ياسر هذي اشاعات
معليك منهم يحاولون ان يفككون قوة التحالف بين الصف والشاعر خالهم |
اقتباس:
هههههههههههههه ترا عندنا مدرسين لغه عربيه وندرس املاء خصوصي |
ابن قنيص وعليكم السلام نظر
ضيف الله انت يومك تقول ياخالي لاتضحك من جمهور رحيم الله لايبلانا من صحوك انت مشاءالله قدام يارحيم ياعصابة راسي وخل ابن قنيص هو وجمهوره اللي ماغير يطامرون على الدجه الليل الليل الداب الداب |
عبدالله بن قنيص ..
صح لسانك و سلم راسك .. شرفتني بهالطاروق و هجدتني وانا وراي دوام .. :( اعتذر منك و من الجميع .. والجايات اكثر بمشيئة الله تعالي .. تصبحون على خير جميعاً .. رحيم |
اقتباس:
انت لو منت معي الليله تناتفوني العتبان من يد نشيط في يد نشيط <<< وده يقول الله لايكثرهم ههههههههههههههه |
اقتباس:
صح بدنك .. ماقصرت يابو راشد :) واشهد ياضيف الله تراااه انسحب <<< من اليوم يبي الفكه |
صح لسانك يابن قنيص وصح لسانك يابو راشد
ولاهنتووا تمسوّا على خيرررر .. |
وانت من هل الخير يابو راشد
كفيت ووفيت وخل ضيف الله يعود وراه هو وجمهوره على راسهم خاله هههههه ضيف الله لاعاد تعود هالحركات هههههه |
ابو قطن
شكل عندك استلام ههههههههههههههههههه الله لايبلانا خالي ماعلاك من العتبان ياتعبان |
ضيف الله اهجد الله يهجد عدوك
خل الاستلام عنك والله اني لابلغ فيك نقطة السيل الكبير واخليهم يردونك ماعاد تمر من عندهم رايح مكة والواسطه محمد بن مصوي والله اني لاخليه يكلمهم خل حركاتك |
[align=center]عبد الله بن قنيص
سلام الله وانا مسلم واحب الدين واهل الدين والا ياكثر نـاسٍ مالهـا تاريـخ وديانـه رحيم يارحيم ضربة المشعاب ابو راسيـن تبيها في سنام شعيـل والا بيـن حجانـه رحيم الغنامي هلا يامرحبا سقها و درب الغانميـن يميـن وانا رجّال ما امشي في دروب ٍ مالها خانـه على ما تشتهي وان طعتني وطّه على الاثنين اخذ عندك سنامه عانه وراسه بعد عانـه!! عبد الله بن قنيص توكلنا على الله وانتبه يالوعل ابو قرنيـن ترا الديره من وحوش الخلا ذالليل مليانـه ليا دارت رحى الدنيا يروحون الرجال طحين عساها دورةٍ ماتطحن الا بوش واعوانـه رحيم الغنامي لو ان الوعل ابو قرنين جا يحرث عن السكين لقى له من يعرف يجرّها من تحـت لحيانـه لكنّ الله نصر عبده وجنده في بـدر و حنيـن و قادر ينصر الاسلام و اللي يرفـع اركانـه عبد الله بن قنيص تصرّ العين والا يارحيـم ماتصـرّ العيـن ياخبل اللي لامنّه صرّ عينه يمغط لسانـه انا ماقول ماعمّرت لكنّـك قبـل عاميـن بنيت البيت مير البيت حت السوس سيسانه رحيم الغنامي مدام الله عطاني ليه اقوم اضحك على المسكين من الواجب عليّ افزع معه و اتعب على شانه انا ابني و انت تهدم مير يا باني بيوت الطيـن ترى بيت الحجر مبنى من اسمنت و خراسانه عبد الله بن قنيص عطيتك وجه ياوجه القشر واثرك ابو وجهيـن ماتدري وين وجه الفارس اللي مسرج حصانه ياليتك يالطـريق المستقيـم تقـدي الغاويـن من الجهل العقول اليـوم شبعانـه ورويانـه[/align] |
صحّت ابدانكم جميع والله لايهينكم جميع
ونستونا ذالليل ياصحابنا العتبان ولاسيما ابو قطن معقد الشوش اوريك اوريك :( ضيف الله حبلي خشمك يالبناخي المطنووخ :) سلامو عليكم وتصبحون على خير :) |
ابن قنيص
خل عنك الحركات الي ماله داعي حنا يا الغنانيم على نياتنا وقلوبنا نظاف اونا يوم اقول مثل امي من كثر الحب وبعدين ترى عفاس رافع الضغط عندي ولاعاد اتحمل اي كلمه. |
ماجد هههههههههههههههههههه
الا ورا مالحقت فيصل بن درع وريحتنا ياخوك ؟ :( |
ابن قنيص
طيع شوري ولا تنجرف ورى الجماهير المتعصبه على الدجه وبناخيك المطنوخ على قولك والله ان له يوم بس عسى الله يعجل فيه وعاش جمهور رحيم |
عبد الله بن قنيص والقاضي رحيّم الغنامي
صحت السنتكم ولاهنتوا |
يعني يوم انطلق العمده صدت القاضي ,,,
اكفنا شره ياللي مايناطح ألا أعيان البلد ! والله ما أدري اتابع الردود والا البيوت ، سبعين صفحه وسبعه بيوت <- احمد ربك يحايحا |
صح السنتكم مقدماً ياثنائي الابداع / فالعد والرد :)
عدد الصفحات يروع !! لكن بروح اقرى على رواقه بعد شوي خالد :) |
| جميع الأوقات بتوقيت GMT +3. الساعة الآن 03:11 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية