تفضل ياعميلي
لمن يريد المشاركة مع جزيل الشكر والإحترام.
[poet font="Simplified Arabic,4,blue,bold,normal" bkcolor="transparent" bkimage="backgrounds/24.gif" border="double,4,teal" type=0 line=200% align=center use=ex length=0 char="" num="0,black" filter=""] سلام الله سلام(ن) يوم ذعذع مع هبوب النود=شذا مسكه يخلي له وجيه القوم مفتره. تفضل ياعميلي و الجزالة غاية المقصود=نغوص البحر لأجل اللول والمرجان والدره. [/poet] |
الاخ فارس
استلم لاهنت هلا يا مرحبا رديةٍ ترقى الجبال سنود ,,,,,,,,,,,,,,,,,,, تراحيبٍ من المرقاب نعلنا مائة مره مادام ان المعاني يا العصيمي عدها مااا رود ,,,,,,,,,,,,,,,, توكلنا على الله والدهر خيره غلب شره |
فارس العصيمي
صح لسانك وتراني مشجع للبراق وفي صفه انت بهذلتني وتعبتني0 حامد البراق صح لسانك شد حيلك ونبغيت مساعده على العصيمي تراني مستعد شكري للجميع مرزوق الروقي |
حامد البراق يامرحبا والله ولي الشرف انك العميل ياسنايدي.
واستلم لاهنت هلا وبك البقاء ياابن المكارم ماعليكم زود ======================تحية من هل العارض عليكم ياهل الحره تواعدنا وصفيناعلى وضح النقاء المجرود ====================ومن يحفظ مواثيق الأكارم للولي دره |
مرزوق الروقي
حضورك يشرفنا لاعدمناك حامد فيه البركة ماهو محتاج مساعدة لكن خلك قريب مني الظاهر اني انااللي بدور الفزعة تحياتي لك ياابوخالد ولكل من يتابعنا |
فااااااارس العصيمي و حــامــد البــراق
محـــاورة استطيع التنبوء بماستؤول اليه انه الابدااااااااااااااااع بلا شــــــــــك بيض الله وجيهكم وااااصلوا ونحن نتابع بشغف |
سيف السعد لاهنت على مرورك تشرفنا الله يحفظك
* ليت حامد يسمع الصوت ويجيب |
فارس العصيمي لاهنت
حامد البراق لاهنت الليل سعدت بالمتابعه تحياتى لكم |
اخي فارس اسف على التاخير
وترا مانسيت قافك لو ابطيت بس مشاغل الحياه استلم مادام ان المطيه في يدك قود السوالف قود ,,,,,,,,,,,,,,,,,,,,ووردها على عد الروا والروح مستره توعدنا وصفينا وكلٍ له مدى وحدود ,,,,,,,,,,,,,,,,,, تفضل واشرب امن الكيف واطعم حلوه ومره |
فارس وحامد......وجهين لعملة الابداع....
طبعا انا في صف ابو مقبل...ولو يزعل المدير العام!!!! الله يستر واصلووووووووووووا تحياتي |
معيض
مرحبا وامسك الصف و الظاهر ان دربنا واحد ولكن عشمنا فالمدير العام كبير. |
حامد البراق
حياك الله ومن جاء ما ابطى يا ابوسعود استلم لاعدمتك. انا ماني ببرك للحمول الظاهدة مفرود =================== ولااغتر بكلامه لو جميع الناس مغتره ليا مني فتلت اقوى الحجج ماحلها محمود ===================== يخلي فتله ونقضه بسطل الفول والجره |
لااااااااااااااااااااااااا
الوضع خطير يالمرقاب و الله اني داري يا فارس ما جيت الا و الشر قدامك. و زاد الشر معيض. و الباب الظاهر ما راح يفتحونه الا بيكسره حامد الك انت و معيض على شان الخروج بدون عوده. بس انا اعرف ان حامد حليم و باله وسيع و ثقته في منازلك مالها حدود. على العموم حامد و فارس و الكاسب الاول وا لاخير نحن يا من نتابع الابداع بينكما تحياتي للجميع و الصف ازهله يا البراق اخوكم شفق السريع |
يا فارس والليال البيض اخير امن الليال السود
,,,,,,,,,,,,,,,,,,,,,,,,على هونك ترا اصروف الليالي كره وفره وانا ماني مصدق حجهٍ ما ثبتت بشهود ,,,,,,,,,,,,,,,,,,,,,, يقولون النشاما كل سبع يقص بالجره |
مرزوق الروقي متابعتك شرف وخلك قريب ترا فارس ماهو هين
سيف السعد شركرا لمرورك العطر محمد الكرشمي انت الطيب ومتابعتك مكسب لنا معيض العتيبي شكرا على ماتقوم به من حهد هنا وهناك اما انت يا شفق فلك من الشكر اجزله (( وجود الصف ترا العلوم اقربت) :) |
محمد الكرشمي/ لاهنت على مرورك الكريم
سيف السعد /مرحبا بك مرة أخرى. شفق/ مرحبا بك وغريبة تعلن وقوفقك في صف اي واحد بالعادة تقول تعال ابغاك في كلمة تراني في صفك بس لااحد يدري لكن الآن اختلف الوضع مع المدير العام ماترد على احد كفو كفو ياابومهنا مرورك شرف لاهنت. معيض /الوضع متأزم خلك قريّّّّّّّب. |
حامد البراق
تحية عطرة مفعمة بأسمى معان التقدير والإحترام. استلم لاعدمتك تعال بفيتي وارتح وخلك في ظلال الطود ======================وبرّد كبدك اللي من صروف الوقت محترّة وخل الكايدة للي يحلحل كايدات الكود ======================وأبو مشعاب لويقشع بصاح الضلع ماضرّه |
شاعري واخي فارس استلم وعذرا على التاخير
تقوله وانت لا صايد من الدنيا ولا مصيود ,,,,,,,,,,,,,,,,,,,,, نبا نعرض عليك السالفه يا عالقة مره تلاعبك هوا الدنيا وقرّب خشمك البارود ,,,,,,,,,,,,,,,,,, لكن ثوب المشاكل يا وسيع المعرفه زره |
اخوي /حامد البراق
مرحبابك والله وانا مقدر ضروفك وكثرة مسؤلياتك ولكن والله أني أفرح اذا حصلت لك رد لعلني استزيد من علمكم فائدة ولو بسيطة . أنت تقول تقوله وانت لا صايد من الدنيا ولا مصيود ,,,,,,,,,,,,,,,,,,,,, نبا نعرض عليك السالفه يا عالقة مره (أكيد قصدك عاقلة مرة ولكن حطأمطبعي بكل تأكيد) تلاعبك هوا الدنيا وقرّب خشمك البارود ,,,,,,,,,,,,,,,,,, لكن ثوب المشاكل يا وسيع المعرفه زره أستلم لاعدمتك أخذ مني جوابِ يوم يضرب كنه العبرود =================حراري و انشطاري من صنايع عالم الذرّة أعرفك حامد البراق لا حاوي ولا مردود ====================وياويلك ليا منك نويت تعاود الكرّه |
فارس العصيمي
الشرف لي وانت استاذ نا ومنهلنا العذب من الشعر بالنسبه لماقلته فهو صحيح واستلم طال عمرك لك الله يا العصيمي لو يحك العود راس العود ,,,,,,,,,,,,,,,,,,,,, ليأكلك الهب يا صاحبي وتموت من حره ترا حيل الجمل سمحان من جور الحمّل مهدود ,,,,,,,,,,,,,,,,,,,, وحرارك وانشطارك يا العصيمي كاشفٍ سره |
استاذي /حامد البراق
اشكرك على كل كلمة قلتها شهادة أعتز بها من رجل بحجم حامد البراق أستلم طال عمرك أنا ماني بقول الا الكلام الثابت المأكود ======================مقرِ به وسيع العرف والا الجاهل يغرّه بسيفي قد حميت الذود وأنته من حساب الذود ====================وتال الوقت تطمع في شداد العود تجترّه |
استلم يا فارس لا هنت
توقع يا فهد ماقدمك الا فالطريق افهود ,,,,,,,,,,,,,,,,,,,,,, عس ديس المنيحه يا العصيمي ما وقف دره تورسلك الثبيتي والثبيتي لو تهب النود ,,,,,,,,,,,,,,,,,,,, على ضهر الحصان اللي ماتجهل كره وفره |
| جميع الأوقات بتوقيت GMT +3. الساعة الآن 06:19 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية