انا ويــا عكاشـــه
 

الاخ العزيز والشاعر الكبير عكـــــــــــــاشــــــه


اذا سمحت لي ودي العب معك على هالطاروق ..




انـــا ويـــا عـكـاشــــــه مـــــن توافــقـــنـــا تخــــالـفــنـــا


.................. عـــلى رزقٍ مـــن المــــولــى تخـــالــفـــنــــا وش الحـــيــلــه



ولا بــه قــــاضيٍ لا مـــن حــــكــم بالحــــكـــم ينـــصــــفـنــا


................... وكــلــه مـــن شـــهـــود الـــزور وابــلــيـــــس وتمـــــا ثــيــلـه




تحياتي لك ..

ارررحب يالسمي 00 والكبير الله لاعدمتك 00 ويشرفني هالطاروق معك ومع شرواك00 واسف على التاخير الان فقط اطلعت عليه واستلم لاعدمتك

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=right use=ex length=0 char="" num="0,black" filter=""]
عسى الايام تبطي ياسميي ما تواقفنا = عكاشه عارف اللي له.. ومثلك عارف اللي له
وعسى الله عن مسار الزور يصرفكم ويصرفنا=طرى لي طاريٍ مبطي ولا ادري ويش تحليله
[/poet]

مرحبتين والله يالسمــي والشرف لي طال عمرك ..

ولا ابطا من جا



سبب دورات هالدنيــــــا مايبقــــــا الا ســـوالفــنـــا


................... بوقتٍ عـــادتة مــع مــن وفــا بــه دوم تــبــديــله



عســـا اللــه لا يكلفك وعســـا اللــه لا يكــلفــنــــــا


.................. لكنـــه لا زم انـــه يتعـــب الفــــــلاح بنخــيـــــلـه

لاهنت 00 واستلم يابعدي

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=right use=ex length=0 char="" num="0,black" filter=""]
سوالف مع رجال المعرفه حاجه تشرفنا=اقوله من قديم الوقت وأكرّره ذالليله
ابا ابذل كل مجهودي عسى المجهود يسعفنا =ولا اصافحك ياكف الكريم بكفٍ ابخيله
[/poet]

سيف السعد وسيف السيف....


ومحاورة لاينقصها الابداع والجزالة..........


واصلوا وكلنا متابعين......


طبعا انا في صف سيف!!!!!!!!!!

مرررررحبا بك



لياليــنـا تمــنــيــنــا وتوعـــدنـــا وتخـــــلـــفـــنــــــــا


......................... يلوح البرق ونخـــيــــلــه ويــبــطــي كــبــــره بســـيــله



بعـد مـاصـار صــــار الصـــبـر شــيٍ مــن حـســايـفـنــا


......................... نبي عـــن طـــرقـــة العــــرجــــــــــان يارجــــال تحــويله

هلا والله وغلا بك يامعيض


ومتابعتك شرف كبير لنا


واكيد انت في صف سيف الســ ( كلنا واااحد صح ؟ )ـعـــــد :)


اشكرك على حضورك ومتابعتك

لله دركم
 

السيفان المهندان


واصلوا هذا الابداع



لازلنا نسترق الاوقات لنرى الجزاله بينكما.



و انا يا معيض مع صف سيف الس......


تحياتي لكم



اخوكم


شفق السريع

ارررررررحب يامعيض

متابعتك تسرنا وتشرفنا يابو نووره :)

اسلتم ياسيف لاهنت

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=right use=ex length=0 char="" num="0,black" filter=""]
عسى ربي يفرجها ليا ضاقت محارفنا= عساك اتجود يانوٍ تكاشف لي مخاييله
توصف لي وإلى منا وصلنالك توقفنا= ليا مني تحققت النظر سويت تظليله
[/poet]

ارررررررحب يابو مهنااا

من دواعي سروري رؤيتك 00 عساني ما اعدمك 00


لاهنت يابو مهنا على حضوورك اللي يعني لنا الكثير:)

الاخ العزيز شفق السريع

ابو مهنا

اشكرك على حضورك المشرف و المشجع لنا

ومثل ماقال اخي وعزيزي واستاذي سيف والله انه يعني لنا الكثير

بس تعال قلي فسرت البيت اللي انت خااااابر والا الى هالحييين :p

اشكرك جزيل الشكر

يقول خلف العتيبي في احدى محاوراته

ياحبني لاهل المعرفه بعد واهل المجال الوسيع


سيف انت ذكرتني بهذا البيت


تسـلم والله لايهينك

واستلم


بســـلم البـــدو حــســب اللـي عــرفــنــا معهــم وشــفـنــا


............... لـيـــــــا لاح الحــيـــا كـــلٍ يـرســلـّــه مـــراســـــيــــلـه


انا ودي نحــج ولا سعـــيــنـــا عــقـــب مـــا طـــفــــنـــــا


.............. نــقـــص الروس ونـــردد بــتـــكـــبــيــره وتـــهــــلــيـلـه

الله يبارك فيك اخوي سيف السعد

و اشكرك على شعورك العطر و شعورك النبيل تجاهي.


اما بالنسبه للبيت فيشهد الله ان السفياني عجنه على كيفك. ليتنا من حجنا سالمينا.

بغيناه يفسره و هالحين نبي من يفسر تفسيره. لا عاده الله من دخول للادبي.


تحياتي لك



اخوك


شفق السريع

هلا ياسيف السعد 000 اول شي الله يرفع مقدارك يابعدي 00 والله اني اتعلم منك ومن شرواك وثانيا لي الشرف اني قدرت اذكرك ببيت لخلف 00 ياخووي هذا قامه شعريه عملاقه 00 ولنا الشرف اننا نستمع له او نقراء 00 ورحم الله امرء عرف قدر نفسه 00 استلم لاعدمتك
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=right use=ex length=0 char="" num="0,black" filter=""]
ليا وكدت مردود الخبر يارجل ماعفنا =يقولون العرب حطيت وسط الخط تقفيله
نقص الروس وايدينا مجودتن مصاحفنا= بعدها تنكف اجموع العرب كلٍ وتحصيله
[/poet]

مرحبابك يالسمي وانت قدرك عالي وشاعر كبير غني عن شهادتي

وتسلم لي..


واستلم



انا عـيــنت رجـــالٍ يـبــاريـنــا وعـــارفنــا


.................. وقــال العــلم اكــيـــد وباقيٍ للعــلم تكــميــله



يمين الله يمين الله ولو مانتـــه محــلفـــنــــا


.................. مـاعــاد يفــيـد فالمـوضــوع يارجــال تاجـــيــله

اخواني /سيف وسيف


لاهنتوا قديرين ومبدعين ياالحضران ولوالله يفككم من مناقزة شفق الزايدة


كان محاورة قمة بمعنى الكلمة وشعار مبدعين بمعنى الكلمة أيضأ.



واصلوا وأنا في صف



سيف

ارررحب ياسيف السعد

واسف على التاخير يابعدي

لكن بعد تعليق فااارس 00 خلاص ماقصرت وصح لساانك وبيض الله وجهك 00 وعزالله اني اسمتعت واستفدت من هالمحاوره وعن اذنك ابا ارد على فاررس

=====================================


ارررحب يافاارس والله لو انك طالب فلووس على هالتعليق لا اعطيك 00 وانا مدري معلومتك صح والا 00 المهم والله اتشرف ان كانه حضري 00 ويسعدني ويشرفني معرفة اللي مثل سيف السعد سوى حضري والا بدوي 00 انا رفيق الطيب والطيب رفيقي لاعدمتك

وشفق لو مايدخل محاوره لي 00 ياخووي احس اني مالعبت 00 للجميع كل الود واولهم شفق:)

هلا والله ومرحبابك ياسيف السيف (( عكــاشــه ))

مشكور وماقصرت واللعب معك مكسب لي وفايده كبيره

والشرف لي بمعرفتك واللعب معك


==============

هلا والله وغلا يافاااارس

اول شي شرفتنا بحضورك ..

واللي يسمعك يقول يشد وينزل بكمبيوتره

الناس هالحين ترا كلهم حضر ماعاد فيه بدو الا قليل

على العموم الحضر والبدو كلهم واحد ومثل ماقال سيف انا رفيق الطيب

والطيب رفيقي وتشرفت بمعرفته ومعرفتك ومعرفة كل الرجال الغانمين بالمنتدى


(( وعنادٍ فيك ما نيب قايلك انا حضري ولابدوي ))



اما شفق فهو ملح المحاورات سواء شاعر والامن الجمهور

عسا الله لايخلينا منه وهو ترا مايصلح له ولا يعرف له زين


الاالسفياني :p :p :p :p


تحياتي للجميع

اخواني الأعزاء الحضران


اشكركم امتعتونا بمحاورة طيبة و دائم عوايدكم الطيب



وبعدين عكاشه متوهق أساساً واستغل الفرصه وانهى المحاورة



ذكي هالحضري ما يفوتها الله يوفقه .




وسيف السعد مشاها لعكاشه وانهى الطاروق , اشكره التعاون واجب ولا ودك تحد


رفيقك على اقصاه .




أما اللي رايح فيها شفق صاير ملح في كل شي والناس ماتدور غير هالملح



رحت فيها ياملح .




تحياتي للجميع.

الاخ العزيز فارس العصيمي

ترى كثر الاحتكاك يولّد الحراره. و انت ما تشوفني في طريق الا و تلزّق فيني. ياخي مالك و مالي. خلني في طريقي الله يرحم والديك. المحاوره بين سيف و سيف , ليه تفتح علي طريق؟

ادري انه من الحب الزايد, لكن الشئ اذا زاد عن حده انقلب ضده.

بس تدري عاد. و الله ان الدخول معك في النقاشات و الحوارات متعه يا ابو مقبل , كل ما اشوفك حاط رد اتذكر ضحكتك الرنانه. ههههههههههه بعد راسي والله يا ابو مقبل عساني ما ابكيك.

الاخ سيف السيف و الله ان اسمك رؤيته تجبرني على الدخول اليه. احس ان هذا الاسم وراه شي عظيم. فلا تحرم روحي من معانقة اسمك.

الاخ الفذ سيف السعد اسمك يحمل اجمل عبارات اللغه العربيه. و هذا الاسم انعكس على روحك الزاكيه فاصبحت من ضمن اجمل من تعرفت عليه عن طريق العنكبوتيه. سلّم لي على راسك العالي.



اخوكم


شفق السريع

سيف السيف

وسيف السعد

قد لايجتمع سيفان في جفير او كما ورد في المثل الشعبي

الا انهما يجتمعان في الابداع



متابعين لكما والله لايهينكم على هذا القاف الرائع


تحياتي

الاخ العزيز فارس العصيمي


تراك ابلشتنا يا هالاعراااااابي الله لا يعيدك من اعرااااااااااابي :p



تحياتي لك

الاخ العزيز شفق السريع

بعد قلبي والله يابو مهنا والقلوب شواهد طال عمرك اشكرك على شعورك النبيل

لك مني ازكى تحيه