ناوي تواسي وزدت الطين بله
[frame="7 80"]الهجوس البارحه كانت بخيلـه
ابخل مْن الهم فـي بـال المدّلـه! والا وادِ الشعر دوبه سال سيله قبل ما غيمه علـى روحـي يهلـه والقصيد لشاعرٍ حزنه حصيله كان غيّب علـة ٍ مـن فـوق علـه والهزيل من القصايد والجزيله ماتمل مـن الغـزل دقـه وجلـه! وكم قصيد ٍ فالدجـا شـب الفتيلـه وكم قصيد ٍ مظلـم ٍ مافيـه اهلّـه! والقصيد يقـارب اليـاس وعويلـه والا بعض احيان يفرحني مااملـه كل ماهبت علـى ضلـوع ٍ نحيلـه قلت ذرّاني وانـا دايـم ذرن الـه! والغريب اللي مشى سكـة طويلـه ماقدر يبـرد مـن الابيـات غلـه من هذاك اليوم صمته هـد حيلـه وكل ساعه يْعقـد الحبـل ويحلـه وش بدالي من غـلاك وسلسبيلـه وش خذيت القلب يسأل وانت قلـه! قله احبك .. تـرى ماهـي قليلـه هـاذي الكلمـه تبـدد كـل خِلـه وانت تشبه بعض الاشيا المستحيله وبعض مااتحقق من الآشيا المملـه وانت ماتسوى وطن تسـوى قبيلـه ميـر حـل اللغـز والا لا تحلـه وعطرك اللي فاح بالـي يرتخيلـه مثل ضحكه بارده في فـمّ موّلـه ! الشمالـي لـو عقالـه فـي ميلـه ولوّ خفوقه بيد ..عطـرك يستحلـه عاد والوصف الندي كيف استخيلـه فيك والاعنك ..تدري!..هاه؟..خله! القمر مايشبهـك فـي كـل ليلـه ليه اجل ماينـزل وتجلـس محلـه! الفجْـر لاسيّلـت ورْقْـه هديـلـه ايتنفس بك "نـدى" ويجـف "طلـه" كم تبرى الورد من حضن الخميلـه وارتمى في يديك يشمومـه وفلـه وانت عينك موت عاجز لاانحنيلـه حتى رمشك سيف ..لكـن لاتسلـه! كل ليله شفت وجهك.. بالف ليلـه وكل حاجـه فيـك دولـه مستقلـه وصوتك اللي يطعن الصمت ويطيله واصل حد الغمـوض ولا وصلـه! وقاتل ٍ يمشي ورى جنـازة قتيلـه وساحر ٍ ويّتـوه السمـع ويدلـه! * * * واتذكـر والدمـوع آخـر وسيلـه كنت مقفي كن فـي مشيتـك ذِلـه في عيونك شفت لي بسمـه قتيلـه ناوي تواسي .. وزدت الطين بلـه! ودعك وجهي وكان الشوف "زيلـه" ولااذكر من الزول زولك غير ظله! اقفت احلامي معك..ياهي جميلـه واقبلت سود العذابـات وعلـى الله والزمـن متنيّـل بستـيـن نيـلـه والغرام اصبح بلامذهـب وملـه!! والهوى حكمه كـذا مافيـه حيلـه يصرد عظامك وقلبك تحـت ملـه كم حبيـب يغيـب مانلقـى بديلـه وكم حبيب يفطن لمن لا فطن لـه! وكل من يعبر ماهوْ عابـر سبيلـه وكل من يرجع ماهوْ راجع لدلـه! ذاك غـاب وضيـع بدربـه دليلـه وذاك راجع مالقى حتى وطن لـه وهذا قاسي مامسح دمعـة خليلـه وهذا عوّد يحتضن ويبـوس خلـه اذكر اني قلـت : حبـك مايزيلـه شي من "غيبه", "ندم" .. حبك جبّله ونصف قلبي في يديني جيت اشيله ليه نصف القلب؟..هاك القلب كلـه وانت مااخذتـه وفرقانـا طويلـه وان رجعت وجيت لك وآنا موّلـه: لو تمـد يديـك لضلـوع ٍ نحيلـه مالقيت القلب ينبض فـي محلـه! كل الفرح لكم .. [/frame] |
في عيونك شفت لي بسمـه قتيلـه
ناوي تواسي .. وزدت الطين بلـه! ودعك وجهي وكان الشوف "زيلـه" ولااذكر من الزول زولك غير ظله! اقفت احلامي معك..ياهي جميلـه واقبلت سود العذابـات وعلـى الله والزمـن متنيّـل بستـيـن نيـلـه والغرام اصبح بلامذهـب وملـه!! والهوى حكمه كـذا مافيـه حيلـه يصرد عظامك وقلبك تحـت ملـه الشاعر / بندر بن محيا الله الله الله ياسلاااااام وصح لسانك يابندر تحياتي وتقبلها ومتابعتي وسجلها العضياني ـ ـ . |
بندر بن محيا
صح لسانك ولاهنت قصيده تحمل بين طياتها حب وفراق ومعاني راقيه برقي من خط هذه الكلمات لاهنت |
ونصف قلبي في يديني جيت اشيله
ليه نصف القلب؟..هاك القلب كلـه ياسلااام يابندر والله انك امتعتني بهالرائعه صح لسانك اعجابي ومتابعتي المستمرة ياشيخ لك مني كل التقدير |
صباحات العشق والألق شاااااعرنا الحاضر في الأبداع الغائب عن العين ما أبدع ما اكرمتنا به اليوم نص يستحق الوقوف له فعلاااااااا الشعر معك ياخذنا لابحار اخر صح لسانك وعلا شانك ولاهنت أجمل وارق تحيه |
بندر بن محيا
صح لساااانك ملايين ولاهنت على هذه الفاتنه والجزله تحياتي وتقديري.. |
:
: الله الله يابندر صح لسانك وطاب فكرك مبدع للغايه ولاجديد في ذلك لكن .... وينك ؟؟ سلم لي على روحك ونفسك اخوك : : |
:
: شـاه " بندر " الشعـّـار ان وجد اسمك .. وجد الشعر الفاخر بندر بن محيا انت لا تكتب من ( فراغ ) .. بل تكتب لتملئ ( الفراغ ) الفكري في الذائقه .. بالنسبه لي على الاقل ! لانك وببساطه تعري بنصك كل شئ ( فارغ ) قد مر علي :) يعجبني طرحك وانحيازك لاقناعاتك .. ويعجبني اكثر اني معجب بشعرك :) تحيتي : : ا خ و ك |
ماشاء الله
المبدع الى اقصى درجات الابداع بندر المحيا صح لسااانك ولاهنت حضور فاخر وشاعر يغرد خارج السرب لك ارق التحايا اخوك |
ونصف قلبي في يديني جيت اشيله
ليه نصف القلب؟..هاك القلب كلـه ! ! ! بنــدر بن محيـا .. صح لســانك على القصيـده الفـارهـه .. الابــداع .. و الامتــاع .. كل التقديـر |
الشاعر بندر بن محيا
نص رائع وجزل صح لسانك ودام ابداعك سجل اعجابي ومتابعتي ابوعرب |
بندر المحيا
انت تعرف مااريد قوله اتيت للسلام فقط |
اقتباس:
حللت أهلاً يالعضياني وشكراً ما قلت وماتكرمت به .. وحده الشعر من يجمع القلوب والأرواح والوجوه لممارسة الأخوه والألفه شكراً بقدر عظمة أجدادك |
بندر ..تعلم مدى اعجابي بكل ماتخط
هذه مختلفه ورائعة والهوى حكمه كـذا مافيـه حيلـه يصرد عظامك وقلبك تحـت ملـه يصرد...كم هو رائع استخدام هذه المفردة هنا تقبل ودي |
نص يستحق وقفة تقدير .. وإعجاااب
وشااعر يستحق كل التقدير وكل الاحترام سأعود .. فيما بعد لهذه الفارهه .. بعد أن قرأتها مرتين .. لإقرأها مره ومره بنــدر .. لك عظيم التقدير وكل الود |
ونصف قلبي في يديني جيت اشيله
ليه نصف القلب؟..هاك القلب كلـه لله درّك يا بندر بن محيا مبدع أعجابي وسلامي لقلبك اخوك : مشخص / :) |
الراقيه ميثاء
كان ردك جميل وحضورك أجمل لك ِ شكر بحجم الأرض .. ودمتي بهذا الرقيّ والنقاء |
الله الله
قلمك عذب كحضورك صح لسااااااااااانك ولاهنت جميل وقع هذه الابيات في النفس لاعدمناك تحياتي كتبت فأبدعت نص متميز صح الله لسانك حيّ القصيد اللّي يستحق المرور والرّدود والوقوف احتراماً لشاعر قصيدة ما عليها كلام والشهادة مجروحة لله درّك والله لا يضرّك وصح الله السانك ، ولاهنت يا اخوي / بندر اخوك: وليد العمودي |
ارحب يابومحيا
بارك الله في المرقاب اللي جمعنا بشعرك الرائع اذكر اني قلـت : حبـك مايزيلـه شي من "غيبه", "ندم" .. حبك جبّله ونصف قلبي في يديني جيت اشيله ليه نصف القلب؟..هاك القلب كلـه وانت مااخذتـه وفرقانـا طويلـه وان رجعت وجيت لك وآنا موّلـه: لو تمـد يديـك لضلـوع ٍ نحيلـه مالقيت القلب ينبض فـي محلـه! لله درك يابومحيا وانت تعرف رأيي فيك من زماااان كل الحب والتقدير لك |
مشعان البراق ..
مرورك كان كالبهاء أو أبهـى .. دمت في ركن قصيّ فالقلب والذاكـرة والف شكر لحضورك الغالي هنـا.. |
الشاعر / بندر بن محيا
الله الله الله ياسلاااااام وصح لسانك يابندر تحياتي |
فهد الصعـاق
حضورك خمائل ياسمين وقوافل مطر .. شكراً وصح بدنك ولاهنت وانا اخوك ..دمت نبيلاً |
| جميع الأوقات بتوقيت GMT +3. الساعة الآن 07:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية