****** أغلى الذخاير ******
[poem=font="Simplified Arabic,5,firebrick,bold,normal" bkcolor="transparent" bkimage="backgrounds/49.gif" border="solid,4,firebrick" type=0 line=1 align=center use=ex num="0,black"]
شكّلت طابور واصطفّت هواجيس الضماير=وان بغيت اعدّها في النفس يا مكثر عددها كنها ركاب طياره تبي شرق الجزاير=زحمه وحرّشديد وكبتن الجمبو صعدها واعلن الطيار ربط الاحزمه واطفا السجاير=وبلغ الركاب تجلس لين تنزل في بلدها ووجه بقراءة دعاء السفر واخفا التواير=واستعان بربه وفج السما الدنيا بجدها مسلم(ن)يقرا كتاب الله ويعمل بالشعاير=راسه اصلك والمعرفه فالشدايد مافقدها مجتهد في طاعة الرحمن ويهل العباير=خشية (ن)في حزة مرت على الخبل ورقدها ما عطبها في حوانيت الخنا خلف الستاير=والبيوت اللي على العمدان ما طيح عمدها يا هجوسي بشريني وابشري باغلى البشاير=الحبال اللي معقدها عسى حلت عقدها ان جفيتيني نهار بازرق البارود ثاير=عاوضيني ليلة براقها يسبق رعدها مبطي ما اغضبت عدواني وعميان البصاير=ومبطي ما ابكيت عين(ن)ما يلاوعها رمدها ومبطي ما شفت لي هم (ن)من النفس يتطاير=ومبطي ما ارويت كبد عاجزه تشرب بيدها ومبطي من شوفة العين الكحيله والضفاير=والثنايا كنها صف الكتيبه في وعدها ومبطي ما شفت نور الصبح في وجه مغاير=في جبين اللي ذرا شيبانها عز لولدها ومبطي ماشفت خد ناعم (ن)مثل الحراير=والكفوف اللي تصافحني ويلقاني سعدها مبطي من شوفة اللي ما صدفها كل باير=الثياب العاريه تموت ما تلمس جسدها حرة ما فاولوها بالعصا والدم فاير=وعزة اللي عز نفسه بين خلق الله وجدها والبطا لو زاد عن حده على الرجال جاير=كل نفس ما تحمل في الحياه الا جهدها وانا رجال اعتصم بالله واكن السراير=وكل نفس عا هدتني حالف ما انقض عهدها الشرف والدين والوجه الطليق اغلى الذخاير=والمكانه والمعرفه والسلوم اشر وادها والشقا لو فل جنحانه وخاوا كل طاير=ما تخاويه الحرار اللي تنومس في هددها والنهايه كلمة مضمونها فالقلب صاير= لا اله الا الله المعبود تنجي من شهدها الشاعر/سعيد الفهري القحطاني[/poem] |
حجــــــــــــــ111111111111111111111ـــــــــــــ ـــــز
|
وانا رجـال اعتصـم بالله واكـن السرايـر
وكل نفس عا هدتني حالف ما انقض عهدها الله الله يا سعيد كفوووووو والله ونعم بك يالفهري صح لسااااااااااااااااااااااااااااااانك من قطر إلين تاصلك قصيدك له نكهه خاصه الله لايهينك طال عمرك على طاعة الله تحية اخوك |
بيض الله وجهك ياسعيد
وانا رجـال اعتصـم بالله واكـن السرايـروكل نفس عا هدتني حالف ما انقض عهدها الشرف والدين والوجه الطليق اغلى الذخايروالمكانه والمعرفه والسلـوم اشـر وادهـا والشقا لو فل جنحانـه وخـاوا كـل طايـرما تخاويه الحرار اللي تنومس فـي هددهـا ياسلام شاعر كبير وقصيده لانستغربها منك |
شاعر جزل ومتمكن لاغرابة
سعيد صح لسانك ولاهنت يالقرم تحية اخوك |
مناحي الفرزه /// هلا وغلا
مرورك على القصيده يحجز الطياره من اول كرسي الى اخر كرسي لا عدمناك يا طير شلوى ********************* تحياتي لك 0 |
الله الله يا سعيد
صح لساااانك ومبدع نص فاااااخر وفخم تقبل مروري المتواضع خالص مودتي |
ناصر ال شهوان /// هلا وغلا
لاهنت على مرورك الطيب يا طير شلوى ولا خلا ولا عدم 0 |
الله الله يا سعيد
صح لساانك يا مبدع ولا تجيب الا كل ثمين اتمنى لك التوفيق تقبل تقديري واعجابي |
سعيد الفهري
صح لسانك ولاهنت شاعريه واضحه ومتجلّيه تقبل مروري وتحياتي يامبدع |
الشرف والدين والوجه الطليق اغلى الذخاير
والمكانه والمعرفه والسلـوم اشـر وادهـا سعيد ابداااع للأمااااااااااااااااااااااااااااااااااااااانه صح لسسسسسسسسسسسسسسانك |
[align=center]وانا رجـال اعتصـم بالله واكـن السرايـروكل نفس عا هدتني حالف ما انقض عهدها
الشرف والدين والوجه الطليق اغلى الذخايروالمكانه والمعرفه والسلـوم اشـر وادهـا والله وسبع انعام ماشاء الله تبارك الله صح لسانك مدد ويبض الله وجهك ابدعت وامتعت اخوك بن عجير[/align] |
سعيد الفهري
صح لسانك مدد جزله من راس جزل تقديري واحترامي أخوك |
محمد الهيمي /// هلا وغلا
بيض الله وجهك على مرورك الطيب 0 |
عبدالله الهد يريس /// هلا وغلا
بيض الله وجهك على مرورك العذب 0 |
عبدالرحمن السمين /// هلا وغلا
لا عدمنا مرورك يا طير شلوى 0 |
الله الله
سعيد الفهري جزل جزل جزل ياسعيد صح السانك مدد ،، |
محمد ابن مصوّي /// هلا ومرحبا
لا عدمنا مرورك الطيب 0 |
سعود ناهض الرويس /// هلا وغلا
لا عدمنا مرور الطيبين شرواك |
الشرف والدين والوجه الطليق اغلى الذخاير
والمكانه والمعرفه والسلـوم اشـر وادهـا والشقا لو فل جنحانـه وخـاوا كـل طايـر ما تخاويه الحرار اللي تنومس فـي هددهـا والنهايه كلمـة مضمونهـا فالقلـب صايـر لا اله الا الله المعبود تنجـي مـن شهدهـا \ / \ . . أرحب ياسعيد شاعر مبدع ومستحيل ان تمر الابيات مرور الكرام أبيات في غاية الروعة والجمال صياغة .. سلاسة .. تمكن .! وشهادتي يقطر دمها :) اعجابي ومتابعتي |
-
وانا رجـال اعتصـم بالله واكـن السرايـر وكل نفس عا هدتني حالف ما انقض عهدها الشرف والدين والوجه الطليق اغلى الذخاير والمكانه والمعرفه والسلـوم اشـر وادهـا والله ونعم يا سعيد شاعر جزل وابياتك فيها من الحكمه الشي الكثير دمت للمرقاب اخوك الصغير خالد السيحاني |
فالح الشلوي /// هلا وغلا
لا عدمنا مرورك الطيب 0 |
| جميع الأوقات بتوقيت GMT +3. الساعة الآن 08:38 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية