سداح ممكن دقايق من وقتك لاهنت
يشرفنى هالطاروق معك ياشايبي واستاذي العزيز
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] سلام الله سلام فيه من بعض العلوم علوم =يخص اللى يحب الناس والعمله سعوديه والا ياصاحبي سداح ليش الظلم للمظلوم= حلوق ٍ في العرب يباس والعمله سعوديه[/poem] |
الله الله
ارحب يا محمد مبدا كايف وبانتظار سداح سجل متابعتي |
محمد السليس
نوّرت الفنون بحضورك وبدعك وصح لساانك متاابع وفي انتظار سداح |
الله يحييك يا بوعلي والشرف لي ولو اني والله مانيب شاعر محاوره
لكن عسى الله يعين هلا يا مرحبا وانته بعد ما قمت صحّ النوم _____________________ عسى ما عاد فيك نعاس والعمله سعوديّه أثر عندك خبر عاجل عن أحوال الخوان التوم _____________________ سمعته من وكالة واس والعملة سعوديّه .. |
الأحباب
سلطان بن حامد ومحمد بن رشيد يا مرحبا ومسهلا والله يحييكم ، |
الله الله .. :)
مبدعين والصف مع سداح والعمله سعوديه .. :) |
طيب طيب ...
حي ذا العين ياسداح ... منوور الفنون ,,, وانا صفي مع سداح والعمله خليجيه .. |
الله يبقيك يالقرم ولاهنت على تواضعك
والله يرحم الحال بس استلم [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يدوملك البقا والبارحه ماهوب مثل اليوم = انا السابح وانا الغطاس والعمله سعوديه بعد بكره يبا يقلط علاكم ياعربنا قوم = وترجع عين وسط الراس والعمله سعوديه [/poem] |
الله الله الله
محمد السليس × سداح الصف .. مع الدكتور .. ومبدا ورد كايفين .. واصلوا واصلوا .:) |
الله يبقيك ويطول عمرك ياسلطان
ومتابعتك نوماس النور نورك يابورشيد ولاهنت يالقرم وعساك فالوجود ابوعبدالله هلا وغلا وان شاء الله تغير رايك هلا وغلا ياسعد والميل عليكم ان شاء الله مديرنا العزيز هلا وغلا وتحيزك مع الشياب يحسب ضدك |
محمد السليس × سداح \
طاروق كايف على القوه متابع ومستمتع تحياتي |
الله الله الله
محمد وسداح اطربونا وامتعونا لله دركما :) |
الله طاروق كايف متابع بصمت من عفيف للكويت
|
الله
الله عز الله انكم مبدعين .. والصف معك يامحمد السليس .. وبـ كل ما اوتيت من قوه .. ازهل الصف ياصديقي ولا يهون عمنا سداح :) / ، ، |
ياسلام يا بوعلي ياسلام
ألا يا السابح الغطاس من علّمك فن العوم ______________________ نبا نعطيه درع وكاس .. والعمله خليجيّه لك الله يا محمد لو نصبّ الفرس فوق الروم ______________________ عرفنا طابخين الفاس .. والعمله خليجيّه .. |
الغالي تركي عبدالله
مرحبا ومسهلا يا بوعبدالله وشرفتنا لاعدمناك |
الغالي سعد بن وسام
الله يبقيك يا القرم وشكرا لك وشرفتنا |
مديرنا الحبيب
هلا هلا هلا يا بوعيضه وشرفتنا |
الغالي ابو غازي
هلا هلا هلا حياك ربي |
الغالي ابو ناصر
مرحبا بك ومسهلا وشرفتنا يا الحبيب |
حبيب الشعب ضيف الله الغنامي
مرحبا يبوسعود ومسهلا وحاول تساعدني عليه يوم انك قريّب منه |
الغالي حسين عزام
هلا يابوعزام ومسهلا وأعد التفكير في اتجاه الصف :) شرفتنا |
استلم استلم
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] طيور الحوم ماتبغي على صيد الهدد تعلوم = معلمها قوي الباس .. والعمله خليجيه ورى ماتشتريلك بير والا بيت في أم الدوم = تجيها لاطرق نسناس.. والعمله خليجيه [/poem] |
خالد السيحانى
هلا والله وغلا ومتابعتك نوماس يشهد الله بندر هلا والله وغلا يالقرم وحضورك يزيدنا والله ضيف الله هلا والله وغلا ومن حقي عليك الصف ابو عزام هلا والله وغلا ومادمت في صفي بأذن الله نبي نحرز شايبنا |
الله الله الله
انا مدري كسرت الحوم وإلاّ ما كسرت الحوم ______________________ لكنّي خابرك قرناس .. والعمله خليجيّه علامك يا محمد لا عطيتك رزقك المقسوم _____________________ تصيح بصوتك الحساس .. والعمله خليجيّه .. |
| جميع الأوقات بتوقيت GMT +3. الساعة الآن 07:57 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية