذة". وأوضح أنه على الرغم من صدور الحكم النهائي الواجب تنفيذه من قبل محكمة الاستئناف الإدارية بديوان المظالم بالرياض، لا زالت صحة القنفذة تماطل في التنفيذ، بل سمحت بسفر الطبيب المتسبب في الخطأ رغم صدور منعه من السفر. [/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ياالحازمي ، ماتنفعك شكوى ولاينفع بلاغ = ماتدري إنّ الآدمي ! ياالحازمي .. هنا رخيص واذا الوطن كله معه ( شلل رباعي فالدماغ ) = هل تعتقد وهو كذا ! يصبح على بنتك حريص تسعة سنين ، وبنتك ابـ 270 الف ساغ = وباقي تدوّر للأمل - في كهفك المظلم - بصيص لبّس ظروف الوقت ثوب ، وغط راسك بالشماغ = والله يعوّض صبرك ، ويوم القيامه لا محيص [/poem] |
سبق/ ابيات (10) : [frame="7 50"] أكد الكاتب المعروف "أحمد العرفج، أنه يتحفظ على سامي الجابر كمدرب، مشيراً إلى أن الهلال يستطيع أن يلعب بلا مدربين لأنه مرصع بالنجوم. جاء ذلك في حلقة جديدة من ( يا هلا بالعرفج)، وبعد غياب دام لأكثر من أسبوعين، حيث أطل الكاتب المعروف "أحمد العرفج" من لندن، على شاشة قناة "روتانا خليجية" مع الإعلامي الشهير "علي العلياني"، لتناول أبرز مخرجات الصحافة والإعلام، ذات الطابع المحلي المثير للجدل، مضيفاً عليها ملاحظاته الناقدة. [/frame] [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] لو ( سامي الجابر ) بـ / اسم لوكاس = وشَعره ماهوب اسود ، ونمساوي مااصبح حديث الناس .. عند الناس = حتى لو يساوي ، وش يساوي ! ياسامي ، ارفع للنجوم الراس = ولا تهمّك .. كلمة الغاوي المجتمع .. مهزوم عشر انفاس = ومحبط ، ومتعنصر ، وسوداوي لنّك سعودي .. ماعليك لباس = ولنّك سعودي .. هاوي وهاوي والله لو بكره تجيب .. الكاس = قالوا : روايه مالها راوي رايي ، لو انّي خارج الاقواس = والى نخاع العظم .. ( نصراوي ) [/poem] |
| جميع الأوقات بتوقيت GMT +3. الساعة الآن 03:55 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية