مخصوص الحامد البراق
استلم ياحامد البراق الامل فيك كبير
الاياحامد البراق لاينحل عقد الماس ...............................ليامن الفصوص اتنثرت من عاد يجمعها اشوف المتن طاح ولابقا الايقتفيه الراس ...............................واناخوفي تسير القافله والناس تتبعها |
استلم يا سعود لا هنت
ياطيب السالفه لا جات من رجلٍ قوي الباس ,,,,,,,,,,,,,,,,,,, وان اعطوه النشاما سالفتهم مايضيعها توقع لا تزيد الصوت يا اللي تقرع الاجراس ,,,,,,,,,,,,,,,,,,, ترا الشجره على مغراسها محدٍ بقالعها |
الله الله يا حامد
انا مدري لكن اقول صك الباب بالترباس ...........................وانا ماعاد اميّز فالعرب واعرف طبايعها ليا من البحر هاج وتزفّر يتعب الغطاس ............................عساها ماتضيع من الذمم بكره ودايعها |
استلم يا سعود واسف عاى التاخير
تبا تصف العدود الصافيه لو حاسها الحواس ,,,,,,,,,,,,,,,,,, وخل اهل المنام بنومها و لا تروعها اليا من البحر هاج وتزفر فالسفينه ناس ,,,,,,,,,,,,,,,,,,,, توصلها الامان وكل سلعه عند بايعها |
نقض
فتل سعود حامد وجهان لعملة صعبه واصلا |
ناصر النفيعي
متابعتك لنا شرف كبير تعلم ان حامدبحر لكن الله يعين استلم ياحامد انا لولا الاْمل ماقلت عجّل قوم ياجساس .......................وانا خابرك فاهم فالحقوق وفي شرايعها تقوله بعد ماحطيت صاف البن فالمحماس ........................والا يالعسكري بعض القسايم لاتوزّعها |
اخوي سعود اسف جدا على التاخير
واستلم لا هنت اقوله وانت ما تدري وش اللي دق من هوجاس ,,,,,,,,,,,,,,,,,, مدام اهل المزارع غائيبه محدٍ بزارعها انا ما ودي اخلط يا سعود الكهربه بالماس ,,,,,,,,,,,,,,,,, لكن ذوق الحلوه والمراره لا تجرعها |
ماحصل قصور ياحامد
ياسلام لكن ذوق الحلاوه والمراره لاتجرّعها استلم ياحامد لابد ان الخبر ياصل عميلك وارسل العساس ......................مادام انّك وكيل الورث فكّر في توابعها انا مدري لكن المشكله اني بعد حساس ......................انا شفت المنازل خاليه واخلو شوارعها |
الإبداع والقوة والجزالة
هنا بين سعود وحامد واصلوا مشتاقين للمزيد من إبداعكم |
سعود : ـ
أنا مدري لكن المشلة إني بعد حساس ** أنا شفت المنازل خالية واخلو شوارعها إن كان المعنى هو الذي خطر ببالي فأنت ( منت بسهل ) يا سعود .. عمومًا حتى ولو لم يكن ما خطر ببالي فأنت شاعر !! يالله يا حامد علّمه وش سبب خلو المنازل والشوارع ؟ ! |
فارس العصيمي
هلابك متابعتك لنا هي الحافز لنا لتقديم الافضل كلي شكر على اطرائك لنا ومرورك مفخره |
عائش السفياني
كنت اضنك بعيد المسافه عني واذ انت بجنبي مرورك يااستاذ مفخره لنا واعجابك هو الحافز وهو ما يخلق لنا الابداع انا سهل لكن حامد صعب جينا هنا لنتعلم تقبل شكري وتحياتي ولنا لقا |
عائش السفياني
فارس العصيمي مشاركتكما شرف وعطرتما المكان بوجودكما استلم يا سعود واسف على التا خير صواريف الحياة اتحول يا رجال بين الناس ,,,,,,,,,,,,,,,,,, لكنك لا لقيت المايله فالدرب سنعها اقول ان السبب يا صاحبي عباس بن فرناس ,,,,,,,,,,,,,,,,,, يسويها لكنه بعد خمس ايام يصرعها |
استلم ياحامد
صواريف الحياه تحل حط الحبر فالقرطاس ........................وفلّ المشكله قبل العرب تخلف روابعها انا خبره على ستين وجه ولاعليه اقياس .........................لايمنه غرسها قبل لاتثمر يقطّعها |
استلم استلم لاهنت
سعود.. سعود بلغ لي رفقيك يلعن الخناس ,,,,,,,,,,,,,,,,,,,,, قبل لا تكبر الهوشه وتحلق راس فارعها ليا منا بنينا البيت جودنا البنا والساس ,,,,,,,,,,,,,,,,,,,, لكن لا يعترض لخيولنا لا صفت اربعها |
حامد
استلم رفيقي لاعدلته بالعلوم الطيبه ينحاس .........................وانا أظنه اخذ في نفسه المقلب وطاوعها سمع له كلمة فيها خطأ مير الخطأ ينداس ....................... وانا خوفي تذيع به الجرايد في مطابعها |
اقول ان السبب يا صاحبي عباس بن فرناس
,,,,,,,,,,,,,,,,,, يسويها لكنه بعد خمس ايام يصرعها طيب طيب يابو سعود |
اخوي ناصر مرورك شرف
اخوي مسعود بيض الله وجهك على هذا القاف الطيب اقبل عذر القل اتنمى ان نستمتع معك بقاف اخر لنتعلم منك يا استاذي وعلى الشعر نلتقي |
| جميع الأوقات بتوقيت GMT +3. الساعة الآن 12:03 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية