عين لواشنطن ,,,, وعين لغاديــــــر
 

قصيده تفسر عن حالها بعد طول غياب صاحب السمو الملكي الامير / سلطان بن عبدالعزيز ال سعود
ولي العهد ونائب رئيس مجلس الوزراء ووزير الدفاع والطيران والمفتش العام ,,,,,,حفظه الله وأعاده الله الى ارض الوطن سالمأ معافى


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يانشرة الاخبار مانيب ملزوم = يوم اني اسمع كل موجز وتقرير
تبدي على انجوم واتنكـّس انجوم=وانا معك للصبح من بعد الاخير
عل وعسى تصدر ابشاره ومرسوم = عن سيدي سلطان واتبشر إبخير
مرت سنه جازت عيوني عن النوم = عين لواشنطن وعين لغاديــر
وانا اتحرى اعلوم وادوّر اعلوم = علّه يجيني من جهتها تباشير
والله ياسلطان ماني بمليوم = من كثر مالك من محبه وتقديـــر
يامير ماهلت دموعي ولايوم = الابعد طّولت غيبتك يا أمير
ياراعي الجودات ياسيد القوم = ياللي بعزمك تجعل الكايد ايصير
يارادع ٍ الظلم عن كل مظلوم =ياكاسر شح الليال المعاسير
مواقفك كم نفست صدر مهموم = غارات بقعا يمه إتشن واتغير
ماينحرم من فزعتك غير محروم =ناشه زمان من لياليه تقصير
يمناك ياجزل العطا والكرم ,توم = من غيرك ايمد الذهب بالقناطير
أوامرك يخضع لها كل زيزوم = ومن نفضة احجاجك اتفز الطوابير
لا الفارسي كسرى , ولاقصير الروم = ولاعنتر العبسي , ولاسالم الزير
حظيوا بما تحظى من امجاد واقسوم = يامير مجدك غير وامجادهم غير
يانجل منهو في الصعيبات شغموم = عاشق دكيك امعسكرات المسامير
عبدالعزيز اسم له الغافل ايقــــوم = وعلى صداه إيلج صوت الجماهير
بشر متى الجيه عسى راسك ايدوم = يابهجة الشايب ويافرحة إصغيــر
وان كانها طالت بذا الحال,,ياقـــوم = ماعاد والله نحتمل زود تأخيـــر
ياطير ياطير السعد مبعد الحــــــــوم = ياليت لي مثلك جناحين واطير
وابعد حدود إديار . واعانق اغيـــوم = واطوي المسافه بين بيشه وأغادير[/poem]

الله الله الله

شاعر كبير وشعر راقي ومعاني نبيلة..

صح لسانك يابن بديع على هذه الرائعة في شخصية طال إنتظارها وبإذن الله الفرحه قريب..

تحياتي,,

انا اشهد انك مبدع

وشاعر اصلي

بيض الله وجهك وصح لسانك

ياصبي شهرااااان

والله يرد ابو خالد بالسلامه

صح لسااااانك

تحيتي ,,,

،


الله يرده سالم وبخير وهو القادر

مشاعر طيبه ما تستغرب من الطيبين اللي مثلك وشرواك
صح الله لسانك ولا هنت


لك التقدير


.

عبدالرحمن بن بديع


حي والله هالقصيد وراعيه


ولا تلام على مشاعرك هاذي


عينً لواشنطن وعينً لغادير


صح لسانك ملايييين

المبدع الكبير

عبدالرحمن بن بديع

حضورك مثل البشاره هنا
الله يحييك ويبارك فيك يا الشاعر الفذ
وكل عام وانت بخير ان شاء الله
وصح لسانك مدد بلا عدد ،،

..

الله يعيد سلطان الخير الى ارض الوطن
سالم ومعافى


الشاعر المبدع / عبدالرحمن بديع

صح لسانك الف الف على هالقصيده الثمينه بالمبنى والمضمون



أعجابي وتحيه لحضورك الرائع دائماً .

الله الله الله


الله يعيد الامير سلطان طيب معافى باذن الله

ونتباشر به كلنا ياعبدالرحمن


صح لسانك مدد ياستاد

وحبلي خشمك :)

ابن بديع

شاعر غني عن الاشاده ,, والشهاده مجروحه

تقبل اعجابي

:)

مرحبا يابن بديع .. تراحيب المطر ..
حياك وحيا ما جبت .. وصح لسانك مليـون

لكن ترى لنا عليك حق .. لاتبطي عنا .. خلنا نشوفك بإستمرار لاعدمناك



وتحيتي لك
:)

صح لسانك ولا هنت
والله يرد الامير سلطان سالم امين

صح الله لسانك يابن بديع

ابدعت بحق فيمن يستاهل المدح

الله يرده سالما غانما


عبدالرحمن اتشرف دائما بمتابعتك ومتابعه جديدك

شعور رجل وفي في من يستحق الوفاء



لله درك ياعبدالرحمن بن بديع




تبقى الاسم الذي يجذبني كثيرا ً لسماع ماهو جديد






صح لسانك



،،

الشاعر الكبير عبدالرحمن بن بديع



صح لسانك ملالالالالالالالايين يابو محمد ياحلو بدعك




ابدعت والله وامتعت




لك فائق احترامي وتقديري ....!!

مرت سنه جازت عيوني عن النوم
عيـن لواشنطـن وعيـن لغاديـر
وانا اتحرى اعلـوم وادوّر اعلـوم
علّه يجيني مـن جهتهـا تباشيـر
والله ياسلطـان مـانـي بملـيـوم
من كثر مالك مـن محبـه وتقديـر
ياميـر ماهلـت دموعـي ولايـوم
الابعد طّولـت غيبتـك يـا أميـر


الشاعر المبدع

عبدالرحمن بن بديع

بيض الله وجهك على ماتقدم من شعر راقي

وصح لسانك

والله يرد سلطان سالم غانم

ابن بديع

صح لسانك مليون ولا يكفون

جزل وماتكتب الا الجزل

سهل ممتنع واسلوب ممتع في حبك القصائد

من جمهورك دوما في كل ماتكتب

تحياتي وتقديري

الله عليك يا بن بديع


دايم وأ،ت مبدع


صح لسانك .. ولا هنت


أعجابي . ومتابعتي يا الشيخ


وكل عام وأنت بخير