(( حياتنا )) بـ (( أبياتنا )) .. !!
:
: يكاد يكون الشعر (( عدسة )) جذابة .. تحفظ الكثير من (( الأبتسامات )) و (( الآهات )) على نحوٍ واحد .. الشعر (( ملكة )) تعطي الانسان فرصة .. لبث لواعجة ومشاعرة واحساسية بحريته الخاصة .. !! هذا المتصفح .. يصب في هذا النهج .. نريد أن نضع أبيات لنا كمرقابيين .. او لناس نرتبط معهم .. شريطة أن تقرن الابيات بـ (( داعي )) كتابتها .. هي مساحة لتوثيق الجميل من مشاعرنا .. في خزانة (( الذوق )) العام هنا .. وسوف اطرح هنا الأبيات التي اوحت لي بهذه الفكرة .. مع رجائي بأن يكون هذا المتصفح .. (( مساحة )) مفتوحة .. لبقية الزملاء كي يضعون لنا بصمات احتفظوا بها ولم ينشروها .. وشرطنا ايراد الداعي والسبب لتكمل صورة الفكرة .. قرر (( عقاب )) وهو الشقيق الأكبر لزميلنا المرقابي (( عفاس ين حرباش )) .. بيع منزلهم .. وشراء منزل جديد في حي جديد .. بعد أن ضاقت مساحة البيت بهم .. لكن هذا القرار اعاد عفاس .. الى الوراء قليلاً .. حيث تذكر والده (( رحمة الله )) فوالدة من بنى هذا البيت .. وعمّره بالسيرة الحسنة التي ساروا أولادة من بعده عليها .. وقف عفاس فكانت هذه الابيات : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] عرضت بيت أبوي ياعقاب للبيع = لكن بقى من بين الاضلاع صكة مقبل علينا يوم فرقا وتوديع = لـ (( ايام )) عمرً ضمها مع بلكة صح الزمن يفرض على الناس وتطيع = وصح الفراق اقشر ولا منه فكة لكن قبل لايطلع العلم ويذيع = أول شروط البيع (( شارية )) زكة وقل له : ترا راعيه وصى أذا بيع = بابة مثل ماكان .. محدن يصكة [/poem] :) |
صديقي ابو حمد
متصفح رااااائع . بروعة كاتبنا العلامه اسجل حضوري وتواجدي الدائم تقديري لكــ |
الله الله
الله يرحم والد عفاس ويجعله من أهل الجنه وجميع أموات المسلمين الحقيقه أن الأبيات صادقه ومؤثره .. صح لسانك ابوحرباش .. وألف شكر لك ياخالوو على هذا الإتحاف :) |
ابو حمد ينطيك العافيه على النقل
عفاس صح لسانك ورحم الله والدك الذي توفى وبقي ذكره مع الناس |
وقل له : ترا راعيه وصـى أذا بيـع
بابة مثل ماكـان .. محـدن يصكـة الله الله يرحمه ويسكنه فسيح جناته فكره مميزه كالعاده يابو حمد لي عوده تحياتي :) |
ابو حمد انت صاحب السبق دوما
لكن ما نقول سوى الله يرحمك يا ابو عقاب وصح سانك يا عفاس ابيات تدخل القلب سيدا |
اقتباس:
وهذه عوايدك :) وبالنسبه لــ أبيات عفاس فــ لله دره و الله يرحم ابوه ويرحم موتى المسلمين .. لي عووودهـ .! |
اقتباس:
بارك الله في الموضوع اللي جابك وابو حمد كله بركه :) |
أبو حمد :__
موقف .. لـ .. عفاس .. أثار حفيظة .. مواقف كثيرة .. واخرج لنا .. أبيات رائعة .. من خالد الروقي .. في البل .. ومن مشعان البراق .. في ذكرى أليمة .. شكرا على التقاط الموضوع الرائع .. :) |
..
. أبـو حمد دائماً .. سبْاق .. للجديد .. المفيد بيض الله .. وجهك على هـ التحفه الرائعه .. ورحم الله والد .. أخونا عباس . . وأسـكنه فسيح جنْاته .. .. . بارك الله فـ الجميع , ومن المتابعين .. |
^
^ ^ لا تقولها.. صدقني ما مني فكه و اني وراك وراك طيب ما حطيت قصيده ثانيه تعارض الاولى؟؟ :) |
اقتباس:
هههههههههههههههههههههههههه (( عباس )) مين .. ؟؟ يالربع اللي في المرقاب وأسمة (( عباس )) يرفع (( ماوس )) جهازة .. !! teeth: |
ابوحمد ماشاء الله عليك وعلى افكارك
ولكل الاخوان اللي امتعونا بقصصهم وقصائدهم هنا بيّض الله وجيهكم متصفح يحمل من الروعه الكثير عاد باتذكر وان طرالي شي جيتكم |
الله الله الله
ابو حمد صاحب الافكار الرائعه موضوع رااااااااااااااائع بما تعني الكلمه ولو ان ابيات عفاس بغيت ( ابتسي ) منها حسبي الله على عدوه كل الشكر على ماتقدم .. |
:
الله يابو داحم رائع والأروع أضافتك للابيات ,, صح السان / عفاس والله يجعل ابوه للجنه ,, على طاري : وقل له : ترا راعيه وصـى أذا بيـع بابة مثل ماكـان .. محـدن يصكـة ,, هذا سلمك الله واحد ينقال له [ سلطان البعير ] اسمع فيه ويعرفونه بعض الربع موصي أهل بيته أن الدوانية اللي على شارع بابها مايسكر ليل ونهار ,, والمقهوي موجود في اي حزة تقلط ,, واحد من الملقف اتصل على صاحب الديوانيه وقال : والله ياأبو فلان امس غبشت للرياض ومريت الديره قلت ابي أقيل الظهر عندك وبدوانيتك العامره لاكن تفاجاءت بـ أن الباب مسكر ,, واليوم دقيت اتطمئن عسا ماشر .؟ الأخ صاحب الدوانية انصدم ومن زود حبه للكرم راح وكسر الباب :( هذا الموقف تذكرته من كلمة [ محدن يصكه ] ,, جعل الفرح فالك ,, |
موضوع جميل
لكن بعض الردود جعلته عكس ذلك !! عبدالرحمن حمد وافكارك داائما حلوة ,, |
ياسلام يابوحمد
ياخي مواضيعك دائما تلامس الاحساس وفوائدها لايمكن حصرها فالف شكر بدايه موجعه مع عفاس عسى شايبه في جنة النعيم ,,,, وصح لسانه وابو محارب مشاركته ايضا على وتر الفراق والذكرى المؤلمه ,,,, صح لسانه ابونايف اذوه المهبل فكواهم ولطف الجو بتقمص شخصية الخاطب الاسمر وكله من ( ابو عبيد ) واسئلته مشاركه خفيفه لاترتقي لما ورد من الاخوه ,, لكن بجيبها اتصل على ابوعيضه محمد اسواط الله يبارك فيه وانا كنت راقد الحقيقه عاد من اجمل الاشياء ان تصطبح بصوت صاحبنا سلاااااااام المهم من اخر ما قال قبل انهاء المكالمه (حب لي خشم راكان ) <<< انا فاضي لخشم راكان على ذا الصبح :) ما كملت كلمتي (لنفسي ) الا هذا راكان كعادته مزعجني وراز خشمه في وجهي وكأنه متفق مع صاحبه عاد قلت [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا خشم راكان هذى حبّةٍ طازه = من خشم ابو عيضه وماهيب من خشمي خشمي مجرد رسول مودّيٍ عازه = تتبادلون الوفا والجهد للنّشمي[/poem] عاد ردوا على الاثنين بردود اجراميه ,,, احتفظ بها لخشمي :) :) :) وسلامتكم |
اقتباس:
يعني مختصر سالفة ابو راكان هو أن هناك " خشمان قد تخاشما،،، بواسطة خشم ثالث" :) سلامي لتلك الخشوم :) موضوع روعة يا عبدالرحمن ،،، يابو الافكار العاقلة والمجنونة :) جميع مواضيع الاخوة الوارده هنا جميلة وهناك قصيدة لحمد السعيد ، قريبة من قصيدة عفاس، من حيث الوفاء للمنزل القديم منها هذه الأبيات [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] مريت بيت قديم وجدد الذكريات=هو مسكني من صباي لعقب وقت الزواج جيته ولاني بقايل هاك ابا اقول هات=جيته ابا اجمع ايجاره مثل جمع الزكاة الخراج قعدت في حوشه القبلي على أول حصاة=ماني بيم القصيد وبث فيني مزاج قمت اتذكر زمان فيه قفى وفات=مابين دمعة عيون وضحكة وابتهاج بالبيت هذا وفاة أمي وبه عود مات=يالله عسى قبورهم خضرا وتنور سراج[/poem] تحياتي / حامد |
الغالي ../ عبدالرحمن حمد
يعلم الله انك تأتي بالممتع المفيد واعادة صياغة الفكرة .. وتركيبها .. اعطاها نكهه خاصة لاسيما الابداع في الكتابة وزاد حلاوتها ونورها .. الابيات المصحوبة بالموضوع كما زادها ردود الاخوة وايراد بعض القصص المماثلة لاهنت وسلم بنانك تقبل مروري |
بغض النظر عن خشوم الربع ياحامد:)
الشطر هذا تأكد منه (جيته ابا اجمع ايجاره مثل جمع الزكاة الخراج) مغطته شوي مدري مغطه حمد السعيد :) وسلامة خشمك |
الدعوى مغط في مغط ،
والحقيقه اني ازريت اعرف للماضوع على زين زينه ! اشرح ثاني مر ه يابن مشيب :) <- واعقوبة ابن مشيب من الاغبياء |
هلا اخوي عبدالرحمن
مبدع ومواضيعك دائماً رائعه ومميزه |
اقتباس:
والله مدري ياعبداللطيف ،، انا نقلته سماعيا لأني عجزت القاها مكتوبه ،،، يمكن مغطت بعض الحروف بس هاك التسجيل واسمع بنفسك ،، ولا تبخل علينا برأيك ،، لأننا منك نتعلم يا معلم :) http://www.movn.net/7md_al_s3eed/AL_BeeT_AL_qaDeeM.ram بس ابا امشكلك بطلب قبل لا تسمع واقولك ،،،،،، حب لي خشمكteeth: تحياتي/ حامد |
ههههههههههههههه
حامد زوّده كلمة ( جيته ) في اول الشطر .... :) البيت اصلاً مثل ما سمعته في المقطع الصوتي اللي ادرجه حامد هو كالآتي: باجمع ايجاره مثل جمعة زكاة الخراج تحياتي |
ابو حمد
وتميز كالعاده الله لايضرك:) يالحميدي :) وصح لسان جميع الشعراء وفيه موقف حصلي هو عزمتلي واحد من الاصدقاء وقلتله الليله العشاء في الاستراحه قال تم ومع صلاة العشاء طفا ماطور المخيم ورحة استاجر ماطور قبل الضيوف يجون ودق علي وعلمته بـــ سالفه قال ياخوي الليله 1/1/2006 عيد راس السنه والناس بسط وهز وسط وانت في خيام وخربان الماطور بعد قلتله مادريت عن عيدكم لكن اصبر لين اجيك اعلمك وسويت هــ البويتات وانا رايح له [poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] تقول لي وشلون واقول لك ليه ؟=متى الشقي يترك دروب الشقاوه ؟ يعني. اذا اني عاشق البر وش فيه ؟ =من ساس بدوٍ يعشقون البداوه ! انا من اللي ما تغير مباديه = وطبع النعومه ما يحب القساوه ! وانته تبي لك لانش جاهز وشاليه= وتبغا الوناسه مع بنود العلاوه ! وتبدل الصمان بــ شانزليزيه= وتبدل التمره بقطعة حلاوه ![/poem] |
| جميع الأوقات بتوقيت GMT +3. الساعة الآن 01:12 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية