[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسراب المجد للمجد اختصاص=مادخلبه من سراب المجد شيّ لو رفعت يديك ماقلنا خلاص=لين نطوي صفحة الموضوع طيّ تقتلون المجد رمياً بالرصاص=وان توفّى قلتوا اصلاً كان حي ندري انه قبل تنفيذ القصاص=كان حيّ ومات والاسباب غي الجهل والغطرسه كهرب وماص=والرضا والعلم للسارين ضي واللئيم ان واجه البرهان حاص=وان طلبته شي مايسقيك مي والكريم اليالقا هداج غاص=واصبح لربعه تقل مشروع ري عقلك السوّاق والغايات باص=ان قنعت اقنع ولن عيّيت عي [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اشوف عنوان الغلا مكتوب بكتاب الغلا=فصل (المعاني) باب (نظرات العيون المغرمه) أصل الغلا حبّ وحلا واحلا والذّ من الحلا=والابتسامه ياحلو معروف منك ومكرمه أنا ليامنّي تخيّلتك يجي قـلبي بلا=أثر الهوى مجرم وسجّات الهواوي مجرمه ! [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يمّك توجّهني بقايا مشاعر=من ماضيٍ عجزت لانسى بقاياه خلّيتني كاتب وعاشق وشاعر=أكتب قصيد الحبّ والناس تقراه ذوقك حلو يشبه حليب الاباعر=في طعمه ولونه وباقي مزاياه [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عطني من الاخبار موجز صباحي=كيفك؟ عساك بخير؟ واحسن من اوّل عجّل تراي من اوّل الصبح صاحي=شوقي فرَض عليّ حضر التجوّل ! راحة حبيبي مطلبي وارتياحي=شيٍٍّ حقيقي خلّ عنك التآوّل من زود حبّي كنّ ماني بصاحي=لو غاب ساعه قلت وش فيه طوّل؟! [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ليت الخميس يبلّغ السبت عنّا=قبل الاحد يصبح مع الوقت جمعه! وش فايدة هاللخبطه ياوطنّا؟=لا مكسبٍ يرجى ولا زين سمعه [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامروّج الحزن لوّ تروّج الفرحه=أصبحت تاجر كبير وزانت احوالك من ضيَّق صدور كانت قبل منشرحه=لو كان عايش تراه بحسبة الهالك لاتجرح اللي لازال يعذّبه جرحه=من هالزمان العجيب ومنك وامثالك [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الا ياطبيـب الشوق مايرضي المشتاق=سوى شيّ واحد وانت تدري وش المقصد لياغاب منهو غيبته تحرق الاعماق=ماتلقا دواها عند من يكوي ويفصد ندوّر وصال وللآسف نبتلى بفراق=ولاهي قضيّة من زَرَع يصبر ويحصد قضيّة غرام وشوق مبني على ميثاق=صرفنا ذهب واثر العرب تاخذ وترصد [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عيدنا عيد العباده والمحبّه=والمودّه والتسامح والتواصل يامعيّد من عصر شكلك مشبّه=تحسب انّ المسأله تحصيل حاصل [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصديقي كان باقي بهالوقت اصدقا=لاتشيل هموم دنياك والدنيا سراب مثل ماتلقا سعاده تبا تلقا شقا=والزمن ماضي ولابه حظور بلا غياب إن شكيت من المفارق ترا باقي لقا=من فقدته يمكن تحصّله يوم الحساب لاتفكّر كم مضى من زمان وكم بقى؟=ثمّ تدخل في متاهه وضيقه واكتئاب ركّز التفكير باللي نزل واللي رقا=واخذ من هذا وهذا مفاتيح الصواب التجارب مدرسه والمدارس ملتقى=تجمع اصحاب المهمّات شيبان وشباب [/poem] |
اقتباس:
هناك بيت سقط سهواً , وهو البيت التالي : وان توقّعت السلامه على وضح النقا = وابتلتك هموم وغموض , يكفيك احتساب |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
فكّرت في عادات بعض الاوادم=اللي لنا معهم علاقه ورفقه بالمجتمع نوعين: باني وهادم=ونفوسهم على المهمّات شفقه راعي وفا ماهو على الطيب نادم=ياخذ ويعطي ويتعامَل ويفقه والثاني اللي بالمطمّات قادم=ودّك على الخدين تعطيه صفقه [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يقول من صبره على الهمّ غطّا=كسبان من غطّا على الهمّ صبره أمشي على درب القدر واتخطّا=واخذ من الدنيا تجارب وعبره واللي على روس الافاعي توطّا=ماهو مداوي سمّهن وسط قبره! شاله هوى نفسه ومن شال وطّا=ما كلّ مرّه تنهي اللدغه ابره [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الالف ادوّن في سجلّ القوافي=قافٍ من القيفان وافي وكافي مشروح وموضّح ولافيه خافي=ياسامعي خذ مقصدي من كلامي والباء برَق برق الشمال وجذبني=ياهاجسي قم ودّني ثمّ جبني قاومت هاجوس القصيد وغلبني=من طيبه اهدي للشمال احترامي والتاء تحياتي لحايل واهلها=تشمل ضواحيها وتشمل جبلها الديره اللي ماخسر من نزلها=دارٍ لها تاريخ شامخ وسامي والثاء ثلاث ديار بارض الجزيره=عندي لهن قدر ومعزه كبيره مكّه وطيبه غير عن كل ديره=والثالثه حايل بلاد الكرامي والجيم جوله بين طيبه وحايل=تسوى سياحه في بلاد الهوايل وان كان فبلاد العجم برج مايل=فبلادنا برج الحياه استقامي والحاء حلو شوف الربيع الطبيعي=مع ورده الجذّاب عدّك تضيعي والبدو تعرف ويش معنى الربيعي=متعه وصحّه وابتهاج وسلامي والخاء خواطرنا تحبّ التجوّل=من اجل ذلك بالكلام انتحوّل بالشرح مانبغى عليكم نطوّل=موضوعنا غربي وشرقي وشامي والدال دور الروم يتبع هدفها=والشرق مبعوث الرساله وصفها هي منبع الفتنه وكلٍٍّ عرفها=واليوم منها حرب الاعلام حامي والذال ذعر المرجفين الحيارى=خلّا يهود يبشّرون النصارى أهل الجبانه يخذلون الغيارى=ومن هالسبب صار الشجيع انهزامي والراء رسول الله خاض المعارك=مع الصحابه سيّد الخلق شارَك لكنّ جيل اليوم للدين تارك=واللي صحى منهم يسمّى حرامي! والزاء زوال الالتباس ايتطلّب=جهد الذي على الضروف يتغلّب يثبت لياشاف الزمان يتقلّب=الدين واضح والجهاد السنامي والسين سيسي مصر خان الامانه=نصّبته اسرائيل بارض الكنانه عبد اليهود اصبح زعيم الخيانه=ياجايزة نوبل عطوه الوسامي والشين شيخ الانقلاب المنافق=بينه وبين ابليس فهم وتوافق عليه صكّات الليالي تصافق=لو كان بعيون المهبّل نظامي والصاد صولات الخصم واعتداءه=مبني على غدر العميل ونداءه ينفّذ التهمه ويظهر براءه=هذي صفات العلقمي بالتمامي والضاد ضاع العدل واستحكم الظلم=باسباب ترك الناس للدين والعلم صرنا نعيش بواقعٍ يشبه الحلم=نشعل شموع وتختفي بالظلامي والطاء طلوع النور من عقب ظلما=هي حالة الضميان لاحصّل الما الياجتمع ورقان مع ضلع سلمى=تصحي عيون مطوّلين المنامي والظاء ظواهر ظاهره تالي الوقت=بالحيل ممقوته وتستاهل المقت بعض الحريم تقول وش فيه لو سقت؟=أقوم باشغالي واروح لدوامي والعين عام الفيل يبغونه يعود=أبو جهل غايب وطاريه موجود ومسيلمه باقيله اصحاب وجنود=شيعي وعلماني وصوفي وجامي والغين غير الاربعه فيه خامس=متآثّر بعادات زيكو ورامس دعواه للجنسين قرب وتلامس=على فساد الجيل جايع وضامي والفاء فصيلة دمّه اردا فصيله=لبرالي المذهب عدوّ الفضيله يكره سنام شعيل ويحبّ ذيله!=أترك بقايا الوصف وارفع مقامي والقاف قالولي علامك تغيّبت=عن اجتماع الجمعه وجمعة السبت قلت الصحيح انّي من المهزله تبت=في مجلس الغيبه قليل اهتمامي والكاف كلّ العالم اليوم تغتاب=كلٍٍّ فتح في مصرف الدجّه حساب يعمل ويكسب ويتكلّم بالاصحاب=ثم راح كسبه في دقيقه عدامي واللام ليت المشكله ماتكرر=حتى من كبار الضروف نتحرر لكنّ هذا شيّ صار وتقرر=بامر الله المعبود رب الانامي والميم من يسمع كلامك ويفهمك=وان شافبك غلطه بسرعه يعلّمك تراه في وقت المهمّات محزمك=انا اشهد انّه بالشدايد حزامي والنون نظرات الثقه والقناعه=ماتصدر الا من عيون الشجاعه ترا عيون الشخص مثل الاشاعه=لها مع التشخيص نوع انسجامي والواو واحد مرّه يقول حنّا=أشجع قبيله والسلاطين منّا قلت استريح وخلّ الاوهام عنّا=كلّ القبايل فرقها بالاسامي والهاء هلالي واعشق الاتّحادي=واشجّع الاهلي والانصار عادي والنصر والطائي وكلّ النوادي=وان شفت متعصّب رفعت الملامي والياء يمين الرجل ماهي بيسراه=يامحلّي الرجّال في غير حلياه الرجل رح له في مكانه وتلقاه=وان مالقيته لاتصير انتقامي [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لولاي اعرف انّك ثقه ماسألتك=عن سرّك اللي له علاقه بسرّي لو تنثني قدمي وقفت وعدلتك=ماهمّني كثر العتب والتزّري بعيوني الثنتين عامين شلتك=واليوم ماني من غلاك متبرّي [/poem] |
|
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بوح شاعر والمشاعر ماتبوح=بس قلت ابوح في جزءٍ بسيط الله اعلم في خفيّات الجروح=سطحها بحرين والقاعه محيط الغموض اليانقلب غاية وضوح=يتعب العاقل ويرتاح العبيط والحصان اللي مع البيدا جموح=يزعِل الخيّال لو انّه نشيط [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الشعر يعكس شعور الشاعر الماهر=اللي لامنّه نظم قيفانه تسلّي يجيك خافيه متفاهم مع الظاهر=يعطيك بالصاع مايعطيك بالملّي [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عطني تفاصيل الخبر وازهل الشرح=هل تشعر براحه اذا شفتني جيت؟ اذا [نعم] جيتك وانا خاطري مرح=واذا [لاوالله] لو تنادي تعدّيت لو كنت باني في طرف منزلك صرح=خلّيت صرحي صدقةٍٍ لك وشدّيت انا حياتي (غاب جرح وحضر جرح)=ماعاد لي خاطر بيمكن وياليت [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الهرج لامنّه كِثر حول موضوع=تشعّب الموضوع واصبح مواضيع مفروض ما للهرجه اقسام وفروع=من شان مانحتاج مشروع تجميع أحيان تلقا الهرج في سطر مجموع=واحيان يبغاله مطابع وتوزيع الاختصار اللي به الزود ممنوع=أفضل من السرد المزوّد بتسريع كم كلمةٍ تنشي ثمانين مشروع=وكم هرجةٍ طالت ولدّت مشاريع أحدٍ كلامه لاتكلّم يجي نوع=واحدٍ ينوّع وجهة الهرج تنويع النوع الاول ياصف الكوع بالكوع=والنوع الاخر يلحق الكوع تكويع تمّ الكلام وزايد الهرج موضوع=للهرج حدّ وللسفر فيه توديع [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ان كان عند ابليس خطّه محكمه عندي صبر=الصبر يكشف خطّة المارد ويدمغ حجّته يابليس حنا مانسينا الموت واهوال القبر=واللي يهجّ اليوم بكره ماتفيده هجّته بكره وجيهٍ مسفره بالحيل ووجيهٍ غبر=من لا نجا باسباب فعله عزوته مانجّته كلّ المشاكل خلفها شيطان هل من معتبر؟=من يصنع الرجّه يبا يلقا عواقب رجّته وانا لقيت ابليس ناثر مع طريق الورد ابر=ماشفته بعيني ولكن شفت اثره وعجّته يالله ياللي بامرك عظامٍ كسيره تنجبر=تغفر ذنوب الشاعر اللي سجّ وابطت سجّته [/poem] |
صح لسانك شاعرنا ركن فااخر وأبدااع يستحق المتابعه تقديري,’’ |
اقتباس:
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ياشاعرة نجد اشكرك واكرر الشكر الجزيل=شكراً على تعليقك الطيّب وتشجيعك لنا الله يبارك فيك يابنت الاصيل ابن الاصيل=ما كنّ احد في منتدى المرقاب غير انتي وانا [/poem] |
اقتباس:
العفو يـ الشاعر الله يصح لسانك أنت مبدع وغني عن التشجيع ما كنّ احد في منتدى المرقاب غير انتي وانا :) المرقاب يحتضر للأسف الله يرد له نشاطه بعودة شعراءهـ المبدعين شرواك تقديري لك,’ |
اقتباس:
نعم يحتضر بعد تعرضه لـ غارة جويّة وقصف من قوات التواصل الإجتماعي وبالذات (تويتر) |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يازيد يوم انّك على جال هدّاج=بلّغ سلامي بير هداج تيما عدوّ عينك يبتلى وقت الاحراج=في واحدٍ ماهو عمى ويتعيما [/poem] |
| جميع الأوقات بتوقيت GMT +3. الساعة الآن 08:19 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية