طيحة عزيز ( المشاركة الثالثة )
صباحكم شعر
عندما أريد ارسال مشاركة جديدة أجد نفسي حائراً ماذا أختار لكم ,, فالذي أجده هنا يختلف عن الكل , وأجد نفسي مرتبك أمام هذه الكوكبة الرائعة من الشعراء .. ولكن العزاء في قلوبكم النقية في قبول تواضع مشاركاتي . كل ما أتمنا أن تحوز على أقل الأيمان هذه المتاوضعة على القبول ومن ثم ارضاء ذائقتكم والتي أعتز بها . شكر خاص لمعيض العتيبي .. والذي لا زلت أشكره كلما دخلت واطلعت على ما يُـكتب هنا ... طيحة عزيز .. منّي اليكم .. أخوكم .. عبدالله مرّان [poet font="Simplified Arabic,3,black,bold,normal" bkcolor="transparent" bkimage="backgrounds/18.gif" border="outset,7,skyblue" type=0 line=200% align=center use=ex length=300 char="" num="0,black" filter=""] طيحة عزيز هوجاسنا يا صاحبي سيّد البال .......... واللي نهابه من جهلنا نهابه جينا نتقهوى من عنى الوقت فنجال .......... ورحنا نسوق من العتاب العتابه هذا الطريق اللي مشيناه جهّال .......... تمسي عليه من الصحابه غرابه الصبح غرّد في سنا الليل دجّال .......... والليل غرّد في سنا الصبح غابه يا صاحبي من علّّمك لعب الأطفال .......... وحلو الكلام وأخطبوط الخطابه تقول معك ريال تسوى لك ريال .......... وأنا أقول إن الرجا صك بابه ما دام تدري ما على راسك عقال .......... ليه العنا في خاطرك ما تشابه ولا صار ما لك في ذرى الطيب منزال .......... كب الصداقة والصفا والصحابه القلب دلو ٍ لك معاليقه حبال .......... والصدر بير ٍ كل هم ٍغدابه مار أنت ما لك خِل في كل الأحوال .......... إلا تدور من الطلابه طلابه ما ظل عم ٍ تعتزيبه ولا خال .......... إلا لسانك لاك يوم وهفابه لا تعتزيبي يا أبن الأجواد بخبال .......... وش هو جمعنا غير قولة قرابه ما أقول ماني بين الأجواد رجال .......... أقول حمل ٍ لا عجزته تهابه وأنا شبيهك ما بنا فرق بالحال .......... الحال واحد كل أبونا غلابه من جور بقعا ما بقى طيب ودلال .......... كبّت سَعَد من هو يدوْر المهابه قولة سفيه ٍ ما عرف قيمة المال .......... ولا قولة الله ياخذه مع شبابه خذ هالكلام الي صفا بين الأقوال .......... ماانت الصديق اللي نردد هلابه وهذا الزمن لعبة خسيسين وأنذال .......... ما باقي إلا من الربابه (اربابه) طير ٍ أغرّد للمقابيل بآمال .......... عزيز نفس وكل ما بي صلابه سارح بعنزي وأحسب إن ليّه جمال .......... وأثري جمالي ماكلتها الذيابه ولي واقع ٍ يُـكتب على شفاه الأجيال .......... طيحة عزيز ٍ كل مابه قضابه يا كنت واحد مال أمثال وأشكال .......... يا كنت واحد مستحيله سرابه واليوم سيره يرمزوله بالأمثال .......... ضاقت عليه من الليالي ثيابه عزّي لحالي كان حالي بها طال .......... والليل مظلم ما يتعدى المعابه سجن ٍ جداره جوع ووجيهه أقفال .......... عسى السحابه ما تبلل ترابه أخوكم / عبدالله مرّان [/poet] لكم الود ,,,,,,,,,,, أخوكم / عبدالله مرّان |
ولا صــار مــا لــك فــي ذرى الـطـيـب مـنــزال
.......... كـــب الـصـداقـة والـصـفـا iiوالصـحـابـه صدقت وأنـــا شبـيـهـك مـــا بـنــا فـــرق iiبـالـحـال .......... الـحـال واحـــد كـــل أبـونــا iiغـلابــه الله الله صح السانك اخوي عبدلله مران قصيده جــــــــــــمـــــــــــــيله مثل رروحك اخوك محمد الفلاح |
تــقــول مــعــك ريــــال تــســوى لــــك iiريــــال
.......... وأنــــا أقــــول إن الــرجــا صــــك iiبــابــه عبد الله مراااان لاهنت ويعيطك الف عافيه .....يالقرم صح لساااانك خااالص التحيه لك ...ولهذه القصيده ومازنا ننتضرك في كل مره |
السلام عليكم
الاخ الغالى والشاعر المبدع عبدالله مران صح الساااانك مليووون ولاهنت على القصيده الرائعه قصيده جزله وابدااااااااااااااااااع رائع لاهنت يا عبد اللله لاهنت تقبل تحياتي اخوك خالد بن سكران |
السلام عليكم
هلا باخوى عبدالله مران صح لساانك ولا هنت اختك ديمة الشوق |
عبدالله مروان
صح السانك قصيده جزله |
روعه يا خوي مرواااااااااان.
. . . سـجـن ٍ جــداره جـــوع ووجـيـهـه iiأقـفــال .......... عـسـى السحـابـه مــا تبـلـل تـرابـه. . . ومن دون زعل حبذا لو كان الاسم للقصيده شمووووووووووووووخ |
العزيز / عبدالله بن مران
قصيدة شاعر متمكن لاغبار على شاعريته ،،،،،،،، وهـــذا الـزمــن لـعـبـة خسيـسـيـن وانذال % مــا بـاقـي إلا مــن الـربـابـه اربابه سـجــن ٍ جـــداره جـــوع ووجـيـهـه اقفال % عـسـى السحـابـه مـــا تـبـلـل ترابه يـــــــاسلام عليك وصف لواقع مرّ اجدت فيه ياخوي عبدالله الله لايهينك ،،،، وصح لسانك اعجابي وتحياتي تقبلها ،،،، اخوك / فالح (عمّـــــــــان) |
الـصـبــح غــــرّد فــــي ســنــا الـلـيــل iiدجّــــال
.......... والـلـيـل غـــرّد فـــي سـنــا الـصـبـح iiغـابــه الـقــلــب دلـــــو ٍ لـــــك مـعـالـيـقـه حـــبـــال .......... والــصــدر بــيــر ٍ كــــل هــــم iiٍغــدابـــه وهــــذا الــزمــن لـعــبــة خـسـيـسـيـن iiوأنـــــذال .......... مـــا بـاقــي إلا مــــن الـربـابــه ii(اربــابــه) طـــيـــر ٍ أغـــــــرّد لـلـمـقـابـيــل iiبـــآمــــال .......... عـزيــز نـفــس وكـــل مـــا بـــي iiصــلابــه ولـــي واقـــع ٍ يُـكـتــب عــلــى شــفــاه iiالأجــيــال .......... طـيـحـة عــزيــز ٍ كــــل مــابــه iiقـضـابــه وش نبي اكثر من هاالابداع تسلم ياعبدالله وصح لسانك تحياتي لك الشيخه |
ابو عابد
سلمت يالغالي ماقصرت ربي يعافيك لك تحيتي |
عبدالله مران
الله يعطيك العافيه على هذه القريحه الصافيه لا هنت يا النشمى تقبل اعجابى اخوك عامر عمار |
رايع رايع رايع
عبدالله مران صح السانك اذا هذا ما تسوى اجل وش اللي يسوي عز الله انها جزله من شاعر لا تبخل علينا وانا اخوك اعجاب |
المتألق عبد الله مران
قصيده رائعه كروعة شاعرها لاهنت طال عمرك تقبل تحياتي شبيب |
الاخ العزيز والشاعر الكبير عبد الله مراااااااااااااااااااان
يا خي ترااااااك زودتها وترا ماهي على كيفك يابو الشباب اظهر كنوز الشاعر المبدع العذب اللي ليا اشر للمعاني صخرها جزله ثمينه صادقه مابها كذب مثلك ترا نبغي بعد ندخرها هذه هي المشاركه الثالثه لك لماذا ؟ الا نستحق !!! بصرااااااحه مشاركاتك كافيه لو لم تشارك الا بها ولكن نحن نطمع بالمزيد وهذا هو حال الانسان دائما مع الكنوووووووووووووز والمشاركه الثالثه كما عودتنا ابداااااااااااااااع لاحدود له الف الف صح لسانك ماقصرت بيض الله وجهك ومثل ماقلتلك لاعاد تبطي علينا بالمشاركات |
صح لسانك ياعبدالله مران .
قصيده جزله وشاعر جزل وبيوت رائعه وياشينها ياخوي طيحه العزيز لكن الله يعزنا وياك ويبعدنا من المطيح . تقبل تحياتي |
الشاعر الرائع :عبدالله مران
رائعه تستحق الأشاده الله يعطيك العافيه |
أخوي محمد الفلاح
الله يا محمد الفلاح لو تعلم كم أسعدتني في اطلالتك ,, فمن اعجابي بك كشاعر الى ردك الذي ميزني عند نفسي , الشعر يا محمد شعرك أنت , فأنت من يكتب الشعر الجميل الذي يطلق عليه جميل بمعنى الكلمة , محمد .. أكثر ما يعجبني بك ثقتك في نفسك وطيبة قلبك الذي تكمل الشاعر الحقيقي .. أريد أن أشكرك على شيء بعد مرورك هنا وهو تواضعك . تقبل صادق حبي لك كشاعر وكشخص ,, أخوك / عبدالله مرّان |
الغالي والرائع نايف بن عيفان
لا هان غاليك يا نايف ,, والقرامة عرفتها في شخصك الطيب .. تحياتك أسعدتني وعطرتني ومرورك كان المطر الذي أرواني . نايف ,, قبلة على جبينك العالي , تسلم شاعر وشخص أعتز به ,, أخوك / عبدالله مرّان |
الغالي خالد بن سكران ,
أسم أفرح به عندما أقراه ضمن قائمة الاسماء , ويزداد بي الفرح عند قراءة هذا الاسم ضمن متصفي , أعتقد يا خالد بن شكران أنك تأسرني شعراً قبل الرد , ولدودك الطابع المميز دائماً ,, دمت لي شاعر أحتذي به في كل شيء ,, دمت لي ,,,,,,,,,, أخوك / عبدالله مرّان |
عبدالله مران
صح لسانك ولا هنت وطيب ما تجيب الا طيب تحياتي |
اختي ديمة الشوق
يا هلا بك اختي الديم كان في مرورك هنا وتشريفي بردك على هذه المتواضعة ,, تسلمين لي من كل شر يا اختي ,,, لك الود ,,,,,,,,,,, أخوك / عبدالله مرّان |
أخوي مرزوق الصواغ
يسعدني مرورك يالغالي ويشرفني بأن هذه المتواضعة قد وصلت الى ذائقتك . جزالتها كانت في مرورك يا مرزوق .. مران يا مرزوق وليس مروان ;) تسلم ياغالي ,,,,,,,,, أخوك / عبدالله مرّان |
| جميع الأوقات بتوقيت GMT +3. الساعة الآن 01:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية