صح لسانك واعتلا شانك

حي القصيد وراعيه وانا اخوك

هذا الغزل لله درك والله لا يضرك

تقبل تحياتي ومروري يا مبدع

أكثر جروحي سببهـا اللـي يحبوّنـي
وجرح الحبايب عطيـب وكيّتـه كيّـه
وين أنت يا اللي عليك أكوسر لحونـي
هيجنت بـإسمك وشلت أغلى هجينيّـه


صح لسانك يادكتور سداح ولاهنت

[align=center]يادافع الشعر لا تنسـاق مـن دونـي
مادمت في ذمّتي .. سجّ القـدم فيّـه

خلكّ على نيّتي .. وظنونـك ظنونـي
وأنا ما أغيـرّ عليـك الظـنّ والنيّـه

البارحـه مـرّت الأحـلام بـعيونـي
أحلام سودا .. ماهيب أحـلام ورديّـه

تمرّدت وأستباحـت حرمـة جفونـي
وراحت على دربها عجلـه وطرقيّـه

أمسيت أصوّت لها وأصبحت مغبونـي
وتفسيرهـا .. بيـن هاذيّـه وهاذيّـه

لو تستحي دمعتي من ضحكة سنونـي
ماكان حطّـت بنـون العيـن ماريّـه

اللي تناسيتهـم .. واللـي تناسونـي
بالخير مذكـوره .. وبالخيـر منسيّـه

والحبّ لا هزّ صدري حـرّك شجونـي
وحطبت حدب الضلوع ونارهـا حيّـه

أكثر جروحي سببهـا اللـي يحبوّنـي
وجرح الحبايب عطيـب وكيّتـه كيّـه

وين أنت يا اللي عليك أكوسر لحونـي
هيجنت بـإسمك وشلت أغلى هجينيّـه

يوم أنت هجسي وحدسي وأصدق فنوني
من لامني في غرامـك لعنبـو حيّـه

شطيّت بي في هواك وزادت شطونـي
مع لاهب الشوق بين الشمس والفيّـه

وعلمتني كيف أغيـرّ شكلـي ولونـي
وأعيـش جـوّ الحكايـات الغراميّـه

يا سيّد الحب .. معك الحـب مامونـي
وأنا علـى جرّتـك عينـي شقاويّـه

مجبور لا شفتني .. ماشي على هوني
حاولت وأزريت لا أكسر قيـد رجليّـه


*


*






المبدع دائمآ \\ سدّآح


وربي انها ابداع إلى أبعد الحدود
وفي الديوان الصوتي كانت اكثر من رائعه

صح لسانك مدد بلاعدد



دمتـ للشعر[/align]