اخر قصيده فالمرقاب
بسم الله الرحمن الرحيم
اخواني واخواتي الاعزاء جداً على قلبي اعضاء منتدانا العامر المرقاب...عساني مافقدكم كلكم...هذي قصيده عساها تجد استحسان عندكم واسمحولي سوف اغيب عنكم ولاكن قلبي متواجد معكم بحكم اجازتي واللي انشاء الله راح اقضيها في مدينه الرياض..كل الاماني لكم بالتوفيق.ولي عودة باذن الله. [poet font="Simplified Arabic,4,darkblue,bold,normal" bkcolor="transparent" bkimage="backgrounds/1.gif" border="double,4,green" type=2 line=200% align=center use=ex length=0 char="" num="0,black" filter=""] على ميلة زماني والنصيب وماكتبه الله=وعلى محتاجته نفسي وبارت فيه الايامي وعلى ماهالني وارسل همومي وارث العله=وعلى ماجاب دمعي واتعب المعلوق واقدامي وعلى سود الليالي والقدر لاجاب لي خله=وعلى شي(ن) يكدر خاطري ويزيد بالآمي عليه الله عويني جعل درب الناس مادله=عسى رحمته تلحقني وعسى التوفيق قدامي وعساني من هل التوحيد والاخلاص والمله=وعساني لاقرب حتفيّ اموت بعزة اسلامي وعسى قبري من الجنه رياض ويمتلي كله=من الرحمه مراويح(ن) تغيث القبر وعظامي وعساني لادخلت بوحشته ماشعر له بذله=وعسى لي من سوال الممتحن تثبيت والهامي وعساني ماترك خلافي على مسلم ربع زله=وعسى ذكري مع كرام(اللحى) بالمنزل السامي وعسى لي من يشيل اسمي يعقد الحبل ويحله=وعساه اكبر من الهقوه بعيد انظار وعصامي وعسى وصل الرحام يصير فيني طبع وجبّله=وعسايّ لوالديّ اليّن من الديباج والخامي وعساني عبد راضي بماكتبه الله بسجله=وعسى مافقد عزيز ويرحم الموتى من ارحامي وعسى لي بالدعاء حظ ونصيب ويقبل بحله=وعسى ربي يطوّل عمر(ابويّ)ويبقيّ(اعمامي) وعلى ميله زماني والنصيب وماكتبه الله=رضيت بماقسم ليّ والليالي جرحها دامي [/poet] فالح بن راشد ال حثلان عمّان |
الله عليك يا بوراشد
تشرفت بمصافحتها بدري يا مبدع والله لا يخليني من اطلالتك وعلومك الغانمه ، وعساا الله يحفظك في حلك وترحالك واللهم امين عن كل دعوه ناجيت فيها الباري بهالقصيده الوجدانيه القريبه من الروح صح السااانك الف يا بو راشد لك خالص التحيه ، أخوك / سداح |
آمـــــــــيــــــــــــــن آمـــــــــيــــــــــــــن آمـــــــــيــــــــــــــن
وانت من اهل العلوم الغانمه يا بو راشد وكفو لها الله يسمح طريقك ويهنيك في اجازتك ويوفقك في دراستك وصح لسانك على هالقصيده تقبل تحياتي |
امين يافالح
والله يوفقك قصيده رائعه وجزله من شاعر قدير وجزل سجل اعجابي. |
وعسى وصل الرحام يصير فيني طبع وجبّلـه
وعسايّ لوالديّ اليّن من الديبـاج والخامي ....المبدعون فقط هم من يروضون الحرف وفالح احدهم... قصيدة صادقة...روحانية....تدل على اخلاق المسلم ومنهجه القويم... صح لساااانك وسلم بنانك يبو راشد.... هنا يحضر الشعر كاملا ويفتخر بمن رتب حروفه واعطاها هذا الوهج الابداعي النادر... فالح راشد شاعر يكتب ليستمتع الناس...وهنا تكمن رسالة الشعر والشاعر... من القلب شكرا لك & اعانك مولاك... تقبل تحيات مغليك |
عساني من هل التوحيد والاخـلاص والملـه
وعساني لاقرب حتفيّ اموت بعـزة iiاسلامـي وعسى قبري من الجنه رياض ويمتلـي iiكلـه من الرحمه مراويح(ن) تغيث القبر iiوعظامـي وعساني لادخلت بوحشته ماشعـر لـه iiبذلـه وعسى لي من سوال الممتحن تثبيت iiوالهامي وعساني ماترك خلافي على مسلم ربـع iiزلـه وعسى ذكري مع كرام(اللحى) بالمنزل iiالسامي وعسى لي من يشيل اسمي يعقد الحبل iiويحله وعساه اكبر من الهقوه بعيد انظار وعصامـي وعسى وصل الرحام يصير فيني طبع iiوجبّلـه وعسايّ لوالديّ اليّن من الديبـاج iiوالخامـي وعساني عبد راضـي بماكتبـه الله iiبسجلـه وعسى مافقد عزيز ويرحم الموتى من ارحامي وعسى لي بالدعاء حظ ونصيب ويقبل iiبحلـه وعسى ربي يطوّل iiعمر(ابويّ)ويبقيّ(اعمامي) وعلى ميله زمانـي والنصيـب وماكتبـه iiالله رضيت بماقسم ليّ والليالـي جرحهـا iiدامـي آمين.......آمين.......آمين بيض الله وجهك يابو راشد وعسانا مانفقدك يالغالي قصيده جزله....جزله.....جزله....بما تحمل الكلمه من معنى سجل اعجااااااااااااااااابي ابن بداي |
آمـــــــــــــــــــــــــــــــــــــــــــيــــ ـــــــــــــــــــــــن
الاخ فالح صح لسانك وبيض الله وجهك قصيده تحمل معاني ساميه من شخص سامي لك كل المحبه ضيف الله |
امين يا بو راشد
ولا هنت على القصيده الجزله ومعاني الساميه وجعلك ما تفقد غالي وصح الله السانك ولاهنت تقبل تحياتي ..... |
وعسى وصل الرحام يصير فيني طبع وجبّلـه
وعسايّ لوالديّ اليّن من الديبـاج والخامي وعسى وصل الرحام يصير فيني طبع وجبّلـه وعسايّ لوالديّ اليّن من الديبـاج والخامي الغالي / فالح ... صح لسانك والله لايهينك.... قصيده احتضنت كل ما يتمناه المرأ في الدنيا :) واللهم امين يحقق رب البيت كل ماتمنيته بتغيب وبنشتاق لك ... الله يردك سالم وغانم ... لاهنت وصح لسانك |
الاخ العزيز /فالح
قصيدة وافيه من شاعر وافي صح لسانك ترجع بالسلامة انشاالله تقبل تحياتي وتقديري اخوك / محمد السميري |
الله الله الله الله
فالح صح الساااانك ملياااااااار
وربي ايطول عمر حييينك ويرحم ميتينك ويوفقك يافالح تقبل تحياتي واعجابي أخوك فهاد العجمي |
اخوي سداح ....
جعلني مفقدك .... انا اللي والله تشرفت بوجودك ... وقراتك للقصيده والدقايق اللي منحتها من وقتك ...والله لو انها في عيني القصيده اقل من عاديه ....ان تصير من اطيب القصايد . صح بدنك وعساني ما خلا منك ... والله يعطيك العافيه والصحه....ودام ابداعك وتواجدك اخوك / فالح (عمّــان) |
آمــــــــــــــــــــــــــيــــــن آمــــــــــــــــــــــيــــن
الاخ الشاعر المتميز فالح بن راشد ال حثلان صح لسانك على هذه الراااااائعه وعسا الله يقبل دعوتك وعساني ماترك خلافي على مسلم ربـع iiزلـه وعسى ذكري مع كرام(اللحى) بالمنزل iiالسامي لك شكري وتقديري ايها الرااائع |
الاخ فالح
صح السانك قصيده جزله ولاهنت |
اخوي العزيز الشاعر / فالح بن راشد
اسعد الله مساك بكل خير وصح السااانك على القصيده المؤثره بمعانيها وعساك سالم دوم ولا ترا مكروه وتقبل تحياتي من الكويت وانتلاقا باذن الله بالرياض الكويت |
ابوراشد
مهماغبت فانت موجود في قلوبنا وإن شاء الله ترجع لنا بالسلامة والله يثبتنا وياك على طاعته وعلى سنة المصطفى صلى الله عليه وسلم. قصائدك دائم جزلة وعلومك دائم غانمة لاعدمتك. |
فالح
صح لسانك وترجع ان شاء الله سالم وغانم ونحن في انتظار عودتك يالغالي |
العالي فالح بن حثلان
حي والله هالوجه يابو راشد وجعلك ماتشوف شر اينما كنت الحقيقه انها رائعه من روائع الشعر مكتمله من جميع النواحي ولاهي غريبه عليك فانت شاعر متمكن صح لسانك وسلمت يمناك اسلم وسلم تحيااااتي لك .............................. شبيب |
وعساني من هل التوحيد والاخـلاص والملـه
......................................وعساني لاقرب حتفيّ اموت بعـزة اسلامـي الاخ الكريم .......... فالح .... لاهنت وصح الله لسانك ..... قصيده لامست القلوب بجمال معانيها .... تقبل اعجابي .... |
الغالي / مرزوق العتيبي
صح بدنك يالنشمي ........وسعيد بتواجدك ومرورك العذب اضفى للقصيده جمال في نظري ........لك فائق ودي اخوك / فالح (الريـــاض) |
الغالي / فارس العتيبي
الله يجزاك خير على دعواتك الطيبه وصح بدنك ولاعليك زود ......سعيد بتواجدك ولاهنت يالنشمي لك ودي اخوك / فالح (الرياض ) |
الغالي والاخ العزيز / معيض العتيبي
صح بدنك وشاكر لك على كل حرف سطرته في حقي .... وسعادتي عظيمه بتواجد اسمك من ضمن الردود وهذا شرف كبير لي لك ودي واحترامي اخوك / فالح (الرياض ) |
| جميع الأوقات بتوقيت GMT +3. الساعة الآن 07:16 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية