!! .. جيل بلحالك .. وباقي جموع الجيل جيل .. !!
للتواصل
نص عساه يجمّلني في عيونكم .. . [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"] الحياه أيامها دروس والدنيا عبر=كل ابن آدم على قاعها عابر سبيل لو تعيش سنين وسنين آخرتك قبر=لو عمر الانسان مضمون .. مامات الخليل ! الجروح تروح لكن تبي عزم وصبر=استعن بالله والايمان والبال الطويل وكل كسرُ وله بعون الله ويسره جبر=وادي الأفراح لو جف .. له يوم ويسيل جبت لك من صدري أوراقُ ومن دمي حبر=بكتب الْكْ رْسالة ( الشوق في القلب العليل ) وان غيرك ماملك في مساحاتي شبر=نظرتينك .. نظره أحيا بها .. ونظره قتيل مادخل بك رغم حسنك غرور ولا كِبِر=جيل بلحالك .. وباقي جموع الجيل جيل يا أسمرٍ ماهوب كل أسمرٍ مثلك عَبَر=حد قلبِ .. في الهوى والوصل ماهو بخيل خلّك بجنبي ولاتدق لظروفك خبر=لف كل الكون منتب معيّن لي مثيل حط همّك فوق همّي وأنا عظمي جَبِر=والله ان آشيل عنْك الخفيّف والثقيل صاملٍ في صافي الوقت ولآ في الغَبَر=لوتميل ( أجا ) و ( وسلمى ) لعينك ما أميل ياكبيرٍ حبك وقدرك بقلبي كُبَر=مثل ماتكبر على الغيث أشجار النخيل أعشقك وأفرح بشوفتْك ياظبي الخُبَر=لنّك أصلاً جزء منّي .. وبعطيك الدليل لو يحلّل دم جوفي جهاز المختبر=والله ان يلقاك في العرق مع دمّي تسيل ياحبيبي في انتظارك ولا باقي صبر=ينزف الخفّاق لك شوق .. وعيوني تخيل ![/poem]. سوالم :) |
حجز 1 ولي عوده :)
|
لـو يحلّـل دم جوفـي جهـاز المختـبـر
والله ان يلقاك في العرق مع دمّـي تسيـل الله الله الله ياسلام عليك يافهد قصيده مايكتبها الا مبدع صح لسانك ., |
اقتباس:
فهد بن عبدان مبدع مبدع مبدع مبدع وهذي محلها الشعبي طال عمرك :) صح لساانك مليون ولا هنت يالغالي لك كل الود :) |
الله عليك يا ابن عبدان
عز الله ابدعت في استهلاليتها صح منطوقك |
مادخل بك رغم حسنـك غـرور ولا كِبِـر
جيل بلحالك .. وباقي جموع الجيـل جيـل يا أسمرٍ ماهوب كـل أسمـرٍ مثلـك عَبَـر حد قلبِ .. في الهوى والوصل ماهو بخيـل الله الله فهد صح لسانك على هالابداع سلمت وسلم فكركـ سلامي وتحياتي .. |
ابن عبدان
صح السانك مليون مرة كعادتك مبدع ولاتجيب إلا الأبداع دمت بخير |
هلا اخوي فهد
صح لسانك لاهنت قصيده رائعه |
اقتباس:
ابداع وتمكن يفوق الوصف تعجبي وتعجبني كل طروقك ليتك فقط استعضت عن اليمين في البيت قبل الاخير بشي من ادوات الابداع التي تمتلكها بكل تأكيد عموما صح لسانك مليون ولاهنت محبتي ومتابعتي اخوك |
حط همّك فوق همّـي وأنـا عظمـي جَبِـر
والله ان آشيـل عنْـك الخفيّـف والثقـيـل صاملٍ في صافي الوقـت ولآ فـي الغَبَـر لوتميل ( أجا ) و ( وسلمى ) لعينك ما أميل كفو والله يا فهد .. وعزالله العزيز انك مبدع بمعنى الكلمه الله لا يضرّك صح لسانك ولا هنت محبتي واعجابي |
فيصل
حضورك شرفني |
ارحب يا فهد بن عبدان
صح لسانك يالامير قصيده رايعه لله درك عليها سلمت ولاهنت |
صح لسانك ولا هنت
|
ابوفواز
مبدع دايما وابدا :) صح لسانك ولاهنت |
اقتباس:
الله الله الله الله فهد مبدع الى ابعد الحدود شاعر ويعجبني طرقك وبدعك صح لسانك ولافض فوك تقبل مروري |
مبدع
مبدع مبدع مبدع مبدع مبدع ومحلها الشعبي |
الله لا يضرك يا شيخ ابدعت وهذي عوايدك
صح الله لسانك ولا هنت يا بن عبدان وفقك الله |
صح اللسانك اي والله ؛
ولاهنت يالمبدع على هيك جماليه بحق :) واسمع للغامدي :) |
فهد بن عبدان
داائما ترضي الاذواق صح لسانك . |
فهد بن عبدان .,
هلا وغلا مليون ., يا أسمرٍ ماهوب كـل أسمـرٍ مثلـك عَبَـر حد قلبِ .. في الهوى والوصل ماهو بخيل الله عليك وعلى التركيب الرائع ., شاعر مبدع وتمتلك الاعجاب من اول حضور لك فقط اقبل محبتي واحترامي سلامي عليكـ ., |
فهد بن عبدان
لله درك والله داائما ترضي الاذواق صح لسانك . |
هلا يافيصل سعد
حضورك الثاني محل تقدير |
وان غيرك ماملـك فـي مساحاتـي شبـر
نظرتينك .. نظره أحيا بها .. ونظـره قتيـل الله الله اله يابن عبداااان مبدع وراااائع ومميز في كل حضور صح لسانك الف وتسلم يمينك لاهنت على هالحضور الوافي احتراااامي و ج د |
جبت لك من صدري أوراقُ ومن دمي حبـر
بكتب الْكْ رْسالة ( الشوق في القلب العليل ) وان غيرك ماملـك فـي مساحاتـي شبـر نظرتينك .. نظره أحيا بها .. ونظـره قتيـل الله واكبر عليك ابيات معبره فيها من الشعر الشيء الكثير يابو عبدان صح لسانك شاعر ومبدع دائمآ وابدآ تحياتي لشخصك |
الله الله الله
يا سلام عليك يا فهد .. ابداع وامتاع وطرب .. صح لسانك ودمت .. إعجابي وتحيّتي |
| جميع الأوقات بتوقيت GMT +3. الساعة الآن 06:35 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية