[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياريم لو غبتي عن العين ياريم=ماكنتي أكبر هم خالد والاحلام
أحلامي اللي فوق واعلى من الغيم=وهمومي اللي من قبل خمسة اعوام
السين لو يعرف وش اللي ورى الجيم=ماكان شفته اول حروف الاقلام
تعتيم ياجو المحبين تعتيم=صد ومسافات ونهايات والآم
عزاي فالشدات ماقلت تسليم=وعزاي فاللي راح ماكنت علام
منها عرفت ان الصعوبات تقييم=ومنها عرفت ان للنجاحات اخصام
ياشاري الدنيا ترى الوقت ماسيم=من يشري الأوهام بيعيش فأوهام
والجاهل اللي يحسب ان دنيته قيم=يعلب على وهم البطوله والاوسام
يحتاج له وقفه ونظره وتعليم=حتى يشوف الصوره بدون رسام
العمر رحله . . .والمواقيت تنظيم=سنين .وأشهر. ثم اسابيع. وايام
فيها الخطا يحتاج رجعه وترميم=وفيها الصواب يريد إشاده وإعلام
بعض القلوب يزودها الشك تسميم=وبعض القلوب يقينها طول الاعوام[/poem]

خالد الشويّب

المشاركة الأصلية كتبت بواسطة عبداللطيف الغامدي (المشاركة 1118856) الله يحييك يا خالد في مرقابك وبين ربعك وصح لسانك صح لسانك وبيض الله وجهك على المصافحه الوافيه والمقدمه الجميله اللي تدل على متابعتك لهذا الصرح تشرفنا بتواجدك معنا ياغالي بالتوفيق ان شاء الله دائماً اخوك