مدخالي .. ومطلاعـــي
 

السلام عليكم ورحمة الله وبركاته
في البدايه كل عام وأنتم بخير قبل الزحمه وآسف على الإنقطاع
ولو سمحتوا شوفوا لها صرفه بغيت أوديها الشعبي وعيّت الخيره :)

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكدرة الخاطر وياحزة الضيقه = عليك حزات والله مالها داعي
تجين والقلب يابسة ٍ معاليقه = وأروح لا مغيّب ٍ عنّي ولا واعي
مابين تغريبه ومابين تشريقه = ما ثابت الاّ انعواجة حدب الأضلاعي
لولا إن صدري متيّتة ٍ صناديقه = تفرّق الشمل من عقب التجماعي
ماني حريص ٍ على لمّه وتفريقه = وافقت له يوم وافق درب الأسناعي
ما والله أبرك لحمل ٍ جور ما طيقه = ماعادني للهوى يانفس تبّاعي
الشر مانيب مندوب ٍ لتسويقه = والخير من فوق راسه طايل ٍ باعي
يمكنّي أخطيت في ضحكه وتعليقه = ويمكنّي أبطيت وأوجاعي هي أوجاعي
سكتّ وامجادلي لو ما نشف ريقه ؟ = بلاني الله بمدخالي ومطلاعي
بنادق امزهبّه وارماه تفّيقه = وأهداف متحركه مع كل ذعذاعي
يرفّ لي شارب ٍ ضاري بتحليقه = ويصفّ قدامي المبسوط والناعي
صديق ماهمّه الاّ بس تصديقه = إي والله إن صحبته ( صحبة تمتّاعي )
لا عاده الله ولا عادت طواريقه = يروح عنّي ويلقى غيري ( نفاعي )
أكرهت نفسي على رجال ما اطيقه = وبانت غصب في تمركاي وتربّاعي
والمجلس اللي يكبونه مطاليقه = مانيب في ربعته مربوط بكراعي
ساقي سليمة عظم والله وتوفيقه = ما ضاقت الأرض وفجوج الله وساعي
أشوار ٍ امقدّيه وأقدار ٍ امعيقه = وناس ٍ على فالها وأمر الله امطاعي
في نجد ماعاد أعرْف الاّ شواهيقه = ولا كن مقلع طميّه غير مقلاعي
اجنون متكاثره واذياب ٍ امويقه = وانجوم متفرقه .. جمله وقطّاعي
واللي من العام ما شيفت غداريقه = ماهو طبيعي وكل انتاجه اصناعي
يقطعك حب ٍ غرق في حبر و( وريقه ) = كسرّت مجدافي بسبّتك واشراعي
جالي معك وقت تخديده .. وتطريقه = واليوم ما حي والله يقدر اقناعي
هذا زمن كل خلق الله عشـّيقه = بنتين مرعيّه .. وبنت ٍ بلا راعي !!
يا نجل يا خدر يا نعّاس يا مفيقه = لمّاع سودك علامه زاد لمّاعي ؟
أكفي دلال الهوى من فوق أباريقه = بدون توديع وأوضاعك من أوضاعي
لا احدك ولا تحديني على الضيقه = ينجدك منديلك .. وينجدني اذراعي
[/poem]



..

دقيقه لو سمحت

خلني اقراها للمره الثالثه واجي

الله الله الله الله


ماشا الله عليك ياعايض ابدعت عزالله


صح لسانك مدد


تحياتي

اسمحلي ياعايض


يقول بن حرباش هذا مكانها الصحيح وانا ماقدر ارده بطلب :)


صح لسانك مليوون يامبدع

الله الله الله


الغالي عايض النفاعي


اشهد بالله ان قافك مليان دايم

صح لسانك مدد وانا اخوووك

الله الله الله الله

عايض والله انك مبدع و متفرد !
لله درك على كل بيت يا مبدع !

بس يا بن الحلال فكنا من الغياب :)

القدير عايض النفيعي


والله انها تقتبس كلها



صح لسانك مليوووووووون يامبدع


لك فائق احترامي وتقديري ...!!

,

اشهد انها ابداع ماعلي من الكلام

صح لسانك ياعايض ..!!


..

الشاعر المبدع / عايض النفيعي

عليكم السلام ورحمة الله وبركاته
ويا مرحبا بك ومسهلا والله يحييك
ابطيت عنا وعدت بهذه الدرّه الثمينه عز الله

بعض النصوص من الظلم أن تعطيها صح لسانك فقط في مربع الردّ
والمشكلة انها تجعلك في حيرة من طريقة الرد
هذه بالذات .. تعطّل الحروف الابجديّه ويروح مع يدها الكيبورد !!!

لن اكون مبالغ اذا رأيتها من عيون الشعر
ولن أكون مجامل اذا قلت أن عايض النفيعي من أجمل شعراء هذا الجيل قاطبه

صح لسانك عدد حروفها
مع وافر الاعجاب الصريح والجليّ ،،،

..

سلامي عليك ياعايض ..


ابداع وجزاله ماهيب مستغربةً منك


صح السانك دبل وثري :)

الله الله الله الله


ماشا الله عليك ياعايض ابدعت عزالله


صح لسانك مدد


تحياتي

لا عـاده الله ولا عـادت طواريـقـه
يروح عنّي ويلقى غيري ( نفاعـي )


الله يعطيك عافيه ياعايض


الف صح لسانك


والف تحيه

قصيده رائعه ومتفرده

وشاعر يكتب اجمل الشعر

واجزله

لله درك يا عايض

اعجابي ومتابعتي

.

.

سـلام الله عليك


عايض صح لسانك يامبدع وعزالله شانك


تحياتي

الله الله الله

عايض (صح لسانك) مدد بلا عدد

نسجت شعرا يروي عطش الظمآن

كتبت بلغة لا يحسنها إلا أنت

تلاعبت بعاطفة القارئ

سجل إعجابي فأنت تستحق المتابعة

أشعارك وصلتني مع بعض الرواة

فطربت بها وها أنا أشرب قصيدة من الشعر الزلال

تقبل فائق التحية ......................