رائعه ..
للشاعر / فهد الزعبي أناخذيت من الزمن كثر ما أعطيـت أسوق رجلـي والخطـاوي ثقيلـة بعض الخسايـر قلّهـا لا تشاويـت و خسارة الاصحـاب ماهـي قليلـة ياصاحبي ياللي معـي مـا تثنيـت لا تشتكي / عـاد المسافـة طويلـة لاتصخي الهقوة الى مـن تهقويـت الا علـى مـن يعشـق المستحيلـة إبك / وتباك / ودمعة الحي للميـت أما انك تبكـي حـي هـذي فشيلـة حاول يكون لذاتك بنظرتـك صيـت لأن الثقة بالنفس فضـل وفضيلـة وإطلع من الدنيا ولك بالعـلا بيـت بالوجه الأبيض والصفـات النبيلـة وجامل وعامل بالمثل / خلك إن جيت جية مطر / وإن غبت غيبـة قبيلـة ودك إلى منك عـن النـاس قفيـت على الأقـل تكـون راعـي جميلـة .. |
اقتباس:
شعر وشعور .. |
كاملة الدسم
للقدير / محسن بن فالح الدوسري وجهة نظر من شاعرٍ من هل الخرج وكلٍ على ماقيـل يعـرف خراجـه الشعر نبني به مع المعرفـه بـرج والله يثبتـنـا نـهـار المـواجـه وأنا ما أحب معاملة ناقـل الهـرج اللي على الوجهين فيـه أزدواجـه راعي ذلولٍ بالقفا تنفـض الخـرج اليـا خذتبـه فــرةٍ وأدراجــه اللي يخم الهـرج ويعبـي الـدرج وان سمع له هرجةٍ تضحك حجاجـه يامدرجيـن الهمـل الظلـع العـرج ماتكسبـون الا الـردى والسماجـه المجتمع من شغلكم موقفـه حـرج ماتشعـرون بقبحكـم وانحـراجـه من ضربكم سرد الاصايل غدت مرج والقاع منكـم مستشيـطٍ عجاجـه صرتوا علينا مثل نفاخـة السـرج وفـي ليلكـم ماللصبـاح أنبلاجـه الزرج مثل الملط والملـط كالـزرج ومن الهبـال تقرنسـون الدجاجـه واللي يقدركم كمن يربـط السـرج فوق الحصان اللي تديـره نعاجـه ياللي تجيب الهرج وتودي الهـرج مالك ورى عوج المخاليـق حاجـه .. |
من ورائع الرمز / خالد الحصيّن
والله انه مـا يهـز الرجـل ويحطّـم كيانـه كود لامن جاته الـزلات مـن رجـلٍ يحبّـه ان تشرّه قيل هذا مزح مـن بـاب الميانـه وان سكت لجّت ضلوعه كن في صدره منبّـه الله الله وانت يا فكـري عليـك الله وامانـه لا تنقدني مـا دام ان الـدوى حبّـه وحبّـه التوجّد لو يفيـد اللـي توجّـد مـن زمانـه كان شفت اوضاع راع الوجد دايـم مستتبّـه يا صحيبي سِجّل التقريـر والتقريـر عانـه اولـه نـارٍ تلظّـى واخـره بـرد وجهبّـه من يمثل من وراي الخبث واسلوب الخيانـه ليه اجامل بالغـلا وابنيـه قبّـه فـوق قبّـه وليه اجامل لا هرج .. واقول صح الله السانه والصحاري قاحله .. والجحر دابه دون ضبّه ما ربطني بالرجال الا وفـاً مرفـوع شانـه مثل ما يِربط (عشير الغانمين) بـ(عبدربّـه) يا دموع العـز مـا للـذل فالميقـاف خانـه لا تسيلي فوق خدي والهـوا صلـفٍ مهبّـه دمعة الرجال مهما كانت ظروفـه .. إهانـه وانت يا دمعي حماك الله من هـرج المسبّـه ما نثرك الا شموخ ولا حبسـك الا حصانـه لا قعد راع الهوى ينثر من دمـوع المحبّـه حافظك لو جـارت الايـام حفظـي للامانـه والروابع والهقاوي غبّـةٍ مـن دون غبّـه ما ورثت من (ابن هادي) كود سيف وجبّخانه ولا ورثت من (المهادي) كود صبرٍ ما يشبّه ليت باب العرف قبل العرف .. مغلق للصيانه كان ما حصّلت جرحٍ يتعـب الجـراح طبّـه .... |
* نص يسرق الألبآب للدكتور \ سـدّآح (( مخرج 3 )) يا مخـرج 3 عقـب دار الزمـان ومـال على الدايري يا ليت ما شفت لـك لوحـه لمحتك وأنا سالي وفـي طرقتـي رحّـال ودقّ الجرس في صدري ونقّض جروحـه يا ليتك مجـرد لوحـه وكبـري ومدخـال ولا لك من الذكـرى مسـارات مفتوحـه بديت أستعيد اللي مضـى وأفتـح الاقفـال عسى نعمة النسيـان ماهيـب مذبوحـه علاقـه وزالـت مـيـر تأثيـرهـا لازال أكابـد نتايجهـا والأشـواق مسمـوحـه تخاطف عيوني كيف أحيل الغـلا وأحتـال ولي عين مستوره .. ولي عين مفضوحه ! علشان من حطّت في قلبـي لهـا منـزال تعلّت عروشـه وأبتـدت تهـدم صروحـه لها بالوصوف الفارقـه مضـرب الأمثـال ذكيّـه ولمّاحـه وحـلـوه و مملـوحـه تمازحني وترمي علـيّ المـزوح أشكـال وأسيـرّ لهـا قلبـي بجـدّه وبمـزوحـه تقول أنت شاعر والمشاعر على مـا قـال ما باقي تغنيّ غير فـي حـيّ منفوحـه ! سقى الله قصيد ٍ كان فـي حبّهـا يختـال أغطيّـه بوشـاح المحبيّـن وأشـوحـه قضينا وبأحكـام القضـاء تقنـع العقّـال وكل ٍ عن الثاني سحـب روحـه بروحـه لوّ أن الجفاء قاسي يهون الجفاء لا طـال عسى الله يوفّق كـل مسلـم لمصلوحـه أبدفـن محبّتهـا تحـت هيبـة الـرجـال وأبدعي لهـا وتـروح بالستـر مبيوحـه عساها تدوم بخير وتعيش بأحسـن حـال وتبادلنـي الدعـوى والأعمـار منقوحـه عليها السلام ورحمـة الله مـن الأهـوال ومن شـرّ وقـت ٍ يعترضهـا بساموحـه |
اقتباس:
حرام عليك ياسداح هذي بسيطه الله يسامحك بس |
اقتباس:
لله درّ قائلها .. ما أشعره |
[poem=font="Traditional Arabic,6,deeppink,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خل العلوم القديمه .. يامحمد قطن! = ارفع يدك , لا تنبّش كل جرح ٍ عطيب ارفع يدك , والجروح الموجعه لاسطن = يزيد فيها وجعها .. من يدين الطبيب ياليت الاقدام فوق ارض الهوى ما وطن = ولا جابني للعنا .. درب القدر والنصيب استغفرالله , ما اقول ان الظروف اغلطن = لاوالله الا الغلط غلط مقص الرقيب صحيح ما يحمل بـ روح الاماني بطن = تخلق بلحظه وتحيا , ثم بلحظه تغيب يدين الايام ياما آخذن وياما عطن = كم قرّبن من بعيد , وبعدّن من قريب ولا درا من درا , ولا فطن من فطن = الناس لاهين في هذا الزمان العجيب وانا اونس الفقد واستوحش خطاه ان خطن = يمي , واناديبـ صمتي مير ما من مجيب آطى على الشوك , كني واطي ٍلي قطن = من ما تعوّدت يوم اني بـ داري غريب لا تصدق , الغربه انك ما تحصل وطن = لاوالله الغربه .. انك ما تحصل حبيب[/poem] المبدع .. مشعـــان البرّاق .. لله دركـ وماشاء الله عليـــــكـ مااأشعـــــــركـ .. <><><><><><><><><><><><><><><><> |
اقتباس:
لا هنت ياسداح لا هنت |
اقتباس:
صح لسانك ياسعد ولا هنت |
اقتباس:
صح لسانك ولا هنت |
فاضت بالحكم والبدع الرزين
للرائع / مشعل فالح الذيابي قدام تشرق شمس دين الحق فالكون الرحيـب ومن ركنه الشرقي يشعشع نورهـا للمغربـي الناس كانوا فالقمم والعرب في وسط الشعيـب وانزل قدر بين الامم فالكـون قـدر اليعربـي لين اعتزوا باسلامهم واصبح لهم قدر ٍ مهيـب ولولاه ما صاروا ملوك الكون والشعب الابـي الدين مقياس الحكيم اللي علـى خلقـه رقيـب للاسـود وللابيـض ولليعربـي والاجنـبـي بلال الاسود فضله ربي مع الرومي صهيـب والفارسي سلمان بالتقـوى علـى عـم النبـي وانا ولو اني مقصر ولهوى النفـس استجيـب ولا اطول اللحية ولا اقصـر ثيابـي وشنبـي لكن يقيني ثابت ٍ وانا بشر واخطـي واصيـب اخطي واتوب وعفو رب الكون غاية مطلبـي والجادل اللي في نحرها عقد في وسطه صليب وخضابهـا دم ٍ حـرام ولا تستـر بالعـبـي ومن بعد ماتت جالها مليون عشـاق وخطيـب ولو تنبعث شفت اكثر الخطبان عنهـا تختبـي ما حركت قلبي ولانـي مـع حبايبهـا حبيـب ولانيب من ناس ٍ سباها ماضي الجادل سبـي ناس ٍ سبتهم من قبل جسـاس لا يذبـح كليـب ولازال نصف المجتمع بكري ونصفـه تغلبـي تعايبوا ما لايعيـب ولا لقـوا فالعيـب عيـب وانا ماشوف العيب غير اللي يخالـف مذهبـي مادامني مسلم ولي مذهب ولي فكـر ٍ نجيـب وشهوله اترك نهج ديني واتبع الفكـر الغبـي ودام الرواسخ ثابتة فالقلـب دايـم مـا تغيـب ما همني لو ضاقت صـدور المهبـل بسببـي اوزن بميزان الحلال من الحرام ومـا يريـب اجنبه لـو اخسـره خسارتـه هـي مكسبـي ولا شاش راسي معك مهما قلت يالفذ الاديـب ياللـي بمسمـوم القصايـد للمحافـل معتبـي تقادح عيونك ويومي كفك ووجهـك غضيـب وتقول كل الطيب واصله والفخر في منسبـي ربعي هل الردات والعادات وكعـام الحريـب والمجد في ماض الزمان وحاضره دوب عربي ارفق بنفسك واشبع من الرز وارو من الحليب الناس وصلت للثريـا وانـت فالقـاع تحبـي ان كان تبغى المرجلة عان العرب فوق القليب ادحم بجنبك واشرب بيمناك كان انـك صبـي وخل العرب تعرفك بفعولك على عز ٍ وطيـب واترك سوالف كان جدي فالقدايـم كـان ابـي والدين حدد بـه شعـورك للبعيـد وللقريـب الدين راس المرجلة والعنصـرة راس الظبـي راع المعاصي والردا والبخل لو جده عريـب ان جاك ودّر له وقل له يا اسود الوجه تهبـي وراع الوفا والدين والفزعات والعقـل اللبيـب في صدر بيتك قلطه لو كان من ظهر صلبـي ماشاء الله تبارك الوهاب ، .. |
[frame="1 80"][poem=font="Traditional Arabic,6,orangered,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أشعـر بكسـرة نفـس وبهـم وبـيـاس = يخـلّـص أوراق ويجـفّـف مـحـابـر فيني حزن لوهو يوزّع علـى النـاس ؟! = شفتوا على أرصفْة الشـوارع .. مقابـر كانيه بي .. عـن كـل حاسـد وبـلاّس = يشـوف أسامـي سافهيـنـه .. منـابـر مجروح والعبرات في حلقـي .. أمـواس = أشعـر بحدّتهـا وألمـهـا .. وصـابـر لكـن !! الـى توشّـح الصبـح بلـبـاس = ليـلٍ هدوئـه للمضـايـق ( معـابـر ) ما يحجب عيوني عـن أحزانـي نعـاس = كني ( فريسه ) والحزن ( عيـن سابـر ) يا كسـر قلبـي كسـرة السـاق بالفـاس = عليـك يـا خيـبـة ظـنـون المثـابـر عيشتني في ( حلم ) يا عـذب الأحسـاس = وذبحنـي ( الواقـع ) وقفّيـت أكـابـر لأني من اللي لا أعتلـو قـب الأفـراس = مـن يكسرونـه مـا يبـشّـر بجـابـر أبعد .. كسير إحساس .. وآنا .. قوي باس = وكـلٍ بمـا تخفـي نـوايـاه .. خـابـر [/poem] للمبدع والرائـــع .. مشــــاري المـــرّي .. <><><><><><><><><><><><><><><><><><><>[/frame] |
للرائع / أحمد الحارثي
اشوف هـذا الوقـت فـي تاليـه ينـذر بانقـلاب في الدين .. والعادات .. واخلاق البشر .. وآدابهـا اشوف شـيْ يشبـع شرايينـي شكوكـاً وارتيـاب الفتنـهْ اللـي ضاربـهْ بيـن البشـر باطنابـهـا اليوم مفهوم الخطـا .. يشبـه لمفهـوم الصـواب والنفس صعب تميّزْ اعداها .. عن اوفى اصحابهـا صرنا بوقتاً يحكمه قوهْ ..وبطشْ .. وشـرعْ غـاب والغابـه تْخوفـك ظلمتهـا .. وكـثـر ذيابـهـا نظما .. ولا نتعب لطرد الما .. ولو يطلـع سـراب والشخص لو حاول ورا اهدافه .. وصمم ..جابهـا نقدر نحصل ما نبيه .. بشـرط نقـدم مـا نهـاب واللي يروم اعلى الرتب . . لا بـد يطـرق بابهـا لازم تكون من الذياب .. ان عشت ما بين الذيـاب اللـي ليـا شافـت فريستهـا .. يسيـل لعابـهـا والجادل اللي كان في الماضي لهـا جانـب مهـاب الله يرجعـهـا لاهلْـهـا لا يـطـول غيـابـهـا اللي من اول دونهـا حـد الخناجـر .. والحـراب ثيابهـا العـفـه .. وعــزة نفسـهـا بثيابـهـا الله واكبر طاحـت .. ولا طاحـت الا فـي شبـاب ما يعرفون مـن الشريعـه غيـر شكـل كتابهـا اوحوا لها بالحب .. وان القلـب فيهـا شـوق ذاب والصدق تصرعـك بحلاوتهـا .. وسـود اهدابهـا من زينها .. لو تشرب الما .. من هنا شفت الشراب من شافها .. ما تنفتـح نفسـه للاكـل ..الا بهـا قامت تبختر بالكحل .. واللبس .. وانواع الخضـاب تحسب شرفهـا فـي غـلا ملبوسهـا وخضابهـا عاتبتهـا ترجـع لحشمتهـا .. ولا فـاد العتـاب واشوفهـا تزعـل .. وكنـي مستثيـر اعصابهـا واشرح لها بان الهوى والحب .. له عشرين بـاب والنفـس قبـل الاخـرة .. لازم تحَسْـب حْسابهـا الحب حب الوالديـن .. وحـب ربـك .. والحجـاب والحب حب الدين .. وارض المملكـة .. وترابهـا طاحت .. ويا ما اكبر مصيبتها . . ويا هول المصاب طاحت مع اعدا . . يلبسـون لْهـا ثيـاب احبابهـا كلا على دينـه .. يـروح يسومهـا سـو العـذاب والمشكله هي قانعه . . مدري وش اللـي صابهـا سوو بها كل السوايا . . واخـر الامـر اغتصـاب اكبر مصيبه . . والمصيبـه كانـت مْـن اسبابهـا واليوم حالتها بحـور اهمـوم . . وانهـار اكتـآب جروحها ترقـد بهـا . . وهمومهـا تصحـا بهـا لو صانت ايام العفاف .. وراسهـا فـوق السحـاب مـا كـان هـذي منزلتهـا اليـوم بيـن اترابهـا يمكن اذا عـادت الـى سنـة محمـد .. والكتـاب تـرد كيـد الخايـن . . ولا تطمـع الاعـدا بهـا وارجع واقول . . الوقت بالتاكيد صار بْـه انقـلاب في الدين . . والعادات . . واخلاق العرب . . وادابها .. |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أشعر بكسرة نفس وبهم وبياس = يخلّص أوراق ويجفّف محابر فيني حزن لوهو يوزّع على الناس ؟! = شفتوا على أرصفْة الشوارع .. مقابر كانيه بي .. عن كل حاسد وبلاّس = يشوف أسامي سافهينه .. منابر مجروح والعبرات في حلقي .. أمواس = أشعر بحدّتها وألمها .. وصابر لكن !! الى توشّح الصبح بلباس = ليلٍ هدوئه للمضايق ( معابر ) ما يحجب عيوني عن أحزاني نعاس = كني ( فريسه ) والحزن ( عين سابر ) يا كسر قلبي كسرة الساق بالفاس = عليك يا خيبة ظنون المثابر عيشتني في ( حلم ) يا عذب الأحساس = وذبحني ( الواقع ) وقفّيت أكابر لأني من اللي لا أعتلو قب الأفراس = من يكسرونه ما يبشّر بجابر أبعد .. كسير إحساس .. وآنا .. قوي باس = وكلٍ بما تخفي نواياه .. خابر[/poem] مشاري المري |
[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يستشف ( الضايـق ) شعـور الرحابـه=لا وقف ( تايب ) على ابـواب المساجـد جعل ما لـي غيـر دعـوة مستجابـه :=تنقبـض روحـي وانـا خاشـع وساجـد وجعلنـي فـي عيـن ربعـي والقرابـه=نايـف ومستـور ومشـبّـب ومـاجـد أخلـق مـن الشعـر للضامـي سحابـه=وللمسا شمـس ٍ مـن خيـوط العساجـد وفـي زمـان اللامـحـال و لا غـرابـه=صعب تلقى ( قلب حي ّ ) .. وصعب تاجد : واحـد ٍ يـردع صديقـي عـن غيـابـه=ويبلغـه عنّـي ليـا عــض النـواجـد الصـداقـة مـاهـي بشـعـر وكتـابـه=الصداقـة : موقـف وفـعـل وتـواجـد أسمي و جهـدي علـى راسـه عصابـه=لا هجده مـن الزمـن والضيـق هاجـد مير .. لا صـارت قصيـد ومـا يشابـه=يرخيّ الدينـار .. والشعّـار وااااجـد !![/poem] محمد السهلي |
لاصــار مقـصـود الصـداقـه عـلــى شـــي
أشـطــب علـيـهـا وأطـلــب الله عـوظـهـا أبعـد عــن الـلاهـوب وأقــرب مــن الـفـي هـــذي نصـيـحـه والـلـبـيـب يحـفـظـهـا مايـرجـع الـمـيـت ولـــو يـبـكـي الـحــي وأهــل الـمـرض لابـــد يـطـلـع مـرظـهـا صـداقــة الاهـــداف مـاهـيــب تـبـطــي ولاتنـفـعـك لــــو بـالـوفــا تعـتـرظـهـا ميثاقـهـا مـــن شـــان نـاخــذ وتـعـطـي وإن وقـــف الـمـشـروع كـــلٍ رفـظـهــا مـثـل الـسـراب الـلـي مــن البـعـد يـزمـي مـــن طـردتــه كـــمٍ نـفــوسٍ قبـظـهـا أن كــان مـاجـات الصـداقـه كـمــا الـظــي عــلــى نـقـاهــا مـاتـفـاخـت بـعـظـهـا مـاهـي تسـيـر شـــوي وتـدقــر شـــوي ولاتـظـيــع لــيــا تـحـقــق غـرظـهــا ولايـغـطـي حـسـنـهـا جــوهــرٍ ســــي ولـيــا أنتهـظـهـا ذاك هــــذا نـهـظـهـا ودليـهـا تـضـرب عـلــى الـجــم بـرشــي فـالـمـرتـفـع مـاعـايـنــت منـخـفـظـهـا مـاهـيـب تـقـبـل بالـمـطـامـع وتـقـفــي وأمـــانـــةٍ فـتّـالــهــا مـانـقـظـهــا تـصـيـب بـعـظـات الـهـقـاوي وتـخـطــي بـــس الـتـجـارب مـسـتـمـرٍ وعـظـهــا وصـداقـةٍ فـــي قـدرهــا نـاجــح ونـــي أمــــا تـفـلـهـا ذاك هــــذا لـفـظـهــا وسلـوكـهـا مـاتـقـدر الــشــد والــطــي ربـضـة ردى تحـسـب عـلـى مــن ربـظـهـا فيـهـا نـفـاق وغـــش ومـخــادع وغـــي صـداقــةٍ حــــب الـمـصـالـح فـرظـهــا وقـت الـرخـى ينـشـدك تـامـر عـلـى شــي؟ وقــت الشـدايـد مـنــك كـفــه نفـظـهـا!؟ للمبدع محسن فالح الدوسري .... <><><><><><><><><><><><><><><><><> |
[poem=font="Traditional Arabic,6,black,bold,italic" bkcolor="transparent" bkimage="backgrounds/19.gif" border="none,4,gray" type=2 line=0 align=center use=ex num="0,black""]
العمـر يجـري والسنيـن اجـداد والمكـره تـدور = والراس ترعى به مغاتيـر الكبـر عقـب الشبـاب تمضي محطات العمـر بيـن السخونـه والفتـور = طلاتهـا شعـث وعصرياتهـا سـمـر الـرقـاب وجه الزمن كله تجاعيـد وصحـراء العمـر بـور = زرعتها آمـال وتفـاؤل والسمـاء عـج وضبـاب وعمَرتها صبـر وبنيـت بهـا مـن الاحـلام دور = واهديتها ايامي منابـع شـرب وسنينـي سحـاب وحصدتها وعي وتجـارب بينـت وجـه القصـور = اللي يرافق خطـوة الطامـح علـى درب الصعـاب خطوات رجلي حركت واستنطقـت صمـت القبـور = وسجدات وجهي في صلاتي قبلـت وجـه التـراب سافرت واغراني سراب الحلـم والعاشـق جسـور = على الشقاء واكل الهواء والشرب من ريق السـراب اشرب عطش فوق العطش لاصار (ماء) الاحلام غور = واقتات فوق الجوع (حـرَ) الجـوع لاقـل الزهـاب متناقضاتـي بيـن لحظـات الكـآبـه والـسـرور = تنقش على كف المزاج الصعب نقشـات الخضـاب فينـي تواضـع زاهـد الامجـاد والشيـخ الوقـور = وفيني غرور المنتصـر تحـت السلايـل والحـراب متواضع ل اقصى حـدود الانكسـار فـي الشعـور = للـي تزيـن بالتواضـع والوفـا قـبـل الثـيـاب ومغـرور واباهـي بثـوب النرجسيـه والـغـرور =في حضـرة اهـل النرجسيـه والتـرزز بالكـذاب اقفز على الاسـوار واتمـرد عليهـا سـور سـور = لجل اختصر طول المسافه فـوق واحـدث لنقـلاب تعبت ونا امشـي نظامـي فـي محطـات العبـور = وتعب النظام ايشيل خطواتي ثقـل مثـل الهضـاب ومليت من وجـه الغيـاب وجيـت ادور للحضـور = اللي ينوخ سطـوة الغيبـه تحـت عـدل الجـواب ابي حضـور تزدحـم فـي طلتـه كـل السطـور = وتعجز عنه لاتحتـوي فحـواه صفحـات الكتـاب مانيب من ترضيه لامنـه حضـر بعـض القشـور = امـا حضـور مبهـر والا هـلا بــك يالغـيـاب قلتـه ونـا مومـن بـأن الحـظ يلعـب كـل دور = دور الممثـل والمؤلـف والبطـل خلـف الحجـاب لامن صفـا حطـم قيـود المستحيـل وشـعَ نـور = وفتح على بحـر السعـاده للفـرح مليـون بـاب ياحظ عطنا وجه يكفي طـول عمـرك فـي دبـور = وقل للمشرع شاب مع طول المـدى ظهـر الغـراب [/poem] للمبدع الرااائع ناصر الحارثي ( هـــداّج ) .. <><><><><><><><><><><><><><><><><><><> |
اقتباس:
لا هنت ياعذب |
اقتباس:
صح لسانك ولا هنت |
من درر المبدع
رحيّم الغنامي بينك .. و بين المطر يا كبر وجـه .. الشّبـه كنه .. هطولك نهار أمطـر وهـلّ .. السحـاب شف .. رشّه يرشّ الارض و يغسل .. الأتربه وأنت .. إتغسلني من الأحـزان .. و الإكتئـاب أظنّ .. مانيب مخطـي يـوم أشبّهـك .. بـه حتّى .. البرد فيه من لون الثمـان .. العِـذاب وأكبر .. دليـل إن خـدّك دائمـاً .. يصحبـه لا لاح .. برقه و همّال السّحـاب .. إستجـاب هذا .. أنت وأقرب مثـال ٍ حـيّ .. تستوجبـه ما قلته .. أستعرض أمامك بفـنّ .. الخطـاب أمطرتني .. حب و أسقيت أرضي .. المجدبـه حتى .. امتلا خافقي و اخضرّ منك .. الجنـاب ناهيك .. عن صوتك اللي كـلّ .. مـا تسكبـه يصبّ .. في اذني و ياخذني معه .. بإنسيـاب ما قد .. سمع منك في شيّ إسمـه .. الذبذبـه ألاّ .. ليا ذبت مـن نـار المشاعـر .. و ذاب يا كم .. نهمني و أنا غافـل و قـال .. انتبـه الحب .. في ظاهره رحمه و بطنـه .. عـذاب ماهوب .. عن علم بل من واقـع .. التجربـه اللّي .. مضت لي معك و أصدرت فيها .. كتاب و اقول .. ما شفت أجل وش صابني .. بسببه ما أومى .. على جارحه ما بان فيها .. الصواب مير .. أشرب الصبر فوق الجرح .. و استعذبه لعيونك .. السود لو الصبـر مـرّ .. الشـراب لإنّـك .. اللـي عيونـه تصقـل .. الموهبـه ولا تجد .. فـي صفاتـه كلّهـا .. مـا يعـاب خذ .. كلّ ما أملك من كنوز المشاعـر .. هبـه بلا .. مقابل ولا أرجي مـن وراهـا .. ثـواب إطلب .. و يفدا عيونـك كـلّ .. مـا تطلبـه لا يمنعك .. شيّ و عيونـك طلبهـا .. مجـاب ... |
اقتباس:
صح لسانك ولا هنت |
| جميع الأوقات بتوقيت GMT +3. الساعة الآن 11:52 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية