(والاالردي ماعليّه من مهاذاته)......(يوم الربوع)
أخواني أعضاء مرقابنا العظيم
أسعد الله أوقاتكم جميعاَ هذه قصيدة مسندة على الشاعرالكبيروالصديق العزيز المهندس/شالح بن مبارك العجمي عندما اكبرت في خاطري كلمه قالها بدون قصد ولكن الانسان العظيم والصديق الوفي تحسك كلمته وتعطيها بال أكثر من كلمة يقولها انسان حقير أونذل أوقزم أقل من أنك ترد عليه . آسف على الاطاله والقصيدة جاراها الشاعرالقدير /عامر عمار أرجو منه كتابة مجاراته وبعدها سأورد رد الشاعر /شالح العجمي [poet font="Simplified Arabic,5,black,normal,normal" bkcolor="transparent" bkimage="backgrounds/9.gif" border="none,3,seagreen" type=0 line=200% align=center use=ex length=0 char="" num="0,black" filter=""] ياموتري هات مافي دعستك هاته =وصّل غريبٍِ تكدّر والعمل ملّه لو كل من هو تمنى منوته جاته=حطيت يوم الربوع أسبوعنا كله وأستغفر الرب كان أشركت في ذاته =لكن يوم الربوع أفرح وشفقٍ له يومٍ يفرّج به المهموم كرباته=بفراق دارٍِ تسم الحال وتسلّه مادام شالح يذكرني بحسناته = من غير شالح بهالديرة شبيهٍ له بالحلم والمعرفة وبطيب فزعاته=واللي شكى من زمانه ضيم يزبن له لولاه قرمٍ تعزالراس وقفاته =ماأستغرب اللي سمعته منه وأمعن له هقيته أنه بيكرمني بدعواته =ويقول يا مسهل الأسفار سهّل له قدام الأمة وطبع الناس شمّاته=والعلم الأقشر خباث الناس تفطن له يقول حذرى تعدّى الزام وأوقاته=كنه يقول التلاعب يافتى خلّه مستغربٍِ ماجرى ما هي بعاداته=يرجع على مابذل من خير ويتلّه يفرح بهاذي خبيثٍ طوّل إسكاته= نظرات عينه تعبّر عن مدى غلّه لكن بالطيب واجبةٍ مجازاته=وأنا بمعروفه السابق مقرٍِّ له والقرم شرواه بدمح كل زلاته=وأرضى بما جاء وقارٍِ واحترامٍ له والا الردي ما عليّه من مهاذاته= لو كل يومٍ يجيب العلم ويفل له أصد عن وجهته وأبعد مسافاته=وليا نفض ريشته ماني بصيدٍ له أدعس على خدته وتضيع هقواته=لاأبوه لاأبو ضعيفٍ بيتهاون له والرزق مضمون والمعبود وهباته=ترسل على العبد بين الناس وتدلّه وأختامها المسك والعنبر ونفحاته=يهدى لقرمٍ يعقد الراي ويحلّه من فعل يمناه وبموجب شهاداته=ماأجدٍ عطاه القياده حب ودٍ له والشعر ملكه وريح الكاد بأبياته=عسر القوافي تحداني وتذعن له [/poet] وسلامة الطيبين |
اخوي الغالي
فارس العصيمي بيض الله وجهك وصح لسانك اشهد لله انها قصيده وافيه وفي رجل يستاهلها بالتاكيد لاهنت وسلم لي على عامر وترانا منتظرين مجاراته لاهنت طال عمرك اخوك محمد الدهيمي |
فاااااااااااااااااارس العصيمي
صـح لسانك قصيده وافيه وهذا ماعودتنا عليه يابو مقبل الف الف صح لسانك وبانتظار الاخ عامر عمار ومجاراته لك ورد القصيده من الشاعر شالح العجمي لك مني خالص التحيه والتقدير |
صح لسانك يافارس العصيمي
جزله ومن جزل سجل اعجابي ..... وتقبل تقديري واحترامي. |
والا الـردي مـاعليــه من مهـاذاتـه
ّ.................لو كـل يـوم(ن) يجيب العلم ويفلـه ********************************** صح الساااانك يابو مقبل و صدقت قصيده تحمل من المعاني الشي الكثير وعوايدك الجزاله والعلوم الجزله معوّدنا عليها ياذيباااااان وحنا بانتظار رد شالح ومجاراة عامر وتقبل تحياتي عـمّــــان |
الاخ/ فااارس العصيمي
صح لسااانك وبيض الله وجهك وعزالله انك قلت قصيده واتضحت فيها خصالك الطيبه وذكرت بيت ابن جدلان اللي يقول فيه 00 مايسب الطيبي الا الرخومي وتكرم عنهم ومن الطيب والرجوله انك ماتجحد فعل الطيب حتى لو اخطاء عليك باذله بيض الله وجهك يافارس وقصيده شامخه من شمووخ شاعرها دمت ودام ابداعك تحياتي لك |
الغالى : فارس
صح لسانك وسلم بنانك وبيض الله وجهك جزله من جزل لك تحياتى |
الرائع فارس العصيمي
صح لسانك... قصيدة جزلة....والطيب يشره على الطيب كما قالوا اسلافنا.... قصيدة ابهرتنا بها حتى كاننا نعيش القصة تماما ويوم الربوع بالذات...!!!!!! وأختامها المسك والعنبـر iiونفحاتـه يهدى لقـرمٍ يعقـد الـراي iiويحلّـه من فعل يمناه وبموجـب iiشهاداتـه ماأجدٍ عطاه القيـاده حـب ودٍ iiلـه والشعر ملكه وريح الكـاد iiبأبياتـه عسر القوافي تحداني وتذعـن iiلـه لله درك اخوي فارس تقبل تحياتي |
الشاعر المتميز فارس العصيمي
بيض الله وجهك اشهد انك قصدت واشهد انك جزل رائعه جدآ سبك وحبك هذا الشعر ولا بلاش،،،،،،،،، صح لسانك وسلمت يابو مقبل تحياتي وتقديري .................................... شبيب |
الأخ ابو مقبل
صح لســانك قصيده جزله ولاهيب غريبه على شرواااااك الطيب يستـــــــــــــاهل ننتظر رد شالح ومجاراة عامر عمار تحياتي |
الاخ فارس
صححححححححححح لسانك وماقصرت قصيده جزله الله يعطيك العافيه تقبل تحياتي |
فارس العصيمي
بيض الله وجهك على القصيده الجزله الرائعه وصح الله السانك ولاهنت وسجل اعجااااابي ...... |
اخوي العزيز/محمدالدهيمي
اشكرك على مرورك الكريم وبيض الله وجهك على كلامك الطيب وسلامك على ابوعمار سيصل إن شاءالله والله يسلمك ياالوافي تقبل تحياتي. |
الغالي فارس العصيمي
فعلا ان الصديق الوفي تحسك كلمته وتعطيها بال أكثر من كلمة يقولها انسان حقير أونذل أوقزم أقل من أنك ترد عليه . بيض الله وجهك يابومقبل وصح الله لسانك وابو ماجد يستاهل الطيب كله وكذلك عامر عمار المبدع دائما اجدت وابدعت يافارس شكرا استاذي الكريم ابوزيد |
الاخ العظيم فارس العصيمي
بيض الله وجهك يا ابو مقبل بياضٍ يذكرونه شمال و جنوب و شرق و غرب. بيض الله وجهك على الموقف و على الشاهمه و على القصيده الجزله. و بيض الله وجه شالم العجمي على علومه الطيبه و سمعته الطيبه. و الزله من الطيبين محسوبه والا من الرديين متروبه. قصيده غاصت في بحور الجمال و الروعه الى ابعد حدودها. تحياتي لك ايها الشامخ اخوك شفق السريع |
أخوي الغالي/سيف السعد
مرحبا ألف وأسعدني مرورك الكريم وشهادتك شرف الله يحفطك. |
فارس العتيبي
مرحبا بك ياالسمي يشرفني مرورك الكريم اشكرك لاهنت ياابن العم. |
حسينالعتيبي
اشكرك ياابويزيد على هذه الزيارة الكريمة وإن شاء الله سنورد الرد والمجاراة لاهنت ياالذيب. |
اخي الشاعر فارس العصيمي
صح لسانك ملايين يالغالي
قصيده في قمة الروعه ونعم والله يالعصيمي صح لسانك صح لسانك صح لسانك صح لسانك تقبل اعجابي بعنف يالغالي اخوك عبدالعزيز |
شاعرنا فارس العصيمي
لروعتها وصفاء قريحتك طلبت منك ان توردها هنا. فشكرا لك على كرمك في تلبيه الطلب ياغالي. ولولا حلو الطاروق وغزاره المعنا وجزاله القافيه لما جاريتها قبل حوالي ثمان سنوات وانا لم اكن اعرف فارس العصيمي الا بهذه القصيده. انا فخور بأن هذه القصيده احدثت عندي شيء من الأنفعال أنذاك وقمت بمجاراتها ولكن اريد منك مساعدتي في العثور على المسوده الأولى التي اخذها ابو ابو ماجد وسأقوم بنشرها عسى ان ترضي الخوان والأخوات. تحياتي كلها عامر عمار |
أخوي الغالي /عكاشه
مرحبا ياأبوعبدالله مرورك كريم ماعليك ولا على الطيبين شرواك زود لاهنت تقبل تحياتي لاعدمتك. |
أخوي الغالي / خـــــــــــالـــــد الـــــــذيـــابي
ألف شكر على مرورك الكريم وألف شكر على شعورك الطيب لاعدمتك تحيــــــــــاتي |
| جميع الأوقات بتوقيت GMT +3. الساعة الآن 07:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية