بعيداً عن ( شارع المليون )..فكروا معي!
معيض العتيبي طبع قلبي و طـيّـر عقلي.. قلت نجي هنيا و نفكر في هذي تسيف تصير...
في يدك مبلغ 2500 ريال أعطيت صديقك 1000 و بقى معك 1500 أعطيته مرة أخرى 750 و بقى معك 750 أعطيته مرة ثالثة 450 و بقى معك 300 أعطيته مرة رابعة 300 و بقى معك 000 السؤال: عند جمع ما تبقى معك تصير 2550 فـَـلـَـكـَـنّ لو جمعت ما أعطيته يصير فعلا 2500 ها تسيف جات الـ: (50 ريال) كزيادة!؟ |
,’’,
\\ العهد ..بالرياضيات ايام الثانوي :) ... شف يابن سريع .. المخ مابقي فيه إلا بليه :) وعانك .. ألحقت على باقيه .. المبلغ 750 تجزاء وصار 450 + 300 ... كيف تجمع 300 مع 750 اللي هو المبلغ اللي تجزاء منه !! ) ,’, \\ |
لسبب بسيط يا شفق
الحسبة أعلاه لا تعتبر معادلة حسابية وانت تريد أن تطبق عليها معيار المعادلة الحسابية ،، وهي اطلعت كذا لأنها كذا فقط :) وخلني اعطيك مثال على نفس الرقم اللي كتبته ولكن بطريقة خصم مختلفه وستجد النتيجة مختلفة في كل مره: في يدك مبلغ 2500 اعطيت صديقك 500 وبقى معاك 2000 اعطيته مره اخرى 750 وبقى معاك 1250 واعطيته مره اخرى 1000 وبقى معاك 250 واعطيته مره رابعه 250 وبقى معاك ..... ولو حسبتها لقيت معه 2500 ومعاك 3500 :) الظاهر راعة معيض طيرت كل شي :) تحياتي/حامد |
والله مدري يابو مهنا
لكن ترا عهدي بالرياضيات ايام الثانوي بانتظار مدرسين الرياضيات ;) .. |
مشعان البراق وان راح
عسكري فالحرس الوطني حتى الراتب معرف احسبه |
يا شفق تسيف انت ؟
ترى الدعوى سهله وبسيطة ها تشوف المطيري يوم يقول هي جات تسذا انا بقول لك التسذا كيف جات هالحين انت يومك تجمع البواقي ليش ؟ وعلى اي اساس تبي الباقي = المبلغ الاصلي ؟ هالحين الباقي = الملبغ الاصلي - المطروح منه وشلون تبيه كذا من الباب للطاقه يساوي المبلغ الاصلي ؟ يعني الطريقة الي بُنيت فيها القضية اساسها خاطئ لذلك رح وردها على ابو نورة ^_* |
مالي خلق اشغل مخي :(
الحل عند بن نميان واللله اعلم :) |
شفت لو تنطبق السما على الأرض
ماجاك حلّي أنا يالله يالله أعرف تاريخ ميلادي إي شهر تبيني احل :) حلو وانا بمر عليكم |
اقتباس:
هههههههههههههههههههههه هههههههههههههههههههههه طيب يابن نميان ويوم تعترض على جمع 750 و 300 ليه ما اعترضت على اللي قبلها و هي متجزئه من بعض مثلها؟؟ يعني اللي تجزأن قبلها صح و هادي غلط؟؟ <<< حرف الدال مضروب ما يكتب الا دال حاول مره ثانيه :) |
اقتباس:
هههههههههههههههههههههههههههههههههههههه هههههههههههههههههههههههههههههههههههههه هههههههههههههههههههههههههههههههههههههه يهيييييييييييييب يا حامد |
لقد تم تعديل هذه المشاركه عن طريق شفق السريّع
|
اقتباس:
زحمة ردود يعني teeth: يا مرحبا يا ياسر و حضور اسمك لوحده اغلى مكاسب هذا الموضوع دمت لأخيك و في انتظار عباقرة الرياضيات .. عندنا عفاس عبقري اللغه العربيه الفصحى و نبي نكتشف عبقري رياضيات .. مع اني اشك في حامد المطيري برده السابق انه يصير عبقري الرياضيات المنتظر في المرقاب .. عفاس و حامد وا دجتـنا دجتاه teeth: |
اقتباس:
انا اموت و اعرف وجه الترابط بين الثلاثه اسطر في ردك يا ابو سعود مشعان + الحرس الوطني + الراتب لا و المنسق الاعلامي للمرقاب عز الله افلحنا و طاب فالنا teeth: |
اقتباس:
يا مرحبا يا الجعيد.. انا بخير وعافيه و انت وشلونك؟؟ انا من شفتك بديت الرد بحامد المطيري و انا داري انك غادي قبل لا اكمل القرايهteeth: حامد من متى عرف السنع؟؟ انا راح اقول لك ليه جمعت البواقي.. لأن المبلغ اللي كان عندي وديته و كل مره ازيد الرجال.. و في نفس الوقت تنقص من عندي.. انت لو انـّي اطلبك الفين ريال.. و الالفين في يدك بس لعانه تبي تقصـّدها عليّ بالنحو التالي: اطلبك 2000 عطيتني 500 و بقى معك 1500 عطيتني مرة أخرى 1000و بقى معك 500 عطيتني مرة ثالثة 500 و بقى معك 00 راح تحصـّل اللي عطيـتـني 2000 ريال و مجموع البواقي 2000 ريال طبق السالفه هذي على سؤالي فالماضوع الاصلي.. ها تسيف المبلغ فالماضوع الاصلي صار فيه فرق؟؟ انا منحاش ٍ عن ابو نوره و انت تبي تورّدني علاه.. معصي |
اقتباس:
لا في ذمتي ما هوب عند ابن نميان مار شف لك غاره :) |
اقتباس:
ههههههههههههههههههههههههههههه منت بلحالك .. غارك الف عضو ماراح يحلونه لو تنطبق السما على الارض لكن: اي شهر تبيني احل اشهد اني طحت من الضحك الله يرجك يا الهاجري.. ههههههههههههههههههههههه ههههههههههههههههههههههه |
ياجماعه لحد يستهين بعقليّه شفق السريّع فلربما بعد مئات السنين تصبح نظرياته قواعد ومناهج ههههه
ابومهنا .. الخوارزمي مزمز ف العمليات الحسابيّه لين عطى التاريخ عمره والظاهر إنه ماخلاّ شئ .. ولكن وبدون ( تفكير حسابي ) كيف الناتج يزيد عن الرقم الأصلي !! أعتقد أنها ( العموله ) الناتجه عن ( راع النصيفه سالم ) وهلم جرا هههه وبالمناسبه ، مادة الرياضيات كانت السبب الأول في تحوّل تخصصي من علمي إلى أدبي والحمدلله أنها تسببت في إبتعادي عن ( قلّة الأدب ) و ( عملقة الجنون ) ههههههه |
هالحين من اللي قبل الآخر البيضه والا الدجاجه ؟؟؟
|
اقتباس:
هالحين سؤال واحد بسيط عجـّزكم و انتم جهابذة المنتدى؟؟ teeth: |
شفق يعني تعتقد ان العلة في جوابي هو حامد ^_^
لكن تعال بعلمك ياخي انت تعرف ان لكل قاعدة شواذ صح والا ؟ طيب انت يومك تطبق مثالك عليّ وراه ما تطبق مثال حامد وتقول زيادة حامد وراها تفرق عن زيادتك ؟ تهقى ان البنك الي تسلفت منه غير بنك حامد ههههههههههههههههه يعني عمولته تفرق على قول ابو صالح اعتقد انها من الفوارق الرياضية ليس لها دخل بزيادة المبلغ فقط خطأ حسابي في الجمع لأني متيقن ان الباقي لا يساوي المبلغ الاصلي مرة مرة |
اقتباس:
اكيد لكل قاعده شواذ ما فيه شك... لكن في الحسابات الأمر يختلف فالقاعده ثابته 1+1 =2 انت خلك من حامد و مثاله .. هذي نجي لها بعدين << يدوّر الفكه teeth حامد يتعامل بالبنوك الربويه .. و حنا ناس ٍ تلقانا من الراجحي و جاي.. teeth: كلامك هو عين الصواب يا فيصل و هي بالفعل من الفوارق الحسابيه و ليست الرياضيه :) لكن ليس هناك خطأ حسابي في الجمع .. و انا معك في أنه من المفترض تصير العمليه صحيحه و ان المدفوعات يجب ان تساوي المقبوضات<< فاهم في الميزانيات.. :) بس هنا صار اختلال حسابي و لا بد من سبب .. فما هو السبب؟؟ لا زلنا نبحث عن السبب.. :) |
مساعده للجميع و اللي وده يشغـّل مخه.. فأنتم توقعوا يوم يعرض على احدكم وظيفة محاسب براتب
عشرين ألف ريال من غير البدلات.. و عشان تـنقبل في الوظيفه اعرضوا عليك هالعمليه الحسابيه و يبونك تستخدم ذكاءك للمحافظه على مالية الشركه و عدم تعرضها لخسائر ماليه.. الدعوه كلها تعتمد على الذكاء.. يبي لنا محاسب ذكي يطلع القرش من تحت الأرض..teeth: 1000 عضو ما فيكم واحد جامعي تخصصه محاسبه و قانون؟؟ عبدربه و عبدالله قنيص و ظيف الله الغنامي .. آمنـّا انهم في الحرس الوطني .. طيب انتم يا الباقين؟؟ teeth: الا على الطاري .. تصدقون ما عمري قابلت واحد في الماسنجر الا و يقول انا ادرس في الجامعه قسم كلية الآداب .. تدرون ليه؟؟ عشان يقال انه شاعر و مثقف teeth: و آخرتها اللي يطلع جندي حرس و الا عريف في سلاح الحدود و الضحيه الزميلات في الماسنجر مضحوك عليهن .. طلعوا الشباب كلهم جامعيين في كلية الآداب.. teeth: اقول حلوا السؤال و خلوا عنكم جامعي و كلية آداب .. القربه منفريه teeth: |
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ه اضحك الله سنك يا ابو مهنا
اجل تقول الدعوة كلها كلية الاداب واثرني طحت في مقالب من كلية الاداب ^_^ لكن اي بالله هين يا المسنجر لكن عاد تبي الصدق يا شفق نبي نشوف وش سبب هالفارق الاجتماعي قصدي الحسااابي ونبي نحاول نجيبها يمين يسار عشان تعرف اني ماني من كلية الاداب هههههههههههههه بس انا اكررها ان العملية برمتها خطأ انت وشلون تجمع الباقي ترى للحين ما دخلت مزاجي انك تجمع الباقي ويطلع لك = المبلغ الاصلي في مثالك الي انت حطيته وتقول ان القواعد الحسابيه ما تحمل الخطأ مثل 1+1 = 2 هذي غير العمليات الحسابيه الي في المثال المذكور لأنك ما ذكرت لي سبب زيادة الفارق ان كثرت عمليه العطاء يعني مثلا لو قسمت المبلغ على الرجال اربع مرات الفارق راح يكون غير انك تقسمه عليه مرتين يعني كلها ضحك على الدقون ههههههههههههههههههه |
اقتباس:
اعتقد المشكلة بهالمسئلة بالحسآب وترى انا بعد عهدي بالرياضيآت ايام الثانوي يعني مآفيه امل احلها:) بس تذكرت مسئلة تشبه لمسئلتك يقول 3اشخاص راحو يشترون شريط لقوه بـ 30 ريال كل واحد دفع 10 ريآلآت واخذوا الشريط بعدين قال صآحب المحل لا الشريط قيمته 25 بس ورجعلهم 5 ريال كل واحد منهم اخذ 1ريال وبقى عندهم 2ريالين يعنى كل واحد دفع 9 ريال طيب 3 *9 = 27 27 + 2(الباقي) = 29 بآقي ريآل وين رآح؟ http://www.montada.mergab.com/images...es/biggrin.gif <--- الله يحلل الانقليزي عند الرياضيات بس:) |
اقتباس:
هههههههههههههههههههههههههههههههههه اما سوالف المسانجر يا فيصل؟ .. الله من الهوايل و المناتسر اللي فيه.. و بعدين تسذب عيني عينك... شي ٍ يروّع .. خذ عندك مثلاً هالسوالف الماسنجريه تال الليل teeth: الصديقه: ليه اخترت اسمك في المنتدى ( سمير الشمع teeth: ) اخونا في الله: ابد و الله بس انا في الليل ما استانس الا على نور الشمع .. الصديقه: زين وش اسمك الحقيقي .. الله يخليك لا تخبي عليييييييييييييييييي.. اخونا في الله: تركي بن أحمد بن فهد بن تركي بن خالد بن فيصل << يبي يبـين ان السلاله ما فيها صنيدح و عطا الله و صنهات teeth: مع ان أشين الأسماء اسمه هو قبل اسامي جدانه.. الصديقه: كم عمرك؟ اخونا في الله : عمري 21 سنه الى 22 بالكثير<<< عوايدهم في هالحروه اعمارهم ما تزيد و لا تنقص..teeth: الصديقه: يا اللللللللللللللللللللللللللله.. زين شنهي هواياتك.. معليش و الله ودي اتعرف اكثر عليك ;)<< الوجه هذا تابع كلامها عشان تخليه يخرها teeth: اخونا المدرعم: ابد الله يسلمك .. انا ما عندي حدود في الأسئله .. اسئلي زي ما تبين.. صراحه انا هواياتي لعبة القولف<< المشكله ساكن في النسيم و كلها طعوس و شوارع مكسره و هذي يبي لها ارض خضراء teeth: كذلك انا اهم شئ عندي السباحه وقت الظهر.. تخبرين الجو حار و انا ما اتحمل العرق.. و العصر ركوب الخيل و في الليل افرّغ نفسي للورق فهو أجمل هواياتي << على النصب هذا انا ودي اعرف متى يدرس الجامعه؟؟ لأنه راح يجيك سؤال الجامعه teeth: الصديقه: انت طالب والا موظف؟ نفس اخونا في الله: لا و الله انا توّني على الوظيفه انا ادرس في الجامعه سنه ثانيه كلية الآداب<<< ما صدق سؤالها جاب اللي وراه كله teeth: الصديقه: من تسمع له من الفنانين؟ نفس العله ما تغيّر: و الله انا اسمع فيروز , صباح , ام كلثوم , سنفونية بتهوفن<< اصلاً من قال سنفونية و انا داري انه نصاب درجه اولى teeth: ما ودي اطول عليك السالفه يا فيصل .. و الا لو تسمع السوالف الثانيه .. يا شيخ تشيب من العجايب.. عاد نرجع حق محور حديثنا اللي عجزت و انا اعابلك و عجزت اوصل لك المعلومه.. ياخي<< بدا يعصـّب ياخي انا عطيتك مثل ما صار فيه اختلاف زي السؤال هذا.. ياخي ارجع للاقصاد حقت الالفين ريال و شوف كيف طلعت كلها متساويه.. و الا تدري انا اللي اجيب لك المثال .. اقتباس:
لا تقول لي الثانيه ضحك على الشوارب .. تراك فقعت مرارتي وانا افهمك... يا تحل صح يا اشتكيك عند معيض العتيبي<<< الآدمي هذا مسوي كابوس للأعضاء له لالتينteeth: |
| جميع الأوقات بتوقيت GMT +3. الساعة الآن 06:22 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية