صورتين .. أتحدّى أي واحد يطلّع الفرق بينهم .!
على هونكم يالربع :)
هذا الرابط وحاولوا بقدر المستطاع اظهار (( الفرق )) وتراه سهل .. http://members.home.nl/saen/Special/zoeken.html سلاام |
احم
احم عرفت الفرق يابو صالح سهله.. مابيلهااا بس صرااحه ماايعرف الفرق الا الذكي.........!! لاتعودهااا معدي |
الله لايضيق علينا صوره وامتدادها html ؟؟
وإلا الصوره على احدى صفحات الويب؟ <--- يحاول يرقع تبي الصدز يا ابو صالح .. والله ان ودي اتسلقط على هالصور اللي تقول لكن خالد الذيابي الله يذكره بالخير .. قد توبني من روابط الديوانيات الديوانيه = العام بالمرقاب مع انها في اغلب المواقع اسمها الديوانيه إلا هنا في المرقاب اسمه العام!! العام وهو ما احد يشوفه الا المسموح لهم فقط .. وين هو عامٍ معه :)؟؟ ماعلينا .. نرجع لموضوع الصوره اقووووووول ياطويل البقا والسلامه .. عندي سؤال يسدح نفسه بكل جراءه ومن زود جراءته منسح ماعليه إلا شورت وفنيله علاقيه http://montada.mergab.com/images/icons/a16.gif<-- اهب ياهالسؤال المتحرر بما انك تقول طلعوا الفرق بين الصورتين .. وحاطٍ لهن رابط .. ورى ماقصرت عنوتنا واستخدمت كود الصوره اللي في إضافة الموضوع؟؟؟ وخليت صورك اللي تقول يطلعن على صفحة موضوعك؟ انا قد شفت في توقيعك صوره يعني تعرف تضيف صوره .. ماااش الموضوع ماهوب على وجهه :shudder: محمد صاااالح .. احسن لك اعترف وش في الرابط ؟؟ لايكون فيه هذاك اللي يمسك الواحد ومايفكه إلا بكفيل حضوري او كـ حل اخير يمصع فيش الكمبيوتر ؟؟ هذا وانت مشرف ومن وجهاء المرقاب وتعتبر مثال وقدوه للاعضاء وتسووي هالحركات ؟ <-- احرج ابو صالح لا لا مايصير هالكلام يا ابو صالح .. الواجب انك تكون اول واحد يرفض هالاشياء <-- نشب لـ ابو صالح انت شاب ولك طموح والمستقبل امامك فاتحٍ ذراعيه <-- وهذي وش دخلها فالموضوع؟ مدري بس طرت علي وقلتها :) <---- مسك خط البجاده بالسوالف .. ماهوب موقف غير في محطة ابو دخن سلااام ياريس ... عساني ماحست الموضوع؟ http://montada.mergab.com/images/icons/a16.gif |
^
^ ^ اهــب الله يقحطك ياهالسريالي :) >>> ماهوب يعرف الا هالتسلامه .. المهم يامحمد هاذي تراها دزد مرّت عليّ وروعنا بها عبدالعزيز الغنامي الله يذكره بالخار <<< وّده يقول قديمه ومستحي :) مار تباني اعلمك بالفرق يابعدي ؟ الفرق هو ان المهبول اللي يتسرتسر فـ آخر لقطه ماله يمنى > يد يمين مقصور ذراع الله يقصر اجله :( لكن بصراحه عكاشه مجرررررررررررررررررررررم >>> هاوش يطلب هالمسلم .. سلام علااااكم |
اهيب يا وجهه
ابو صالح الله يرضى عليك .. انتبه ترى فيه في المنتدى شيبان يمكن يصير لهم شي وفيه صغار يمكن يصير لهم شي بعد !! لا عاد تروعهم :) |
عكاشه :
الديوانيه = العام بالمرقاب مع انها في اغلب المواقع اسمها الديوانيه إلا هنا في المرقاب اسمه العام!! العام وهو ما احد يشوفه الا المسموح لهم فقط .. وين هو عامٍ معه ؟؟ !! يااااااذكي عام .. مواضيعه عامه يعني اللي يطري عليك قله .. يعني تخيّل ان كل من يطري عليه شي يجي ويقوله هنا كان زاد الما على الطحين ... لكن والله انك مجرم على قولة عبد ربه |
معدي المرقاب ههههههههههههه
ماشاءالله عليك رد ذكي جداً , خليّت اللي وراك يطبّح شاكرلك مرورك |
عكاشه هههههههههههه
والله مدري أنت شفت الصوره ولا ماشفتها بس لسان حالك يقول ( شفتها ) وسلكت الطريق الآمن وجنبّت طريق ( الباضتين ) , وعلى طاري النصيحه يقول المثل اللي ( تلدغه حيّه يرتاع من الحبل ) هههههههه وأنت يمكن ماشفتها بس لازمٍ المثل بحذافيره :) وعلى طاري ( المستقبل ) ماحطّوه شبكات اتصال جديده غرب دياركم ( من غادي ) :) <<< تدربا مع السواليييييييف عاشت الديوانيه ياعكاشه وكل عام وأنت بخير |
أبو عتيق
أجل قديمه ( دقّة محيسن ) <<< وشجاب لجاب هههههههه لاهنت على مرورك وتعليقك اللي ( يضحتس ) يقولون جمع دكّان : دكاتسين , وجمع سكيّن : سكاتسين هو صحيح ولاّ في ذمّة اللي يقوله هههههه تحياتي ., |
مبارك ههههههههههه
أنت هبيّته الظاهر انّك شايب بس تدري ماكان ودّي تطبّح :) سلام |
اقتباس:
يعني على مسؤليتك كل مايطري علي اقوله ؟؟ ارتكي على جبل ؟ <-- يحاول يصير ذكي مثلكم وما قدر http://montada.mergab.com/images/icons/icon24.gif ======================================= ابا صالح اقتباس:
^ ^ ^ عنده كاشف :) اقتباس:
اقتباس:
اقتباس:
مانتب عاقل يا سيبويه اضحك الله سنك يا ابو صالح .. وروحك المرحه هذي مصدرها ثقتك بنفسك .. وعساك بزود وعلى العز والنوماس دائماً سلااام ياريس |
اقتباس:
الشدّه هذي لها سالفه مع مدرّس النحو في ثانويه نجد اللي لايذكرها الا بالخير أسعدني حضورك يبو العكش وروحك المرحه بس والله من ناحيتي ماأضمن الموضوع يمكّن يجرّون الموضوع مع اذانيه ولاتقول ماقلت :) سلام ياسيدي |
سيف .... لبى ذكائك انا ..
بعدين فيه مثل يقول طال عمرك .. كل يرتكي على زنده .. طرّاه ابو زنده كم نتيجة الهلال والاهلي ؟!!! |
تطبّح ؟؟!!
تكفا يا محمد وش معناها ذي ؟!!! ودير بالك .. ترى تفسيرك بيبيّن من الشايب انا والا انت ؟ |
^
^ ^ هههههههههههه طبّح : أي وقع وقوعاً سريعاً <<< يعننّي ماني بشايب هههههههه مبارك .... أبخلّي تفسير ( يطبّح ) لبو عتيق ولوانّي شاك انّك تعرفها :) |
ثانوية نــجــد :shudder:
الدخل المحدود؟؟ ول ول يا ابو صالح .. انت غطيت على ابن بطوطه مافيه مكان ماتعرفه وإن سحبوه باذانه والا بكراعه يفداك يا ابو صالح عسى الخساير في موضوع وماشابهه اهم شيء الاخلاق :) ------ --- -- - [align=center] اقتباس:
هالحين ازهلها وان طحت لاتبكيني .. بالنسبه للمباراة والله مدري انا مانيب كورجي<-- يعني مانيب راعي كوره http://www.okashah.com/burning/image...s/smilie-2.gif[/align] |
اشوا اني قريت الردود اول
:) خيرها بغيرها يبو صالح :) .. |
عكاشه / ابن بطوطه هههههههه الله يرجك
__________ ابوجارالله ........ عزالله ... جويّد .. خابر الدعوه فيها انّه :) بس زين ماطبّحت ( لحكمة اقليميه في نفس محمد ) تحيتي ., |
يالمجرم بغى يجيني تخلف عقلي بسبتك وأنا مابعد خذيت الشهاده
لاوبعد من زين الوجه السماعات تلعلع في البيت وأزيدك من الشعر بيت فتحت الصفحه وهوجست وأخلفتني بذا اللي يصايح بغيت تمرجنا ياخوي |
^
^ ^ ههههههههههههههههههههههههه شهادة عليا وتخلف عقلي هههههههه طيب آسفين ليالي البدر ماتوقعت القوارير يطبّحن هههههههه سلام |
| جميع الأوقات بتوقيت GMT +3. الساعة الآن 10:58 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية