ياقلب تباع المقفين هالك
اخواني اعضاء وزوار المرقاب السلام عليكم
ويسعدني مشاركتكم بهذه القصيده امل ان تحوز على رضاكم [poet font="Arial,6,black,normal,normal" bkcolor="transparent" bkimage="backgrounds/11.gif" border="groove,10,red" type=2 line=200% align=center use=ex length=0 char="" num="0,black" filter=""] ياقلب شلت هموم فوق احتمالك=ماعاد يبقى متسع في رفوفك ياقو ماتصبر ويــاوســـــع بالك=على ثقل دم وجلافة ضيوفك نصف النوايب محتويها مجالك=والنصف الاخر كل ليله يحوفك ياليت بياعك عرف وش جرالك=يمكن يعالج غلطته لو يشوفك لكن اظن اللي زهد في وصـــالك=ماعاد شفه يتفق مع شفوفك برق بـعـيـنه زيف قلبٍ بدالك=لوكان نوره مايعادل كسوفك لاتندفع ياقلب وارفق بحالك=وش لك بخلٍ مايقدر ظروفك في خاين العشره خساره جمالك=انسه مثل ماهوب نسي معروفك اخذ النصيحه ياعسى الخير فالك=واصبر على بلواك واعلن عزوفك ياقلب تباع المقفين هالك=ان كان بعضات المعاني تطوفك وسلامتكم [/poet] |
شاعرنا المبدع/ضاوي العصيمي
مرحبا بك وبعودتك والف مليون مرحبا وبإبداعاتك يا إستاذناالأشم . صح لسانك على هذه القصيده التي قدمت لنا فيها دروس ونصائح وعبر مع إنك موجهها إلى قلبك اخذ النصيحه ياعسـى الخيـر iiفالـك واصبر على بلواك واعلن عزوفك يـاقـلــب تــبــاع المـقـفـيـن iiهــالــك ان كان بعضـات المعانـي iiتطوفـك ولكن هذا إسلوب وطريقة وحكمة الأساتاتذه .تكون الفائدة عامة للجميع. |
الرمز ضاوي العصيمي
هلا وغلا والله ببو زياد.... انور المرقاب بتشريفك....وعودتك تعني فقط عودة الشعر الحقيقي الجزل.... وهذه الرائعة اللتي كانت تماما بحجم فرحتنا بعودتك لنا... صح لسااااانك وبيض الله وجهك... شخصيا اعتقد ان هذا البيت فكرة غير مسبوة ويرجح بقصائد كاملة... بــرق بعيـنـه زيــف قـلـبٍ iiبـدالـك لـوكـان نــوره مايـعـادل iiكـسـوفـك تبقى استاذا ونظل نحن نتعلم ابداعة... ضاوي شكرا لحضورك واهلا بعودتك الغالية... |
السلام عليكم
هلا باخوى ضاوي العصيمي صح لساانك ولا هنت اختك ديمة الشوق |
صح السانك ضاوى العصيمي قصيده رائعه
سجل متابعة وسميه |
ابو زياد
قمّة سنام الشعر الحاضر صح لسانك يا ضاوي, صح لسانك يا ضاوي , صح لسانك يا ضاوي. وش اقول غير الله يعطيك العافيه و يطول في عمرك و يزهر بشبابك. شاعراذا نوى الشعر افترقت حوله القصائد و شق طريقه بينها ليكوّن قصيده لوحدها تعبر عن شاعرية ابو زياد. تقبل صادق الاعجاب اخوك شفق السريع |
يـاقـلـب تــبــاع المـقـفـيـن iiهــالــك
ان كان بعضـات المعانـي iiتطوفـك ابو زياد شاعر وجزل لاعدمتك يابعدي صح لسااااانك مليون ولو اني زعلان عليك واجد .....بس هين سجل اعجابي لاعدمتك اخوك نااااااايف |
الشاعر المبدع / ضاوي العصيمي
نعم .. نعم ... نعم تباع المقفين هالك ونعم حضور ضاوي يعني لي الشعر والشعور ويعني لي الجزالة والاصالة ويعني لي السبك والحبك للمفردة بعيداً عن لي أعناقها في النهاية : قصيدة رائعة الشكل والمضمون وأروع منها شاعرها . لك تحياتي وصادق ودي . |
ضاوي اعصيمي
يـاقــو ماتـصـبـر ويـاوســع بـالــك عـلـى ثـقـل دم وجـلافـة iiضيـوفـك نصـف النوايـب محتويهـا iiمجـالـك والنصف الاخـر كـل ليلـه iiيحوفـك ياقو باسك يا شاعرنا ويا قو هالبيتين على القو ه دائماً , انا لا استتطيع ان اتخيل الشعر قبل ان اذكر ضاوي لله درك يا علم اخوك عامر عمار |
الاخ ضاوي
صح السانك قصيده جزله ولاهنت |
الشاعر ضاوي
قصيده جزله من جزل دررررررره تقبل فيض ودي ضيف الله |
الغالي فارس
صح بدنك وشكرا على حضورك واشادتك ورضاك انت وشرواك هو ابعد غاياتي وياهلابك يالقرم |
العزيز معيض
الله يسلمك ويعطيك العافيه على هذا الاطراء الجميل وشهادتك وسام يامعيض لاعدمتك |
ديمة الشوق يامرحبابك
وشكرا على كلماتك الجميله وحضورك وياهلا |
وسميه
متابعتك تسعدني وياهلابك ومرحبا |
هلا ومليون هلا بالغالي شفق
والله ان حضورك يعني لي الكثير واشادتك تاج لاعدمتك يالقرم |
هلا وغلا باخوي نائف عيفان
وابشر بمايرضيك قيبا اجازة العيد ماهي بعيد ولالك الا سماح الخاطر لاعدمتك |
ضاوى
الاخ الغالى الشاعر الجزل لله درك وصح لسانك وسلم بنانك وبيض الله وجهك لك تحياتى |
هلا وغلابك يافراج
مرورك يعني لي الكثير لاعدمتك |
العزيز عامر عمار
ياهلابك وشكرا على الاشاده لاعدمتك |
مرزوق الصواغ
ياهلابك وشكرا على الاطارء لاعدمتك |
ضيف الله الروقي
هلا وغلا حضورك اسعدني لاعدمتك |
| جميع الأوقات بتوقيت GMT +3. الساعة الآن 01:03 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية