قبل ان تفقد جوالك
قبل ان تفقد جوالك هذه مهمه جداً لجميع اصحاب الجولات احفظ الرقم التسلسلي للجهاز فيمكنك في حالة سرقة جوالك الاتصال على شركة الاتصالات وإعطائهم الرقم التسلسلي للجهاز بحيث يوضع هذا الرقم في القائمة السوداء لدى الاتصالات ومهما وضع السارق من شرايح في الجهاز فلن يعمل لان رقم الجهاز اصبح في .. الباي باي لاتستهينوا بالرقم سجلوه في ورقه علشان تحرقوا دم السارق **************************************** اليكــم الطريقـــة إذا أردت أن تعرف الرقم التسلسلي الخاص بجهازك اضغط على الارقام التالية نجمة * ثم مربع # ثم صفر ثم 6 ثم أضغط مربع مرة أخرى # سيظهر لك رقم مكون من 15 خانة على شاشة الجهاز هذا هو الرقم التسلسلي .. سجله في مكان آمن وفي حالة سرقة جهازك ، تتصل على شركة الاتصالات وتعطيهم الرقم التسلسلي فيتمكنوا من اقفال جهازك بالكامل وبالتالي حتى لو حاول السارق تغيير الشريحة فالهاتف لن يعمل معه ... وكذلك ستجد الرقم التسلسلي علي علبه جهازك الجوال عند شرائك ومن خلال هذا الرقم التسلسلي يمكنهم تتبع مكالمات السارق (( ويكفشووووووونه )) وبكل بساطه تحرق دمه .... مثل ماحرق دمك .. شوق |
بيض الله وجهك ياشوق
فعلاً هذي طريقة ناجحة وتم الاستفادة واثبتو جدارتها . والله يحفظنا ويحفظ جوالاتنا والارقام اللي فيها :) دمت بسعادة |
مساء الخير شوووق
فعلا هالطريقه صحيحه وانا جربتها يوم سرقت خدامة جيرانا موبايلي وماستفادات منه رجعت تحياتي |
شكرا لك ياشوق
بس عسى ماتعبتي .. قبل حوالي سنه سمعنا بهالعلم وفي هذا المندى وفي هذا القسم وانا اقول قابلوني إذا شركة الاتصالات عطتكم وجه :( والله ماحولك احد ، بعدين الرقم هذا للشركه المصنّعه ، وش دخل الاتصالات <<-- جاااك البدوي v v v احراج بطريقه غير مباشره هههههه http://www.montada.mergab.com/showthread.php?t=13033 |
هلا وغلا بكل من مر علي هذي الصفحه
اخوي عبد ربه انا الطريقه الوحيده اللي متاكده منها ومجربتها هي الطريقه الثانيه لما انسرق تلفوني وكانت طريقه ناجحه بكشف السارق لكم جزيل الشكر علي المرور .. شوق |
احم احم
السلام عليكم ما اكذّب كلامك ياشوق لكن انا اتكلم عن تجربة.. :) لو ان الاتصالات مفعّلين الخدمة كان ما لقيتي تلفونات تنسرق ... عن نفسي سمعت بـ السالفة هذي من زماااان .. وكل ماشريت جهاز حفظت الرقم.. ومن الله على هالحرص انا اكثر وحدة ينسرق تلفونها :) الله من مرة دقيت فيها على الاتصالات وكسحوني انا والورقة اللي حاطة فيها الرقم التسلسلي teeth: مايرجعون التلفون الا في حالة ان المسروق يتقدم ببلاغ للمخفر وهم عن طريق مدري شنو يلقطون رقم اللي سارقه .. وهذي تصير في 1% من الحالات .. :) يعني لا انسرق تلفونك بدال لاتضيعين وقتك وتدورين الرقم وتدقين عليهم وتحاولين وتحاولين .. سوي قطية واشتري جهاز تعبّري فيه لين الله يفرجها :rolleyes: وسلامتكم |
قفلتها البندري ههههههههه
|
| جميع الأوقات بتوقيت GMT +3. الساعة الآن 09:32 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية