ياللي تحاول مجتهد تحجب الشمس
الشمس ماتُحجب حبيبي بـ غربال وبُـكره! مهو كاليوم..واليوم! غير امس والخلق والدنيا! ماتبقى على حال |
.
. اُنزِل القرآن فيه, وبدر فيه اولى المعارك وسمّيت(فُرقان)..بين الحقّ والباطل تجلّت إرمضان..اهلاً وسهلاً ياشهر خيرٍ مُبارَك من خلالك للإله اِقلوبنا وَجلى تعلَّت . . |
كل عام والجميع بخير وعافيه:
. . لك الحمد ياربٍّ خلقنا سعوديين يوم آشوف خلقٍ تايه الفكر في دنياه وحنا! على ثنتين في الوقت محسودين على مسجد الهادي محمد..وبيت اللِّه . . |
نافذه:
" لاتُجادِل الأحمق..فقد يُخطيء الناس في التفريق بينكُما " |
.
. يلتفت قلبي الملهوف صوبك وانت مغرور مدري منت داري وكل شريان في صـدري يدوّرلك بلهفه وودّه يستضيفك يـ القريِب البعيد آحنّ لـ إسمك كل مامرّ لَك فـ البال طاري ومن غلاتك بقلبي والله اللي يعلم الغيـب آحَسْب إني وليفك مارغبت اقتحم سورك واجيلك مثل جيّة خبيثين المساري قلت ابيّن شعوري لك واوضّح وانت يامالك الخافق بكيفك . . |
قد قيل:
إن الشبابَ,والفراغَ,والجِدَه! ,,,,,,,,,,,,,,,,, مَفسَدةٌ(للخلقِ) ايُّ مفسده ياهي ا لبطره تسوّي براعيها سوايا ياخي على الاقل إندس(إنخش) شف لك مكان بعيد عن عيون الخلق:) السجاير يمكن نمشيها! لكن وش هاللي محتضنها عساها بعمرك؟ لا وثنتين بعد!! ماوالله من الصياعه في هالراس http://leehla2.jeeran.com/smok[1].jpg ماهوب عاقل هالعفر :) |
[poem= font="Simplified Arabic,6,black,normal,normal" bkcolor="transparent" bkimage="backgrounds/18.gif" border="outset,6,gray" type=2 line=0 align=center use=ex num="0,black"]
مبروك للمجتمع,مبروك لـ حبيّب=علىْ اِفتتاح القناه وبثّها الفعلي وجودها فـِ الفضا! من حظنا الطيّب=رِقَت وقالت لعالِ القمّه اِطلعلي مادارها كلّ متخوّف ومتهيّب=وراعي(أنا الكلّ,والحاصل هذا فعلي) جات اِبـ تكاتف ولاتهتمّ بمعيِّب=والصدق يشهد وفي قولي يوقّعلي[/poem] |
|
.
. هاهو وصل سيّدْك قوم وقابله ياسيّدِه جايك من اقصى الشوق قلبه يم شوفك يدفعه ساعة يشوفك ! ذابل إعروقه تصير إمعيّدَه ولوهو تَواضَع! قدره اللي وسط قلبك يرفعه ياهو بنى لك قصر في قلبه لحبّك شيّده يبغى وصالك ياحبيبـِه مايدوّر منفعه . , |
.
. يالربع..ياحلو عذر اْهل المقام السامي الرياجيل,الثُقاة..اِمورّديِن الحجّه لايهمّك شيّ ياضيف اللْه الغنامي أنت! صوتك ينسمع لو كثرو اهل اللجَّه مالَحقني شكّ يمّك..والوفا متنامي والصدر فـِ الوقت للطيِّب وسيعٍ فَجِّه . . |
.
. نرووووح مرواح الطيور النوادر وعن الهوى والودّ ندله ونلهى واِليا طرى للبال ابو طرف خادر! جينا من اقصانا عطاشا وولهى . . |
.
. أنا! ماكنت اصَدّق من يقول..(العشق من نظره) وصدّقت المثل بعد الغرام وسمّه الهاري حقيقة عاشقٍ سيف المحبّه غاص في صدره دخل في خافقه سيف الغرام إبـ حدّه العاري . . |
((إسمح لي,ارجوك,انا بانام في ركنك
ركنك خيالي!! , يهبّل, عالي الجوده!! عصري, حداثي, مُميّز, وآخر التكنك وفيه الأحاسيس مرسومه وموجوده)) يامرحبابك, ويَحليلك, ويازقنك :) واجمل تحاياااااي من جِدَّه..ليا جُوُدَه |
.
. "لولاْ الأمل فيْ الوقت! يامْا اضيق العيش" و اللْه يعافينا, ولايبتلينا . . :) |
الرائع دائما ً / عبدالرزاق الذيابي
تحياتي القلبيه الصادقه لك ولـركنك دمت كما عهدناك متألقا ً |
اقتباس:
عبدالعزيز الحبيتر وحضور اعتز به ويُشرفني حياك ربي ومشكور يامال الغناة تحياتىىىىىى لك |
.
. تواردنّ الخواطر ,,,,,,, ياكثرهنّه في صدري مع صاحب الذكر العاطر ,,,,,,, حتّى لوْ اِنّه مايدري انا! شاطر, واِهوَه شاطر ,,,,,,, بسّ اِنّه مايصحى بدري :) بغيابه شوقي متقاطر ,,,,,,, وينك يابو طرفٍ خَدري دمعي عقب اِغيابك ماطر ,,,,,,, واِعروقي جنحان الكِدري . . |
.
. :) من فتره مرّيت السوق قلت اتقضّى واشرب قهوه موكا..ومعها كابتشينو فيْ السوق اللي عند الكُبري شارع حِرا ياشباب داخل مع بوابه 5 لابس جينز آخر موديل اللي إسمه (شارلي ستون) ولابس نظّاره كاريرا وفوق الصلعه لابس كاب :( اللي يناظرني يحسبني! أمريكي ولاّ متأمرك ويقدّرني ويعظّمني ويحيّيني ويبجّلني فعلاً يابخت الأغراب دخلت المَحَلّ الأوّل راقي خمس إنجوم أنتيكا قابلني بائع لبناني قال: اهلاً عيني شو بَدََّك؟ يا ألله كتّر لحباب اخذت إشويَّة اغراض والسعر المكتوب يخوّف اشّرت بكم اللي خذته ماقدّرني ..قدَّر لبسي قال: إدفع لي نصّ إحساب وبعده دخلت اللي بعدو محل راقي للستّات وياني عانيت إمن الزحمه زحمه فوق اللحمه لحمه غير البرقع والنِقاب من شافوني صارت ربكه وإختبصو من لبسي, شكلي واغلبهم جا يقرب منّي ومن بعيد اسمع لي همسه وش هالمزيون الجذاب؟ :) ناظرت إيميني وإيساري قلت الفكّه من هالعالم وطلعت بحاله ميئوسه من كثر الزحمه والحوسه وصارت هوشه عند الباب في آخر لحظه في السوق طبعاً في المَحَلّ العاشر مرّيت اتفشخر واتباهى عرفني واحد جَدّاوي قال: مو أمريكي كذااااااب وياهي فعلاً صارت قصّه ذاك المثل فعلاً طُبِّق (اللي مايشري يتفرّج) وماكنّي الاّ مسوّي بلوى ومُحدِث في العالم خراب وفي دربي وآنا منحاش مرّيت المحل الأول ماجيته..ماشي من جنبه قال المحروس اللبناني: هات الباقي يانصاااااب :) |
.
. أنا!.. (بِوادٍ غيرِ ذي زَرْع) والبعد!.. كنّه ضرب خنجر لولاْ الحيا,والدين,والشرع! طلبت اشوفك ع المسنجر :) . . |
أ....ي
الثوب,والبشت,والعكّاز,والكرسي! تمَزّقَت فوق لحية شيخنا الفاضل يا أرض ضمّي لشيخِك, ياجبال اِرسي مادام تحت الثرى زيزوم واِمناضِل |
الخوف,والموت في غَزَّه
خطّة اِسرائيل وامريكا وباقِ العرب!..تضبط المَزَّه هِزّي..ودقّي يامَزّيكا |
لولا الحطب! ماشبَّت البدو للنار
ولولا اشتعال النار! ما للحطب دور |
ياصاحبي شوفْتِك عقب التشافيق!
تحيي ضميرٍ دنا منه اليباسي من لامني! جعل تفجاه التفافيق الكلّ منهم محقِّق واِمتواسي بقصيرات العَدَن روس الصناديق عكف الاْصابع رهيفات الكراسي ^ ^ إبن جدلان |
قالت اللْه عليك وعلى بن جدلان
قلت: شعري ماهوب اِبعيد عن ذوقي اكتب الشعر, واحفظ رايع القيفان كيف لا!.. والشعر ذوقي, وانا روقي :) |
ياربي تثبّت قلب عبدك على طاعَتْك
والا ياللْه المعبود خلّ الحبيِب اِلي :) |
| جميع الأوقات بتوقيت GMT +3. الساعة الآن 10:22 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية