صدر وعجز ..
السلام عليكم ورحمة الله وبركاته
اسعد الله اوقاتكم بكل خيـر .. . . . اخواني .. اخواتي اعضاء منتديات المرقاب .. هذه فكرة نأمل من خلالها تجديد دماء المشاركات .. وقمع الرتابة والروتين .. و شحذ همم المبدعين في صرحنا الأدبي والفكرة كالآتي : يقوم العضو \ العضوة بتقديم 6 اشطر (من صدر القصيدة ) ويطلب من عضو آخر ( يقوم بتحديد اسمه ) ان يتممها ( أي : يتم العجز ) .. ليخرج بقصيدة كاملة مترابطة قدر المستطاع .. . . . ننتظر البداية |
فكره جميله يا بنت وايل .. أنا باكون البادئ الأول
خذ ( الصدر ) يا سداح و عطني ( العجز ) [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"] بين خط الدفاع و بين خط الهجوم = و بين برد الظلال .. و بين حر السموم بان وجه الظلام و غاب نور النجوم =آه يا قلبي اللي كبلته الهموم عاشق طاح ما بين الهوى .. و السلوم = ما يقيد عزوم اللي يحث العزوم[/poem] |
بنت وايل
حسب مافهمت صعبه تجي بالطريقه هذي اللي هي كذا يالالالالالالالالالالالالالالا=................... ...... يالالالالالالالالالالالالالالا=................... ...... ومع ذلك نتمنى ان تنجح الفكره غيمار |
^
^ بالعكس الفكره واضحه يا نايف .. أنت أقرى الطريقه و بتعرف :) |
المدير
بداية جميلة .. وبإنتظار الدكتور \سداح . . . نايف المقاطي الفكرة سهلة .. وانشاءالله تتضح لك بعد رد الدكتور سداح على المدير .. |
:
وعليكم السلام ياهلا يابنت وايل موضوع رائع وجميل لاهنت ِ ومتابع :) الى ان يركد الرمي .!! دمتوا بخير |
هلا يا بنت وايل
والمعذره توني انتبه للموضوع اقتباس:
عسى ( الترهيم ) اللي يمشي حاله يعجب المدير الحبيب :- بين خط الدفاع و بيـن خـط الهجـوم ___________ كل هجمـه تجينـا نعـرف أسبابهـا و بين برد الظلال .. و بين حر السموم ___________ والله ان الهبايـب مـا شقينـا بـهـا بان وجه الظلام و غاب نـور النجـوم ___________ والكواكـب مـواكـب دار دولابـهـا آه يـا قلبـي اللـي كبلتـه الهمـوم ___________ عقـب عنـه السعـاده قفلّـت بابهـا عاشقِ طاح ما بين الهوى .. و السلوم ___________ والخطيّـه لا ودّاهـا .. ولا جابـهـا ما يقيّد عـزوم اللـي يحـث العـزوم ___________ غيـر لا غشّتـه نـاس ٍ تعزوابـهـا ..... |
الله الله يادكتور
صح لسانك ولا يصعب علاك شي ترهيم وتركيب اجل اذا كذا بنقول لبنت وايل سلمتي على الفكره غيمار |
اقتباس:
أقسم باللي رفع سبع و وطّى سبع أنك دكتووور شعر لله درك يا سداح .. أبدعت و ليس غريب عليك هذا الإبداع حتى لو أني مكمّل بيوتي ما جبتها كذا التعبير يخون .. لكن صح لسانك مليوووون :) |
بنت وايل
عز الله انها فكرة في التسعينات << واحد متأثر بكاس الخليج :) لكن عندي سؤال مهم هالحين لو ان سداح متأخر بالرد على محمد ما احد يقدر ينزل ابيات لين يرد سداح والا عادي كل شخص ينزل وننتظر الرد ؟ وصح لسانك يا سداح انت ومحمد عز الله انها ملعوبة لعب |
اقتباس:
ياسلاااااااااااااام :) لله درك .!! والمدير ماعنّز الا على كفو صح الله لسانك |
منتازه يابنت وائل ،
:) وانتظري ، بيكون متصفحك مشعلل ) |
برّد تسبدي يا مشعآآآآن
:) [poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] اعذريني ، وابعدي عني يمينك= ارتيمت ، وغلطتي بأول سنينك= انقيادي للهوى دعوة جبينك= الجروح اللي تراودني لعينك= احتضنك الشوق ، و اضلاعي تدينك= لا تكافؤ بين نزواتي وبينك=[/poem] :) |
اقتباس:
طيب طيب طيب :) يامشعان في انتظارك لاهنت يامحمد |
[align=right][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما والله انساك يافراج = ياراعي الفرض والسنه يا طيب النهج ، والمنهاج= تقدير خالص بلا منه[/poem][/align] [align=right]وقرشّعهم قرشعه : teeth:[/align] [align=left][poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] ودي أنفض واهس الهوجاس وآآتي= ساحة الشعار مافيها غناتي= القصايد برق شامٍ لايحاتي= اما أنا وجعان من حب البناتي = وإلا أنا في ذمة أمك لا تحاتي= ليتهم والله في عزّ السباتي=[/poem][/align] :) |
[align=center]فكره اكثر من رائعه
يابنت وايل وينك ياسنجار[/align] [align=center]ياوجد روحي على لاماك العين ماطالعت حلياك عزيت حالي عقب فرقاك معاد باقي سوا ذكراك وان مت من سبتك ياذاك اسمي مسجل ضمن قتلاك[/align] |
الموضوع هذا يبيله
تتكته لي رجعه باذن الله |
فراج القرقاح
هلابك ,, ونسعد بمتابعتك اكيد بس مانكتفي فيها :) بانتظار ردك على محمد مشوط.. |
و الله فكره رووووووووووووعه يا بنت وايل
و للمجرمين محمد آل عبدان و سداح عز الله تثبيت و شوت على الكيف و الله انكم مبدعين الى ابعد حد كأنكم توأم سيامي :) متلازقين في بعض ... بيض الله وجيهكم.. و في انتظار مشعان و فراج و سنجار لتكملة مشوار ابن مشوط و فهيد تسلمون و الله |
فكره رااااائعه
وتسلمين يابنت على هالفكره الجميله |
الدكتور سداح
هلابك .. وبداية موفقه للموضوع . . . محمد ال عبدان \ سداح بين خط الدفاع و بيـن خـط الهجـوم كل هجمـه تجينـا نعـرف أسبابهـا و بين برد الظلال .. و بين حر السموم والله ان الهبايـب مـا شقينـا بـهـا بان وجه الظلام و غاب نـور النجـوم والكواكـب مـواكـب دار دولابـهـا آه يـا قلبـي اللـي كبلتـه الهمـوم عقـب عنـه السعـاده قفلّـت بابهـا عاشقِ طاح ما بين الهوى .. و السلوم والخطيّـه لا ودّاهـا .. ولا جابـهـا ما يقيّد عـزوم اللـي يحـث العـزوم غيـر لا غشّتـه نـاس ٍ تعزوابـهـا اللـه .. |
نايف المقاطي
الله يسلمك وبإنتظار مشاركاتك اكيد :) .. |
فيصل الجعيد
ياهلا ولك حق المشاركه بأي وقت .. وأظن الصورة اتضحت الحين وخلنا نشوف مشاركتك :) |
محمد مشوط
ياهلا .. شعللها وانا اختك .. والله يستر << تعلق على الصفحة اسعافات اولية اعذريني ، وابعدي عنـي يمينـك ارتيمت ، وغلطتي بـأول سنينـك انقيـادي للهوى دعـوة جبيـنـك الجـروح اللـي تراودنـي لعينـك احتضنك الشوق ، و اضلاعي تدينك لا تكافـؤ بيـن نزواتـي وبينـك برد كبده يامشعان ؟ ودي أنفض واهس الهوجاس وآآتي ساحـة الشعـار مافيهـا غناتـي القصايـد بـرق شـامٍ لايحـاتـي اما أنا وجعان مـن حـب البناتـي وإلا أنا في ذمـة أمـك لا تحاتـي ليتهـم والله فـي عـزّ السباتـي وقرشّعهم قرشعه يافراج .. << :vb_cwm15: |
فهيد الرويس
هلابك رائع بمشاركاتكم .. ياوجد روحي على لاماك العين ماطالعت حلياك عزيت حالي عقب فرقاك معاد باقي سوا ذكراك وان مت من سبتك ياذاك اسمي مسجل ضمن قتلاك وينك ياسنجار ؟ . . . |
| جميع الأوقات بتوقيت GMT +3. الساعة الآن 12:23 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية