اقتباس:
جعل ما يحق عليك شر يا متعب.. يا زين الحضور و يا زين التواجد.. و تسلم اياديك على تقديم الدليل... و يسلم صوت ابو عيضه جعله صوت ٍ ما ينقطع.. اثبات جديد على البراءه.. وينك يا محكمه... |
اقتباس:
لا كسر و لا ثقل و لا خلل .. يسلم حضورك يا ابو عبدالله و الف الف شكر يا حبني لكم يا اهل الطايف.. مقاطيع حق دايم... تسلم و بيض الله وجهك... |
اقتباس:
و ثقتي فيك و في علمك و شاعريتك كبيره.. نصرك الله مثلما نصرت الحق و نصرتني.... و بيض الله وجهك.... هذا الإثبات الرابع لبراءة النص من اي خلل و علّه.. سجلي يا محكمه... |
اقتباس:
يسلم حضورك و مؤازرتك للحق ... تحياتي يا ريّس.. اعتراف بسلامة البيت .. و هذا هو الخامس.. سجلي يا محكمه |
اقتباس:
هذا أحد الذين أخذت رأيهم في البدايه قبل هذه المحاكمه في ثاني يوم لنزول النص .. بعد كلام مشعان و معاونيه.. الف الف شكر يا ابو عيضه تحياتي يا كبير الإعتراف السادس بسلامة النص يا محكمه.. سجلي.. |
اقتباس:
الله ينصركم و جعلكم موازين عدل و رحمه للمسلمين و المستضعفين.. يحيى العدل يحيى العدل.. |
اقتباس:
يعني ما اعجبك انا رضخنا للحق ... لازم نجادل ونطولها وهي قصيره المشكله انك عجزت عن الدفاع عن شطرك وتعذرت بالبر هههههه يعني لو ما قردنا الله :) بحضور المحامي الخطير كان يمديك خاشرت ابو محارب في العنبر :) وعلى فكره تراني وراك لين اسجنك في ذي والا في غيرها <<<<<< ودي اشوفك معتقل ياخي وبس لا تقول تقطيع ولا تمزيع ولا غيره اسجد سجود شكر وادفع اتعاب المحامي وانت هاجد هههههه ورب البيت انك فاكهة المرقاب يالقيصر جعل عمرك طويل ساتابع بقية النقاش حول النقطه التي اوردها اخوي فهد بن عبدان وبالنسبة لي الموضوع منتهي وخرجت بفوائد كبيره لاشك وهذا هو الهدف والله وسلامة الجميع |
ها بشروا وش صار في ابو محارب
|
هلايا فهد منور يا الامير
وين الاختلاف ممكن توضحه ؟ |
لازلت في انتظار ايضاحاتك يا فهد
|
بالله
طبختوها وخلصتووووووو وين وين وين يا د/ حمد و يا شفق وبعدين / يا شفق يا شفق ياشفق الموضوع كله ان الشطر الاول ماهو على بحر القصيدهـ كسر / جبر / اللي هو لـ الدب (( السواط )) أطالب وبشده ألأفراج عن مشعان لـ يرد على كلام محامي شفق ويوضح جميع مقاصدهـ والحين مع السلامه و انتظر الافراااااااج عن مشعان |
هلا يا فارس انت تقول ماهو على بحر القصيدة؟
وشنهو بحر القصيدة طيب؟ وكيف ماهو على البحر وضح |
يبو شا / هِرْ نَهَارَ مْ /سغننيْتْ
فعولن / مَفَاعِْيُلن / فعولن لاحظ في الشطر أعلاه اختلاف الحركه في مفاعيلن عن مافوقها هذا كلام فهد ان الاختلاف في مفاعيلن والواقع غير ذلك والسبب في ورود الختلاف في ذهنك اخوي فهد هو انك سكنت المتحرك وحركت الساكن فمن الطبيعي ان ترى الصورة غير حقيقية انت سكنت حرف الراء وهو في الاصل متحرك وحركت حرف النون وهو ساكن والاصل عكس ذلك الان اعدها بتحريك الراء وتسكين النون وشوف شو يطلع لك؟ نعود الى تفعيلة الاختلاف وهي مفاعيلن الوسطية هرن هارم فتح الراء وتسكين النون وليس كما شكلها فهد وش تطلع التفعيلة تطلع مفاعيلن وهي تفعيلة بحر الهلالي القصير فعولن مفاععيلن فعولن على ان هنا في هذا الشطر كان فيه اسباغ تتحول بموجبه تفعيلة فعولن الاخيرة الى فعولان لوجود النون المشددة سغننيت =فعولان المسبغة من فعولن محبة وتقدير للجميع |
هلا بالدكتور العزيز / حمد العصيمي
يبو شا / هِرْ نَهَارَ مْ /سغننيْتْ فعولن / مَفَاْعِيُلن / فعولن * الشطر لا يحتمل التأويل , تقطيعه كما هو واضح أعلاه وبالحركه التي بيّنتها أنا هو الصواب بعينه , وقرائته بشكل آخر خطأ . * أنت تقول أن حركة الشطر هكذا : يبو شا / هِرَ نْهَارَ مْ /سغننيْتْ فعولن / مَفَاْعِيْلُن / فعولن * اذا كان هناك أحد من الأخوه الزملاء في المرقاب أو زوّاره يستطيع قراءة ( هِرَنْهَاْرَمْ ) بالشكّل الذي دلّلت عليه بفتح الراء وتسكين النون أكون أوّل المتراجعين عن رأيي ! وأنا على يقين أنهم لايستطيعون لأنها مستحيله ! |
يا أخي عندنا اعضاء غريبين
شلون بحر القصيده مختلف وكيف عرفت انه مختلف ...... يعني افهم من كلامك يوم تشيل بيوتها تضبط معك بس صدر القصيده مختلف ماينشال ....... اذا كان تقصد كذا .. عزالله ظلمت نفسك قبل تظلم راعي القصيده .............. انا اتمنى من اي عضو قبل يتسرع ويصدر حكمه يجلس مع نفسه شوي ويركد ....... ويقرأ البيت زين مايتعمد انه يكسره عشان يرضي نفسه ولا يعود عن رايه ...... ويشيل بيوتها الأخيره الي هو راضي في وزنها بعدين ينتقل للي عليه الخلاف ويشوف .................. بس اهم شي الركاده عصى العز لاتومي بها كل ساعه ........... خطراً على عيال النساء يكسرونها |
اقتباس:
فليكن تعالي معي انت على اي اساس سكنت الراء في شاهر ؟ وشهو استنادك عليه وماهي القاعدة التي نستند عليها في تسكين او تحريك اواخر الكلمات؟ ان القاعدة في تسكين اخر الكلمة او تحريكها يا صديقي هو موقعها من الاعراب فما موقع شاهر اعرابيا هنا حتى تسكن او تحرك هذه نقطة النقطة الثانية ياء النداء وش تسوي ان دخلت على المنادى الا تحرك ساكناً حدد موقع شاهر اعرابيا لتعرف ان كانت ساكنة او متحركة اعتقد ان الامر واضح ولا داعي للجدل ونترك الامر لمحكمة المرقاب لتصدر فتواها |
السلام عليكم ورحمة الله وبركاته
ما شاء الله تبارك الله على ها لمتصفح المميز وعلى هالنقاش المفيد والمثري الحقيقة تصفحت كل الردود وقلت ابدي رأيي من باب المشاركة بما ان الموضوع طرح لابداء الرأي انا في صف مشعان فك الله اسره في ان الشطر المذكور يختلف عن باقي ابيات القصيدة مع احترامي وتقديري لشاعرية الرائع شفق و لمرافعة الدكتور حمد المميزة ولمداخلات الاخوة المؤيدين له وارى ان التقطيع العروضي الذي اورده الاخ فهد بن عبدان سليم مئة بالمئة تحيتي وتقديري للجميع |
هلا يا مشعل لا زلنا نقول وين الاختلاف وترجعون للعروض ونرجع معكم فتحركون الساكن وتسكنون المتحرك عشان الا يطلع ماهو على البحر
ابفهم من وين حركتوا النون في نهار وهي ساكنة ؟ واللي سكنها مهو انا واللي يحركها مهو انتم ؟ اللي يسكنها او يحركها هو لفظها من الشاعر انتم تلفظونها متحركة وشاعرها يلفظها ساكنة وتاتون الى الكنية المناداة بياء ما جا كبرها وتسكنونها وكأن حرف النداء عبث ماله قيمة كلمة نهار في الشعر الشعبي وفي اللهجة الشعبية تأتي مفتوحة كما تقولون وتأتي ساكنه كما فعل الشاعر وشواهد اللهجة ليست فقط عندنا حتى في اكثر من قطر عربي تنطق مسكنة النون اذا للحل الفيصل لا بد من تسجيلها صوتا حتى تقتنعون انها سليمة وليست خارجة عن البحر |
هلا ياحمد
النون في كلمة نهار متحركة وليست ساكنة في لهجتنا الدارجة وانا اعتقد ان لهجتك ولهجة شفق ولهجتي وحدة والا على شان نوزن البيت لازم نعسف الكلمة وننطقها بشكل مختلف عن نطقها الاصلي حتى تمشي مع البيت للاسف هذا يعتبر كسر وعلى فكرة بحر القصيدة من مجزؤات المنكوس وليس الهلالي القصير كما تفضلت تحياتي يادكتور |
هلايا مشعل اما قولك انها ليست دارجة عندنا با السكون فهذا غير صحيح فنحن نقولها مسكنه ونقولها مفتوحة حتى في كلامنا العام وليس الشعر فقط وليس للعسف فيها مجال اطلاقا
اما البحر فقد فسرت الماء بعد الجهد با الماء تقول مجزوء المنكوس وليس الهلالي والاصل ان الهلالي والمنكوس يا صديقي هما وجهان لعملة واحدة وهو البحر الطويل والاختلاف هو ان الهلالي لا يلتزم بقافية الصدر بينما المنكوس يلتزم با القافية فمجزوء البحر الطويل ومجزوء الهلالي ومجزء المنكوس هي بحر واحد وليست بحور مختلفة كما تظن فسمه ما شئت منها بقي انا نطلب من المحكمة ان تستمع الى القصيدة مسجلة لان في النهاية حل الخلاف هو الاذن |
ياهلا ياحمد
والله انت تنطقها بهذا الشكل فهذا شانك اما انها دارجة بسكون النون فالحكم بيني وبينك الزملاء هنا في المرقاب لان نهار بفتح النون عكس الليل ونطقها بسكون النون يحولها الى انهار (جمع نهر ) او بمعنى تداعى او سقط واما قولك الهلالي والمنكوس مشتقة من البحر الطويل فهذا صحيح واضف اليها المسحوب ايضا ولكنها تختلف في التقطيع فمطلع شطر الهلالي والمسحوب واحد ويختلفان في نهايته بزيادة الهلالي وقد يبدا المسحوب او الهلالي بسبب او بوتد اما المنكوس فمطلع الشطر يجب ان يبدا بوتد والا اختل وزنه ويكتب عليه بقافيتي صدر وعجز او بقافية عجزفقط وقصيدة شفق محل النقاش بدأت جميع الاشطر فيها بوتد ولو زدت عليها كلمة من اربع احرف لتحولت الى منكوس |
اعتقد وجهات نظرنا اتضحت بما فيه الكفاية يا مشعل والمنكوس يسمى الهلالي المقفى ومجزؤءهءه يسمى مجزوء الهلالي المقفى عاد مسالة النطق هذي تبت فيها المحكمة وبلاشك استفدنا جميعا من هذا النقاش الثري ايا كانت نتيجته
تقديري واحترامي للجميع ابتداء من مشعان وشفق وختاما بك ولكل من شارك معنا ولكل من قرأنا واعتقد ااننا اخذنا اكثر من وقتنا في النقاشات والداولات ونترك ما بقي لمحكمة المرقاب الموقرة وافر التحايا |
| جميع الأوقات بتوقيت GMT +3. الساعة الآن 11:57 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية