صلوا على النبي
 

السلام عليكم


انا قد لي كم يوم وانا اسأل اي واحد اقابله في امور دينيه وتاريخيه بسيطه جدا
.. لكن للاسف (( ام قبي )) محدٍ يدري وش الطبخه ....


الاسئله .. وابي اجابات سريعه بدون بحث وبدون نشده .... (( ترى الدعوى بالذمه )) :) بنحلّف اللي يجاوب منين جاب معلوماته :)




اولا .. من العشره المبشرين بالجنه غير الخلفاء الراشدين نبي سته بس ..


ثانيا ... كم عدد اركان الصلاه و كم عدد شروطها وكم عدد واجباتها ..

ثالثا ,,, من الصحابي الجليل اللي اهتز العرش لوفاته ؟


رابعا .... من الصحابي الجليل الوحيد اللذي صلا اماما وكان الرسول عليه الصلاة والسلام

ماموما؟؟ وتراه من العشره المبشرين .. ومن السته اللي حنا نبي بعد :)


خامسا .... من الصحابي الجليل اللذي عمل مأدبة العشاء اللتي كانت منها معجزة الرسول عليه الصلاة والسلام باطعام جيش المسلمين الالف من صحابته واهل المدينه كاااافه والطعام كان مجرد عناق و شعير يكفي 3 او 4 اشخاص فقط ..؟


والله اني حاولت اوصلها 10 لكن هذا اللي طلع معي عموما ان استجد شي الحقته :)



وسلامتكم

اللهم اصلي على محمد وعلى آله وسلم




اول شي (ولاتعبت) ؟ ثاني شي بيض الله وجهك على هذا الموضوع القيّم ، ثالث شي باخذ لي مع هالاسئله وقفه ومحراف ....... وراجع ان شاءالله :)




تحياتي العنابيه ،

هلابك يامبارك

وبالنسبه للأسئله أجاوب على اللي أعرفه ومتاكد منّه :

العشره المبشرين بالجنه غير الخلفاء الراشدين :

1 ) سعد بن أبي وقّاص
2 ) أبوعبيد الجراح
3 ) زبير بن العوام
4 ) عبدالله ابن مسعود
5 ) طلحه بن عبيدالله
6 ) عبدالله بن رواحه .

رضوان الله عليهم
واللي اهتزله عرش الرحمن هو الصحابي الجليل ( سعد بن معاذ ) رضي الله عنه .

والصحابي اللي صلّى اماما على وقت الرسول صلى الله عليه وسلمّ هو الصحابي الجليل ( ابوبكر رضي الله عنه)

وكان على وقت مرض النبي صلى الله عليه وسلم وقبل وفاته بأيام قليله .

هذا والله اللي متأكد منّه وبدون نشده .

المصدر : السيرة النبويه للدكتور الشيخ / طارق السويدان

أما الصلاه وأركانها وشروطها وواجباتها فأترك المجال للي بعدي يفصّل فيها ..

مع عاطر التحايا والتقدير .,

خالد ولا ندمت :) وانا داري انك بتروح عجل :)



محمد لا هنت وبيّض الله وجهك


لكن

السته جبت منهم4 وابو بكر كان امام الجماعه والرسول عليه الصلاة والسلام يصلي عند باب بيته وهو الامام على ابو بكر وباقي الجماعه .. فيه صحابي ثاني تأخر الرسول في احد الغزوات وتقدم بالجماعه امام وجا النبي صلى الله عليه وسلم وصلى مع الجماعه

وسعد بن معاذ .. احسنت هو ايأه

(عجل) بفتح العين رجاءً لبا عينك ههههههههههههههه

يا دافع البلا ..

سعيد بن زيد و عبدالرحمن بن عوف يا محمد

وسعد بن معاذ صح


واللي صلى عبدالرحمن بن عوف


ومعزب الضيفان .. جابر بن عبدالله

شروط الصلاه 9

واركانها 14

وواجباتها 8


والله يستر علينا وعليكم

خالد اي ابالله عَجِل

صح يامبارك

سعيد بن زيد وعبدالرحمن بن عوف :)

لأني مشكك في أبوعبيد الجراح وابن رواحه

وجابر بن عبدالله يوم الخندق ( الاحزاب ) صدقت

لاهنت

واسمحلنا على القصور

:)

ابو عبدالله ..
لو انك اصبرت شوي
كان علمتك بالاجوبه :)
<--- وتوك جاي يوم حلها الرجال ؟



المهم :
زد على العشره المبشرين بالجنه ( عكاشه ابن محصن ) <--- ( وعسى الله يجعل عكاشه وابن حصين من اهل الجنه ) وحنّـا والمسلمين اجميعن .. :)

تحياتي لك يابو عبدالله ولا تخلينا من المواضيع اللي مثل ذي

محمد ابو عبيده منهم :) لكن قل ابن رواحه وابن مسعود مع انهم من كبار الصحابه

وان شاء الله انا نحسبهم انهم من اهل الجنه لكن ماهم من العشره


غاااااالب وين الله يرضى عليك ؟؟


وانت صادق عكاشه من اهل الجنه لكن هذا موضوعه غير جعلني ما ابكيك :)


عموما الربع اللي قلتهم زبني الله لكن اللهم آمين وانت وانا ان شاء الله

واللي يبي يسجل اسمه ولا يهون :)



تحياتي لكم

اقول يامبارك الله يجزاك خير .. اي والله ..:)

عز الله اني كل مادخلت هنا وقريت عنوان موضوعك ارتحت نفسياً وعصبياً ومادياً ..:)

وصلييت على رسول الله اللهم صلي وسلم عليه ..

مرحبا بك يا سلطان


التسجيل سجلناك في اللسته والله يقبلنا ان شاء الله :)


اما الراحه هذا دليل مادي ومعنوي ان شاء الله انك من اهل الخير