نقش السحاب!
(سرحنا مساريح القطا) حزة الاغباش
والاول يدور شور من حضرة الثاني انا والهجوس اللي سواة البحر لا طاش يروع ولو غبته لولو ومرجاني! ندور فياض ما وصلها ولا مطراش ولا قد وطاها قبلنا هاجس انساني! بعيدة عن اهل القنص والذود والادباش ورى سد ذو القرنين في قرن شيطاني! لو اني غلاق اربع ليالي طريح فراش اعاني ولا احدن يدري بكبر ما اعاني! حزين وسمايه غايمه والحروف عطاش تخايل سحاب الدمع في محجر اعياني! يا ليت الهجوس اقلام والا السحاب قماش واسجل عليه اسمي ورسمي وعنواني عشان ان تناثر وبله الصيب الرشراش يحول ويخبر عني اللي تناساني! صحيب بعد جت حاجتي في يديه انحاش مثل نحشة الحصني من الذيب سرحاني من اول نقصدها وها الحين صارت كاش عسى من جحد مدات يمناي يفداني! فدى كفي البيضا كفوف الخوي اللاش ولو هو ولد عمي ولو هو من اخواني تجملت به لكن ضاع الجميل بلاش مثل ما يضيع الكحل في سود الاعياني عيوبه من اول شوكة تعجز المنقاش وتالي عيوبه عود شعله ودخاني! وانا ويش ابي من صحبة الصاحب البكاش ليا اقفى سترته وان تقفيت ذكاني! ليا صار ما للرجل عزم ورباطة جاش سفهته ولو يملك خزاين سليماني! وانا الحمد لله وجهي ابيض بياض الشاش تورثت طيبي من خوالي وجداني! |
يا ليت الهجوس اقلام والا السحاب قماش
واسجل عليه اسمي ورسمي وعنواني عشان ان تناثر وبله الصيب الرشراش يحول ويخبر عني اللي تناساني! الله الله الله الله الله مجرم ورب الكعبه صح لساانك عدد ما هل من ودان :SnipeR (69)::SnipeR (69): |
مرحبا يا الامير حجزك على العين والراس يا محمد
|
2
والحمد لله على السلامه :wardah: |
تجملت به لكن ضاع الجميل بلاش
مثل ما يضيع الكحل في سود الاعياني عيوبه من اول شوكة تعجز المنقاش وتالي عيوبه عود شعله ودخاني! الله الله صحّ لسانك يا دكتور وكلمات الإطراء لن تفي بحق هذا النص الشامخ كشموخ شاعره يعطيك العافيه ولاهنت تحياتي واعجابي |
الله يسلمك يا سلطان وحجزك مؤكد يا الامير
|
حبك وسبك..
صح لسآآآنك مليووون يالعصيمي.. ولآفض فووك.. وتقبل تحيّتي ومودتي.. أخوك.. |
صح بدنك يا سعود ومرورك محل اعتزاز وهذا من طيبك يا الامير
|
عبد العزيز مرورك فخر يا الامير
لا خلا ولا عدم |
صحيب بعد جت حاجتي في يديه انحاش
مثل نحشة الحصني من الذيب سرحاني صح لسانك ولا هنت |
حمد العصيمي
دائما مختلف بكل ماهو جميل تقبل تحياتي |
وانا ويش ابي من صحبة الصاحب البكاش
ليا اقفى سترته وان تقفيت ذكاني! أي والله يا دكتور وش يبى بصحبته والله انها اطربتني مع هالصباح وقليل ما أرد في الصباح على اي نص حتى لو كتبه المتنبي لله أنت يا دكتور عرفت تسحبني من عزلتي المشتهاة لك التحية والتقدير :wardah: |
منذ زمن وانا أتلذذ بقراءة ابداعك ايها المبدع فلله درك...
صح لسانك ودمت بهذا الابداع اخي حمد ولا هان بوحك الجميل .. |
مبدع وبس
صح السانك يادكتور تحيتي |
اقتباس:
قويه ومؤثره وباسلوب مغاير هنا الشعر لمن يرغب الشعر من بحره ولمن يرغب الشعر من منبعه.. فداك اللاش يابو تركي تحيتي وتقديري لك 0 |
دكتور الإبداع بل مبتكره .. حمد العصيمي
والله انك فخر لنا وللشعر سوا لله درك من شاعر تسير في مدار لوحدك صح لسانك مليون يا بو تركي وعساه فداك ،،، .. |
صح لسااانك يادكتور
جزاله,, سمو ,, تمكن حقيقه لاتوفي الكلمات بحقك ياحمد لله درك ابداع متناهي |
فدى كفي البيضا كفوف الخوي اللاش
ولو هو ولد عمي ولو هو من اخواني تجملت به لكن ضاع الجميل بلاش مثل ما يضيع الكحل في سود الاعياني ما اقدر اقول الاّ أنّك (( خارج السرب )) وتحلق بعيداً . في هذا الزمن لله درك يابو تركي |
كفو .. كفو
ابيات من ذهب يا دكتور صح لسانك والله لا يضرك والشعر يفتقد امثالك في العصر الحاضر لا عدمناك |
وانا الحمد لله وجهي ابيض بياض الشاش
تورثت طيبي من خوالي وجداني! الله يعطيك العافيه يادكتور الف صح لسانك والف تحيه |
فووووووووووووق
ياشعر فوووووووووووووق |
روعه لاهنة يادكتور
لك خالص الشكر |
يا ليت الهجوس اقلام والا السحاب قماش
واسجل عليه اسمي ورسمي وعنواني حمد العصيمي منذ وقت ليس بقصير وانا اقرألك ومع كل قراءه للنص شعري من أناملك يزداد اعجابي بك .. و أنا لم اكتب هذه الكلمات ألا للتواجد فقط وليس للنعبير عن اعجابي لأن اعجابي لن يزيد من شاعريتك تقبل تواجدي |
يا ليت الهجوس اقلام والا السحاب قماش
واسجل عليه اسمي ورسمي وعنواني عشان ان تناثر وبله الصيب الرشراش يحول ويخبر عني اللي تناساني! تصوير روعه صح لسانك ياحمد وعساك سالم احترامي |
مالك حل
داهية الدواهي تبقى الفارق والفارع والمتفرد والمعنى الحقيقي للشاعر .. الله لايضرك يبوتركي ويعلم الله لك وحشه .. |
| جميع الأوقات بتوقيت GMT +3. الساعة الآن 11:28 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية