هام : قم ياولد .. مرزوق الروقي .. (( مسروقه ))..!!
لإنّه أحد مبدعي المرقاب ، وأحد الشعراء الذي فضل أن يكون تواجده الحصري
عبر (( منتديات )) الشبكه العنكبوتيه من خلال (( منتدى المرقاب )) كان يجب أن يكون هذا التنويه ، مرزوق الروقي .. شاعر وصلت قصائده لجمهور الشعر عبر عدّة منابر يعتبر أهمّها كما صرّح مراراً هذا المنتدى .. الذي يضمّ بين صفحاته أغلب قصائده . إعلامياً تواجد فضائياً من خلال قنوات الشعر ، ومن خلال المطبوعات المتنوعه . لست هنا بصدد إسجى عبارات المديح لإنّ شهادتي مجروحه في / مرزوق الروقي . أنا .. هنا لتوضيح أمر يستحق التوضيح ؛ (( قم ياولد )) إحدى أشهر قصائد شاعرنا / مرزوق الروقي كانت في هذا المنتدى قبل أي وسيله إعلاميه وتحديداً في تاريخ : 4 / 3 / 2008 م عبر هذا الرابط : http://montada.mergab.com/showthread.php?t=38022 ومن ثمّ نُشرت في مجلة المختلف في عدد أغسطس 2008 م كما صوّرها شاعرها بطريقة (( الفيديو كليب )) وعرضت في أكثر من قناه . كل هذا كان للنص الشعري (( قم ياولد )) للشاعر مرزوق الروقي : [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] أبطيت ما أبديت مافي خاطري من كلام = لو بين الاضلاع همٍ مايعدّه عدد سكّت لأن الكلام يهجّ باب الملام = واليوم طالت بي اوجاعي وطال الأمد اليا انجلا الليل الاظلم حل بعده ظلام = كن الظلام متسيّد عالمي للأبد ورحى المواجع ليا دقت جروحٍ قدام= قامت سنيني تناولها جروحٍ جدد واليا تقضّبت في حبل الرجا مااستقام= امّا فلت من يدي والا غدا من مسد صحيت من صدمةٍ منها يفيق النيام = في غفلتي مادريت الاّ بـ .. (( قم ياولد )) ووقفت والموت مابين اللحم والعظام = يفتك وانا اطلب مدد لكن مابه مدد ناديت من حولي وصوتي صدح فالزحام = وصداه عوّد علي يقول مافيه احد ربعي مضوا دون عوده .. لو حشمت الحشام = واصحابي اقفوا بعد .. واحبابي اقفوا بعد والغيث عيّا يحول من بطون الغمام = لو .. لوّح البرق في وجهه ودنّ الرعد أمشي واشوف التساؤل في عيون الأنام = ليه الزمان انقلب والكون جنّ وقعد ليه انقتل حلم من يحلم بعيش السلام = اليا سلم من حميّد .. ماسلم من حمد بين المحن والزلازل والحمم والحطام = ذنوب تفعل عمد .. وذنوب شبه العَمَد وطى الكبير الصغير وقيل حسب النظام = ووطت بلد في بلد .. قالوا سياسة بلد وانا أرى والله اعلم .. والنوازل جسام = نص البلاوي بدت من تحت راس الحسد كلن يبا الزود عنده لو يجي بالحرام = ياخذ ويمناه .. مغلوله ليا جا يمد اضعاف الانفس هل الروغات روس اللئام = تناقص ايامهم واحوالهم في نكد لا شافوا ابن الكرام اللي بلغ له مرام = كلن جذب من قصي الروح ونّة كمد أبديت بعض الكلام .. وفيه عندي كلام = عساااي ما انحّد في عمري واقوله لأحد [/poem] قبل أيام وصلني رابط قصيدة حديثه في أحد المنتديات التي (( أعتقد )) إنّ إدارته لم تعلم بأن كاتبها لديهم قد شوّه جمال قصيدة الروقي بسرقة بعض أبياتها ومحاولته إخفاء معالم سرقته .! الكاتب الذي زيّن إسمه بـكلمة شاعر ، ولم يختفي خلف إسم مستعار .!! كتب النص التالي : [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""] لا واه من ضيقةٍ بين الحنايا الحطـام=لو بين الاضلاع همٍ مـا يعـده عـدد سلمتها الخيط والمخيط وشرد اللـزام=واوثقتها بالهـدد لـو وثقتنـي مـدد قامت تسطر مابين اللحم وبين العظـام=ثاني شهر يا ولد وانا صويـب اللحـد اون ونة كسير الساق وقـت الزحـام=والا كبير العمر مـن دون ولـد وتلـد والا خلوجٍ تحن وزاين الوقـت شـام=شافت ولدها طريح الموت مامن مـرد لو كان وقت السطر عن نايد الوقت رام=ما شفت قلبي تـدلا بالمعاليـق أبـد كلن يبا الزود عنده لو يجي بالحـرام=ياخذ ويمناه عكفه كل مـا جـا يمـد والصاحب اللي ترفى مايـرد السـلام=اليا سلم من حميّد ما سلم مـن حمـد ما قلتها يالغلا تبرير ذنـب .الصيـام=ذنوب تفعل عمد وذنوب شبـه العمـد قفيت والشاهد الله ما بقى لـك مـرام=اصحابي اقفوا بعد واحبابي اقفوا بعـد ابديت بعض الكلام وفيه عنـدي كـلام=عساي ما انحد في عمري واقوله لاحد [/poem] وهنا صورة توضيحيه للقصيده / http://up.mergab.com/uploads_pic/161d86d823.gif بعيداً عن ذكر إسم المنتدى الذي سمح بتواجد قصيدة مسروقه بين صفحاته ، نلتمس العذر للقائمين على المنتدى لإعتقادنا بأنّهم لم يكونوا على علم بذلك . ولإنّ الشاعر مرزوق الروقي أحد أعضاء المرقاب الذين لايتواجدون في منتدى آخر ، تمّ مراسلة المنتدى الذي نشر القصيده لإنهم أصحاب شأن ، ونتمنى أن يكون تعاونهم في حفظ الحقوق راقياً ، لاسيما انّه منتدى يحمل إسماً عزيزاً ..! |
:
ههههههههههههههههههههه قصائد مرزوق تستحق السرقه من جمالها :) لاهنت على التوضيح ياناصر وعسا الي سرقها فداك وفدا مرزوق .. |
شي طبيعي ان مدير البنك يكون مستهدف خصوصاً في حسابه الابداعي
ابو وليد سلم لي على نفسك كثير كثير |
ابو وليد هذي توارد افكار الله يجزاك الجنه :beleh:
مرزوق الروقي شاعر كبير غني عن التعريف والكل يعرف قصايده ودايماً مايتعرض للسرقه الا النجم ومرزوق ودك تسرقه براسه مهوب تسرق قصايده هههههه |
هذا نقول له قم بسّ قم :)
لان الابداع صعب والاخ وده يحصله بسهوله وانا لو اني من ابو سعيد اعطيته اياها صدقه .. ما شاء الله تبارك الرحمن :) لاهنت يا ابو وليد |
,
مايسرق ,إلا الغالي , والنفيس :) , و أبو سعيد مايقدمه , غالي , وكلٍ يتمنى أن يكون له :) , فلا تلوووومون الرجآآآل , يبـ يختصر الطريق , هههههههههههههههه بس تحريفه خطيررر هههههههه كلن يبا الـزود عنـده لـو يجـي بالحـرام ياخـذ ويمنـاه .. مغلولـه ليـا جـا يمـد ___ كلن يبا الزود عنده لو يجي بالحرام ____ياخذ ويمناه عكفه كل ما جا يمد |
والله انه شي مؤسف ومضحك بنفس الوقت
شاعرنا مرزوق الروقي أبعد من ان تنتحل شخصيته أو تستحل درره الجميله المشكلة الكبيرة ان مدراء بعض المنتديات مراهقين !! فكيف سيكون الحال بين طيات المنتدى ؟ عسى تنتهي هالسرقات والسطو الساذج من كل مكان ولاهنت يا بو وليد ،، .. |
مرزوق الروقي ، يمتلك من الشعر ! ما يستحق ان يسرق !
وحقاً حدث مضحك و مؤسف :) شكراً ابو وليد |
فعلاً شي مؤسف ,,
والسرقه واضحه والتعديل واضح ,, لاهنت يبو وليد |
انا اقول انها توارد (قصايد) ولافيها شي :)
ويمكن بعد ان مرزوق قرا قصيدة الرجال من فتره وتأثر بها :) <---- دعابه دعابه :) الأكيد : انّ مرزوق مبدع وشخص محبوب لدى الكثير وانا اولهم والقصيده هذي بالذات علّمته وين وصل صداها ؟! دم تم ، بخير |
انا اعتقد انه وقع الحافر على الحافر teeth:
مصيبة سرقة القصائد ونسبها لغير شعرائها مرزوق لو يحصل لي (سرقته انا) بس عاد الشكوى للهteeth: لاهنت والله ياناصر على التنويه لك فائق احترامي وتقديري ...!! |
لو نبى نحاسب اللي يسرقون ونكشفهم امام الملأ
يبى يضيع الوقت كله وحنا ماخلصنا منهم ياكثر مانسرق وياكثر السُرقان والجميل دائما مغري غيمار |
هذا والله الدجه قصيدة ومكتوبه من مبطي في المختلف ومسجله كليب بعد ويسرقها
اشهد بالله انه داشر الله لا يبلانا هذا ما فيه حيله صواميله مفككه :) لا هنت يا ناصر على غيرتك |
والله مشاكل لا تعد ولا تحصى قصيدة شاعر له مكانته اصبحت تسرق
وش يستفيدون المتطفلين بهذا الاسلوب لاختلاس القصايد يبون يصبحون شعار انا لله وانا اليه راجعون استاذي القدير ناصر تراحيب اشكرك على هذا التنويه وارجو من الاخوة اصحاب المواقع المنتديات ان يتعاونون فيما بينهم لحفظ الحقوق ونبذ من تسول له نفسه بتلك الاعمال الدنيئة |
حلالاه اني القى احد يسرق مني لو بيت :)
عموماً ما نقول الا الله يهدي كل من تسوّل له نفسه على التسوّل ! ومرزوق الروقي لو اني سروق سرقته هو بكبره ويبقى شاعرنا المبدع الذي نفخر بكل حرف من حروفه لاعدمناك يابو وليد جهدك كبير .. واسلوبك في طرح المشكله راقي ومميز ، لله درك |
هههههههه
هذا وين رايح ؟! ... متنومسً بها في ذا المنتديات يبلفيت انها له :) هذا والله الضعيف .. وانا ماقهرني الا كلمة (شاعر) .. ومرزوق .. شاعر ومبدع وحقوقه محفوظه فالأنترنت وغير الأنترنت ! |
والله انه شي مؤسف يا ناصر . حيل الله اقوى
ولا يسرق الا الشي الثمين .. لاهنت تقديري |
ابو وليد
مجهودك واضح في كل اركان المرقاب ونشكر متابعتك كل شارده ووارده للمرقاب والمرقابيين ومرزوق الروقي شاعر رائع وتحت مجهر ( حراميّة العنكبوتيه ) الف شكر |
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ليت لي قدره على سرق القصيد = كان يمديني سرقة اغلى الدرر خالد وسداح ومرزوق العنيد = ودي اسرق من قصايدهم وافر[/poem] خالد الحصيّن سداح الدكتور مرزوق الروق 8 8 يازين سرقتهم .. بس لو سرقتهم نواف نايف يبا يعلم علي :) ههههههههه يابو وليد والله ما ينلام .. قصيده تشرى بالذهب .. وماتباه يسرقها .. ما اقول الا الله يعين على هـ العيّنه من الناس ولاهنت لاهنت بادره طيّبه وغير مستغرب الطيّب منك ودي وتقديري ، ، ، |
[align=right]
الله يعين ولا هنت [/align] |
هذا شين وقوي عين ماخلا شي
هولاء الاقزام دائماً لاينظرون الا لما هو في ايادي غيرهم مرزوق مبدع وهذا يدل على ابداعه سلمت يابو وليد على التنوية |
دامه مدير بنك
مايضره لو راحت قصيده ولا قصيدتين لاهنت يابو وليد دمت بخير |
ههههههههههههههههه
ههههههههههههههه هذا .. وخي السارق المزاح ..:) ابو سعيّد .. هذه السرقه تدل على .. رواج .. وأبداع انتاجكـ .. فلا تخف من تماسيح النت .. الحراميه <<-- عينه على ابو حمد .:) ابو وليد .. لاهنت على التنويه .. ياراقل ..:) |
مرزوق الروقي
قصايده مطمع، وبصراحة سروق وعنده ذوق :) لاهنت ع التنويه يابو وليد |
يا كثر السرقات المشابهة من قبل ضعاف النفوس
والمغرر بهم ..!! لا هنت يبو وليد على هذا التنوية .. وهذا التفصيل تحياتي .. |
| جميع الأوقات بتوقيت GMT +3. الساعة الآن 08:44 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية