ياسلام الله عليكم
مساكم الله بالخير
اخوي مطر استلم لاهنت ياسلام الله عليكم عد ماتبدى الاهله :::::::::::: يارجال الطيب واهل المعرفه واهل المعاني جيت في حروة مطر واتعبت نفسي حشمتله ::::::::::::: دوره يالدعوجي وافزع ودور ياوذناني |
مرحبا ترحيبة تمشي على مذهب ومله
.........................توفي حقوق الرجال ولا يغيرها الزماني جيت فى حروة مطر واقلط على فنجال دله .........................واشرب الفنجال من يمناي هيل وزعفراني |
جيت ادور لي ذهيبٍ راح للشيخ بسجله
::::::::::::::: والوعود اثنين لو واحد حصل منها كفاني علم المعني بعلمي يابيض الشارب وقله :::::::::::::: قله ان العشر تحسب عشر ماتحسب ثماني |
واصلوا الله يعطيكم العافيه
شعار على مستوى كبير تراني في الصف الليل الليل ياسلام عليكم ياسلام لكم تحياتي |
العزيز/ ضاوي العصيمي
كلي امل فى قبول اعتذاري لك عن هذا التاخير الغير مقصود.....لارتباطاتات عمليه. وانت خير من يقدر ذلك. العزيز/ الدعوجي...........مشكور على تواجدك......وتشجيعك استلم....ياضاوي الذهيب اللي تدورله ليا عناك خله ..................والوعود الاوله راحت وجالك وعد ثاني من معه سيف حدب للقوم ياضاوي يسله ..................كل واحد تنظر عيونه ويوحي بالاذاني |
ياسلام عليكم يامطر الروقي وضاوي العصيمي
محاوره نلتمس فيها المعاني القويه واللتي نسفيد منها كملوا وحنا متابعينكم وماسكين صفكم |
العزيز الدعوجي مرحبابك و شكرا على المتابعه
العزيز سعد السكران هلابك وشكرا على المتابعه العزيز مطر مايلحقني شك فيك طال عمرك واستلم صدت الادنى الامن صد عني فدوتله ::::::::::::::::::::: ماتقلل قيمتي واليا تعب يمي لقاني والحدب حده حديد اليا حضر وقته وحله ::::::::::::::::: اقطع اليمنى ليا مانفذت كلمة لساني |
العزيز/ سعد السكران.........حياك الله.....ومشكور لمتابعتك
الوافي/ ضاوي...........استلم لاعدمتك كل عاقل له بصيره مايزيد الطين بله ......................لد عينك ياطويل العمر لسهيل اليماني ماحدن يرضى المهونه يالعصيمي والمذله ....................ياكثر قومن تمنى انه يثور الجبخاني |
الله الله
استلم يامطر لاعدمتك المثل ياطيب الجدين من ضيع يدله ::::::::::: كرمة عقيل ال لحاها بالزمان القلباني بينه متعينه معاد به ليت ولعله ::::::::::::: ولايضيّع ماقفه وقت القسى غير الهداني |
مد يمناك الكريمه لاتتبع كل خله
............................مايميل مع الهبوب الا غصون الخيزراني يالعصيمي حضر شهودك وهات لنا الادله ............................ولا تروح بعيد قاضينا ابن ثعلي فى المحاني |
استلم يامطر
والله اني ما تبع الخلات يابن روق لله :::::::::::::::::::::: ولاندور للهرايا مانبي غير السماني وانت تدري بالخبر ياصاحبي دقه وجله ::::::::::::: وان جحدت الحق شمت وعفتها والعمر فاني |
اخي القدير/ ضاوي العصيمي
اعتذر لك عن اتاخير................واعتقد ان القاف اخذ حقه من الوقت رغم ان ماحصل من تقصير.........منى. دام ابداعك..............ويسعدني مجاراتك دائما..................تحياتي لك. |
| جميع الأوقات بتوقيت GMT +3. الساعة الآن 10:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية