((قصيده جديده لبندر بن سرور!!))
 

اخواني واخواتي اعظاء وزوار منتدى المرقاب
السلام عليكم ورحمة الله وبركاته
ليس بغريب عليكم الشاعر الكبير بندر بن سرور وقصائده والتي كانت ولا زالت تلاقي صدى ولها جمهورها الذي لايزال يردد قصائد الشاعر الراحل بندر بن سرور العتيبي وقرات له قصيده وهي من اخر قصائده رحمه الله وهي بندريه رائعه وجميله واحببت ان ترى النوروالتي قل انتشارها بين جمهور الشعرالشعبي مع ان البعض قد قرئها اوسمع بها ولاكن احببت ان يقرئها ملم يقرئهاواليكم هذه القصيده....


[poem=font="Simplified Arabic,5,blue,bold,normal" bkcolor="white" bkimage="" border="none,4,blue" type=0 line=0 align=center use=ex num="0,black"]
عزالله انه مال ماطال ياسعيد=مال السهر والليل طول قديده
اللي من اول ليل مخلف نواسيد=اقعد غرير الهم لين استفيده
وقم يارشيد الحق واباقول يارشيد=الله عليك انته منيا بديده
اما البديده منك عند المواعيد=والا اهمومك من زمانك زهيده
ابااستفيدك كان جربت وتفيد= تنام واسمك حول الاسمى الرشيده
لي قصت(ن) يشهدبها راضع الديد=يعدها غيب الصلاب لطريده
طويلة(ن) عريضة(ن)بالتماجيد=يشبع بها الطيب فعول(ن) مجيده
طويلة(ن)عريضة(ن)بالمناقيد=يشبع بها النمام شين العقيده
جار الزمان وعاونوه الحواقيد=االلي لهم من قبل ذلك حقيده
ويارشيد يوم اتعبتني بالتناشيد= خذلك من الدرويش زبدة قصيده
اذا عبدت الله وكثرت تعبيد= ترى محمد صفوة الخلق سيده
وترى ابرك الحجات يومٍ صدف عيد=وجمعة اسبوع(ن)صادفت يوم عيده
واذكرلك الاجواد صد وصواميد= والانذال لا صده ولامن صميده
واذكرلك اقشر ماعلى السيدوالبيد=اللي طمع بنت القصير الحديده
فضح قصيره عنده انه كسب فيد=وسولف بها للناس خطوالبليده
سولف بجرح(ن) مال جرحه تظاميد=وزودالجروح اجروح ينزف صديده
ومن لا ستر خلات غرات اجاويد=هذاك نقال الخبيثات بيده
وذا وطاك اللي وطاني تراديد =ردالولا والاتحيربريده
اضرب ثلاث بعشر واجمع تفاريد=وافرق على العشر القنيد بقنيده
واللي بقا لوتفرقه للمواديد=كم تفرقه بين الوديد ووديده
خل الذي سواه يغنيه ياهويد=كلن سمعها يوم غنت هويده
ابتدبحل وكل شي(ن)بتقنيد تنوم والاغيراسمك حميده
اكفيك انا يارشيد حل المراديد = انا المجرب والتجاريب اكيده
انا الذي قد مرني سلك تجنيد=وخدمت به عدة اسنين(ن)عديده
مرحول هم وكل شي(ن)له احيد =احيد زين وشين والهم احيده
اسمع صريد القلب بين الحواديد=حدنه الاظلاع واسمع صريده
صرير فرخ(ن) حده اقطم طواريد=اول طرد قد ناش ثاني رجيده
هذا وانا شفت الوزا والتزاهيد=لاقول حي ولاتحت قبر بيده
والله مهني قاضي العمر ترغيد=ابن الئيم اللي حياته رغيده
ولاهني الكلب الحجل بالمراقيد=وضب الخلا لوكان ياكل رديده[/poem]

وسلامتكم... ورحم الله.... بندربن سرور

رحم الله الشااعر الكبير والحكيم بندر بن سرور


ولك أخي عبد الرحمن كل تقدير

على هذا النقل المتميز


تقبل إحترامي

نسأل الله الرحمه والمغفره للشاعر الكبير / بندر بن سرور

فعلا لم تنتشر هذه القصيده ،


شكرا لك يا عبدالرحمن وسلمت ،

ومن لا ستر خلات غرات اجاويـد =هـذاك نقـال الخبيثـات بـيـده
.
اللي محيّرني وش درى بندربن سروور عن برجس وسوالفه :)

فعلاًً ان من البيان لسحرا .. :)

رحمك الله يابندر بن سرور .. متنبي النبط .. لازال اغلب الشعراء يسيرون على نهجك ..
ولازلت مدرسة ً شعريةً مستقلة ً بذاتها :)

شكرا عبدالرحمن :)

اخي السناني

سلمت يمينك على النقل الممتاز

والله يرحم بندر بن سرور قصيدة عصماء

وعلى فكرة تراها تحتوي على عملية حسابية الناتج صفر قرأت تحليلها مرة في إحدى المجلات الشعبية لاكن والله ناسيها وأنا من ناحية الرياضيات صفر مكعب

وتقبل تحياتي

مشكور يا عبد الرحمن


ورحم الله بندر بن سرور

رحم الله الشااعر الكبير والحكيم بندر بن سرور


ولك أخي عبد الرحمن كل تقدير

على هذا النقل المتميز


تقبل إحترامي

رحمك الله يابن سرور رحمةً واسعة

وصح لسانك حيً ام ميتً

عبدالرحمن الغنامي

لاهنت يالقرم وتسلم على النقل الجميل والاختيار الموفق

تقبل فائق ودي وتقديري

بارك الله فيك يا الغااالي على ما نقلته لنا من جزل القصيد
والشاعر بندر بن سرور الله يرحمة مدرسة شعرية منفردة



لا هنت والله على ذا النادرة اللي تمتعت بقراءتها



كل التقدير لك اخيك





العجمـ بــدر ـي...@@

بندر بن سرور

شاعر يمثّل مرحلة مهمة
من مراحل تطور الشعر الشعبي

تجد في شعره
التعبد لله سبحانه وتعالى
والتغني بمكارم الأخلاق
ومدح الأكفاء
وهجاء غيرهم
وأجمل الغزل
وما لم يذكر هنا
وما قد لا يخطر لك ببال

بندر بن سرور

شاعر لم يتكرر
وأعتقد أنه
لن يتكرر أيضا

فقد عاصر احداث كثيرة مختلفة متفاوتة
ندر أن يتسنى لشخص واحد معاصرتها
بل من الصعب أن يعاصرها جيل كامل
فكبف إذا عاصرها شخص واحد
وكان هذا الشخص شاعر
ومن قبيلة عريقة أنجبت رجالاً
يعدون من خيرة الفرسان والشعراء
وهم كذلك

.
.
.

أشكرك أخي عبدالرحمن على نقل هذه القصيدة
لشاعرنا القدير الكبير/ بندر بن سرور القسامي العتيبي
داعياً الله أن يتغمده بواسع رحمته
ومتمنياً لك التوفيق



أخوك
فيصل