[align=center].
. تم إرسال كم بيت لـ جوال المشاعر :) دمت ياعبداللطيف وصح بدنك من هنا لـ كورنيش الخبر تحيتي لك . .[/align] |
ياسلام يابو راكان !!
لله درك لله درك وعز الله ارويت الذائقه .. صح لساااانك |
الله الله الله الله
يابو راكان صح لسانك ياغالي قصيده فوق الوصف سلمت يابعدي ولا عدمتك تقبل الاعجاب والموده |
يا مطرق البان لا تكسِرك هوج الظنـون
الحـب لـولا الثّقـه يفقـد صلاحيّـتـه وان قلت طاحت ورْقْة التوت والزيزفـون قلت الغـلا باقـيٍ فـي طـيّ مطويّتـه انت تعَرف قيمتك والناس مـا يعرفـون لا تختبـر خافـقٍ تعـرف حساسيّـتـه بعض المشاعر تجي وتروح من غير لون والبعض تضفي على الشاعر رومنسيّتـه وانا كسبتك ولكن مـا كسبتـك بهـون فيك احتدام الحيـاه ادركـت مـا هيتـه خذني على قدّ حبّي لك وشِف ويش اكون والسِّهد شِف بسم مـن جيّـرت ملكيّتـه وان كان مالي معك دبـره ولا يحزنـون علّمني ... الصّدق بِـرّه فـي علانّيتـه لا تسْكِت وصاحِبِك يقـرأ كـلام العيـون بيـان سـودك خطيـر وقلبـك ونيّتـه انا هنـا بيـن حـدّ معانقِـك والمنـون عاشق كتب عند مطلـع حبّـك وصيتـه امّا ربحتك هنـاء والا جذبتـك طعـون تخبرنـي ان الغـرام افنتْـه عفويّـتـه وانا بدوري ببوح بسـرّ وانتـه تمـون صاحبْك في روحته صاحبْك فـي جيّتـه البارحه كان حولي قلـب واحـد حنـون مازلـت محتـاج لـه لكـن بحنيّـتـه تبارك الرحمن هنا قمة الجمال .. هنا الجمال بعينه تمكن وابداع وفطحلة .. وقافية تلامس الشعور لله درك يا استاذ .. صح لسانك ملايين تقديري ومتابعتي ونهلي .. |
صح لسانك مليون ولا يكفون
بيض الله وجهك حلوة جدا جدا |
البارحه كان حولي قلـب واحـد حنـون
مازلـت محتـاج لـه لكـن بحنيّـتـه (( ابو راكان )) لشعرك ،، تأثير قوي .. على أصحاب القلوب الحنونه :) أبدعت وكسبت الإعجاب حضورك .. أجمل دائماً .. وشاعريتك متوهجه . وغزلك (( فاخر )) |
اقتباس:
95 ياستاذ ولي عوده |
الغالي سعود ناهض الرويس
مرحبا ومسهلا ممتن لحضورك وتعليقك صح بدنك ولاعدمتك ياغالي اخوك |
الغالي سعد الموقي
يامرحبا والله صح بدنك وماعليك زود ياغالي لاهنت لاهنت |
الاخ مضحي السميري
هلا وغلا شرفتني بتواجدك وتعليقك الكريم لاعدمتك |
الاخ فالح الشلوي
مرحبا والله صح بدنك ولاعدمت اطلاعك وتعليقك الكريم |
الغالي غازي المغيليث
ارحب يابو محمد الف شكر لتواجدك ورايك صح بدنك ولاهنت |
وعليكم السلام رحمة الله وبركاته.
لا تسْكِت وصاحِبِك يقرأ كـلام العيـون بيـان سـودك خطيـر وقلبـك ونيّتـه انا هنـا بيـن حـدّ معانقِـك والمنـون عاشق كتب عند مطلـع حبّـك وصيتـه ياســـلام ياســـلام عبداللطيف الغامدي لله درك على هالقصيــد الوافيــه صح لسانك حتى مدد. |
البارحه كان حولي قلـب واحـد حنـون
مازلـت محتـاج لـه لكـن بحنيّـتـه ياسلاااااام عبداللطيف الغامدي ونص رومنسي جميل ,, صح لسانك . |
يامرحبا يا ابو سعيد يامرحبا
لاعدمتك ولاعدمت تواجدك وردك الكريم والله اعجزتني عن الرد لكن مسموح اسلم وسلم |
الغالي محمد بن رشيد
هلا وغلا ردك واطلاعك وسام لاعدمتك مجل ومشكور والله |
الاخ مناحي الفرزه
صح بدنك ولاهنت وسلمت ودمت |
عبداللطيف الغامدي
اضفيت على الشعر لونه وطعمه ورومانسيته بقصيده تساااوي اغلب قصايد الساحه صح السانك صح السانك وبالتوفيق تقبل مروري المتواضع تحياااااااااااااااااتي |
عبداللطيف
قصائدك شي ثاني انت مبدع بدون ادنى شك صح لسانك ملايين تقديري ومودتي . |
اقتباس:
مدري من متى أنا حاجز مير الوكاد ان ابداع ابوراكان ما ينمل منه |
يا مطرق البان لا تكسِرك هوج الظنـون
الحـب لـولا الثّقـه يفقـد صلاحيّتـه والشّكّ يجعل اولي الألبـاب لا يفقهـون يضيّعـون الطريـق الـلـي بماريـتـه وان قلت طاحت ورْقْة التوت والزيزفون قلت الغـلا باقـيٍ فـي طـيّ مطويّتـه انت تعَرف قيمتك والناس مـا يعرفـون لا تختبـر خافـقٍ تعـرف حساسيّـتـه بعض المشاعر تجي وتروح من غير لون والبعض تضفي على الشاعر رومنسيّتـه وانا كسبتك ولكن مـا كسبتـك بهـون فيك احتدام الحيـاه ادركـت مـا هيتـه خذني على قدّ حبّي لك وشِف ويش اكون والسِّهد شِف بسم من جيّـرت ملكيّتـه وان كان مالي معك دبـره ولا يحزنـون علّمني ... الصّدق بِـرّه فـي علانّيتـه لا تسْكِت وصاحِبِك يقـرأ كـلام العيـون بيـان سـودك خطيـر وقلبـك ونيّتـه انا هنـا بيـن حـدّ معانقِـك والمنـون عاشق كتب عند مطلـع حبّـك وصيتـه امّا ربحتك هنـاء والا جذبتـك طعـون تخبرنـي ان الغـرام افنتْـه عفويّـتـه وانا بدوري ببوح بسـرّ وانتـه تمـون صاحبْك في روحته صاحبْك فـي جيّتـه اعطيتك اول غلا واعطيتك آخر شجـون ودرّست قلبـي عليـك مـن ابتدائيتـه والبارحه كان حولي قلب واحـد حنـون مازلـت محتـاج لـه لكـن بحنيّـتـه الله الله الله ياابوراكان والله وانا اخوك القصيده هذي سبيكة ذهب عيار21 ولاهيب والله غريبه عليك فأنت في مقدمة من يقدمون القصيد الحقيقي والراقي الحقيقه انني استغربتك كيف على كثر تواجدي في المرقاب ماشفت قصيدتك هذي الا الليله عموماً انا من جماهيرك الذين يقدّرون روعة قصيدك صح لسانك |
| جميع الأوقات بتوقيت GMT +3. الساعة الآن 09:01 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية