^
^
أنت واللي فوقك ،
اضم صوتي لصوتيكما وبقوووووه ...؟!



..

مســـج للحبيب / سعود الدهيمي ،،،

أبدعت كعادتك يابومشاري ،،
في أبيات قناة المرقاب ، أنت وبن سويلم والذيابي وابن عصاي والاكلبي ههههههه
مع انه اخل بشرط الابيات من حيث العدد ولكن تستاهل قصيده جميله بسخريتها وصدقها :)



سلام’ عليكم

لبن بتلاء ( سلطان ) حبيب الألب :-

بعد المزحه التي تسببت في بيتين ولا أقمل !


حنا يابوبندر لك الله خابرين
والله عفى ياصاحبي عمّا مضى
لكن علم لي زعيم المبدعين
وقل للمطيري لايكذّب بالقضاء


.. :)

ترى حلها سهل ياياسر

ضع مؤشر الماوس على أيقونة الإستماع

ثم اضغط زر الماوس اليمين

تطلع لك قائمة من ضمنها ( حفظ الهدف كإسم ) بالعربي أو

Save Target As...


بالإنجليزي

وتقدر تحمل الملف بكل يسر وسهولة

بس علم الرجال اللي أويدك بقوة يكثر من قصايده الصوتية الله يجزاه خير :)

ابو فهد اهلييييين وسهلين

لكن طال عمرك ماهيب كلها بعضها بامكانك حفظها والبعض الاخر للاستماع فقط

ماخليت طريقه ولابرنامج الا حاولت به .., :(

مامر علي ياياسر قصيدة مانفعت معها هالطريقة
بعضهن تكون للإستماع فقط وأسوي لها الطريقة أعلاه وتنجح
بس مكن تعطيني مثال من إحدى القصائد خلني أشوف وش الوضع بالضبط :)

لبا نخرك يابوفهد ..

ماحلها بسهل ، وهي ماغير بعضها ,,,
شف جرّب قصائد سلطان ، وان قدرت فيها ارسل عليّ ( عليك الفرج يالله ياحي ياقيوم )


أمّا الاخ المؤيد بقوه فترى صوته اقشر اي ورّالي ، وزين يوم سجل هاك الوحيّده !


سلام’ عليكم .

لعبدربه

تصدق لو اني مكانك ماسهر لهالوقت خصوصاً ليلة الجمعه .. :)

..

^

اصبر لك تسم يوم وتجي متساني ،

أبك مامن علوم ، ماغير توحي حساسي ، ولاوذاره !


الحقيقه ان نواف عطاكيها في الطارووق هههههههههههه

..

مرحبا ياأبوعتيق

وكل قصايد سلطان سلطان بمافيها ( عليك الفرج ) شغالة بنفس الطريقة السابقة

بس تراني أخطيت يوم أقول اضغط أيقونة الإستماع والصحيح أضغط على الأيقونة اللي في خانة
تحميل الملف الصوتي :

(( عانوها قطيعة خشب مربعة وفوقها سهم يبدو أنه منشار :) ))



وصدقني ياأبو عتيق أن صوتك شجي ويذكرني بمضارب البادية :)

بلاك ماسمعت صوت محاكيك أجزم أنها سترتفع معنوياتك :)

^
الظاهر ان صوتك يطرّح الطيور من السماء ،
تسنه صوت محمد اللي في بيت العطار !


لكن تعال تعال الظاهر انا مافهمنا بعض !


انت تقصد تشتغل والا ترسل ؟

تشتغل صح انا معك ، كلها تشتغل من احسن مايكون ،

بس لاجيت ارسلها بلوتوث ، ماتقدر :(


وعفاك .

فعلا عليك الفرج ماترسل للبلوتوث مع أن غيرها يرسل

خلني أشوف لها حل على رواقة ,,, والمارية الغفلة :)

ألا محمد اللي في بيت العطار وشهو من لحية ؟! :)

قلها هنا بعد انت وويهوك << حساوي .. :)

بعدين شفت ابو حساس كله ما يصرّ من شي ٍ هيّن .. وانشد الحصيّن .. :)

اسر طعني و اترك نواف لا تضرب على حسابه ههههههههه

..

سكسوكـه !


طيب طيب طيب ،
الله يكفينا من الغفله :(


رحيّم ،
تسنك تشوف البيان دزفّلت ولالي غار المجلس !

;)

ابك انت تماتيك ياعبدربه تشتغل هنا وهناك

دافع البلا <<<<<< تعوّذ من الشيطان لاتعطب الرجال :)

ياصل انشاء الله

وهالمزحه هذي مبروكه تسببت ببيتين اجمل من البيتين اللي قبلهن

ولايهون ابو ضيف الله اللي نبهني والا مادريت عنها

صح لسانك يابو عتيق ..

هذا والله التناقض الواضح

تقديري الجمّ ؛؛؛

لـ غالب الشريف

هل يعقل كل هذه الفتره لم تغنّي قط ؟.
يا خي والله ودي اقرا لك جديد


..

مسج لـ خالد الحصيّن

ترى غيابك زاد عن حده *** ماهوب حق انك تقاطعنا

:(

..

^
^
أضف إلي مســجك يابعدي هذا البويت :-

وان انت بالله كل هالمده؟
آآجعتنا وغيابك آآجعنا

:(

مايحلقني شك فيك يابو محارب ..

تسلم

الى الاخت / دارين

قصايد×قصايد

فكرة رائعه ومميزة جدا

الف شكر لكِ

^
^
شرحك سيرااااء :)



لبو رجيله :-

ماشاء الله على طلتك البهيه بالصوره :)

بس العقال جنط تسم ؟
<- أنواع التهكم !

..

مسج


لعبد ربه



عبدربه





خل العقال في حاله الله يرحم والديك لاوالله اني لا اسومط كل الموجدين هالحين بالعقال >>>>>واحد انحرج واخربها


لكن انت متى نشوفك


علمني