انتي مجرد مرحله ..وانتهيتي !!
سلام عليكم بويتات لاطلاعكم [justify] لو ان قلبـك فيـه مـن ليـن عـودك ماكـان طعتـي قسوتـه واختفيـتـي تدرين وش يخطر لـي بـ(لا وجـودك) اسـأل قبـل لاترحلـي ليـش جيتـي؟ مـدري ظروفـك للمفـارق تقـودك!! والا عـن الحـب الطفولـي سليتـي!! مااسعدتي بصداتك الا حسودك ويضيق صدر محبّك اليا طريتي امنّت لك واحسنت ظني بسودك وسوّيتي بقلبي مثل مابغيتي شكـراً .. لجرحـك ولجفـاك وبـرودك روحي .. ولاني سائلك .. وش خذيتي ؟؟ مقدّر ٍ بعدك وكامل جهودك شيلي من الذكرى معك مارضيتي لكن من اليـوم اعرفـي وش حـدودك انتـي مـجـرد مرحـلـه وانتهيـتـي عنـدي صـدود ٍ مايشابـه صــدودك تحمـلـي باقـيـه دامــك بديتي [/justify] . |
ارجو من من لديه الصلاحيه التنسيق لاني ماقدرت مدري وش بلاه
:) |
1
حجز لحين التنسيق :) |
عنـدي صـدود ٍ مايشابـه صــدودك
تحمـلـي باقـيـه دامــك بديتي سلطان صح لساااانك .. ولا هنت يا مبدع تحياتي .. |
ابن .بتلاء..../
قصيـدتك..وااافيه وكافيه..وهالابيــات.قمّه وابداعيه..وفي غنا عن التنسيــق... اشهــد بالله انّي تلذذت في مصافحتي لهالاحســاس الرااقي.. صح منطوقك وفكرك.ولاهنت ودمت |
[poem=font="Traditional Arabic,7,deeppink,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو ان قلبـك فيـه مـن ليـن عـودك = ماكـان طعتـي قسوتـه واختفيـتـي تدرين وش يخطر لـي بـ(لا وجـودك) = اسـأل قبـل لاترحلـي ليـش جيتـي؟ مـدري ظروفـك للمفـارق تقـودك!! = والا عـن الحـب الطفولـي سليتـي!! مااسعدتي بصداتك الا حسودك = ويضيق صدر محبّك اليا طريتي امنّت لك واحسنت ظني بسودك = وسوّيتي بقلبي مثل مابغيتي شكـراً .. لجرحـك ولجفـاك وبـرودك = روحي .. ولاني سائلك .. وش خذيتي ؟؟ مقدّر ٍ بعدك وكامل جهودك = شيلي من الذكرى معك مارضيتي لكن من اليـوم اعرفـي وش حـدودك = انتـي مـجـرد مرحـلـه وانتهيـتـي عنـدي صـدود ٍ مايشابـه صــدودك = تحمـلـي باقـيـه دامــك بديتي[/poem] |
الله الله
الله الله يابن بتلا انت لو تشخط لك خطين طلع بيت يسوى قصيده .. صح لسااانكـ صح لساااانكـ ولله درّكـ ولا فض فووكـ دمت بخير وفي رعاية الله **************** |
الله الله الله
عز الله مبدع ياسلطان الله لايضرّك .. هي متناسقه بالابدااع والفكر الصحييح .. اما بالنسبه لتنسيق القصيده شكليا انا اقول مافيه مشكله لانها وهي مو متناسقه صارت على شكل مبخر لأن القصيده مثل العود الازرق .. :) صح الله لساانك ملاييين . اعجابي ومتابعتي .. |
سبحان من الهمك الحس والعنايه والسبك والحبك وانتقاء الالفاظ الجزله وفي نفس الوقت غارقه في العذوبه ..
شاعر غير يبن بتلاء .. تقبل المرور والاعجاب . |
المبدع / سلطان بن بتلاء
كنت اتمناها مستقلة منذ اطلاعي عليها وشكرا لتحقيق الأمنية قصيدة فاضت بالعذوبه والبدع المميز وهذا هو اسلوب المبدعين امثالك لله درك وصح لسانك عدد حروفها ،، .. |
جزله والله الشاهد
ابيات ما عليها كلام وتستاهل القراءة صح الله لسانك ولا هنت بانتظار الجديد ، |
صح لسانك لين ترضى
قصيدة ولا ارووووووع |
ابو بندر
ابداااع ولاهو مستغرب عليك والتنسيق والله ما ندري وش بلاه كلنا :) صح لسانك مدد تقديري |
ياحي هالحضور والقصيد
صديقي سلطان للأمانه الشي اللي يميزك أنك تدمج الأحساس بالأبدااااع وهذا بحد ذاته ابداااع وتمكن لله درك ولا غرابة إن قلت انك كتبتني في هالقصيده صح الله لسانك وفكرك لك اعجابي وتحيتي الأبدية اخوك |
سلطآن بن بتلآء آلله آلله صح آلله لسآنك مليوون و لآ هنت آلله لآ يضرك على الابدآع يآ سلطآن لك آلود |
لو ان قلبـك فيـه مـن ليـن عـودك
ماكـان طعتـي قسوتـه واختفيـتـي تدرين وش يخطر لـي بـ(لا وجـودك) اسـأل قبـل لاترحلـي ليـش جيتـي؟ مـدري ظروفـك للمفـارق تقـودك!! والا عـن الحـب الطفولـي سليتـي!! مااسعدتي بصداتك الا حسودك ويضيق صدر محبّك اليا طريتي الله ياسلطان صح لسانك والله يزيدك من فضله ابداع جلي ولا يبيله كلام محبتي ومتابعتي ياغالي اخوك |
ابـن بتلاء
صح لسانك يامبـدع لك فائق احترامي وتقديري |
الاستاذ شفق السريع
مجرد حجز محل اهتمام اخوك الصغير ياهلا |
صح لسانك ولا هنت
|
سلطان ابن بتلا
مجررررررم يا مبدع صديقي الأصدق تعمل مدى أدماني على هكذا طرح مودتي لك .... |
لله درك يا ابن بتلاء ____ مبدع ولك بصمة ٍ فــّـذه ماذا عسى ان اقول بعد هذا الابداع .. فـ مع كل نصّ جديد .. أجدني اتوقف معجبا ً .. فـ عندما ارفع نظري .. أجدك قد .. وضعت نقطة توقف جديدة فـ ليس لي سوى المضيّ اليها .. والتوقف .. وهكذا صح لسانك حتى ترضى .. ولك تقديري ومتابعتي الدائمة والمتجددة اخوك ابو نايف |
ابن بتلاء ,
والله شاعر خطير خطير خطير والله تطربني بروعة ماتكتب لله درّك وسلمت من كل شر صح لساااانك |
محمد بلال
صح بدنك ياطويل العمر ولاهنت على كرمك |
مايبيلها تنسيق يابو بندر
هذي تنسق الذاااائقه صح لسانك يامبدع لما لا نهايه سلمت ودمت ودام ابداعك تحياتي واعجابي |
المبدع سلطان بن بتلاء صح لسااانك على القصيدة الرائعة ومتميز ومبدع كعادتك تحياتي لك |
| جميع الأوقات بتوقيت GMT +3. الساعة الآن 02:47 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية