معانآآآآة شــاعر !
 

كيبورديه جديده للتواصل.. عساها تحوز على رضاكم

لا زالت القلـوب خضر :)



[poem=font="Simplified Arabic,5,purple,bold,italic" bkcolor="transparent" bkimage="backgrounds/41.gif" border="double,1,deeppink" type=2 line=0 align=center use=ex num="0,black"]


تحب العلوم الطيبه والعلوم عفاك= خذ العلم بالتفصيل صافيه وزلاله

جوابي لكيف الحال والحال ما يخفاك= معاناة شاعر مطلبه ما تهيأله

اعيش بتعب وجروح وهموم من فرقاك = فراق الآحبه حطم القلب واغتاله

بجسمي هنا صوره وباق الكيان هناك= عيوني وفكري والاحاسيس شغاله

تراقب تحرى تنتظر شوفة محياك=هذاك القبال اللي له النفس مياله

حبيبي دخيلك من سهم حبك الفتاك =سطى في الفواد ولا قدرت اتصدى له

تحسب اني اقوى الصبر لا.. والذي ..سواك= ترى كل وقتي حزن وآهاآآآت قتاله

مغير اتقلب بين تفكير واستدراك=واخفي عن الحسّاد لا تكّثر اقواله


اسوّي ثقـل . يقهر عداي.. ويسم عداّك= تظاهرت بالسلوى وانا حالتي حاله

انام بسكون الليل واصحى على ذكراك=عشقت الخيال وجاب رسمه وتمثاله


اغفى دقايق وارسل الطيف لين الـّقاك = يجيبك بلحظة شوق ثم يقطع ارساله

بخيلٍ العطاء لو قربك سرع ما وداك =وانا بس احاول فيه وازريت لحّـتاله

يا ليته ما يفصل دوم واعيش انا وياك= على طول يأخذنا بحله وترحاله

نسافر معه في رحلة.. اسلم.. وهات.. وهاك=تدلل.. تفضل.. زادك الله من افضاله

اناجيك جنب بجنب وتمــّد لي يمناك= تقهويني من الودّ فنجال وبياله

اخمك.. وأضمك.. و آكّـلـّـك.. واشّربك.. واظمأك=وأزيــل العطش من نبـع وصّـلك وشلاّله

يا سيد العذاراء كلهن مابهن حلياك= من يراهنك بالزين مشروب فنجاله

تجاوز ظروفك جعل كل الظروف فداك= تعال آلـّحـفّـك بالرمش واكّسيك بظــلالــه..

هذا كل ما عندي وفي ذمتي منساك=احبك محبة كل مخلوق لعّـياـله.


مفرح بن بداح=[/poem]

أبو عبدالله

بجسمي هنـا صـوره وبـاق الكيـان هنـاك
عيونـي وفـكـري والاحاسـيـس شغـالـه
تراقـب تحـرى تنتظـر شـوفـة محـيـاك
هـذاك القبـال اللـي لـه النـفـس ميـالـه
حبيبـي دخيلـك مـن سهـم حبـك الفتـاك
سطى فـي الفـواد ولا قـدرت اتصـدى لـه
تحسب اني اقوى الصبر لا.. والذي ..سـواك
تـرى كـل وقتـي حـزن وآهـاآآآت قتالـه

لازال القب مخضرا والإبداع حاضرا

مبدع يامفرح الله يطول حياتك

صح لسااااااااااانك

تحاياي

حبيبـي دخيلـك مـن سهـم حبـك الفتـاك
سطى فـي الفـواد ولا قـدرت اتصـدى لـه

صح لسانك يابو عبدالله ولاهنت

وكلنا قلوبنا خضر(:

ياسلاام يابن بداح


مبدع ،، صح الله السانك مدد





ودمت بخير

ياسلام على الابداع الشعر ولا بلاش

صح السانك

صح لسانك

يابو عبدالله ولاهنت

يا هلا يا مفرح


صح لسانك ولا هنت

مفراج بداح





لله درك وصح لسااااااااااااااااانك




على ماقلت


اخوووووووك

صح السانك

وبيض الله وجهك

ولك تقديري

اخمك.. وأضمك.. و آكّلّك.. واشّربك.. واظمأك
وأزيل العطـش مـن نبـع وصّلـك وشلاّلـه

ياويله :)

مفرح بن بداح

صراحه نص عاطفي ورومانسي وعذب الى آخر قطره :)

صح لسانك ...صح لسانك ...صح لسانك ...

دوّن اعجابي
.

يا مرحبا يا مفرح

قصيدة مبدع بحق وابدعت فيها

صح لسانك الله لسانك وسلمت

صح لسانك ياجزل



نص في غايه الجمال والروعه


لاهنت


وتقبل تحياتي

صح السانك

وبيض الله وجهك

ولك تقديري

مرحبا يابو مقعد


حضورك هنا له طعم خاص لا عدمتك



تحياتي لك

مرحبا ياسعود


صح بدنك


شكراً على المرور

علي بندر



حياك الله شرفت ولا هنت





..

سلطان عوض


صح بدنك




اسعدني حضورك




..

بدر العجمي



هلا وغلا



صح بدنك

وين أيامك يابوعبدالله ؟



حوالي سنه بين آخر مشاركه وبين ام الخمخمه هاذي !


عسى ماخلاف :)



سلام’ عليكم

ضيف الله الغنامي



هلا وغلا





شرفت القصيده





تحيتي ..

مفرح


وقفت هنا واستمتعت بماقرأت


متّعك الله في جنات النعيم


وصح لسانك

مفرح بن بداح


ابيات جزلة ومن شاعر جزل


لاهنت وصح لسانك يالقرم


تحياتي لك

فايز ابو رجيله


حياك وبياك



صح بدنك





,,

الله عليك يا مفرح

غزل منعش ورومانسيّه على مستوى :)

صح لسانك على كل حرف

تحيّاتي لك يا مبدع

الشاعر الفذ


مفرح بن بداح



ماقول الاصح السانك مدد
لااخفيك اعجابي الشديد بما
تكتب شاعر لك بصمه خاصه
لشعرك عذوبة القراح على
الكبود العطاشا شعر مقتدر
متقن سلس العباره مؤؤؤثر
جـــــــــــــــــــــــــــــــــــــدااا
دمت بهذا المستوى الرفيع


اقول اقول اقول

الله يعطيك العافيه
الله يصلح لك دينك
و
دنبـــــــــــــــــــــــــــاك
و
اخـــــــــــــــــــــــــرتك

تقبل
قليل
العباره
من


اخوك


معدي