[frame="7 60"][poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

احمد الله مبـدع الخلـق رب العالميـن=سبّح بحمـده لساني..وقلبـي عظّمـه
في ملَكوتـه يطيـب النّظـر للناظريـن=وصادق آياته هدى للعقـول المظلمـه
مالك المُلك العظيم ونصيـر الصابريـن=هازم الآحزاب وحده..ولااحـدٍ يهزمـه
استعيذ برحمته من عذابـه واستعيـن=بقدرته من نفسي اللي لها ذنوبي سِمَـه
كل مافكّرت في حالة اصحـاب اليميـن=آتعوّذ مـن فريـق الشمـال وعالمـه
بين خوفي والرّجا..ماارتجيت الخايفيـن=الرّجـا فاللـي خفـيّ النوايـا يعلمـه
والدعا حبل الرجاوي..ودعوى الصالحين=بأذن ربّي مستجابـه وهـذي مكْرُمَـه
للمصليـن الصيـام القيـام المتّقـيـن=اوليـاء الله واهـل القلـوب المُلْهمَـه
ليت لي منهم نصيب الدعا في كل حيـن=في ظَهَرْ غيب..وخشوع الجوارح يدْعمه
وليت (ابو حوّا) سليل الرجال الغانميـن=نحْسبـه والله حسيبه..علومـه غانمـه
يخْشِر المصعوك في دعْوتِه للمسلميـن=بعْد مايدعي لنفسه عسـى الله يرحمـه [/poem][/frame]

لـ .. (( فالح المصعوك )) ..
.
..
...
[frame="7 60"][poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فالح المصعوك مَجـَّـد وليّ المحسنين=مسلمٍ صادق شعوره مايقدر يكتمه

وإن تمعنّت بكلامه دريت انه فطين =وحيّ عبدٍ شرع منهاج ربه يفهمه

ولانظرت إليا أن معناه لو يخفى يبين=في فؤاده جمر سمرٍ ضميره يشعمه

مستحيل انه يسوي سواة الغافلين=المنبه في ضلوعه ليا غطّ زهمه

ياهنيه كانهو جامعٍ دنيا ودين =ما أبخصه بالحيل حتى أنصفه وألا أظلمه

مجمل الدعوى يقول ادع لي ودعاك زين =والدعاء معروف بالنفع لا صاب سهمه

والدعاء زد قيل قبلي سلاح المؤمنين=مير لا تتكل بغيرك وقلبك تحرمه

رح تدبّر بعض أحاديث سيد المرسلين=" الأماني " تجعل العبد يقطع فـ لحمه

وغيرها وحده تبا تقنع بليّا يمين =واضحه ماكل باضاء كما قيل شحمه!

غير أكيد أني مجاب الدعاء علمٍ يقين=لنّ مايعصم سواء اللي وليه يعصمه

مير ابا ادعي لي وكل اخوياي الطيبين =زابنين أكرم كريمٍ ماينقاس كرمه

يالله أجعلنا على سررٍ متقابلين=وفكّنا ياملتجانا من أهل المشئمه ![/poem][/frame]

لـ .. (( أبو حواء )) .. !!

وعزالله ظلموها ..

[poem= font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحب له طعمين صافي ومخلوط=والوجد له فصلين برد وحراره
أما تنام من اول الليل مبسوط=ولا تمنى الصبح يطلع نهاره
واليوم نمت وقمت ماني بمزبوط=في الجوف نار وفي لساني مراره
مثل السقيم اللي على الكبد ملعوط=مطروح والصيخ يتقادح شراره
ما يشفي المسحور مكوا ولا سوط=ولا يحيي المقتول رد اعتباره
وانا لعبت مع العنا في الهوا شوط=وفهمت معنى الوجد بابسط عباره
وجدي بلغ مليون نوطٍ على نوط=بعين الفقير اللي جلا عن دياره
حتى عشا ليله حسب عقد وشروط=لا شي في دنياه حسب اختياره
حطوه في سلّه معلّق ومربوط=يجلى القزاز بجنب برج التجاره
وبين ارتفاع وخوف ورياح وضغوط=جات البوينق وبنطت في العماره [/poem]

لـ .. (( عامر عمار )) ..

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماني لجيّتك ياعيـد الشهـاده طـروب=وش لون أبطرب وعيدي فرحته غايبه ؟
شفني لحالي ووجهي يكتسيه الشحـوب=وشوارد الفكر مدري ويش هي جايبه !؟
وحدي على شاطي أحزاني بوقت الغروب=أتخيّل الشمس في حضـن البحرذايبـه
في داخلي حزن ماتحويه كـل القلـوب=ونفسي لك الله عن نظم الشعـر طايبـه
لكنّه أحيان يكتبني شعـوري غصـوب=الصايبه مخطيه ..والمخطيه صايبـه !
[/poem]

لـ .. ابو الروائع .. (( مستور الذويبي )) ..

<--- <---- انقل توقيع .. ولا ماتنقل .. محاسبك محاسبك :)

ياعنك , بعض الروس خوْيه من الطيب
لو كان تسترها الغتـر والطواقـي .!


لـ فهيد بن عصيدان

المعاني بين حرفـي ومحرافـي
كنّها من معدن العرف مسبوكه
صبّها قلبي على ذهني الصافـي
لين صارت بين الأثنين مشبوكه
قلتها وآنا أرتكي دون ميقافـي
ماذكرت النذل والخبل والكوكـه
صامل وعاقل ورجال وسنافـي
والصفات الطيبه دوم مشروكـه
لن تكدّر خاطري سج بي قافـي
عن بلاوي سيرة الوقت وشكوكه
يامعلم بين حرفـي ومحرافـي
الحسودي عقرة ٍ دوم محكوكـه


لـ(محمدالسواط ) <---- على شان مايخصم حق نقل التوقيع :)

خارج نطاق التغطيه عدّة أيام
يا منتدى المرقاب سجّل غيابي

أصبر يجيك من الجنابين مقدام
أمّا جناب الودّ .. وإلاّ جنابي

للدكتور المقدام (سداح ) ..:)

هههههههههههه

نسخه .. لـ .. مدير الصادر والوارد :) الملازم قضائي :-/ .. (( محمد مصوّي )) ..

^
^
^

الشعـر فـي تالـي زمـانـه ولاّ
مير إستمع يا شاعر القطيّـه
إما إنْك تبدع من لحونك وألاّ
بـلاش تشحـذ مطلـع وقافـيّـه



حظه ردي الي توليته وبس teeth:

لله درك يابدر العتيبي

عندك خيارين لكـن مالـك الا اختيـار
اما تطيح بشـرف ولا تقـوم بشـرف
دام الصراحه من اطباع النفوس الكبـار
اليا انتصرت افتخر واليا انكسرت اعترف




الله .. الله .. الله .. ياحلوها



للمبدع والغالي ../ محمد المسعري ..

تعـال يابلسـم جروحـي لاتـروح
ياباعث احلـى الذكريـات الماحيـة
تعـال يـاروح الغـلا يـاروح روح
روحِ بعد فرقـاك ماهـي صاحيـة
من ناحية طموح في قربك!!!! طموح
ادورك مـن ناحيـة فـي ناحـيـة
اتعب لك اقدامي وصدري لك يفـوح
كني مشارك في اختـراق الضاحيـة

:):)...لناصر المرشدي ..

من عقبكم عايش بـ/ جـده وكنـي وحيـد
دوام / للبيت / للمسجد /ونفـس الروتيـن
اريــد والله يـدبـر مايـشـاء ويـريـد
ومعاملة ( نقـل للمذكـور ) فـي كلمتيـن
لاشك لو ارفع المعـروض ويـش استفيـد
واعرف رضى الله ياتركي من رضى الوالدين
وختامها يابن متلـع مـاش علمـن جديـد
الا إني ادبك ورى الـدورات لـو إشهريـن


لـ فراج العتيبي

ههههههههههههههههههههه

الله يوفقك يابو عايض

..

راكان بن بدن يقول

وقت القسا ياسعود لله درّه
خلاّني آفكّر واعيد الحسابات :
احذر عدوّك يابيض الوجه مرّه
لكن صحيبك احذره 10 مرات


كان ودي انه قوّس البيت الاخير

يقول خلف بن هذال

احذر عدوك دبة العمر مره
------------ واخذ الحذر من صاحبك عشر مرات

ممكن تكون توارد خواطر

لان الاخ راكان شعر مبدع وغني بشعره

الرفقه اللي قدرها بالدنانيـر
عيبٍ على الرجال يبرز ثمنها




بيت عن قصيده

للمبدع محمد بن مصوي

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

غشاك اللوم ياللـي غبـت .. وغيابـك بـلا سبـه=رحلت .. ولا تركت الا الحيا .. والصمت .. والحيره ![/poem]

للشاعر القدير خالد الحصيّن

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تقول ما وصّفتني في قصيـدك !!=لا غطرسة عيني لا وطول جيدي !!
قلت الشّعر فدوه لعينـك وجيـدك=من اوله لآخر شطر فـي جديـدي
بس احترم حسنك عسى الله يزيدك=غير احترام الذات وايضا قصيـدي
بعدين انا لو بوصفك وش يفيدك !!=وانتي تشفّين الغـلا مـن وريـدي [/poem]

للشاعر القدير عبداللطيف الغامدي